Jon 12
12
Maria baser wel ke Yesus kamla
(Matyu 26.6-13 e Mak 14.3-9)
1Oklou lumakene dau dong deka tingen rogo omba ka lana ine la ke alo ka Ida Tapolngon lua osep Yuda ina tisongon omur Isip e Yesus la polou ke Betani. Gute Lasarus ka iye due poga tito ke ina denga dong ke armok tonari. 2E Yesus ila saten leklou tipou rogo ke Yesus. E Lasarus dong ke bota kap Yesus e Marta lua osep titongo ngangon ke osep. 3Deka Maria due wel ka amna itau lokono ka ina klingen omba ka ina anit langka kilo emkil e basere ke Yesus kamla e sak kamla ke apna elilo. E wel ila amnangan itau kading ninu keniye. 4E ila disaipel kene ka angaine Judas Iskariot ka mase ma iye lai Yesus ina wai langane. 5“Ina lange apmang ane due burong ke wel ane e kar ina mani ke osep ka urok wan isuk boto vala kovok? Iye karanga due burong ine e due mani silva buneklu.” 6E Judas wai langane kesua aitno mter ke osep ka urok wan isuk boto vala kovok. Aurou. Iye wai langane kesua iye gute panakongon ina e iye plau karoro ka urok mani dong ine. E aling pula iye panako mani ka tidue sep ke karoro tonari. 7E Yesus wai ke iye langane. “Onsongon iye dong kesua iye rere wel ane ma kere pampamu lungong ine ke alo ka osep ma tiyas ngong. 8Osep ka urok wan isuk boto vala tidong airavu ke umu aling aling e ngong ngadong kap umu tauni kovok.”
Osep loulou ina ka omba tiwai ma Lasarus mete blang
9Alo ari osep Yuda ina pula pula tile Yesus dong ke Betani e isak kla are. Tiwaiki tivati iye e silang blang tiwaiki tivati Lasarus ka iye due poga tito ke ina denga. 10E ke batne langane osep loulou ina ka omba tilalo pelengon ma tidue burwa ke Lasarus blang. 11Tiwaiki tidue burwa ke Lasarus blang kesua osep Yuda ina pula aitno lisak mter wan ka Yesus due ke Lasarus e tisongon isak e aitno lisak la dagar ke Yesus.
Yesus la sep e Jerusalem e osep pula tikakai angaine
(Matyu 21.1-11 e Mak 1.1-11 e Luk 19.28-40)
12Ke oklou silang osep pula pula ka time ke rogo omba tonari tiklingen omon isuk boto Yesus polou ke Jerusalem. 13E tiblou ongup komo e isak kla ke iye e tidaiku omba langane. “Itakakai Ida Tapolngon angaine tito la egim. Ma Ida Tapolngon aitno itau itau ke gute ka me ke Ida Puda angaine. Iye gute ka ma vri mgo ke osep Israel ina.” 14Deka Yesus due donki otno ka omba boto e dong ine langka Ida Tapolngon ila pelengon palma wai langane.
15“Umu osep Saion ina umoulou tarna lumu kovok. Umavati gute ka vri mgo ke umu dong ke donki otno e iye me.”#12.15 — Emritim pelengon langane ke Sekaraia 9.9.
16E alo ari Yesus ila disaipel tile itau ke wan ka polou ke iye kovok. E mase alo ka Ida Tapolngon due Yesus poga tito ke ina denga e due dong itau lokono kap iye deka aitno lisak mter itau ke Ida Tapolngon ila pelengon tonari lana ine ka la ke Yesus. E amtarsak sisir wan ka osep tidue ke iye.
17Osep pula pula ka tidong kap iye alo ka iye gi ke Lasarus e due poga tito ke ina denga tipalongo osep ke elio ane. 18E osep pula pula kla tisoson Yesus kesua tiklingen omon ke elio arit ina tonari ka iye due. 19Deka osep Farisi ina tiwai pulu langane. “Umoklingen. Wan ka itawaiki itodue itakaranga itodue kovok. Umavati. Osep ka pula keniye tididi iye.”
