Matyu 8
8
Yesus lua gute ka paiangan lepra due
(Mak 1.40-44 e Luk 5.12-14)
1Alo ka Yesus duru ke gigri osep pula pula tididi iye. 2Iye dau duru e gute kene ka paiangan lepra due polou ke Yesus e grum kamla ke bitna. E gute tonari wai langane. “Puda lem arit dong e amkaranga omdue lou paiangan lepra yagos e ma ngapolou itau blang langka amwaiki omdue langare.” 3E Yesus due limla kai gute tonari e wai langane. “Ngawaiki ngadue e oku ane ompolou itau blang.” Deka suong ila paiangan lepra yagos. 4E Yesus wai ke iye langane. “Amwai ke osep ke elio ane kovok e amla e emnis tarna lugom ke gute loulou ina ma iye ile ompolou itau blang. Deka omdue elio opmu ina langka Moses sogo ine. Omdue langane ma osep leklou tile ompolou itau blang.”
Yesus lua gute ka plau osep ola ina buno kene ila gute bokongon ina
(Luk 7.1-10)
5Mase Yesus lila sep ke armok Kaperneam e gute Rom ina ka plau osep ola ina buno kene polou ke iye e kel iye langane. 6“Ngau Puda lou gute bokongon ina dong ke lou ninu e kamla e limla timete e tarna doro doro lokono.” 7Deka Yesus koli wai langane. “Ma ngala e ngadue polou itau blang.” 8E gute plaungan tonari koli wai ke Yesus langane. “Ngau Puda ngong gute itau kovok e ngawaiki ma emsep ke lou ninu kovok. Amwai vala e lou gute bokongon ina ma polou itau blang. 9Kesua osep tiplau ngong e tiwai wansua ma ngadue e ngadue e ngaplau osep leklou e ngawai wansua ma tidue e tidue. Ngakaranga ngawai ke gute kene ‘amla’ e iye la e ngakaranga ngawai ke gute silang ‘omo’ e iye me. Ngawai ke lou gute bokongon ina ‘omdue wan ane’ e iye due.”
10Yesus klingen gute plaungan ina ila pelengon e iye digrik ine. E iye bauluk e wai ke osep ka tididi iye langane. “Ngawai lokono ke umu. Ke omur Israel ngapado gute kene vala kovok ka aitno ila dagar langka gute ane aitno ila dagar. 11Mase osep pula ma time ke omur ka oklou tito ine e omur ka oklou duru ine e tidong e tingen ngangon kap Abraham e Aisak e Jekop ke omur heven ka Ida Tapolngon plaue. 12E osep ka Ida Tapolngon rere ma iye waiki tidong ke omur tonari ma iye uri isak ke omur ka aivoro e ma tikngis e tisak orsak erine pulu kesua tarna lisak doro doro lokono.”
13Deka Yesus wai ke gute plaungan ina langane. “Amla ke lem ninu kesua aitno lugom ila dagar due wan ka empmi ngong ine polou kodong.” E ila gute bokongon ina polou itau blang ke aua ari.
Yesus lua Pita rana apmang
(Mak 1.29-31 e Luk 4.38-39)
14Mase Yesus la sep ke Pita ila ninu e iye vati Pita rana apmang paia e tarna engil. 15E Yesus kis limla e suong tarna engil yagos deka iye tito e kar ngangon ke Yesus e iye ngen.
Yesus lua osep pula ka tipaia
(Mak 1.32-34 e Luk 4.40-41)
16Ke kirui osep tipaur osep pula ka angelo soulu dong ke isak ke Yesus e iye wai vala e sapir angelo soulu ke osep tonari. E iye due osep ka tipaia tipolou itau blang. 17Iye due langane ma pelengon ka gute napaprangan ina Aisaia wai ine polou lokono. Iye wai langane.
“Iye due udo paiangan yagos e due ite itopolou itau blang.”
Yesus wai ke elio ka osep tididi iye
(Luk 9.57-60)
18E alo ka Yesus vati osep pula pula lelei iye deka iye wai ma tibru elim Galili. 19E gute kene ka ile itau ke Moses ila sogongon polou ke iye e wai langane. “Gute parerengen ina ma ngadidi wom ke omur lange ka amla ine.” 20E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.” 21E ila disaipel silang polou ke iye e wai langane. “Ngau Puda omsongon ngong ngala ngayas livou.” 22E Yesus koli wai langane. “Emdidi ngong e omsongon osep ka isak langka timete tiyas osep ka timete kodong.”
