Rome 3
3
Au hahaki oharo ve kavale
1Laelave, Jew haela ve veveke lahoa ha? Aeka, peritome mai ve veveke lahoa ha? 2Veveke maria: Oropa, ehovea Aualari Areve ikiore oharo erero kileavahaeape. 3Lehae? Haela uku iki au kelavaila ha? Ereve ikikekelaki aue mai Aualari la kekelaki mai naoae naoae leikilai ha? 4Arekaea! Kaire, Aualari va iele, haela oaria va opore, overa hape oharo kara laria:
A va au hukavape la oharo aro lei ehoe leikilai,
kai heheavaki la hoa kara, veveke leikilai.
5Aka elaviilave mai heahaha Aualari ve mai ehoe la morapaeakilava, elaviila learia maeaeakilai ha? Aualari va haeae ha, ehovea are haeae ve kavale leivila (ara va haela hovea oharo arive)? 6Arekaea! Ehovea laria la leikilava, Aualari meahaiapo learia heheavakilai? 7Ehovea Aualari ve O iele eapapo la leikilava, ehovea arave opore arero morapaeape: ehovealeve are araro mai haiae haela hovea heheavakilai ha? 8Aeva maria va ka (haela uku elaviilave kileaki oharo haiae rare arura) elaviila haeae leikilai, laria veveke kihorerakilai ha? Ere va heaha koaravahaeaki va heroe.
Haela oaria mai heaha leilula
9Learia ha? Elaviila veveke, ere va heaha ha? Ka! Laria ka. Ehovea elaviila overa amoeape, Jew haela i ita lahua haela kara hareho mai heaha ureve apealula.
10Overa hape hohoa hoveahovea:
Mai ehoe havahu haela va karia, karia iele.
11Iki auhohi kelavaki haela va karia, Aualari iele haropavila haela va karia.
12Ere oaria oki veveke harepai haiae le leivahaeape.
Mai veveke leiki haela va karia.
13Ereve karave va au‐hapape kapu ita hovea.
Ere va auli ila hehepo eapapo leivahaeape.
Ekaroa ve muramura heaha ereve ape‐iilu ureve le aeave.
14Ereve ape va o heaha i iki heaha oaria ila.
15Ere va apu hakaitapakive ikivere leivahaeape.
16Ereve okiharo leia mai heaha i iki kakare oaria apearo.
17Ere va havila okiharo ore au leivahaeaila.
18Ere va Aualari oaoka leivahaeai au kelavaila.
19Elaviila ore, ma hoa, au haeape la pupu oaria, ehovea pupu ureve apealula la haela. Laria ape oaria kokaukavahaeakilai, kai meahaiapo haela oaria Aualari oropa ve hahaeae leivahaeakilai. 20Laelave, pupu ve horova v'ila, aivau haela oaria areve oropa ve lei ehohoe leivahaea va ka, ehovea pupu ve okiharo v'ila, haela oaria mai heahaha ore leivahaeape.
Keriso ve ikikekela lei ehohoe leivahaeakilai
21Aka ma hoa, Aualari ve mai ehoe pupu mahokaea ve hihika leivila, ehovea pupu i peroveta oharo ila hareho vavavahaeape. 22Kaire, Aualari ve mai ehoe, Iesu ve rare ikikelavaki haela oaria ore leivahaeakilai, kai iele aeakilai, haela oaria hoveahovea. 23Ehovea haela oaria mai haiae leivahaeape, kai Aualari ve mekakure hoveahovea au leivahaeaila. 24Ehovea Iesu Keriso ve ovokake leipe mai, haela oaria areve mai veveke v'ila, iele havahu lei ehohoe leivahaeape, kavale karia. 25Aualari arero paraeape ehovea haela areve apu ve iki kelavahaeai lei ehohoe leivahaeakive; ehovea haela areve mai ehoe overa ve mai heahaha hapururukakive, la oharo hihika kileakive, ehovea Aualari areve ikiheaha kara laria haerapape. 26Ara aeka maeaive — Are va ma hoa areve mai ehoe amoeakive ikivere, ehovea are va ehoe heheavakilai, kai Iesu ve rare ikikekelaki la haela kara lei ehoe leikive.
27Pelaea ve iele lahoa ha? Are va arero le avakape. Lela pupu v'ila ha? Horova v'ila ha? Ka! Aka ikikekela ve la pupu. 28Laelave elave ikikekela haela ve iapa kekela mai arero lei ehoe leikilai, pupu ve horova v'ila va ka. 29Are Jew haela ve Aualari hiki ha? Are va ita lahua haela ve Aualari va ka ha? Kaire. Ita lahua haela ve kara, 30Ehovea — Are va Aualari haroapo: are va peritome ila haela ikikekela ve oki ve lei ehoe leikilai, kai peritome leiki aue haela kara ikikekela ve oki ve lei ehoe leikilai. 31Laelave, ela va ikikekelaki ve oki ve pupu naoae leikilai ha? Arekaea! Ela va pupu lei aheke leikilai.