Osep Grik ina leklou tiwaiki tivati Yesus
20E osep Grik ina leklou time ke Jerusalem kap osep leklou ma tilotuim Ida Tapolngon ke rogo omba. 21E isak kla ke Filip ka iye gute ka me ke Betsaida ka dong ke omur Galili. E tiwai ke iye langane. “Gute. Imawaiki imavati Yesus.” 22Deka Filip la wai ke Andru ine e isak orwo kla tiwai ke Yesus. 23E Yesus koli wai ke isak langane. “Taim ka Ida Tapolngon nis osep ke Gute Ka Polou Langka Osep ila elio itau lokono polou kodong. 24Ngawai lokono ke umu langane. Lama wit londo duru ke taklak e tarna polou okus kovok iye dong londo kene vala. E langka iye duru ke taklak e tarna polou okus ma londo nobolbol e erine usu otna pula. 25Langka gute waiki ila mosongon dong ke taklak ane ma iye imina e langka gute pli tarna ke taklak ane ma iye due ila mosongon ka dong vala dong. 26Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”
Yesus wai ma iye mete
27Deka Yesus wai langane. “Aitno lungong kro lokono e ma ngawai lange ine? Ma ngawai langane? Livou omsongon tokngon polou ke ngong kovok. Aurou. Kesua ngame ma nganamani tokngon ane. 28Livou emnis osep ke lem elio ka itau lokono.” Deka kreine wai ke omur heven langane. “Ngadue langane kodong e ma ngadue blang.” 29E osep pula pula ka tivri are tiklingen kreine wai. Osep leklou tiwai aragu nogrum e osep leklou tiwai ensel gesa wai ke iye. 30E Yesus wai ke isak langane. “Umoklingen kreine are wai ma lua umu e lua ngong kovok. 31E oku ane ma Ida Tapolngon wade osep ka pula keniye ke taklak urok elio. E ma iye sapir Satan ka plau taklak ane. 32E oku ane ngadong ke taklak e mase ma osep tidue burwa ke ngong e tidue ngong ngamana ke ngau akai. E ma ngadada osep ka pula keniye time ke ngong.” 33Yesus wai langane ma iye palongo osep ke elio ka ma iye mete ine.
34E osep pula pula are tikoli tiwai ke iye langane. “Ida Tapolngon ila pelengon dagar wai ke ite ma gute Krais ka Ida Tapolngon rere ma iye lua osep ke urok elio epmes ina ma iye dong vala dong. Ina lange amwai ma osep tidue Gute Ka Polou Langka Osep iye mana ke ina akai? Gute Ka Polou Langka Osep ane iye sei?” 35Deka Yesus wai ke isak langane. “Bublongon dong dau sasi boto vala kap umu e umelila alo ka bublongon dong kap umu. Umelila ke bublongon lama epmes polou e omur aivoro kesua gute ka lila ke aivoro ile omur ka iye lila ine kovok. 36Alo ka bublongon dau dong kap umu aitno lumu la dagar ine ma umopolou osep ka tidong ke bublongon.”
Osep Yuda ina pula aitno lisak dagar ke Yesus kovok
Alo ka Yesus wai yagos iye songon isak e la kukwop iye ke isak. 37E lama iye due elio arit ina ka nisngen pula ke osep amtarsak dau aitno lisak la dagar ke iye kovok. 38Elio ane polou ma gute napaprangan ina Aisaia ila pelengon polou lokono. Iye wai langane.
“Ngau Puda sei aitno dagar ke limem pelengon? E emnis lem arit ke osep seisei?”#12.38 — Emritim pelengon langane ke Aisaia 53.1.
39E aitno lisak karanga la dagar ke Yesus kovok kesua Aisaia wai blang langane.
