Rome 9
9
Ikihuru ehovea Israel ve ikikekelaki aue mai
1Keriso oropa ve, arave oharo iele havahu, ara opore ka — Ove Veveke oropa ve arave iki ehoe leive: 2Ara va iki mehau i ikihuru eapapo iele leivila. 3Ehovea ara va ikivere arave aivau ve la apavara ve haiae ve kavale, ara havahu avakilai. 4Ere va Israelite haela, Aualari erero karape; areve haharika, areve okoare, areve pupu oaria, kai Aualari ve horova i okoare ila are erero aiarape. 5Houva hoa haela kara va papa haela ve vilali haela: ere v'ila aivau ve epape meavore, Keriso. Are va haela oaria ve akea ve — aualari rare lei morapaeaki — Amene.
Aualari ve okoare hahaeae au laila
6O iele, Aualari ve oharo naoae au leila. Ehovea Israel ve hiru haela uku Israel ve vilaipi haela havahu ka. 7Aeva Abraham ve meavohula haela uku kara, ere va Abraham ve hiru havahu ka: Ehovea, Isaac ve la eravo ve, eve meavohula ve hiru la itavakilai. 8La oharo ve iele ma — Aivau v'ila Israel ve akoremari uku — Aualari ve akoremari havahu leivahaea va ka; aka okoare arura la akoremari, meavohula havahu ere la. 9Ehovea okoare iele maria ape, Ma hoa hovea ara kihorerakilai — kai Sarah akore la epakilai. 10Leia hiki ka, ehovea Rebeccah kara, Papa Isaac v'ila ero ila leipe. 11Ehovea akoremari va lou ve eharau ureve hiki apearoape, laelave ere va veveke aka heaha kara au laila: laelave ehovea Aualari ve ikivere okiharo iele havahu leikilai, horova hiki va ka, aka ehovea Aualari kai itavape. 12Laelave Aualari arero maeape, Akoreapo akoreheari ve horova haela leikilai. 13Overa oharo laria hape:
Ara va Jacob ikivere leipe, Ara Esau ikihairihairi leipe.
Aualari ve mai ehoe hiki
14Elaviila learia maeakilai ha? Aualari va mai haiae ore ha? Arekaea! 15Ehovea Are Moses maria maeape: Ara va ikivere haela Ara ikihuru leikilai: ara va ikivere haela ara ikiheroe iele leikilai. 16Laelave, haela ve ikivere hovea lei va ka, haela ve horova aheke kara hovea lei va ka, aka Aualari hiki ikiheroe leivila. 17Ehovea Buka oharo Pharaoh maria kileape: Ehovea ma horova iele ara aro lei urapape, ehovea Ara ave la oki ve arave aheke hihika amoeakive; laria arave rare meahaiapo helari hupakai eapapo leikilai. 18Laelave, areve ikivere hovea, are haela ikihuru leivila, aka ikiheaha leivila.
Aualari va Amua iele
19Ehoveala a va araro maria kimaeakilai: Ehovealeve are haela ve haiae au hiki haropavila ha? Areve ikivere oki leita la hereavape? 20Haelakaru e, a va leita haela, Aualari va oharo hahari arive ikivere ha? Au karikipe la eharu arero karikipe la haela learia maeakilai, Ehovealeve a va araro maria karikipe ha? 21Elaa karikipe la kae, arero karikipe haela ve eharu ka ha? Are kae uku areve mai ve elaa veveke i heaha ila hoveahovea karikikive ore ha? 22Lehae ha? Aualari, ehovea are ikivere areve hihiri hihika leikive, aeva areve aheke kara haela ore leikive, haiapo iele heaha leivahaeaki la eharu ve heraho leipe la. 23Are kara aireaki ikihuru leikilai la eharu, areve lei veveke leiki okiharo ere v'ila hihika leivahaeape, are oropa kekelape la veveke leiki okiharo. 24Elaviilave iele la; are elaviilara kai itavavahaeape, Jew haela i ita lahua haela kara hareho.
25Are va peroveta haela Hosea ve buka maria oharo maeape:
Ara va erero Arave haela la itavavahaeakilai:
Ere va oropa hoa Arave haela ka.
Arave ikivere havahu akoremari,
Ere va oropa hoa Arave akoremari ka.
26Aireaki kara maria leikilai
Ara oropa maeape, E va Arave haela va ka,
Leia ve ere va aireaki ovokake iele la Aualari ve akoremari rare lei itavavahaeakilai.
27Isaiah kara āra maria hape: O iele, Israel ve akoremari maeoka iele la leivahaeakilava, uku haela hiki ovokake leivahaeakilai. 28Ehovea are horova karia lei mai ehoe v'ila ka hekai leikilai, ehovea Amua va meahaiapo ureve horova ka hekai hiki leikilai.
29Isaiah kara maria maeape:
Sabaoth la Amua elaro meavohula haroapo haroapo la haita?-?pakilava,
elaviila Sodom i Gomorrah ila hoveahovea leivahaeakilai.
Israel haeae leipe ehovealeve?
30Elaviila learia maeakilai ha? Mai ehoe ve pupu au koaraila la ita lahua haela, mai ehoe le koarape, ikikekela aheke la mai ehoe. 31Aka mai ehoe ve pupu kiva leivahaeape la Israel haela mai ehoe iele au koaraila ha? 32Ehovealeve? Ehovea ere va ikikekela okiharo ve mai ehoe au haropaila, aka pupu ve la okiharo hiki. Ehovea ere va au hereavaki la have ve le hihilaupe. 33Overa oharo maria hape:
Iapaila, ara va Zion ita haela lei hilaukive have aipape,
hereavaki have eapapo.
Areve rare ikikekelaki la haela oaria makiri leivahaea va ka.
