KONESI 11
11
1Nyenaga lososonyo kilo ku luŋaseri laga lo si’da Yudaya yu kilo ayinga adi Monyazi kilo arugo kulia ti Ŋun kine itro. 2Kugbo Petero laga autu Yerusalema yu‚ ku’de ŋutulu laga ataaro kilo druga rerenya ku lepe‚ 3druga piza adi‚ “Do autu i ŋutulu laga aku taaro kilo i dridriŋi yu i nyosu kasi ko kugele gbandra ya?” 4Druga Petero poki i kpekindra na ko kulia ŋani kine gele gele adi‚ 5“Ma na gbo’dini i kezi naga Yopa nu, na lu i magu na Ŋun, na druga medra le’de ŋo kuwe rambuni be na rudesina‚ na ku medri ŋo ŋanilo be bongo nawala i kiyundra kani agomo ku goŋeto iŋmani i ŋiyu i ’diko yu‚ lepe druga lira kuwe lagani. 6Na ku tidri lepe‚ na druga medra kapa laga ku mukuzi iŋmani ku kapa ti droru kilo‚ ku lo woro ka ku gedyo ki kilo ku kpenya ti ’diko kine itro. 7’Bo na druga yinga roro le’de lo takindra nalo adi‚ ‘Petero ŋine‚ ’duŋe‚ nyoni.’ 8’Bo na druga kulia adi‚ ‘ ’Bayi Mata‚ igbonaga kapa laga a loro ku laga ’ba kekeli kilo bita ani lubo kuwe kutuni tro.’ 9Rorolo druga kuu i ’diko yu‚ i teyitundro na kulia luŋa mure adi‚ ‘Kapa laga ma Ŋun toke’i kilo ku luluŋu ko a loro.’ 10Kulia ŋani kine akondra ’beri luŋa musala, ’bo i bo ŋanina kilo kapa de giri a’dumazi i ’diko yu bo. 11’Bo wuleŋa gele‚ druga ŋutulu musala lo sunye kuweni ŋiyu Kaisaria yu kilo lilira i kadi naga ma yi si’danina i koŋoni. 12Druga Yuka Nakiyena takindra na adi‚ ‘Uti kasi ko kugele‚ kuwe nonuna ka’bi ku gbogbo’da po’didi.’ Luŋaseri laga bukiye kilo de aworo ku na kugele‚ yi druga lubo ku ŋutu ŋanilo kadi yu. 13Lepe druga kekenakindra yi kulia adi nye amedra malaikata ti alira kanye kadini‚ druga takindra nye adi‚ ‘Sonyoro ŋutu Yopa yu i luŋundra na Simona lo luŋu a Peterolo‚ 14’bo lepe itrutrukokindro do kulia naga mo do ku riteni kine‚ do lepe ku ŋutulu giri laga konu kadi yu kilo itro.’ 15Kuwe suluza na tazu na kuliani Yuka Nakiyena druga kiyundra kasiko kini, be naga kazu i suluki yu ma kiyundri kaya kinina. 16Na druga rambu kulia naga kazu ma Matalo tazi kine adi, ‘Yoane kazu tikindra baputizilo ku pio, ’bo laga ta, ta i’deba baputizilo ku Yuka Nakiyena.’ 17Kuwade ku Ŋun lo tikindra ko ’doke drodrogele be naga ma lepe tikindri yi‚ i luŋa laga ma yi rugi Mata Yesu Kristo lu ina‚ na a ŋa lo romoki goza Ŋun?” 18Ku ko laga ayinga kulia ŋani kine de‚ ko ayiŋa tali‚ ko druga pupudya Ŋun i kulia adi‚ “Kuwade Ŋun atikindra Monyazi kilo gbo’di i lopugo na teiliko‚ i ’deba na ru itro.” 19Nyenaga ŋutulu laga ma rekini ku sasanya na ŋiyu ku kulia ti Setefano kilo‚ ko druga woro mu pirito kine yeŋadru suu Foinike ku Kuporo ku Antiokia yu‚ i trukokindro na Yahudi kilo kulia kine ka’delo. 20’Bo ku’de kilo ŋutulu kasiko i dridriŋini, lo ŋiyu Kuporo yu‚ ku Kurene yu kilo‚ ku ko laga ayenga Antiokia yu‚ ko druga poki i trukokindro na Monyazi kilo itro kulia ti Mata Yesu kine. 21Teriŋi na Matalo ina nu kasi ko kugele. Kugbo mongoyo na ŋutulu rodri laga arugo kilo‚ ko druga lopugo ’beri ku Mataloni. 