Matthew 18
18
Maeoka mai kileaki oharo
1La hoa kilea haela Iesu ve oki auvahaeape kai arero velavela leipe maria, Kaia ve basileia ve oropa haela leita ha?
Haela ae ka hereavalue
2Iesu akore hekai ra itavape kai ereve aru hihi havahu aepape. 3Are mari maeaeape, O iele ara ero maeaeaive, E va iki helarivahaeaki aue ra leikilava, akoremari titaeka hovea leivahaeakive, e va kaia ve basileia ure ve arahava va ka. 4Ma akore hekai hovea maraha ra leiki la haela, are va kaia ve basileia ureve oropa haela.
5Mari akore hekai arave rare ve auhohi ra morapaeaki la haela, are araro kara auhohi ra morapaeakive. 6Maria, arave rare kekelavila akore hekai hararuaki la haela, veveke, wheat haipekeavaki la have areve karave heropi, arero ahea ma hihi ve avavu havahu paraeaki, ma ihaukive.
7Oea, ehovea meahaiapo ve hararuaki eharu oaria kihoreavarula hiki. Ehovea hararuaki eharu leiki la haela heaha koarakilai. 8Ehoveala, ave mai aka loa aro ra hararuakilava, erero koerapai, aikilapa. Ave veveke perehekai maria loa ukai aka mai ukai karia ila ovokake ve basileia araeakive — aka mai ukai ukai loa ukai ukai ila, ere gehena ve laria hiki hahavila la a ureve aro ra paraeaki ave. 9Ave ovohae ukai aro ra hararuakilava, haoavi, aukapa, a ve veveke perehekai maria, ovohae mai ukai hiki ila Ovokake ve basileia ureve araeakive, a va ovohae ukai ukai ila gehena ve laria hiki hahavila la a ureve ere aro ra paraeaki ave.
10Auhohi iapaila, e maria akore hekai haroapo haure lei va arekaea, ehovea ara ero maeaeaive — ereve aneru arave kaia ve Oa ve oropape mehae mehae eavalula. 11Ehovea haela ve Akore ekepe au titavape la haela oaria lei makukurikive.
Au havoavape mamoe ve parabole
12Eve iki leari kelavaro ha? Haela ae mamoe 100 ra aeakilava, haroapo ra havoavakilava, are 99 haitapa va ka ha, kela pekakilai havoavape la mamoe, haropakive ha? 13Are arero ra koarakilava, o iele ara ero maeaeaive, are va maea pelaea ikiveveke eapapo ehovea la mamoe haroapo, auhohi apeape la 99 ve maea pelaea perehekai. 14Lahovea — eve kaia ve Oa mari akore hekai havoavakive ikivere va ka.
Elaro haeae leiki haela ve kileaki okiharo
15Aeva ma — Ave apoheari aro haeae ra leikilava, ealila lahua apeaki la hoa areve haeae hihika kileaki, are ave oharo ra iapakilava, a va apoheari ila apavara veveke leikilai. 16Are ave oharo iapaki aue ra leikilava, haela haroapo aka orahokaila kari auki — laelave la haela uku ereve ape v'ila ave oharo ehoe le leikilai. 17Are ereve oharo ikihairihairi ra leikilava, la oharo ekalesia ra kileaki, are ekalesia ve oharo haure ra leikilava, e va arero ita lahua haela i tax korukaia haela ila hovea ra kekelakive. 18O iele ara ero maeaeaive, E va meahaiapo ve hahaeaki la eharu, kaia akea kara hahaeakilai, e va meahaiapo ve hehelaukaki la eharu, kaia akea kara hehelaukakilai.
Ivaiva hareho herehere leikive
19Ara ero kai maeaeaive, Eve haela orahoka meahaiapo apevelavela leiki eharu aea ve ikikekela haroapo hovea ra leikilava, arave kaia ve Oa ereve la eharu aiarakilai. 20Haela orahoka aka ilehoila ra arave rare v'ila ita haroapo ra korukaiakilava, ara kara ereve aru hihi ve aeakilai.