40“Ida Tapolngon due amtarsak evin ma tikaranga tivati omur kovok. E iye pono aitno lisak ma ti-karanga tile itau kovok. Lama tibauluk aitno lisak ke ngong e ngadue isak tidong itau blang.”#12.40 — Emritim pelengon langane ke Aisaia 6.10.
41Aisaia wai langane kesua iye vati Yesus ila arit ka omba e ila bublongon deka iye wai ine.
42E dau osep plaungan ina pula aitno lisak la dagar ke Yesus. Lama langane dau tipalongo malak ine kovok kesua tiulou tarna lisak ke osep Farisi ina lama tisapir isak ke urok duningen ina ninu. 43Tiwaiki osep tikakai angainsak e elio ane mole elio ka tiwaiki Ida Tapolngon kakai angainsak.
Mase Yesus ila pelengon ma wade osep ka pula keniye urok elio
44Deka Yesus daiku langane. “Langka gute aitno dagar ke ngong deka aitno dagar ke ngong vala kovok. Aurou. Aitno dagar ke Ida Tapolngon ka pagei ngong ngame blang. 45E gute ka vati ngong vati Ida Tapolngon ka pagei ngong ngame blang. 46Ngame ke taklak ma ngadong langka bublongon ma gute ka aitno dagar ke ngong dong ke aivoro kovok. 47E langka gute klingen lou pelengon e didie kovok ma ngawade iye kovok. Aurou. Ngame ma ngawade osep kovok e ngame ma ngalua osep ke urok elio epmes ina. 48Wan dong ka ma wade gute ka pli ngong e didi lou pelengon kovok. Lou pelengon ka ngawai ine ma wade gute are ke oklou ka wan ka pula keniye yagos ine. 49Ngadidi aitno lungong e ngawai kovok. Aurou. Livou ka pagei ngong ngame wai dagar ke ngong ke pelengon ka ma ngawai ine. 50E ngaile ila pelengon tonari karanga due osep tidue mosongon ka dong vala dong. Deka ngawai pelengon ka Livou waiki ngawai vala.”
Currently Selected:
Jon 12: ANT
Highlight
Share
Copy
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771
Jon 12
12
Maria baser wel ke Yesus kamla
(Matyu 26.6-13 e Mak 14.3-9)
1Oklou lumakene dau dong deka tingen rogo omba ka lana ine la ke alo ka Ida Tapolngon lua osep Yuda ina tisongon omur Isip e Yesus la polou ke Betani. Gute Lasarus ka iye due poga tito ke ina denga dong ke armok tonari. 2E Yesus ila saten leklou tipou rogo ke Yesus. E Lasarus dong ke bota kap Yesus e Marta lua osep titongo ngangon ke osep. 3Deka Maria due wel ka amna itau lokono ka ina klingen omba ka ina anit langka kilo emkil e basere ke Yesus kamla e sak kamla ke apna elilo. E wel ila amnangan itau kading ninu keniye. 4E ila disaipel kene ka angaine Judas Iskariot ka mase ma iye lai Yesus ina wai langane. 5“Ina lange apmang ane due burong ke wel ane e kar ina mani ke osep ka urok wan isuk boto vala kovok? Iye karanga due burong ine e due mani silva buneklu.” 6E Judas wai langane kesua aitno mter ke osep ka urok wan isuk boto vala kovok. Aurou. Iye wai langane kesua iye gute panakongon ina e iye plau karoro ka urok mani dong ine. E aling pula iye panako mani ka tidue sep ke karoro tonari. 7E Yesus wai ke iye langane. “Onsongon iye dong kesua iye rere wel ane ma kere pampamu lungong ine ke alo ka osep ma tiyas ngong. 8Osep ka urok wan isuk boto vala tidong airavu ke umu aling aling e ngong ngadong kap umu tauni kovok.”