Yesus wai deka engen yagos
(Mak 4.36-41 e Luk 8.22-25)
23Yesus sep ke bot deka ila disaipel tididi iye e tisep ke bot blang. 24E engen omba polou ke elim e biotini omba e aki sep ke urok bot. E Yesus mumu kudung ngangik. 25E ila disaipel kla ke iye e tidue tipa e tiwai langane. “Ipem Puda omlua imi lama imemete ke aki.” 26E Yesus koli wai langane. “Ina lange umelim? Aitno lumu ila dagar daudeng vala.” Deka iye tito wai dagar ke engen e boitini ma isak yagos. E lokono isak yagos. 27E osep ka tidong ke bot tidigrik e tiwai pulu langane. “Gute ane iye gute lange? Kesua iye wai deka engen e boitini tini ila pelengon.”
Yesus sapir angelo soulu ke osep orwo
(Mak 5.1-17 e Luk 8.26-37)
28Yesus isak tibru elim kodong e tipolou ke aki ina dingen batne isuk boto ke osep Gadara ina urok omur e tilila ke ekreng. Deka osep orwo ka angelo soulu dong ke isak tipolou ke isak olwo boto ke omus ka tiyas osep ine. Isak amnga lokono e osep tikaranga tilila ke ekreng tonari kovok. 29E tidaiku langane. “Yesus wom ka Ida Tapolngon Otno Arang ma omdue sua ke imi? Omo ma omules imi lama alo ka limem ulesngen ina taim polou dau kovok koke aurou?”
30Alo ari olwo boto ke omur are ovar pula pula tingen. 31E angelo soulu tiwai dagar ke Yesus langane. “Langka ampagei imi ke osep orwo ane omsongon imi ma imakaranga imesep ke ovar ari.” 32Deka Yesus wai ke angelo soulu ma tisongon osep orwo deka tisongon isak e tisep ke ovar. Tisep ke ovar e lokono ovar tisuong ke aki ina dingen batne e tisep ke aki e tiunim.
33Osep ka tiplau ovar tonari tiulou e tisuong ke armok e tipalongo osep ke wan keniye ka polou. E wansua ka polou ke osep orwo tonari. 34Deka osep ka pula keniye ke armok kla ke Yesus. Alo ka tivati Yesus tipmi iye dagar ma iye songon urok omur.
Currently Selected:
Matyu 8: ANT
Highlight
Share
Copy
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771
Matyu 8
8
Yesus lua gute ka paiangan lepra due
(Mak 1.40-44 e Luk 5.12-14)
1Alo ka Yesus duru ke gigri osep pula pula tididi iye. 2Iye dau duru e gute kene ka paiangan lepra due polou ke Yesus e grum kamla ke bitna. E gute tonari wai langane. “Puda lem arit dong e amkaranga omdue lou paiangan lepra yagos e ma ngapolou itau blang langka amwaiki omdue langare.” 3E Yesus due limla kai gute tonari e wai langane. “Ngawaiki ngadue e oku ane ompolou itau blang.” Deka suong ila paiangan lepra yagos. 4E Yesus wai ke iye langane. “Amwai ke osep ke elio ane kovok e amla e emnis tarna lugom ke gute loulou ina ma iye ile ompolou itau blang. Deka omdue elio opmu ina langka Moses sogo ine. Omdue langane ma osep leklou tile ompolou itau blang.”
Yesus lua gute ka plau osep ola ina buno kene ila gute bokongon ina
(Luk 7.1-10)
5Mase Yesus lila sep ke armok Kaperneam e gute Rom ina ka plau osep ola ina buno kene polou ke iye e kel iye langane. 6“Ngau Puda lou gute bokongon ina dong ke lou ninu e kamla e limla timete e tarna doro doro lokono.” 7Deka Yesus koli wai langane. “Ma ngala e ngadue polou itau blang.” 8E gute plaungan tonari koli wai ke Yesus langane. “Ngau Puda ngong gute itau kovok e ngawaiki ma emsep ke lou ninu kovok. Amwai vala e lou gute bokongon ina ma polou itau blang. 9Kesua osep tiplau ngong e tiwai wansua ma ngadue e ngadue e ngaplau osep leklou e ngawai wansua ma tidue e tidue. Ngakaranga ngawai ke gute kene ‘amla’ e iye la e ngakaranga ngawai ke gute silang ‘omo’ e iye me. Ngawai ke lou gute bokongon ina ‘omdue wan ane’ e iye due.”