Mai haeae hapururukaki oharo: Haeae leipe horova haela ve la parabole
21Peter arero kai iki mari maeape, Amua e, ara arave apoheari araro haeae leiki hoa leavaila hapururukakilai ha? Hoa 7 ha? 22Iesu arero maeape, Ara aro maea va ka — hoa 7, aka seventy times seven.
23Laelave kaia ve basileia va maria — amua aea ikivere areve horova haela ve horova hovea heheavakive. 24Are heheava ipopeavape la hoa ere horova haela ae areve oki lai ekepe, la haela ve apekarava 10,000 taleni. 25Ehovea areve kavale leiki moni karia, areve amua arero ilaea leiki maeape, areve uva, akoremari orahokaila, eharu oaria kara, aiai kavale hoveahovea leikive. 26Horova haela areve oropa ve ekaopi arero morapai mari maeape, Oa araro ikihuru hela leila, ara aro oaria hareho kavale leikilai. 27La horova haela ve amua arero ikiheroe leipe, kai arero helauka areve apekarava hapururukape. 28La horova haela havahu mea hoai areve horova haela kake koarape. La haela arero apekarava leipe 300 pence — are arero karave hai mai pai haiharoape kai mari maeape, Ave apekarava kavale elavelave leiki. 29Areve horova haela kake areve oropa ve ekaopi arero here leipe maria, Araro ikihuru hela leiki, ara kavale oaria hareho leikilai. 30Are va au iapaila, aka arero uvi muru paraeape aiai apekarava kavale hareho leikilai. 31Horova haela oaria la mai eavi ikihuru eapapo leivahaeape. Ere amua kai iki ma horova arero hihika la kileape. 32Areve amua arero itavi maria maeape, A va horova haela mai heaha iele — ehovea a araro here leipe, ara ave apekarava hapururukape. 33Ara aro leipe la ikihuru mai a va horova haela kake au leila ha? 34Areve haelapo hihiri lei arero pupu haela ra avarape, aiai are kavale oaria hareho leikilai. 35Lahovea, e va iki ureve ero haeae leilula haela ve haeae ra hapururukaki aue ra leikilava, arave kaia ve Oa ero lari leikilai.
Currently Selected:
Matthew 18: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Matthew 18
18
Maeoka mai kileaki oharo
1La hoa kilea haela Iesu ve oki auvahaeape kai arero velavela leipe maria, Kaia ve basileia ve oropa haela leita ha?
Haela ae ka hereavalue
2Iesu akore hekai ra itavape kai ereve aru hihi havahu aepape. 3Are mari maeaeape, O iele ara ero maeaeaive, E va iki helarivahaeaki aue ra leikilava, akoremari titaeka hovea leivahaeakive, e va kaia ve basileia ure ve arahava va ka. 4Ma akore hekai hovea maraha ra leiki la haela, are va kaia ve basileia ureve oropa haela.
5Mari akore hekai arave rare ve auhohi ra morapaeaki la haela, are araro kara auhohi ra morapaeakive. 6Maria, arave rare kekelavila akore hekai hararuaki la haela, veveke, wheat haipekeavaki la have areve karave heropi, arero ahea ma hihi ve avavu havahu paraeaki, ma ihaukive.
7Oea, ehovea meahaiapo ve hararuaki eharu oaria kihoreavarula hiki. Ehovea hararuaki eharu leiki la haela heaha koarakilai. 8Ehoveala, ave mai aka loa aro ra hararuakilava, erero koerapai, aikilapa. Ave veveke perehekai maria loa ukai aka mai ukai karia ila ovokake ve basileia araeakive — aka mai ukai ukai loa ukai ukai ila, ere gehena ve laria hiki hahavila la a ureve aro ra paraeaki ave. 9Ave ovohae ukai aro ra hararuakilava, haoavi, aukapa, a ve veveke perehekai maria, ovohae mai ukai hiki ila Ovokake ve basileia ureve araeakive, a va ovohae ukai ukai ila gehena ve laria hiki hahavila la a ureve ere aro ra paraeaki ave.
10Auhohi iapaila, e maria akore hekai haroapo haure lei va arekaea, ehovea ara ero maeaeaive — ereve aneru arave kaia ve Oa ve oropape mehae mehae eavalula. 11Ehovea haela ve Akore ekepe au titavape la haela oaria lei makukurikive.
