Rome 1
1
Ikiheroe oharo
1Paul, Iesu Keriso ve horova haela, apostle ve horova leikive itavape, Aualari ve iroro oharo veveke hareavape haela. 2(Are va overa hoa areve peroveta haela ve ape ve hehe buka ureve okoare ape). 3Areve Akore Iesu Keriso elave Amua ve oharo, David ve meavore leipe, aivau ve la oki ve: 4Hehe Ove ve okiharo, api kai uroupe la mai v'ila, Aualari ve Akore, aheke ila, hihika amoeape. 5Ela are v'ila ikiheroe meru i apostle horova ila aeape, ehovea vila‐ipipi oaria oropa ve, Areve rare ve, oharo iapai auhohi kelavakive. 6E kara, ela i hareho, Iesu Keriso ve itavavahaeape haela.
7E Rome apealula haela, Aualari ikivere leivahaeape kai hehe leivahaeape haela oaria. Elave Oa Aualari i Amua Iesu Keriso ila ve ikiheroe i havila ila, e i hareho apeaki.
Paul ikivere Rome aukive
8Oropa oharo ma — Ara Iesu Keriso v'ila arave Aualari thank you oharo avila, ehovea meahaiapo ita oaria haela eve ikikekela aheke ve oharo hukavalula. 9Ehovea Aualari ore, ara areve Akore ve iroro oharo, ove v'ila, leivila la Aualari, ara mea oaria arave ivaiva hoa eve rare ikikekelavila. 10Ara mea oaria velavela leivila, eve leia hahi veveke okiharo, Aualari araro avikiarakive. 11Ehovea ara va ikivere eapapo ero ovohae eavavahaeakive, ehovea Ove meru veveke ero aiarakive, ero kai aheke leivahaeakive. 12Iele ma, ara e i hareho ikiveveke leikilai, ehovea elaviila ve herehere kelavaki mai. 13Ara v'ikivere e haveva leivahaea v'arekaea, ara hoa oaria eve leia elaukive ikivere leipe (aka ara oki au koaraila), ehovea ara v'ikivere eve leia kara iele oaria koarakive, ita lahua lahua haela oaria kara, hoveahovea. 14Araro itavape iele ehovea Greek haela i ita lahua haela ila hareho, ikiore haela i ikihaveva haela ila kara hareho. 15Laelave, arave maea hoveahovea, ara v'ikivere Rome apealula haela kara iroro oharo arive.
Iroro ve iele
16Ehovea ara Keriso ve iroro oharo ve maeoka au leila: are va Aualari ve aheke, ehovea haela oaria lei makukurikive, Jew haela oropa, aireaki Greek haela kara. 17Ehovea areve oki ve Aualari ve mai ehoe hihika leipe, ikikekela aiai ikikekela — ehovea hohoa overa maria hape — Mai ehoe haela lei ovokake leivahaeakilai, ehovea ikikekela aheke.
Ita lahua haela ve mai heaha
18Ehovea Aualari ve hihiri kaia ve hihika leipe, ehovea haela ve iapaki aue mai, kai haela ve mai hahaeae oaria: ehovea haela oaria mai heaha ve okiharo ve O iele kokaukalula. 19Ehovea Aualari ve ore leiki eharu ereve ureve hihika leivila, ehovea Aualari la eharu erero amoeape. 20Meahaiapo avare koare hoa karikipe la hoa ikiki ma hoa, Areve muruhari apearoape la eharu haela hihika eavaro; au karikivahaeape eharu oaria erero ore leivahaearo: o iele, Areve mea oaria aeavila aheke i mekakure ila. 21Ehovea, ere Aualari ore leivahaeape la hoa, ere arero Aualari hovea au morapaeaila, kai areve ikiheroe au kelavaila, aka elare kekela v'ila pelaea leivahaeape: ere va iki haveva leivahaeai iki muru le leivahaeape. 22Ere elare ikiore rare avi, ikihaveva kai leivahaeape. 23Heaha leiki aue Aualari ve mekakure, ere va haela kai ori kai loaloalula eharu kai hai loalula eharu ve maea hovea koelaripe.