10Yesus klingen gute plaungan ina ila pelengon e iye digrik ine. E iye bauluk e wai ke osep ka tididi iye langane. “Ngawai lokono ke umu. Ke omur Israel ngapado gute kene vala kovok ka aitno ila dagar langka gute ane aitno ila dagar. 11Mase osep pula ma time ke omur ka oklou tito ine e omur ka oklou duru ine e tidong e tingen ngangon kap Abraham e Aisak e Jekop ke omur heven ka Ida Tapolngon plaue. 12E osep ka Ida Tapolngon rere ma iye waiki tidong ke omur tonari ma iye uri isak ke omur ka aivoro e ma tikngis e tisak orsak erine pulu kesua tarna lisak doro doro lokono.”
13Deka Yesus wai ke gute plaungan ina langane. “Amla ke lem ninu kesua aitno lugom ila dagar due wan ka empmi ngong ine polou kodong.” E ila gute bokongon ina polou itau blang ke aua ari.
Yesus lua Pita rana apmang
(Mak 1.29-31 e Luk 4.38-39)
14Mase Yesus la sep ke Pita ila ninu e iye vati Pita rana apmang paia e tarna engil. 15E Yesus kis limla e suong tarna engil yagos deka iye tito e kar ngangon ke Yesus e iye ngen.
Yesus lua osep pula ka tipaia
(Mak 1.32-34 e Luk 4.40-41)
16Ke kirui osep tipaur osep pula ka angelo soulu dong ke isak ke Yesus e iye wai vala e sapir angelo soulu ke osep tonari. E iye due osep ka tipaia tipolou itau blang. 17Iye due langane ma pelengon ka gute napaprangan ina Aisaia wai ine polou lokono. Iye wai langane.
“Iye due udo paiangan yagos e due ite itopolou itau blang.”
Yesus wai ke elio ka osep tididi iye
(Luk 9.57-60)
18E alo ka Yesus vati osep pula pula lelei iye deka iye wai ma tibru elim Galili. 19E gute kene ka ile itau ke Moses ila sogongon polou ke iye e wai langane. “Gute parerengen ina ma ngadidi wom ke omur lange ka amla ine.” 20E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.” 21E ila disaipel silang polou ke iye e wai langane. “Ngau Puda omsongon ngong ngala ngayas livou.” 22E Yesus koli wai langane. “Emdidi ngong e omsongon osep ka isak langka timete tiyas osep ka timete kodong.”
Yesus wai deka engen yagos
(Mak 4.36-41 e Luk 8.22-25)
23Yesus sep ke bot deka ila disaipel tididi iye e tisep ke bot blang. 24E engen omba polou ke elim e biotini omba e aki sep ke urok bot. E Yesus mumu kudung ngangik. 25E ila disaipel kla ke iye e tidue tipa e tiwai langane. “Ipem Puda omlua imi lama imemete ke aki.” 26E Yesus koli wai langane. “Ina lange umelim? Aitno lumu ila dagar daudeng vala.” Deka iye tito wai dagar ke engen e boitini ma isak yagos. E lokono isak yagos. 27E osep ka tidong ke bot tidigrik e tiwai pulu langane. “Gute ane iye gute lange? Kesua iye wai deka engen e boitini tini ila pelengon.”
Yesus sapir angelo soulu ke osep orwo
(Mak 5.1-17 e Luk 8.26-37)
28Yesus isak tibru elim kodong e tipolou ke aki ina dingen batne isuk boto ke osep Gadara ina urok omur e tilila ke ekreng. Deka osep orwo ka angelo soulu dong ke isak tipolou ke isak olwo boto ke omus ka tiyas osep ine. Isak amnga lokono e osep tikaranga tilila ke ekreng tonari kovok. 29E tidaiku langane. “Yesus wom ka Ida Tapolngon Otno Arang ma omdue sua ke imi? Omo ma omules imi lama alo ka limem ulesngen ina taim polou dau kovok koke aurou?”
30Alo ari olwo boto ke omur are ovar pula pula tingen. 31E angelo soulu tiwai dagar ke Yesus langane. “Langka ampagei imi ke osep orwo ane omsongon imi ma imakaranga imesep ke ovar ari.” 32Deka Yesus wai ke angelo soulu ma tisongon osep orwo deka tisongon isak e tisep ke ovar. Tisep ke ovar e lokono ovar tisuong ke aki ina dingen batne e tisep ke aki e tiunim.
33Osep ka tiplau ovar tonari tiulou e tisuong ke armok e tipalongo osep ke wan keniye ka polou. E wansua ka polou ke osep orwo tonari. 34Deka osep ka pula keniye ke armok kla ke Yesus. Alo ka tivati Yesus tipmi iye dagar ma iye songon urok omur.
Currently Selected:
:
Highlight
Share
Copy
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771