Rome 6
6
Keriso i hareho aeavila haela mai heaha hakurepape
1Elaviila leari maeakilai ha? Elaviila mai heaha hiki leivahaeakilai, ehovea ikiheroe meru koarakive ha? 2Arekaea! Elaviilave mai heaha overa hapururukape, laelave mai heaha aeka kalaivahaealue. 3E haveva ha, elaviila Iesu Keriso v'ila bapatiso leivahaeape haela, are api la bapatiso leivahaeape haela, ha? 4Laelave, elaviila are i hareho la apaki hoa ve bapatiso v'ila karu le ihavape. Hoveahovea Oa ve haharika Keriso karu ve lai urapape, ela kara ovokake are v'ila urahukakilai.
5Ehovea elaviila hareho areve apape hoa hoveahovea va laila, elaviila Are i hareho urahukakilai. 6Elaviila ore ma: elaviilave overa maea are i hareho satauro ve apihaeape, ehovea mai heaha ve maea hovea haeakive: laelave elaviila aireaki mai heaha ve horova leivahaea va ka. 7Ehovea apape la haela areve mai heaha le hakurepape. 8Elaviila i Keriso ila hareho apilahaeakilava, elaviilave ikikekela elaviila are i hareho ovokake le leivahaeakilai. 9Elaviila ore Keriso api kai uroupe, laelave are aire kai apa va ka. Apaki la maea arero haha va ka. 10Are va apape, laelave la hoa haroapo are mai heaha ve apape. Are Aualari ve ovokake aeavila, ehovea are ovokake leipe. 11Laria kara, e va elare maea kelavaki, mai heaha ve apihaeape hovea, aka Aualari v'ila ovokake iele, ehovea Iesu Keriso elaviilave Amua ve ikiheroe.
12Laelave, mai heaha eve meahaiapo ve maea ka heaoraparue: e va areve mai heaha ikivere kalaivahaelue. 13Eve maea hareho kara mai haiae ve horova kalailue: aka Aualari ve horova hiki leiki, api kai urahukape haela hoveahovea: eve maea hareho kara mai ehoe hiki ikivere laila. 14Ehovea mai heaha eve Amua hovea lei va ka; Pupu hiki ero kiva leiva ka, aka ikiheroe meru iele.
Horova ve au hahape haela ve ihova
15Lehae ha? Elaviila mai heaha leivahaeakilai ha? Ehovea pupu hiki elaviilara kiva leivahaea va ka, aka ikiheroe meru elaviilara kiva leivahaeakilai! 16E ore ka ha? E va lela haela ve horova leivahaelula, e va la haela ve oharo le iapavahaeakilai. Eva areve oharo iapaki la haela, e va areve horova haela, mai heaha aiai apihaeakive la mai, aka iapa veveke aiai lei ehoe leivahaeaki la mai. 17Aka Aualari lei morapaeaki, e va oropa mai heaha haela, aka ero avarape la kilea oharo e va iapai auhohi le leivahaeape. 18Laelave, e va mai heaha ve harepai mai ehohoe ve horova haela le leivahaeape. 19Ara haela hovea ma oharo la maeaive, ehovea e va aivau haela mahuka, ehovea e va maea hareho v'ila eve mai hirihiri la koarape, kai heahaha lahua lahua oaria leivahaeape. Hoveahovea e ma hoa eve maea hareho ve mai ehoe i o muruha haela leivahaeakilai.
20Ehovea e mai heaha ve horova leivahaeape la hoa, e mai ehoe au leivahaeaila. 21E la heaha hoa ve le veveke koarape ha? E ma hoa maioka ehovea la heaha. Ehovea la eharu ve kavale au hiki apihaealula mai. 22E ma hoa mai heaha harepape, laelave e va maraha leiki mai veveke koarailula, aiai ovokake haiapo. 23Ehovea mai heaha ve kavale va au hiki le apihaeakilai. Aka Aualari ve meru ma, Iesu Keriso, elaviilave Amua, ovokake haiapo aikiarape.