24Laelave, Aualari kara erero mai hirihiri ve aiarape, ehovea ere mai heahaha ikivere leivahaeape: laria ere elare maea kara heahaha leivahaeape. 25Ere Aualari ve oharo iele opore hovea koelaripe. Ere au karikivahaeape la eharu momorapupe, kai erero karikivahaeape la Aualari ere hahaure le leivahaeape. Amen.
26Laelave, Aualari erero mai heahaha ve haitapape, ehovea ereve uavila kara maea ve la horova haiae leivahaeape. 27Vilahoaha kara uavila hahaure leivahaeai elarelare ikivere leivahaeape, haela i kake ila mai haeae leivahaeape, kai elare maea v'ila la haeae ve kavale koaravahaeape.
28Ere Aualari ore lei iki au kelavaila, laelave Aualari erero ikikekela haiae ve aiarape, ehovea horova heahaha leivahaeakive. 29Ehoveala, ereve iki ma eharu heaha ve heheloekoape, mai haiae, airi pavora mai, mai heahaha, haela ve eharu oaria ikivere mai, iki heahaha, iki korea, haela haeaki mai, oharo hahari, opore ikihairihairi oaria, avako haopaki mai: 30Hehepo, Aualari ikihairihairi mai, hahari, iki pelaea kai maea pelaea, eharu heaha kelavaki mai, oalou hahaure leiki mai. 31Iki kekelaki aue mai, okoare haerapaki mai, ikiheroe leiki aue mai, iki aheke, ikihuru karia. 32Ere va Aualari ve pupu ore, laelave, la eharu leivahaeaki haela apihaeakive, heroe. Ere va la eharu leivahaelula, kai la eharu leivahaelula haela ere va ikivere leivahaelula.
Currently Selected:
Rome 1: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Rome 1
1
Ikiheroe oharo
1Paul, Iesu Keriso ve horova haela, apostle ve horova leikive itavape, Aualari ve iroro oharo veveke hareavape haela. 2(Are va overa hoa areve peroveta haela ve ape ve hehe buka ureve okoare ape). 3Areve Akore Iesu Keriso elave Amua ve oharo, David ve meavore leipe, aivau ve la oki ve: 4Hehe Ove ve okiharo, api kai uroupe la mai v'ila, Aualari ve Akore, aheke ila, hihika amoeape. 5Ela are v'ila ikiheroe meru i apostle horova ila aeape, ehovea vila‐ipipi oaria oropa ve, Areve rare ve, oharo iapai auhohi kelavakive. 6E kara, ela i hareho, Iesu Keriso ve itavavahaeape haela.
7E Rome apealula haela, Aualari ikivere leivahaeape kai hehe leivahaeape haela oaria. Elave Oa Aualari i Amua Iesu Keriso ila ve ikiheroe i havila ila, e i hareho apeaki.
Paul ikivere Rome aukive
8Oropa oharo ma — Ara Iesu Keriso v'ila arave Aualari thank you oharo avila, ehovea meahaiapo ita oaria haela eve ikikekela aheke ve oharo hukavalula. 9Ehovea Aualari ore, ara areve Akore ve iroro oharo, ove v'ila, leivila la Aualari, ara mea oaria arave ivaiva hoa eve rare ikikekelavila. 10Ara mea oaria velavela leivila, eve leia hahi veveke okiharo, Aualari araro avikiarakive. 11Ehovea ara va ikivere eapapo ero ovohae eavavahaeakive, ehovea Ove meru veveke ero aiarakive, ero kai aheke leivahaeakive. 12Iele ma, ara e i hareho ikiveveke leikilai, ehovea elaviila ve herehere kelavaki mai. 13Ara v'ikivere e haveva leivahaea v'arekaea, ara hoa oaria eve leia elaukive ikivere leipe (aka ara oki au koaraila), ehovea ara v'ikivere eve leia kara iele oaria koarakive, ita lahua lahua haela oaria kara, hoveahovea. 14Araro itavape iele ehovea Greek haela i ita lahua haela ila hareho, ikiore haela i ikihaveva haela ila kara hareho. 15Laelave, arave maea hoveahovea, ara v'ikivere Rome apealula haela kara iroro oharo arive.