Currently Selected:
Rome 3: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Rome 3
3
Au hahaki oharo ve kavale
1Laelave, Jew haela ve veveke lahoa ha? Aeka, peritome mai ve veveke lahoa ha? 2Veveke maria: Oropa, ehovea Aualari Areve ikiore oharo erero kileavahaeape. 3Lehae? Haela uku iki au kelavaila ha? Ereve ikikekelaki aue mai Aualari la kekelaki mai naoae naoae leikilai ha? 4Arekaea! Kaire, Aualari va iele, haela oaria va opore, overa hape oharo kara laria:
A va au hukavape la oharo aro lei ehoe leikilai,
kai heheavaki la hoa kara, veveke leikilai.
5Aka elaviilave mai heahaha Aualari ve mai ehoe la morapaeakilava, elaviila learia maeaeakilai ha? Aualari va haeae ha, ehovea are haeae ve kavale leivila (ara va haela hovea oharo arive)? 6Arekaea! Ehovea laria la leikilava, Aualari meahaiapo learia heheavakilai? 7Ehovea Aualari ve O iele eapapo la leikilava, ehovea arave opore arero morapaeape: ehovealeve are araro mai haiae haela hovea heheavakilai ha? 8Aeva maria va ka (haela uku elaviilave kileaki oharo haiae rare arura) elaviila haeae leikilai, laria veveke kihorerakilai ha? Ere va heaha koaravahaeaki va heroe.
Haela oaria mai heaha leilula
9Learia ha? Elaviila veveke, ere va heaha ha? Ka! Laria ka. Ehovea elaviila overa amoeape, Jew haela i ita lahua haela kara hareho mai heaha ureve apealula.
10Overa hape hohoa hoveahovea:
Mai ehoe havahu haela va karia, karia iele.
11Iki auhohi kelavaki haela va karia, Aualari iele haropavila haela va karia.
12Ere oaria oki veveke harepai haiae le leivahaeape.
Mai veveke leiki haela va karia.
13Ereve karave va au‐hapape kapu ita hovea.
Ere va auli ila hehepo eapapo leivahaeape.
Ekaroa ve muramura heaha ereve ape‐iilu ureve le aeave.
14Ereve ape va o heaha i iki heaha oaria ila.
15Ere va apu hakaitapakive ikivere leivahaeape.
16Ereve okiharo leia mai heaha i iki kakare oaria apearo.
17Ere va havila okiharo ore au leivahaeaila.
18Ere va Aualari oaoka leivahaeai au kelavaila.
19Elaviila ore, ma hoa, au haeape la pupu oaria, ehovea pupu ureve apealula la haela. Laria ape oaria kokaukavahaeakilai, kai meahaiapo haela oaria Aualari oropa ve hahaeae leivahaeakilai. 20Laelave, pupu ve horova v'ila, aivau haela oaria areve oropa ve lei ehohoe leivahaea va ka, ehovea pupu ve okiharo v'ila, haela oaria mai heahaha ore leivahaeape.
Keriso ve ikikekela lei ehohoe leivahaeakilai
21Aka ma hoa, Aualari ve mai ehoe pupu mahokaea ve hihika leivila, ehovea pupu i peroveta oharo ila hareho vavavahaeape. 22Kaire, Aualari ve mai ehoe, Iesu ve rare ikikelavaki haela oaria ore leivahaeakilai, kai iele aeakilai, haela oaria hoveahovea. 23Ehovea haela oaria mai haiae leivahaeape, kai Aualari ve mekakure hoveahovea au leivahaeaila. 24Ehovea Iesu Keriso ve ovokake leipe mai, haela oaria areve mai veveke v'ila, iele havahu lei ehohoe leivahaeape, kavale karia. 25Aualari arero paraeape ehovea haela areve apu ve iki kelavahaeai lei ehohoe leivahaeakive; ehovea haela areve mai ehoe overa ve mai heahaha hapururukakive, la oharo hihika kileakive, ehovea Aualari areve ikiheaha kara laria haerapape. 26Ara aeka maeaive — Are va ma hoa areve mai ehoe amoeakive ikivere, ehovea are va ehoe heheavakilai, kai Iesu ve rare ikikekelaki la haela kara lei ehoe leikive.
27Pelaea ve iele lahoa ha? Are va arero le avakape. Lela pupu v'ila ha? Horova v'ila ha? Ka! Aka ikikekela ve la pupu. 28Laelave elave ikikekela haela ve iapa kekela mai arero lei ehoe leikilai, pupu ve horova v'ila va ka. 29Are Jew haela ve Aualari hiki ha? Are va ita lahua haela ve Aualari va ka ha? Kaire. Ita lahua haela ve kara, 30Ehovea — Are va Aualari haroapo: are va peritome ila haela ikikekela ve oki ve lei ehoe leikilai, kai peritome leiki aue haela kara ikikekela ve oki ve lei ehoe leikilai. 31Laelave, ela va ikikekelaki ve oki ve pupu naoae leikilai ha? Arekaea! Ela va pupu lei aheke leikilai.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972