Osep loulou ina ka omba tiwai ma Lasarus mete blang
9Alo ari osep Yuda ina pula pula tile Yesus dong ke Betani e isak kla are. Tiwaiki tivati iye e silang blang tiwaiki tivati Lasarus ka iye due poga tito ke ina denga. 10E ke batne langane osep loulou ina ka omba tilalo pelengon ma tidue burwa ke Lasarus blang. 11Tiwaiki tidue burwa ke Lasarus blang kesua osep Yuda ina pula aitno lisak mter wan ka Yesus due ke Lasarus e tisongon isak e aitno lisak la dagar ke Yesus.
Yesus la sep e Jerusalem e osep pula tikakai angaine
(Matyu 21.1-11 e Mak 1.1-11 e Luk 19.28-40)
12Ke oklou silang osep pula pula ka time ke rogo omba tonari tiklingen omon isuk boto Yesus polou ke Jerusalem. 13E tiblou ongup komo e isak kla ke iye e tidaiku omba langane. “Itakakai Ida Tapolngon angaine tito la egim. Ma Ida Tapolngon aitno itau itau ke gute ka me ke Ida Puda angaine. Iye gute ka ma vri mgo ke osep Israel ina.” 14Deka Yesus due donki otno ka omba boto e dong ine langka Ida Tapolngon ila pelengon palma wai langane.
15“Umu osep Saion ina umoulou tarna lumu kovok. Umavati gute ka vri mgo ke umu dong ke donki otno e iye me.”#12.15 — Emritim pelengon langane ke Sekaraia 9.9.
16E alo ari Yesus ila disaipel tile itau ke wan ka polou ke iye kovok. E mase alo ka Ida Tapolngon due Yesus poga tito ke ina denga e due dong itau lokono kap iye deka aitno lisak mter itau ke Ida Tapolngon ila pelengon tonari lana ine ka la ke Yesus. E amtarsak sisir wan ka osep tidue ke iye.
17Osep pula pula ka tidong kap iye alo ka iye gi ke Lasarus e due poga tito ke ina denga tipalongo osep ke elio ane. 18E osep pula pula kla tisoson Yesus kesua tiklingen omon ke elio arit ina tonari ka iye due. 19Deka osep Farisi ina tiwai pulu langane. “Umoklingen. Wan ka itawaiki itodue itakaranga itodue kovok. Umavati. Osep ka pula keniye tididi iye.”
Osep Grik ina leklou tiwaiki tivati Yesus
20E osep Grik ina leklou time ke Jerusalem kap osep leklou ma tilotuim Ida Tapolngon ke rogo omba. 21E isak kla ke Filip ka iye gute ka me ke Betsaida ka dong ke omur Galili. E tiwai ke iye langane. “Gute. Imawaiki imavati Yesus.” 22Deka Filip la wai ke Andru ine e isak orwo kla tiwai ke Yesus. 23E Yesus koli wai ke isak langane. “Taim ka Ida Tapolngon nis osep ke Gute Ka Polou Langka Osep ila elio itau lokono polou kodong. 24Ngawai lokono ke umu langane. Lama wit londo duru ke taklak e tarna polou okus kovok iye dong londo kene vala. E langka iye duru ke taklak e tarna polou okus ma londo nobolbol e erine usu otna pula. 25Langka gute waiki ila mosongon dong ke taklak ane ma iye imina e langka gute pli tarna ke taklak ane ma iye due ila mosongon ka dong vala dong. 26Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”
Yesus wai ma iye mete
27Deka Yesus wai langane. “Aitno lungong kro lokono e ma ngawai lange ine? Ma ngawai langane? Livou omsongon tokngon polou ke ngong kovok. Aurou. Kesua ngame ma nganamani tokngon ane. 28Livou emnis osep ke lem elio ka itau lokono.” Deka kreine wai ke omur heven langane. “Ngadue langane kodong e ma ngadue blang.” 29E osep pula pula ka tivri are tiklingen kreine wai. Osep leklou tiwai aragu nogrum e osep leklou tiwai ensel gesa wai ke iye. 30E Yesus wai ke isak langane. “Umoklingen kreine are wai ma lua umu e lua ngong kovok. 31E oku ane ma Ida Tapolngon wade osep ka pula keniye ke taklak urok elio. E ma iye sapir Satan ka plau taklak ane. 32E oku ane ngadong ke taklak e mase ma osep tidue burwa ke ngong e tidue ngong ngamana ke ngau akai. E ma ngadada osep ka pula keniye time ke ngong.” 33Yesus wai langane ma iye palongo osep ke elio ka ma iye mete ine.