Iroro ve iele
16Ehovea ara Keriso ve iroro oharo ve maeoka au leila: are va Aualari ve aheke, ehovea haela oaria lei makukurikive, Jew haela oropa, aireaki Greek haela kara. 17Ehovea areve oki ve Aualari ve mai ehoe hihika leipe, ikikekela aiai ikikekela — ehovea hohoa overa maria hape — Mai ehoe haela lei ovokake leivahaeakilai, ehovea ikikekela aheke.
Ita lahua haela ve mai heaha
18Ehovea Aualari ve hihiri kaia ve hihika leipe, ehovea haela ve iapaki aue mai, kai haela ve mai hahaeae oaria: ehovea haela oaria mai heaha ve okiharo ve O iele kokaukalula. 19Ehovea Aualari ve ore leiki eharu ereve ureve hihika leivila, ehovea Aualari la eharu erero amoeape. 20Meahaiapo avare koare hoa karikipe la hoa ikiki ma hoa, Areve muruhari apearoape la eharu haela hihika eavaro; au karikivahaeape eharu oaria erero ore leivahaearo: o iele, Areve mea oaria aeavila aheke i mekakure ila. 21Ehovea, ere Aualari ore leivahaeape la hoa, ere arero Aualari hovea au morapaeaila, kai areve ikiheroe au kelavaila, aka elare kekela v'ila pelaea leivahaeape: ere va iki haveva leivahaeai iki muru le leivahaeape. 22Ere elare ikiore rare avi, ikihaveva kai leivahaeape. 23Heaha leiki aue Aualari ve mekakure, ere va haela kai ori kai loaloalula eharu kai hai loalula eharu ve maea hovea koelaripe.
24Laelave, Aualari kara erero mai hirihiri ve aiarape, ehovea ere mai heahaha ikivere leivahaeape: laria ere elare maea kara heahaha leivahaeape. 25Ere Aualari ve oharo iele opore hovea koelaripe. Ere au karikivahaeape la eharu momorapupe, kai erero karikivahaeape la Aualari ere hahaure le leivahaeape. Amen.
26Laelave, Aualari erero mai heahaha ve haitapape, ehovea ereve uavila kara maea ve la horova haiae leivahaeape. 27Vilahoaha kara uavila hahaure leivahaeai elarelare ikivere leivahaeape, haela i kake ila mai haeae leivahaeape, kai elare maea v'ila la haeae ve kavale koaravahaeape.
28Ere Aualari ore lei iki au kelavaila, laelave Aualari erero ikikekela haiae ve aiarape, ehovea horova heahaha leivahaeakive. 29Ehoveala, ereve iki ma eharu heaha ve heheloekoape, mai haiae, airi pavora mai, mai heahaha, haela ve eharu oaria ikivere mai, iki heahaha, iki korea, haela haeaki mai, oharo hahari, opore ikihairihairi oaria, avako haopaki mai: 30Hehepo, Aualari ikihairihairi mai, hahari, iki pelaea kai maea pelaea, eharu heaha kelavaki mai, oalou hahaure leiki mai. 31Iki kekelaki aue mai, okoare haerapaki mai, ikiheroe leiki aue mai, iki aheke, ikihuru karia. 32Ere va Aualari ve pupu ore, laelave, la eharu leivahaeaki haela apihaeakive, heroe. Ere va la eharu leivahaelula, kai la eharu leivahaelula haela ere va ikivere leivahaelula.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972