KONESI 8
8
1Ti Saulo arugo tuwa na lepena. I lu luŋa de tomore na karuko laga Yerusalema yu kilo ariozu wowonye koru. Ko giri druga ririara i ka na Yudayana ku na Samariana kata yu‚ ’bo lososonyo kilo lo ’duteki ’du. 2Ŋutulu lo ’delakindra ’beri i teminizo na Ŋun kilo se lo nuga Setefano, ’bo ko agbiye lepe koru. 3’Bo Saulo druga sandru karuko kilo, druga lubo i dridriŋi na ’beŋito kilo i pipigo na lalia kilo ku wate kine i zonga na ko i drodrora. 4Kulu ŋutulu de ku ko laga ateririazi‚ ko druga utu i trukodru na kulia kine. 5Filipo druga tu nanyena i kezi ne’de na Samaria, druga trukokindro ko Kristolo yu de. 6Ku mongoyo kilo laga ayinga Filipo kuwa abonga kpiyesi na konu lepe kine‚ ko druga ’delakindra teiliko giri i yinga na kulia na ta lepe kine. 7’Bo yukala naro kine druga lupundro ku ŋutulu rodri kilo i ’berini i luluzo ku roroto laga gboŋa. Ŋutulu laga rodri laga lo drodropoyi ku tuwanezi kilo ku laga a babatratu kilo atoruwe. 8Nyolana druga gbo koru i nu kezi de kata yu. 9’Bo ti le’de ŋutu nye laga Simona lu bita kazu kondra to’bunu i nu kezi de, lepe bita tikindra zuru lo Samarialo i rambu na ’beri koru, lo lungu mugu adi nye a ŋutu laga a druma ilo. 10Ko giri bita yinga lepe ŋiyu i kiloŋadroo yeŋadru tozo ku drumala‚ adi‚ “Ilo ŋutu de a nu teriŋi na Ŋun na luŋu a ‘Teriŋi naga drumana.’” 11’Bo ko a’delakindra teiliko i yinga na lepe igbonaga luŋa rodri bita lepe ilo tikindra ŋutu kilo i rambu na ’beri koru ku to’bunu nanyena. 12Ku ko laga arugo kulia na tru Filipo ti tumata na Ŋun kine ku kari ti Yesu Kristo kine itro‚ ko druga ’deba baputizilo, lalia kilo ku wate kine itro. 13’Bo Simona lepe ku mugu arugo‚ druga ’deba baputizilo, lepe druga ’duteki ku Filipo i boni. Kugbo lepe laga amedra kpiyesi ku konesi naga drumala na kona kine‚ lepe druga rambu mugu koru. 14Kugbo lososonyo laga Yerusalema yu kilo laga ayinga adi Samaria kilo arugo kulia ti Ŋun kine‚ ko druga sonyodru ku Petero seku Yoane kasiko yu. 15Ku ko laga ayenga yu de‚ ko druga magu Ŋun adi ma ko rumbi Yuka Nakiyena. 16’Bo inga lepe aku yeŋundra ku le’de ŋutu kini kasiko i dridriŋini, ko ’deba baputizilo i kari ti Mata Yesu ka’delo. 17Ko druga tanyakindra kenisi kilo kasiko kini‚ ko druga rumbi Yuka Nakiyena. 18Kugbo Simona laga amedra adi Yuka Nakiyena atiki kasikoni ku kulia ti tanya na kenisi ti lososonyo kilo‚ lepe druga zakindra ko riye‚ 19druga kulia adi‚ “Tikita na ina teriŋi de itro po‚ ma ŋutulu giri laga ma na ku tanyakindri kenisi kuwe kasiko kini kilo ku rumbi Yuka Nakiyena ’busa.” 20Petero druga teyitokindro lepe adi‚ “Riye konu kine ti karakini seku do‚ igbonaga do rambu adi do roromoki rumbi ’doke lo Ŋun ilo ku riyena! 21Kulia konu ku piri nonu ’bayi i kine kulia de igbonaga teili lolu ilo ani gbo’da soso ku Ŋun i koŋonina. 