KONESI 13
13
1Nyenaga ku rumbi derengi i tomore na karuko laga Antiokia yu kilo, kakeyo kilo ku katogolo kilo itro, ku Baranaba seku Simeona lo luŋu a Loruwolo, ku Lukio laga lo Kurenelo ku Manaena laga tonyenga nasiko kasi mata laga Herode i ’ba yulo, ku Saulo itro. 2I naga ma ko teminizi Matalona, i naga ma ko kugi nyosuna, Yuka Nakiyena druga kulia adi, “Gelakita na Baranaba seku Saulo ka’de, i kondra na kita naga ma na lungini kona.” 3Kuwade ku ko laga akuga nyosuna‚ ku ko laga amagu, ko druga tanyakindra kenisi kase kilo kasiko kini, druga kolodru ko i utu. 4Kuwade ku Yuka Nakiyena naga asonyodru ko, ko druga tu Selukia yu, ŋiyoro yu de ko druga lubo i ki’bo kata yu, i laŋadru Kuporo yu. 5Kugbo ko laga ayeŋadru Salami yu, ko druga trukodru kulia ti Ŋun kine i kadizi naga ma Yahudi kilo momorani kine kata yu. Ti Yoane gbo kasi ko kugele a kalokoni lasiko. 6Kasiko iworozini‚ ko druga rosodru i ka na Kuporona kata yu giri yeŋadru suu Pafo yu druga rumbi le’de ŋutu a ka’demani, a kakeyoni laga a ’bureni, kari ti lepe kine se naga BariYesu‚ lepe a Yahuditio. 7Lepe gbo seku Serigio Paulo laga a lo’bizolo kugele. Lo’bizo ŋanilo a ŋutu lo totore‚ ’bo lepe druga luŋundra Baranaba seku Saulo kanyeni, igbonaga lepe nyadru yinga kulia ti Ŋun kine ina. 8’Bo Eluma‚ ka’demani ŋanilo‚ ’bo bo na kari ti lepe kinena gbo de, lepe agokindra ko igbonaga lepe nyadru togidya lo’bizolo ka’bi ku rugo ina. 9’Bo Saulo, lo luŋu a Paulo ilo ti lepe azore ku Yuka Nakiyena, druga gorozu lepe, 10druga kulia adi, “Do a ŋiro lo kasosoyini lo kulialo, do a miriku lo kulia giri naga soso kine, do azore ku toŋulupa, ku torozi giri itro, do ani ko’yu togidya na kikoli ti Mata laga gbogbo kilo gbandra ya? 11’Bo mete, tinade keni lo Matalo ilo konu kini, do igbo’da ’ba konye, do aka romoki medra kanani ku baŋe a naŋutru.” Wuleŋa gele luru ku mude a’duki ku lepe kini, lepe druga ga’yu le’de ŋutu i ’dolakindra na nye kuwe. 12Kugbo lo’bizolo laga amedra kulia ŋani na kondra ’beri kine de, lepe druga rurugo, druga rambu mugu koru ku togole lo Matalona. 13Nyenaga Paulo ku ŋutulu laga lo woro kasi lepe kugele kilo druga ŋiŋiyoro Pafo yu druga ku yeŋadru Periga yu i ka na Pamfuliana kata yu, druga Yoane kolokindro ko yu de, druga yito bo Yerusalema yu. 14Nyena rosodri ko ŋiyu Periga yu druga yeŋadru Antiokia i ka na Pisidiana kata yu. I luŋa lo sabatolo‚ ko druga lubo i kadi naga a momorena kata yu druga gbi’diki ka. 15Kugbo buku na kukuzuna ku na kakeyona naga akena‚ drumala ti kadi naga a momorena kilo druga sonyodru kutu kasiko yu adi‚ “Luŋaseri, ku ta laga gbo ku kulia na rudani teiliko ti ŋutulu kilo, kulianita.” 16Kuwade Paulo druga ŋi ki, lepe druga goza ŋutulu kilo ku keni, druga kulia adi, “Ta laga a ŋutu ti Isiraeli kilo, ku ta laga lo kuga Ŋun kilo, yiŋeta. 