Matthew 28
28
Iesu api kai uroupe hari
1Sabati hare karia lei mea opaki maea iele, Mary Magdalene kai Mary aea kara kapu ita eavakive auvahaeape. 2Iapaila. Mea puipui eapapo ekepe: ehovea Amua ve aneru kaia ve kihoai okiape la have avarura poe ve aipepe, kai areve akea ve avape. 3Areve oropape kevao hovea, areve pura hauhuka, snow hovea. 4Kiva haela arero oaoka leivahaeai uki hareape, au apihaeai haela hovea. 5Aneru uavila maeaeape, E va oaoka kalailue, ehovea ara va ore e va Iesu, satauro hape la haela, ra haroparo. 6Are maia ka, are va overa ape hovea, le urai. Iki Amua ve la ailapila la ita ra eavaila. 7E kara elavelave auila, areve kilea haela maeaeaki — areva api kai le urai. Iapaila, are va eve oropa Galilee auve; e arero leia eavakilai. Iapai — arave oharo le ara. 8Ere va oaoka lei ikiveveke eapapo ila kapu ita harepai aupe. Ere va harava hukai aupe areve kilea haela la oharo maeaeakive. 9Ere kilea haela maeaeakive aupe la hoa Iesu erero oki koarai mari maeaeape, Evarilae! Ere ai areve loa mai paeape, kai ekaopi arero morapaeape. 10Iesu erero maeaeape, E va oaoka kalaivahaelue. Auila, arave apavara maeaeaki, Ara va Galilee aukilai, ere va araro leia eavakilai.
11Ere aupe hoa, iapaila, kiva haela uku karikara hoahukai ma eharu oaria oharo haela kileape. 12Ere va haela hoaha ila oharo hukavakive korukaiape, kai moni oaria la hevehe haela aiarape. 13Ere mariape, E va mari ari — areve kilea haela oroa iki ela avuku apealula la hoa, arero korea kaivi le avaupe. 14Ma oharo gavana haela la iapakilava, ela arero avakiaue leikilai, e ovokake leivahaeakilai. 15Laelave ere moni avi, erero maeaeape horova lahovea leipe — ka la oharo Jew haela oaria hukavalula ikiki ma hoa kara.
Iesu Galilee kilea haela oropa ve hihika leipe
16Kilea haela eleven Galilee auvahaeai Iesu erero overa maeaeape kela aeva la pekahavape. 17Ere arero eavape hoa ere ekaopi arero morapaeape: Aka uku haela perehekai ikihorahora leivahaeape. 18Iesu iki erero mari maeaeape, Ara va kaia i meahaiapo ila ve aheke oaria aeape. 19Laelave, auila, vila ipipi oaria ra kileaila, kai erero Oa ve rare, Akore ve rare, Ove Veveke ila ve rare ila bapatiso leivahaeakive. 20Ara ero pupu hovea kileavahaeape la eharu oaria erero kileavahaeaila; Iapaila, ara mea oaria e i hareho apeakilai, aiai meahaiapo kari ra leiki la hoa.
Currently Selected:
Matthew 28: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Matthew 28
28
Iesu api kai uroupe hari
1Sabati hare karia lei mea opaki maea iele, Mary Magdalene kai Mary aea kara kapu ita eavakive auvahaeape. 2Iapaila. Mea puipui eapapo ekepe: ehovea Amua ve aneru kaia ve kihoai okiape la have avarura poe ve aipepe, kai areve akea ve avape. 3Areve oropape kevao hovea, areve pura hauhuka, snow hovea. 4Kiva haela arero oaoka leivahaeai uki hareape, au apihaeai haela hovea. 5Aneru uavila maeaeape, E va oaoka kalailue, ehovea ara va ore e va Iesu, satauro hape la haela, ra haroparo. 6Are maia ka, are va overa ape hovea, le urai. Iki Amua ve la ailapila la ita ra eavaila. 7E kara elavelave auila, areve kilea haela maeaeaki — areva api kai le urai. Iapaila, are va eve oropa Galilee auve; e arero leia eavakilai. Iapai — arave oharo le ara. 8Ere va oaoka lei ikiveveke eapapo ila kapu ita harepai aupe. Ere va harava hukai aupe areve kilea haela la oharo maeaeakive. 9Ere kilea haela maeaeakive aupe la hoa Iesu erero oki koarai mari maeaeape, Evarilae! Ere ai areve loa mai paeape, kai ekaopi arero morapaeape. 10Iesu erero maeaeape, E va oaoka kalaivahaelue. Auila, arave apavara maeaeaki, Ara va Galilee aukilai, ere va araro leia eavakilai.
11Ere aupe hoa, iapaila, kiva haela uku karikara hoahukai ma eharu oaria oharo haela kileape. 12Ere va haela hoaha ila oharo hukavakive korukaiape, kai moni oaria la hevehe haela aiarape. 13Ere mariape, E va mari ari — areve kilea haela oroa iki ela avuku apealula la hoa, arero korea kaivi le avaupe. 14Ma oharo gavana haela la iapakilava, ela arero avakiaue leikilai, e ovokake leivahaeakilai. 15Laelave ere moni avi, erero maeaeape horova lahovea leipe — ka la oharo Jew haela oaria hukavalula ikiki ma hoa kara.
Iesu Galilee kilea haela oropa ve hihika leipe
16Kilea haela eleven Galilee auvahaeai Iesu erero overa maeaeape kela aeva la pekahavape. 17Ere arero eavape hoa ere ekaopi arero morapaeape: Aka uku haela perehekai ikihorahora leivahaeape. 18Iesu iki erero mari maeaeape, Ara va kaia i meahaiapo ila ve aheke oaria aeape. 19Laelave, auila, vila ipipi oaria ra kileaila, kai erero Oa ve rare, Akore ve rare, Ove Veveke ila ve rare ila bapatiso leivahaeakive. 20Ara ero pupu hovea kileavahaeape la eharu oaria erero kileavahaeaila; Iapaila, ara mea oaria e i hareho apeakilai, aiai meahaiapo kari ra leiki la hoa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972