34E osep pula pula are tikoli tiwai ke iye langane. “Ida Tapolngon ila pelengon dagar wai ke ite ma gute Krais ka Ida Tapolngon rere ma iye lua osep ke urok elio epmes ina ma iye dong vala dong. Ina lange amwai ma osep tidue Gute Ka Polou Langka Osep iye mana ke ina akai? Gute Ka Polou Langka Osep ane iye sei?” 35Deka Yesus wai ke isak langane. “Bublongon dong dau sasi boto vala kap umu e umelila alo ka bublongon dong kap umu. Umelila ke bublongon lama epmes polou e omur aivoro kesua gute ka lila ke aivoro ile omur ka iye lila ine kovok. 36Alo ka bublongon dau dong kap umu aitno lumu la dagar ine ma umopolou osep ka tidong ke bublongon.”
Osep Yuda ina pula aitno lisak dagar ke Yesus kovok
Alo ka Yesus wai yagos iye songon isak e la kukwop iye ke isak. 37E lama iye due elio arit ina ka nisngen pula ke osep amtarsak dau aitno lisak la dagar ke iye kovok. 38Elio ane polou ma gute napaprangan ina Aisaia ila pelengon polou lokono. Iye wai langane.
“Ngau Puda sei aitno dagar ke limem pelengon? E emnis lem arit ke osep seisei?”#12.38 — Emritim pelengon langane ke Aisaia 53.1.
39E aitno lisak karanga la dagar ke Yesus kovok kesua Aisaia wai blang langane.
40“Ida Tapolngon due amtarsak evin ma tikaranga tivati omur kovok. E iye pono aitno lisak ma ti-karanga tile itau kovok. Lama tibauluk aitno lisak ke ngong e ngadue isak tidong itau blang.”#12.40 — Emritim pelengon langane ke Aisaia 6.10.
41Aisaia wai langane kesua iye vati Yesus ila arit ka omba e ila bublongon deka iye wai ine.
42E dau osep plaungan ina pula aitno lisak la dagar ke Yesus. Lama langane dau tipalongo malak ine kovok kesua tiulou tarna lisak ke osep Farisi ina lama tisapir isak ke urok duningen ina ninu. 43Tiwaiki osep tikakai angainsak e elio ane mole elio ka tiwaiki Ida Tapolngon kakai angainsak.
Mase Yesus ila pelengon ma wade osep ka pula keniye urok elio
44Deka Yesus daiku langane. “Langka gute aitno dagar ke ngong deka aitno dagar ke ngong vala kovok. Aurou. Aitno dagar ke Ida Tapolngon ka pagei ngong ngame blang. 45E gute ka vati ngong vati Ida Tapolngon ka pagei ngong ngame blang. 46Ngame ke taklak ma ngadong langka bublongon ma gute ka aitno dagar ke ngong dong ke aivoro kovok. 47E langka gute klingen lou pelengon e didie kovok ma ngawade iye kovok. Aurou. Ngame ma ngawade osep kovok e ngame ma ngalua osep ke urok elio epmes ina. 48Wan dong ka ma wade gute ka pli ngong e didi lou pelengon kovok. Lou pelengon ka ngawai ine ma wade gute are ke oklou ka wan ka pula keniye yagos ine. 49Ngadidi aitno lungong e ngawai kovok. Aurou. Livou ka pagei ngong ngame wai dagar ke ngong ke pelengon ka ma ngawai ine. 50E ngaile ila pelengon tonari karanga due osep tidue mosongon ka dong vala dong. Deka ngawai pelengon ka Livou waiki ngawai vala.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771