17Ŋun lo zuru laga Isiraeli de agelundra kazu merenyezi kaya kilo, atikindra ilo zuru de todruma i naga ma ko gbo’dini i ka na Ezipetona kata yu ina‚ ’bo ku teriŋi nanye naga koruna atolupundro ko i ka ŋanina kaŋo. 18’Bo lepe aŋinga ko i diŋo kata yu beti ŋona kiŋazi meria iŋmani. 19Kugbo lepe laga azukindra zuro laga burio kilo i ka na Kanana katani, lepe druga tikindra ko ka ŋanina, ’bo i ka ŋanina katani ko asaka be ŋona kiŋazi kamazi iŋmani ku meria mukana. 20I bo ŋanina lepe druga tikindra ko kaŋera ti kulia, yeŋadru tozo i baŋe na kakeyoni laga Samueli ma gbo’dini nu. 21’Bo i bo ŋanina ko druga magu mata, ’bo Ŋun druga tikindra ko Saulo, ŋiro lo Kisi, laga a Benyaminatio‚ lo ’deba kana kiŋazi meria iŋmanilo. 22Ku Ŋun laga a’dotodru lio, lepe druga ’delakindra Dawidi a mata lasiko, lepe a’dodru bo na kulia ti lepe kine, akulia adi, ‘Na arumbi Dawidi laga a ŋiro lo Yese, lepe a ŋutu laga ma na nyadrilo‚ lepe ikondra kulia kine giri be naga ma na nyadrinina.’ 23’Bo i dridriŋi na nyomo ti ilo ŋutu de‚ Ŋun azakindra Isiraeli kilo Kariteni laga Yesu, be naga kazu ma lepe sarakindrina. 24’Bo ti inga Yesu aku yeŋundrana, Yoane atrukokindro ŋutulu giri ti Isiraeli kilo kulia ti lopuko na teiliko kine, ma ko ’debini baputizilo. 25Kugbo Yoane laga gbo’di ilo lelenga kita nanyena lepe druga piza adi, ‘Ta yo’yu adi na a ŋa? Na ani gbo’da a lepe. ’Bo ŋutu le’de lo pondra kuwe boni, laga na ani romoki i lagu na kamuka naga ku lepe i mukuzini kinelo.’ 26“Luŋaseri, ta laga a ŋazi ti ketimi na Abarahama kilo, ku ku’de kilo kasu dridriŋini laga lo kuga Ŋun kilo‚ kulia ti ina rite de kine sunye kayani. 27’Bo ko laga lo saka Yerusalema yu kilo ku drumala kasiko kilo aku deni lepe‚ ’bo ’do aku rami kulia naga ma kakeyo kilo tazi, na kena mu sabatoki kine itro. Kuwade ko atorumokindro kulia ŋani kine ku naga ma ko ŋedyi kulia ti lepe kine adi ti lepe tuwanina. 28’Dibani kodro ku ko aku rio kulia na turani lepe i tuwani kine gele tro kpe, ko druga magu Pilato adi ti lepe tatuwini. 29’Bo ku ko laga atorumokindro kuliata naga na wuro ku lepe kine giri, ko druga lakundra opu lo lepelo kani i kedini mugu yu, ko druga topirikindra lepe i gulo katani. 30’Bo Ŋun atoŋizu lepe i ŋutulu laga atatuwa kilo i dridriŋi yu. 31’Bo lepe druga puku i luŋa rodri ku ŋutulu laga lo woro kasi lepe kugele ŋiyu Galili yu yeŋadru suu Yerusalema yu kiloni. Kilo ŋutulu de laga lo gbo’da tinade a ka’doto ti kulia ti lepe kine ku ŋutu kiloni kilo. 32’Bo yi zakindra ta kuu na’bu, kulia naga kazu ma Ŋun sarakindri merenyezi kilo kunu. 33’Bo lepe atorumokindro kulia ŋani kine ku yi laga a ŋazi kasiko kilo, i naga ma lepe toŋizi Yesu ina. Be naga ma wuroni i sauma naga a togi murena katani itrona adi, ‘Do a ŋiro lio, indikini na ayuŋundro do.’ 34’Bo ’do, Ŋun atazu kulia ti Ŋiye na lepe naga i dridriŋi na ŋutulu laga atatuwa naga adi ka’bi lepe ku yiyito bo i ’bure yuna de, adi, ‘Na itikindra do koŋo na’bu naga nakiye naga mŋgba na tiki kazu Dawidina.’ 