Au havoavape mamoe ve parabole
12Eve iki leari kelavaro ha? Haela ae mamoe 100 ra aeakilava, haroapo ra havoavakilava, are 99 haitapa va ka ha, kela pekakilai havoavape la mamoe, haropakive ha? 13Are arero ra koarakilava, o iele ara ero maeaeaive, are va maea pelaea ikiveveke eapapo ehovea la mamoe haroapo, auhohi apeape la 99 ve maea pelaea perehekai. 14Lahovea — eve kaia ve Oa mari akore hekai havoavakive ikivere va ka.
Elaro haeae leiki haela ve kileaki okiharo
15Aeva ma — Ave apoheari aro haeae ra leikilava, ealila lahua apeaki la hoa areve haeae hihika kileaki, are ave oharo ra iapakilava, a va apoheari ila apavara veveke leikilai. 16Are ave oharo iapaki aue ra leikilava, haela haroapo aka orahokaila kari auki — laelave la haela uku ereve ape v'ila ave oharo ehoe le leikilai. 17Are ereve oharo ikihairihairi ra leikilava, la oharo ekalesia ra kileaki, are ekalesia ve oharo haure ra leikilava, e va arero ita lahua haela i tax korukaia haela ila hovea ra kekelakive. 18O iele ara ero maeaeaive, E va meahaiapo ve hahaeaki la eharu, kaia akea kara hahaeakilai, e va meahaiapo ve hehelaukaki la eharu, kaia akea kara hehelaukakilai.
Ivaiva hareho herehere leikive
19Ara ero kai maeaeaive, Eve haela orahoka meahaiapo apevelavela leiki eharu aea ve ikikekela haroapo hovea ra leikilava, arave kaia ve Oa ereve la eharu aiarakilai. 20Haela orahoka aka ilehoila ra arave rare v'ila ita haroapo ra korukaiakilava, ara kara ereve aru hihi ve aeakilai.
Mai haeae hapururukaki oharo: Haeae leipe horova haela ve la parabole
21Peter arero kai iki mari maeape, Amua e, ara arave apoheari araro haeae leiki hoa leavaila hapururukakilai ha? Hoa 7 ha? 22Iesu arero maeape, Ara aro maea va ka — hoa 7, aka seventy times seven.
23Laelave kaia ve basileia va maria — amua aea ikivere areve horova haela ve horova hovea heheavakive. 24Are heheava ipopeavape la hoa ere horova haela ae areve oki lai ekepe, la haela ve apekarava 10,000 taleni. 25Ehovea areve kavale leiki moni karia, areve amua arero ilaea leiki maeape, areve uva, akoremari orahokaila, eharu oaria kara, aiai kavale hoveahovea leikive. 26Horova haela areve oropa ve ekaopi arero morapai mari maeape, Oa araro ikihuru hela leila, ara aro oaria hareho kavale leikilai. 27La horova haela ve amua arero ikiheroe leipe, kai arero helauka areve apekarava hapururukape. 28La horova haela havahu mea hoai areve horova haela kake koarape. La haela arero apekarava leipe 300 pence — are arero karave hai mai pai haiharoape kai mari maeape, Ave apekarava kavale elavelave leiki. 29Areve horova haela kake areve oropa ve ekaopi arero here leipe maria, Araro ikihuru hela leiki, ara kavale oaria hareho leikilai. 30Are va au iapaila, aka arero uvi muru paraeape aiai apekarava kavale hareho leikilai. 31Horova haela oaria la mai eavi ikihuru eapapo leivahaeape. Ere amua kai iki ma horova arero hihika la kileape. 32Areve amua arero itavi maria maeape, A va horova haela mai heaha iele — ehovea a araro here leipe, ara ave apekarava hapururukape. 33Ara aro leipe la ikihuru mai a va horova haela kake au leila ha? 34Areve haelapo hihiri lei arero pupu haela ra avarape, aiai are kavale oaria hareho leikilai. 35Lahovea, e va iki ureve ero haeae leilula haela ve haeae ra hapururukaki aue ra leikilava, arave kaia ve Oa ero lari leikilai.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972