22Kuwade lopuke teili i kulia konu naro kine de. Make Matalo‚ kuwa roromoki ma rambu naro naga konu teilinina di’diki do kaŋo. 23’Bo na amedra do a kayule koru‚ ’bo do atora ku kulia naro itro.” 24Simona druga teyitokindro lepe adi‚ “Makaki na Matalo‚ kulia na ta do kine de ka’bi ku yeŋundra kuwe muguni.” 25Ku ko laga a’dodru bo na kuliana druga trukodru kulia ti Matalo kine‚ ko druga trukodru kuu na’buna i dridriŋi na ’beŋito ti Samaria kilo yu i yitozi nasiko naga Yerusalema yuna. 26’Bo malaikata le’de lo Matalo druga takindra Filipo adi‚ “Ŋine‚ uti weki yeŋadru tozo i kiko lo Yerusalema lo utuniki Gaza yu ilo.” Kiko ŋanilo i diŋo kata. 27Lepe druga ŋiyoro druga pipilara. Rumbi derengi Etiopiatio laga atroso a ’beŋita laga a druma ku Kandake naga a mata na Etiopiana i moko‚ lepe a katiyuni lo tokorine na lepena giri ti lepe apondra Yerusalemani i teminizo, 28’bo ku lepe i yitozi yu‚ lu agbi’diki kanye gari kata yu i kendra na buku na kakeyoni laga Isaya. 29Yuka Nakiyena druga takindra Filipo adi‚ “Uti‚ mo do ku momora seku ilo gari de.” 30Filipo druga wo ku lepe yu‚ druga yinga lepe ti ilo i kendra buku na kakeyoni laga Isaya‚ druga piza lepe adi‚ “Do ayo kulia naga mo do kendri kine de?” 31’Beŋitalo adi‚ “Na roromoki yo’yu adidinyo, ti le’de ŋutu aku kpekindra na bo ŋanina ya?” Lepe druga lungu Filipo adi ti kiyadri ma ku gbi’diki seku nye. 32Piri na kulia na wuwuro na keni lepena nye ina de: “Beti kebilito lo zikozi ku ka’duŋo kilo yulona‚ kuwa beti tore lo kebilito lo yiŋa tali ku kaŋerani lo kupilo i koŋonilona, lepe aku ŋazu kutu nanyena. 33Ku ’da’datayi na lepena ko aredra ŋerakindra na lepe kulia naga soso kine. Le’de ŋutu bayi lo romoki trugo kulia ti nyomo ti lepe kilo‚ igbonaga tuzoru na lepe naga i kuzoni ina a’dumazi kaŋo.” 34’Beŋitalo druga piza Filipo adi‚ “Kakeyonilo tazu de ku kulia kanye lepe kuwa kulia ti le’de ŋutu ya?” 35Filipo druga poki i kulia‚ ’bo sulukindra ku kine kulia na wuwuro de druga trukokindro lepe kuu na’bu na Yesu ina. 36Kasiko i utu i kikoni‚ ko druga‚ yeyeŋadru kare yu‚ ’beŋitalo druga piza adi‚ “Mete‚ karelo ilo de! Inyo lo gokindra na ’deba na baputizilona ya?” [ 37Filipo druga kulia adi‚ “Ku do arugo ku teili giri‚ do roromoki.” ’Beŋitalo druga teyitokindro lepe adi‚ “Na arugo adi Yesu Kristo a Ŋiro lo Ŋun.”] 38Lepe druga takindra kukuzu adi ti garilo tolirani tolira‚ ku Filipo seku ’beŋitalo druga lubo kare yu mure katru‚ ’bo Filipo druga tikindra lepe baputizilo. 39I lupundro nasiko naga kare yuna Yuka na Matana druga zezekara Filipo kaŋo‚ ’beŋitalo druga gbo’di aku bo lepe ’do‚ lepe druga pilara kanye kiko yu ku nyola. 40’Bo Filipo druga ku rie Azoto yu i trukodru na kuu na’buna i kezino giri yu de yeŋadru suu Kaisaria yu.