35’Bo lepe atazu ’do i sauma ne’de katani adi‚ ‘Do aka kolokindro Ŋutu lolu laga a Lokiye lokiyelo i ’bureni.’ 36Kugbo Dawidi laga akondra kulia naga ma Ŋun nyadri kine kanye baŋeni‚ lepe druga ’ba’balazi druga nuka ku merenyezi kanye kilo kugele‚ ’bo lepe a’bure. 37’Bo ŋutu laga ma Ŋun toŋizi i dridriŋi na ŋutulu laga atatuwa kilolo aku ’bure tro. 38Kuwade luŋaseri‚ deneta adi‚ ku kulia ti ilo ŋutu de kine ’diya na torozina atrukoki ta. 39’Bo ku kulia ti lepe kine karuko kilo giri akena mŋgba ku kuliata giri naga ta ani romoki kena mŋgba ku kukuzu na Mosena kine. 40Kuwade, gbo’dita go ku kulia naga kazu ma kakeyo kilo tazi kine ka’bi ku yeŋundra kasuni adi‚ 41‘ ’Bo meteta‚ ta laga a ka’data kilo‚ rameta ’beri‚ karakinita igbonaga na lo kondra kita kasu baŋeni‚ ’bo ta aka rugo kita ŋaninani ’dibani kodro kugbo atrukoki ta kpe.’ ” 42Kugbo Paulo seku Baranaba laga alupodru kaŋo yu‚ ŋutulu kilo druga ma’yu ’beri ku ko adi ti ko ku trukoki se kulia kine ’do i sabato lo bo lu. 43’Bo kugbo ŋutulu laga lo tunundra ’beri kilo laga areki‚ Yahudi kilo rodri ku ŋutulu ku’de laga lo ’delakindra ’beri i teminizo na Ŋun‚ laga lo lopugo ’beri a Yahudi kilo‚ ko druga kepodru bo na Paulo seku Barabana ina. Karaŋa druga takindra ko adi ti ko sakani i ’busa na’bu na Ŋun ina katani ’duu. 44I sabato lo bo lu‚ ŋutulu laga kezi yu kilo rodri druga tunundra ’beri ’do’do giri kugele‚ i yinga na kulia ti Matalo kine. 45’Bo Yahudi kilo kuwa amedra mongoyo ti ŋutulu kilo, ko druga gbo ku yuma koru‚ druga poki i rerenya ku kulia na ta Paulo kine i momorozu na lepe. 46’Bo Paulo seku Baranaba druga kulia ’ba kuze adi, “A ’diri nyadru kulia ti Ŋun kine ti trukokini ta a nze, ’bo igbonaga ta yo’yu adi ta ani diniki i rumbi na ru naga ani lengana ina, meteta‚ yi kulu lopukodru ’beri ku Monyazi kilo yu. 47’Bo Matalo atakindra yi ina kukuzu de adi, ‘Na a’delakindra do a parara na Monyazi kilo, mo do ku zonga kulia ti rite kine i ’dute na kana yu.’ ” 48Kugbo Monyazi kilo laga ayinga kine kulia de, ko druga nyonyola, druga teminizo kulia ti Matalo kine, ’bo ŋutulu giri laga anyume i riozu na ru naga ani lengana kilo ko arugo. 49Kulia ti Matalo kine akuworo i ka ŋanina giri. 50’Bo Yahudi kilo druga utu ku wate naga a kukaki na ’delakindra ’beri i teminizo na Ŋun kine yu, ku ŋutulu laga a ka’dola ti kuwe i nu kezi de kata yu kilo yu itro‚ i zuzuza na ko. Ko druga wowondru Paulo seku Baranaba i droŋodru na ko kase kani kaŋo. 51’Bo ku Paulo seku Baranaba druga trutrungo putru naga kase mukuzini kine kani kasiko i koŋoni, ko druga tu Ikonio yu. 52’Bo lotodiniki kilo druga nyonyola koru ku Yuka Nakiyena itro.
Currently Selected:
KONESI 13: KNT77
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.