Currently Selected:
Rome 6: ORO
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
Rome 6
6
Keriso i hareho aeavila haela mai heaha hakurepape
1Elaviila leari maeakilai ha? Elaviila mai heaha hiki leivahaeakilai, ehovea ikiheroe meru koarakive ha? 2Arekaea! Elaviilave mai heaha overa hapururukape, laelave mai heaha aeka kalaivahaealue. 3E haveva ha, elaviila Iesu Keriso v'ila bapatiso leivahaeape haela, are api la bapatiso leivahaeape haela, ha? 4Laelave, elaviila are i hareho la apaki hoa ve bapatiso v'ila karu le ihavape. Hoveahovea Oa ve haharika Keriso karu ve lai urapape, ela kara ovokake are v'ila urahukakilai.
5Ehovea elaviila hareho areve apape hoa hoveahovea va laila, elaviila Are i hareho urahukakilai. 6Elaviila ore ma: elaviilave overa maea are i hareho satauro ve apihaeape, ehovea mai heaha ve maea hovea haeakive: laelave elaviila aireaki mai heaha ve horova leivahaea va ka. 7Ehovea apape la haela areve mai heaha le hakurepape. 8Elaviila i Keriso ila hareho apilahaeakilava, elaviilave ikikekela elaviila are i hareho ovokake le leivahaeakilai. 9Elaviila ore Keriso api kai uroupe, laelave are aire kai apa va ka. Apaki la maea arero haha va ka. 10Are va apape, laelave la hoa haroapo are mai heaha ve apape. Are Aualari ve ovokake aeavila, ehovea are ovokake leipe. 11Laria kara, e va elare maea kelavaki, mai heaha ve apihaeape hovea, aka Aualari v'ila ovokake iele, ehovea Iesu Keriso elaviilave Amua ve ikiheroe.
12Laelave, mai heaha eve meahaiapo ve maea ka heaoraparue: e va areve mai heaha ikivere kalaivahaelue. 13Eve maea hareho kara mai haiae ve horova kalailue: aka Aualari ve horova hiki leiki, api kai urahukape haela hoveahovea: eve maea hareho kara mai ehoe hiki ikivere laila. 14Ehovea mai heaha eve Amua hovea lei va ka; Pupu hiki ero kiva leiva ka, aka ikiheroe meru iele.
Horova ve au hahape haela ve ihova
15Lehae ha? Elaviila mai heaha leivahaeakilai ha? Ehovea pupu hiki elaviilara kiva leivahaea va ka, aka ikiheroe meru elaviilara kiva leivahaeakilai! 16E ore ka ha? E va lela haela ve horova leivahaelula, e va la haela ve oharo le iapavahaeakilai. Eva areve oharo iapaki la haela, e va areve horova haela, mai heaha aiai apihaeakive la mai, aka iapa veveke aiai lei ehoe leivahaeaki la mai. 17Aka Aualari lei morapaeaki, e va oropa mai heaha haela, aka ero avarape la kilea oharo e va iapai auhohi le leivahaeape. 18Laelave, e va mai heaha ve harepai mai ehohoe ve horova haela le leivahaeape. 19Ara haela hovea ma oharo la maeaive, ehovea e va aivau haela mahuka, ehovea e va maea hareho v'ila eve mai hirihiri la koarape, kai heahaha lahua lahua oaria leivahaeape. Hoveahovea e ma hoa eve maea hareho ve mai ehoe i o muruha haela leivahaeakilai.
20Ehovea e mai heaha ve horova leivahaeape la hoa, e mai ehoe au leivahaeaila. 21E la heaha hoa ve le veveke koarape ha? E ma hoa maioka ehovea la heaha. Ehovea la eharu ve kavale au hiki apihaealula mai. 22E ma hoa mai heaha harepape, laelave e va maraha leiki mai veveke koarailula, aiai ovokake haiapo. 23Ehovea mai heaha ve kavale va au hiki le apihaeakilai. Aka Aualari ve meru ma, Iesu Keriso, elaviilave Amua, ovokake haiapo aikiarape.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972