Currently Selected:
KONESI 8: KNT77
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.
KONESI 8
8
1Ti Saulo arugo tuwa na lepena. I lu luŋa de tomore na karuko laga Yerusalema yu kilo ariozu wowonye koru. Ko giri druga ririara i ka na Yudayana ku na Samariana kata yu‚ ’bo lososonyo kilo lo ’duteki ’du. 2Ŋutulu lo ’delakindra ’beri i teminizo na Ŋun kilo se lo nuga Setefano, ’bo ko agbiye lepe koru. 3’Bo Saulo druga sandru karuko kilo, druga lubo i dridriŋi na ’beŋito kilo i pipigo na lalia kilo ku wate kine i zonga na ko i drodrora. 4Kulu ŋutulu de ku ko laga ateririazi‚ ko druga utu i trukodru na kulia kine. 5Filipo druga tu nanyena i kezi ne’de na Samaria, druga trukokindro ko Kristolo yu de. 6Ku mongoyo kilo laga ayinga Filipo kuwa abonga kpiyesi na konu lepe kine‚ ko druga ’delakindra teiliko giri i yinga na kulia na ta lepe kine. 7’Bo yukala naro kine druga lupundro ku ŋutulu rodri kilo i ’berini i luluzo ku roroto laga gboŋa. Ŋutulu laga rodri laga lo drodropoyi ku tuwanezi kilo ku laga a babatratu kilo atoruwe. 8Nyolana druga gbo koru i nu kezi de kata yu. 9’Bo ti le’de ŋutu nye laga Simona lu bita kazu kondra to’bunu i nu kezi de, lepe bita tikindra zuru lo Samarialo i rambu na ’beri koru, lo lungu mugu adi nye a ŋutu laga a druma ilo. 10Ko giri bita yinga lepe ŋiyu i kiloŋadroo yeŋadru tozo ku drumala‚ adi‚ “Ilo ŋutu de a nu teriŋi na Ŋun na luŋu a ‘Teriŋi naga drumana.’” 11’Bo ko a’delakindra teiliko i yinga na lepe igbonaga luŋa rodri bita lepe ilo tikindra ŋutu kilo i rambu na ’beri koru ku to’bunu nanyena. 12Ku ko laga arugo kulia na tru Filipo ti tumata na Ŋun kine ku kari ti Yesu Kristo kine itro‚ ko druga ’deba baputizilo, lalia kilo ku wate kine itro. 13’Bo Simona lepe ku mugu arugo‚ druga ’deba baputizilo, lepe druga ’duteki ku Filipo i boni. Kugbo lepe laga amedra kpiyesi ku konesi naga drumala na kona kine‚ lepe druga rambu mugu koru. 14Kugbo lososonyo laga Yerusalema yu kilo laga ayinga adi Samaria kilo arugo kulia ti Ŋun kine‚ ko druga sonyodru ku Petero seku Yoane kasiko yu. 15Ku ko laga ayenga yu de‚ ko druga magu Ŋun adi ma ko rumbi Yuka Nakiyena. 16’Bo inga lepe aku yeŋundra ku le’de ŋutu kini kasiko i dridriŋini, ko ’deba baputizilo i kari ti Mata Yesu ka’delo. 17Ko druga tanyakindra kenisi kilo kasiko kini‚ ko druga rumbi Yuka Nakiyena. 18Kugbo Simona laga amedra adi Yuka Nakiyena atiki kasikoni ku kulia ti tanya na kenisi ti lososonyo kilo‚ lepe druga zakindra ko riye‚ 19druga kulia adi‚ “Tikita na ina teriŋi de itro po‚ ma ŋutulu giri laga ma na ku tanyakindri kenisi kuwe kasiko kini kilo ku rumbi Yuka Nakiyena ’busa.” 20Petero druga teyitokindro lepe adi‚ “Riye konu kine ti karakini seku do‚ igbonaga do rambu adi do roromoki rumbi ’doke lo Ŋun ilo ku riyena! 21Kulia konu ku piri nonu ’bayi i kine kulia de igbonaga teili lolu ilo ani gbo’da soso ku Ŋun i koŋonina. 