KONESI 13
13
1Nyenaga ku rumbi derengi i tomore na karuko laga Antiokia yu kilo, kakeyo kilo ku katogolo kilo itro, ku Baranaba seku Simeona lo luŋu a Loruwolo, ku Lukio laga lo Kurenelo ku Manaena laga tonyenga nasiko kasi mata laga Herode i ’ba yulo, ku Saulo itro. 2I naga ma ko teminizi Matalona, i naga ma ko kugi nyosuna, Yuka Nakiyena druga kulia adi, “Gelakita na Baranaba seku Saulo ka’de, i kondra na kita naga ma na lungini kona.” 3Kuwade ku ko laga akuga nyosuna‚ ku ko laga amagu, ko druga tanyakindra kenisi kase kilo kasiko kini, druga kolodru ko i utu. 4Kuwade ku Yuka Nakiyena naga asonyodru ko, ko druga tu Selukia yu, ŋiyoro yu de ko druga lubo i ki’bo kata yu, i laŋadru Kuporo yu. 5Kugbo ko laga ayeŋadru Salami yu, ko druga trukodru kulia ti Ŋun kine i kadizi naga ma Yahudi kilo momorani kine kata yu. Ti Yoane gbo kasi ko kugele a kalokoni lasiko. 6Kasiko iworozini‚ ko druga rosodru i ka na Kuporona kata yu giri yeŋadru suu Pafo yu druga rumbi le’de ŋutu a ka’demani, a kakeyoni laga a ’bureni, kari ti lepe kine se naga BariYesu‚ lepe a Yahuditio. 7Lepe gbo seku Serigio Paulo laga a lo’bizolo kugele. Lo’bizo ŋanilo a ŋutu lo totore‚ ’bo lepe druga luŋundra Baranaba seku Saulo kanyeni, igbonaga lepe nyadru yinga kulia ti Ŋun kine ina. 8’Bo Eluma‚ ka’demani ŋanilo‚ ’bo bo na kari ti lepe kinena gbo de, lepe agokindra ko igbonaga lepe nyadru togidya lo’bizolo ka’bi ku rugo ina. 9’Bo Saulo, lo luŋu a Paulo ilo ti lepe azore ku Yuka Nakiyena, druga gorozu lepe, 10druga kulia adi, “Do a ŋiro lo kasosoyini lo kulialo, do a miriku lo kulia giri naga soso kine, do azore ku toŋulupa, ku torozi giri itro, do ani ko’yu togidya na kikoli ti Mata laga gbogbo kilo gbandra ya? 11’Bo mete, tinade keni lo Matalo ilo konu kini, do igbo’da ’ba konye, do aka romoki medra kanani ku baŋe a naŋutru.” Wuleŋa gele luru ku mude a’duki ku lepe kini, lepe druga ga’yu le’de ŋutu i ’dolakindra na nye kuwe. 12Kugbo lo’bizolo laga amedra kulia ŋani na kondra ’beri kine de, lepe druga rurugo, druga rambu mugu koru ku togole lo Matalona. 13Nyenaga Paulo ku ŋutulu laga lo woro kasi lepe kugele kilo druga ŋiŋiyoro Pafo yu druga ku yeŋadru Periga yu i ka na Pamfuliana kata yu, druga Yoane kolokindro ko yu de, druga yito bo Yerusalema yu. 14Nyena rosodri ko ŋiyu Periga yu druga yeŋadru Antiokia i ka na Pisidiana kata yu. I luŋa lo sabatolo‚ ko druga lubo i kadi naga a momorena kata yu druga gbi’diki ka. 15Kugbo buku na kukuzuna ku na kakeyona naga akena‚ drumala ti kadi naga a momorena kilo druga sonyodru kutu kasiko yu adi‚ “Luŋaseri, ku ta laga gbo ku kulia na rudani teiliko ti ŋutulu kilo, kulianita.” 16Kuwade Paulo druga ŋi ki, lepe druga goza ŋutulu kilo ku keni, druga kulia adi, “Ta laga a ŋutu ti Isiraeli kilo, ku ta laga lo kuga Ŋun kilo, yiŋeta. 