Currently Selected:
Rome 9: ORO
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972
Rome 9
9
Ikihuru ehovea Israel ve ikikekelaki aue mai
1Keriso oropa ve, arave oharo iele havahu, ara opore ka — Ove Veveke oropa ve arave iki ehoe leive: 2Ara va iki mehau i ikihuru eapapo iele leivila. 3Ehovea ara va ikivere arave aivau ve la apavara ve haiae ve kavale, ara havahu avakilai. 4Ere va Israelite haela, Aualari erero karape; areve haharika, areve okoare, areve pupu oaria, kai Aualari ve horova i okoare ila are erero aiarape. 5Houva hoa haela kara va papa haela ve vilali haela: ere v'ila aivau ve epape meavore, Keriso. Are va haela oaria ve akea ve — aualari rare lei morapaeaki — Amene.
Aualari ve okoare hahaeae au laila
6O iele, Aualari ve oharo naoae au leila. Ehovea Israel ve hiru haela uku Israel ve vilaipi haela havahu ka. 7Aeva Abraham ve meavohula haela uku kara, ere va Abraham ve hiru havahu ka: Ehovea, Isaac ve la eravo ve, eve meavohula ve hiru la itavakilai. 8La oharo ve iele ma — Aivau v'ila Israel ve akoremari uku — Aualari ve akoremari havahu leivahaea va ka; aka okoare arura la akoremari, meavohula havahu ere la. 9Ehovea okoare iele maria ape, Ma hoa hovea ara kihorerakilai — kai Sarah akore la epakilai. 10Leia hiki ka, ehovea Rebeccah kara, Papa Isaac v'ila ero ila leipe. 11Ehovea akoremari va lou ve eharau ureve hiki apearoape, laelave ere va veveke aka heaha kara au laila: laelave ehovea Aualari ve ikivere okiharo iele havahu leikilai, horova hiki va ka, aka ehovea Aualari kai itavape. 12Laelave Aualari arero maeape, Akoreapo akoreheari ve horova haela leikilai. 13Overa oharo laria hape:
Ara va Jacob ikivere leipe, Ara Esau ikihairihairi leipe.
Aualari ve mai ehoe hiki
14Elaviila learia maeakilai ha? Aualari va mai haiae ore ha? Arekaea! 15Ehovea Are Moses maria maeape: Ara va ikivere haela Ara ikihuru leikilai: ara va ikivere haela ara ikiheroe iele leikilai. 16Laelave, haela ve ikivere hovea lei va ka, haela ve horova aheke kara hovea lei va ka, aka Aualari hiki ikiheroe leivila. 17Ehovea Buka oharo Pharaoh maria kileape: Ehovea ma horova iele ara aro lei urapape, ehovea Ara ave la oki ve arave aheke hihika amoeakive; laria arave rare meahaiapo helari hupakai eapapo leikilai. 18Laelave, areve ikivere hovea, are haela ikihuru leivila, aka ikiheaha leivila.
Aualari va Amua iele
19Ehoveala a va araro maria kimaeakilai: Ehovealeve are haela ve haiae au hiki haropavila ha? Areve ikivere oki leita la hereavape? 20Haelakaru e, a va leita haela, Aualari va oharo hahari arive ikivere ha? Au karikipe la eharu arero karikipe la haela learia maeakilai, Ehovealeve a va araro maria karikipe ha? 21Elaa karikipe la kae, arero karikipe haela ve eharu ka ha? Are kae uku areve mai ve elaa veveke i heaha ila hoveahovea karikikive ore ha? 22Lehae ha? Aualari, ehovea are ikivere areve hihiri hihika leikive, aeva areve aheke kara haela ore leikive, haiapo iele heaha leivahaeaki la eharu ve heraho leipe la. 23Are kara aireaki ikihuru leikilai la eharu, areve lei veveke leiki okiharo ere v'ila hihika leivahaeape, are oropa kekelape la veveke leiki okiharo. 24Elaviilave iele la; are elaviilara kai itavavahaeape, Jew haela i ita lahua haela kara hareho.
25Are va peroveta haela Hosea ve buka maria oharo maeape:
Ara va erero Arave haela la itavavahaeakilai:
Ere va oropa hoa Arave haela ka.
Arave ikivere havahu akoremari,
Ere va oropa hoa Arave akoremari ka.
26Aireaki kara maria leikilai
Ara oropa maeape, E va Arave haela va ka,
Leia ve ere va aireaki ovokake iele la Aualari ve akoremari rare lei itavavahaeakilai.
27Isaiah kara āra maria hape: O iele, Israel ve akoremari maeoka iele la leivahaeakilava, uku haela hiki ovokake leivahaeakilai. 28Ehovea are horova karia lei mai ehoe v'ila ka hekai leikilai, ehovea Amua va meahaiapo ureve horova ka hekai hiki leikilai.
29Isaiah kara maria maeape:
Sabaoth la Amua elaro meavohula haroapo haroapo la haita?-?pakilava,
elaviila Sodom i Gomorrah ila hoveahovea leivahaeakilai.
Israel haeae leipe ehovealeve?
30Elaviila learia maeakilai ha? Mai ehoe ve pupu au koaraila la ita lahua haela, mai ehoe le koarape, ikikekela aheke la mai ehoe. 31Aka mai ehoe ve pupu kiva leivahaeape la Israel haela mai ehoe iele au koaraila ha? 32Ehovealeve? Ehovea ere va ikikekela okiharo ve mai ehoe au haropaila, aka pupu ve la okiharo hiki. Ehovea ere va au hereavaki la have ve le hihilaupe. 33Overa oharo maria hape:
Iapaila, ara va Zion ita haela lei hilaukive have aipape,
hereavaki have eapapo.
Areve rare ikikekelaki la haela oaria makiri leivahaea va ka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1963-1972