22Kuwade lopuke teili i kulia konu naro kine de. Make Matalo‚ kuwa roromoki ma rambu naro naga konu teilinina di’diki do kaŋo. 23’Bo na amedra do a kayule koru‚ ’bo do atora ku kulia naro itro.” 24Simona druga teyitokindro lepe adi‚ “Makaki na Matalo‚ kulia na ta do kine de ka’bi ku yeŋundra kuwe muguni.” 25Ku ko laga a’dodru bo na kuliana druga trukodru kulia ti Matalo kine‚ ko druga trukodru kuu na’buna i dridriŋi na ’beŋito ti Samaria kilo yu i yitozi nasiko naga Yerusalema yuna. 26’Bo malaikata le’de lo Matalo druga takindra Filipo adi‚ “Ŋine‚ uti weki yeŋadru tozo i kiko lo Yerusalema lo utuniki Gaza yu ilo.” Kiko ŋanilo i diŋo kata. 27Lepe druga ŋiyoro druga pipilara. Rumbi derengi Etiopiatio laga atroso a ’beŋita laga a druma ku Kandake naga a mata na Etiopiana i moko‚ lepe a katiyuni lo tokorine na lepena giri ti lepe apondra Yerusalemani i teminizo, 28’bo ku lepe i yitozi yu‚ lu agbi’diki kanye gari kata yu i kendra na buku na kakeyoni laga Isaya. 29Yuka Nakiyena druga takindra Filipo adi‚ “Uti‚ mo do ku momora seku ilo gari de.” 30Filipo druga wo ku lepe yu‚ druga yinga lepe ti ilo i kendra buku na kakeyoni laga Isaya‚ druga piza lepe adi‚ “Do ayo kulia naga mo do kendri kine de?” 31’Beŋitalo adi‚ “Na roromoki yo’yu adidinyo, ti le’de ŋutu aku kpekindra na bo ŋanina ya?” Lepe druga lungu Filipo adi ti kiyadri ma ku gbi’diki seku nye. 32Piri na kulia na wuwuro na keni lepena nye ina de: “Beti kebilito lo zikozi ku ka’duŋo kilo yulona‚ kuwa beti tore lo kebilito lo yiŋa tali ku kaŋerani lo kupilo i koŋonilona, lepe aku ŋazu kutu nanyena. 33Ku ’da’datayi na lepena ko aredra ŋerakindra na lepe kulia naga soso kine. Le’de ŋutu bayi lo romoki trugo kulia ti nyomo ti lepe kilo‚ igbonaga tuzoru na lepe naga i kuzoni ina a’dumazi kaŋo.” 34’Beŋitalo druga piza Filipo adi‚ “Kakeyonilo tazu de ku kulia kanye lepe kuwa kulia ti le’de ŋutu ya?” 35Filipo druga poki i kulia‚ ’bo sulukindra ku kine kulia na wuwuro de druga trukokindro lepe kuu na’bu na Yesu ina. 36Kasiko i utu i kikoni‚ ko druga‚ yeyeŋadru kare yu‚ ’beŋitalo druga piza adi‚ “Mete‚ karelo ilo de! Inyo lo gokindra na ’deba na baputizilona ya?” [ 37Filipo druga kulia adi‚ “Ku do arugo ku teili giri‚ do roromoki.” ’Beŋitalo druga teyitokindro lepe adi‚ “Na arugo adi Yesu Kristo a Ŋiro lo Ŋun.”] 38Lepe druga takindra kukuzu adi ti garilo tolirani tolira‚ ku Filipo seku ’beŋitalo druga lubo kare yu mure katru‚ ’bo Filipo druga tikindra lepe baputizilo. 39I lupundro nasiko naga kare yuna Yuka na Matana druga zezekara Filipo kaŋo‚ ’beŋitalo druga gbo’di aku bo lepe ’do‚ lepe druga pilara kanye kiko yu ku nyola. 40’Bo Filipo druga ku rie Azoto yu i trukodru na kuu na’buna i kezino giri yu de yeŋadru suu Kaisaria yu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.