17Ŋun lo zuru laga Isiraeli de agelundra kazu merenyezi kaya kilo, atikindra ilo zuru de todruma i naga ma ko gbo’dini i ka na Ezipetona kata yu ina‚ ’bo ku teriŋi nanye naga koruna atolupundro ko i ka ŋanina kaŋo. 18’Bo lepe aŋinga ko i diŋo kata yu beti ŋona kiŋazi meria iŋmani. 19Kugbo lepe laga azukindra zuro laga burio kilo i ka na Kanana katani, lepe druga tikindra ko ka ŋanina, ’bo i ka ŋanina katani ko asaka be ŋona kiŋazi kamazi iŋmani ku meria mukana. 20I bo ŋanina lepe druga tikindra ko kaŋera ti kulia, yeŋadru tozo i baŋe na kakeyoni laga Samueli ma gbo’dini nu. 21’Bo i bo ŋanina ko druga magu mata, ’bo Ŋun druga tikindra ko Saulo, ŋiro lo Kisi, laga a Benyaminatio‚ lo ’deba kana kiŋazi meria iŋmanilo. 22Ku Ŋun laga a’dotodru lio, lepe druga ’delakindra Dawidi a mata lasiko, lepe a’dodru bo na kulia ti lepe kine, akulia adi, ‘Na arumbi Dawidi laga a ŋiro lo Yese, lepe a ŋutu laga ma na nyadrilo‚ lepe ikondra kulia kine giri be naga ma na nyadrinina.’ 23’Bo i dridriŋi na nyomo ti ilo ŋutu de‚ Ŋun azakindra Isiraeli kilo Kariteni laga Yesu, be naga kazu ma lepe sarakindrina. 24’Bo ti inga Yesu aku yeŋundrana, Yoane atrukokindro ŋutulu giri ti Isiraeli kilo kulia ti lopuko na teiliko kine, ma ko ’debini baputizilo. 25Kugbo Yoane laga gbo’di ilo lelenga kita nanyena lepe druga piza adi, ‘Ta yo’yu adi na a ŋa? Na ani gbo’da a lepe. ’Bo ŋutu le’de lo pondra kuwe boni, laga na ani romoki i lagu na kamuka naga ku lepe i mukuzini kinelo.’ 26“Luŋaseri, ta laga a ŋazi ti ketimi na Abarahama kilo, ku ku’de kilo kasu dridriŋini laga lo kuga Ŋun kilo‚ kulia ti ina rite de kine sunye kayani. 27’Bo ko laga lo saka Yerusalema yu kilo ku drumala kasiko kilo aku deni lepe‚ ’bo ’do aku rami kulia naga ma kakeyo kilo tazi, na kena mu sabatoki kine itro. Kuwade ko atorumokindro kulia ŋani kine ku naga ma ko ŋedyi kulia ti lepe kine adi ti lepe tuwanina. 28’Dibani kodro ku ko aku rio kulia na turani lepe i tuwani kine gele tro kpe, ko druga magu Pilato adi ti lepe tatuwini. 29’Bo ku ko laga atorumokindro kuliata naga na wuro ku lepe kine giri, ko druga lakundra opu lo lepelo kani i kedini mugu yu, ko druga topirikindra lepe i gulo katani. 30’Bo Ŋun atoŋizu lepe i ŋutulu laga atatuwa kilo i dridriŋi yu. 31’Bo lepe druga puku i luŋa rodri ku ŋutulu laga lo woro kasi lepe kugele ŋiyu Galili yu yeŋadru suu Yerusalema yu kiloni. Kilo ŋutulu de laga lo gbo’da tinade a ka’doto ti kulia ti lepe kine ku ŋutu kiloni kilo. 32’Bo yi zakindra ta kuu na’bu, kulia naga kazu ma Ŋun sarakindri merenyezi kilo kunu. 33’Bo lepe atorumokindro kulia ŋani kine ku yi laga a ŋazi kasiko kilo, i naga ma lepe toŋizi Yesu ina. Be naga ma wuroni i sauma naga a togi murena katani itrona adi, ‘Do a ŋiro lio, indikini na ayuŋundro do.’ 34’Bo ’do, Ŋun atazu kulia ti Ŋiye na lepe naga i dridriŋi na ŋutulu laga atatuwa naga adi ka’bi lepe ku yiyito bo i ’bure yuna de, adi, ‘Na itikindra do koŋo na’bu naga nakiye naga mŋgba na tiki kazu Dawidina.’ 