22Kulia kasiko kine druga kuworo suu i karuko ti tomore naga Yerusalema yuna kilo i suwo yu‚ ko druga sonyodru Baranaba Antiokia yu. 23Ku lepe laga ayeŋadru yu de‚ ku amedra ’busa na’bu na Ŋun ina‚ lepe druga nyonyola, druga lepe ma’yu mugu ku ko giri adi ti ko gbo’dini ku teiliko ti to’diri i ’depakindra na ’beri ku Mataloni ku teili giri. 24’Bo lepe a ŋutu lo’bu‚ azore ku Yuka Nakiyena, ku rugona itro. Mongoyo na ŋutulu rodri kilo druga momorakindra ’beri ku Mataloni. 25Kuwade Baranaba druga utu Tarisea yu i galadru na Saulo. 26Ku arumbi lepe‚ druga zondra lepe Antiokiani. Kuwade i kiŋa gele ndulu‚ ko atomodya ’beri ku tomore na karuko kilo kugele‚ druga togo’yu mongoyo na ŋutulu rodri. ’Bo lotodiniki kilo suluki luŋu naga a Kristayona Antiokia yu. 27’Bo i nu baŋe de kakeyo ku’de kilo ayeŋundra Antiokiani ŋiyu Yerusalema yu. 28Le’de ŋutu kasiko i dridriŋini, kari ti lepe kine se naga Agabo‚ druga ŋi ki i kewundra na kulia ku Yuka Nakiyena adi i kani giri rile druma i’du’duki, ’bo rile ŋanina a’duki i baŋe na Kilaudio nu. 29’Bo lotodiniki kilo atomodya ’beri i sunyukindro na luŋaseri laga Yudaya yu kilo ’doketa be naga ma ŋutu gele gele romokini ina. 30Kuwade ko akondra de i sonyodru na ’doketa ŋani kilo ku temezi kilo yu kasi Baranaba i keni seku Saulo.
Currently Selected:
KONESI 11: KNT77
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.
KONESI 11
11
1Nyenaga lososonyo kilo ku luŋaseri laga lo si’da Yudaya yu kilo ayinga adi Monyazi kilo arugo kulia ti Ŋun kine itro. 2Kugbo Petero laga autu Yerusalema yu‚ ku’de ŋutulu laga ataaro kilo druga rerenya ku lepe‚ 3druga piza adi‚ “Do autu i ŋutulu laga aku taaro kilo i dridriŋi yu i nyosu kasi ko kugele gbandra ya?” 4Druga Petero poki i kpekindra na ko kulia ŋani kine gele gele adi‚ 5“Ma na gbo’dini i kezi naga Yopa nu, na lu i magu na Ŋun, na druga medra le’de ŋo kuwe rambuni be na rudesina‚ na ku medri ŋo ŋanilo be bongo nawala i kiyundra kani agomo ku goŋeto iŋmani i ŋiyu i ’diko yu‚ lepe druga lira kuwe lagani. 6Na ku tidri lepe‚ na druga medra kapa laga ku mukuzi iŋmani ku kapa ti droru kilo‚ ku lo woro ka ku gedyo ki kilo ku kpenya ti ’diko kine itro. 7’Bo na druga yinga roro le’de lo takindra nalo adi‚ ‘Petero ŋine‚ ’duŋe‚ nyoni.’ 8’Bo na druga kulia adi‚ ‘ ’Bayi Mata‚ igbonaga kapa laga a loro ku laga ’ba kekeli kilo bita ani lubo kuwe kutuni tro.’ 9Rorolo druga kuu i ’diko yu‚ i teyitundro na kulia luŋa mure adi‚ ‘Kapa laga ma Ŋun toke’i kilo ku luluŋu ko a loro.’ 10Kulia ŋani kine akondra ’beri luŋa musala, ’bo i bo ŋanina kilo kapa de giri a’dumazi i ’diko yu bo. 11’Bo wuleŋa gele‚ druga ŋutulu musala lo sunye kuweni ŋiyu Kaisaria yu kilo lilira i kadi naga ma yi si’danina i koŋoni. 12Druga Yuka Nakiyena takindra na adi‚ ‘Uti kasi ko kugele‚ kuwe nonuna ka’bi ku gbogbo’da po’didi.’ Luŋaseri laga bukiye kilo de aworo ku na kugele‚ yi druga lubo ku ŋutu ŋanilo kadi yu. 13Lepe druga kekenakindra yi kulia adi nye amedra malaikata ti alira kanye kadini‚ druga takindra nye adi‚ ‘Sonyoro ŋutu Yopa yu i luŋundra na Simona lo luŋu a Peterolo‚ 14’bo lepe itrutrukokindro do kulia naga mo do ku riteni kine‚ do lepe ku ŋutulu giri laga konu kadi yu kilo itro.’ 15Kuwe suluza na tazu na kuliani Yuka Nakiyena druga kiyundra kasiko kini, be naga kazu i suluki yu ma kiyundri kaya kinina. 16Na druga rambu kulia naga kazu ma Matalo tazi kine adi, ‘Yoane kazu tikindra baputizilo ku pio, ’bo laga ta, ta i’deba baputizilo ku Yuka Nakiyena.’ 17Kuwade ku Ŋun lo tikindra ko ’doke drodrogele be naga ma lepe tikindri yi‚ i luŋa laga ma yi rugi Mata Yesu Kristo lu ina‚ na a ŋa lo romoki goza Ŋun?” 18Ku ko laga ayinga kulia ŋani kine de‚ ko ayiŋa tali‚ ko druga pupudya Ŋun i kulia adi‚ “Kuwade Ŋun atikindra Monyazi kilo gbo’di i lopugo na teiliko‚ i ’deba na ru itro.” 19Nyenaga ŋutulu laga ma rekini ku sasanya na ŋiyu ku kulia ti Setefano kilo‚ ko druga woro mu pirito kine yeŋadru suu Foinike ku Kuporo ku Antiokia yu‚ i trukokindro na Yahudi kilo kulia kine ka’delo. 20’Bo ku’de kilo ŋutulu kasiko i dridriŋini, lo ŋiyu Kuporo yu‚ ku Kurene yu kilo‚ ku ko laga ayenga Antiokia yu‚ ko druga poki i trukokindro na Monyazi kilo itro kulia ti Mata Yesu kine. 21Teriŋi na Matalo ina nu kasi ko kugele. Kugbo mongoyo na ŋutulu rodri laga arugo kilo‚ ko druga lopugo ’beri ku Mataloni. 22Kulia kasiko kine druga kuworo suu i karuko ti tomore naga Yerusalema yuna kilo i suwo yu‚ ko druga sonyodru Baranaba Antiokia yu. 23Ku lepe laga ayeŋadru yu de‚ ku amedra ’busa na’bu na Ŋun ina‚ lepe druga nyonyola, druga lepe ma’yu mugu ku ko giri adi ti ko gbo’dini ku teiliko ti to’diri i ’depakindra na ’beri ku Mataloni ku teili giri. 24’Bo lepe a ŋutu lo’bu‚ azore ku Yuka Nakiyena, ku rugona itro. Mongoyo na ŋutulu rodri kilo druga momorakindra ’beri ku Mataloni. 25Kuwade Baranaba druga utu Tarisea yu i galadru na Saulo. 26Ku arumbi lepe‚ druga zondra lepe Antiokiani. Kuwade i kiŋa gele ndulu‚ ko atomodya ’beri ku tomore na karuko kilo kugele‚ druga togo’yu mongoyo na ŋutulu rodri. ’Bo lotodiniki kilo suluki luŋu naga a Kristayona Antiokia yu. 27’Bo i nu baŋe de kakeyo ku’de kilo ayeŋundra Antiokiani ŋiyu Yerusalema yu. 28Le’de ŋutu kasiko i dridriŋini, kari ti lepe kine se naga Agabo‚ druga ŋi ki i kewundra na kulia ku Yuka Nakiyena adi i kani giri rile druma i’du’duki, ’bo rile ŋanina a’duki i baŋe na Kilaudio nu. 29’Bo lotodiniki kilo atomodya ’beri i sunyukindro na luŋaseri laga Yudaya yu kilo ’doketa be naga ma ŋutu gele gele romokini ina. 30Kuwade ko akondra de i sonyodru na ’doketa ŋani kilo ku temezi kilo yu kasi Baranaba i keni seku Saulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.