35’Bo lepe atazu ’do i sauma ne’de katani adi‚ ‘Do aka kolokindro Ŋutu lolu laga a Lokiye lokiyelo i ’bureni.’ 36Kugbo Dawidi laga akondra kulia naga ma Ŋun nyadri kine kanye baŋeni‚ lepe druga ’ba’balazi druga nuka ku merenyezi kanye kilo kugele‚ ’bo lepe a’bure. 37’Bo ŋutu laga ma Ŋun toŋizi i dridriŋi na ŋutulu laga atatuwa kilolo aku ’bure tro. 38Kuwade luŋaseri‚ deneta adi‚ ku kulia ti ilo ŋutu de kine ’diya na torozina atrukoki ta. 39’Bo ku kulia ti lepe kine karuko kilo giri akena mŋgba ku kuliata giri naga ta ani romoki kena mŋgba ku kukuzu na Mosena kine. 40Kuwade, gbo’dita go ku kulia naga kazu ma kakeyo kilo tazi kine ka’bi ku yeŋundra kasuni adi‚ 41‘ ’Bo meteta‚ ta laga a ka’data kilo‚ rameta ’beri‚ karakinita igbonaga na lo kondra kita kasu baŋeni‚ ’bo ta aka rugo kita ŋaninani ’dibani kodro kugbo atrukoki ta kpe.’ ” 42Kugbo Paulo seku Baranaba laga alupodru kaŋo yu‚ ŋutulu kilo druga ma’yu ’beri ku ko adi ti ko ku trukoki se kulia kine ’do i sabato lo bo lu. 43’Bo kugbo ŋutulu laga lo tunundra ’beri kilo laga areki‚ Yahudi kilo rodri ku ŋutulu ku’de laga lo ’delakindra ’beri i teminizo na Ŋun‚ laga lo lopugo ’beri a Yahudi kilo‚ ko druga kepodru bo na Paulo seku Barabana ina. Karaŋa druga takindra ko adi ti ko sakani i ’busa na’bu na Ŋun ina katani ’duu. 44I sabato lo bo lu‚ ŋutulu laga kezi yu kilo rodri druga tunundra ’beri ’do’do giri kugele‚ i yinga na kulia ti Matalo kine. 45’Bo Yahudi kilo kuwa amedra mongoyo ti ŋutulu kilo, ko druga gbo ku yuma koru‚ druga poki i rerenya ku kulia na ta Paulo kine i momorozu na lepe. 46’Bo Paulo seku Baranaba druga kulia ’ba kuze adi, “A ’diri nyadru kulia ti Ŋun kine ti trukokini ta a nze, ’bo igbonaga ta yo’yu adi ta ani diniki i rumbi na ru naga ani lengana ina, meteta‚ yi kulu lopukodru ’beri ku Monyazi kilo yu. 47’Bo Matalo atakindra yi ina kukuzu de adi, ‘Na a’delakindra do a parara na Monyazi kilo, mo do ku zonga kulia ti rite kine i ’dute na kana yu.’ ” 48Kugbo Monyazi kilo laga ayinga kine kulia de, ko druga nyonyola, druga teminizo kulia ti Matalo kine, ’bo ŋutulu giri laga anyume i riozu na ru naga ani lengana kilo ko arugo. 49Kulia ti Matalo kine akuworo i ka ŋanina giri. 50’Bo Yahudi kilo druga utu ku wate naga a kukaki na ’delakindra ’beri i teminizo na Ŋun kine yu, ku ŋutulu laga a ka’dola ti kuwe i nu kezi de kata yu kilo yu itro‚ i zuzuza na ko. Ko druga wowondru Paulo seku Baranaba i droŋodru na ko kase kani kaŋo. 51’Bo ku Paulo seku Baranaba druga trutrungo putru naga kase mukuzini kine kani kasiko i koŋoni, ko druga tu Ikonio yu. 52’Bo lotodiniki kilo druga nyonyola koru ku Yuka Nakiyena itro.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.