LUKA 9
9
1Yesu druga luŋundra lotodiniki kanye laga mere gele konye mure kilo kugele‚ i tikindra na ko teriŋi na tikani dreria loro ku i toruzo na tatuwa. 2Lepe druga sonyodru ko i trukodru na kulia ti tumata na Ŋun kine‚ kui toruzo na ŋutulu. 3Lepe druga takindra ko adi‚ “Ku zozoŋuta le’de ŋo kasu worozi i kiko yu‚ ’dibani kodro kugbo ture, kugbo zuru kugbo nyosu‚ kugbo riye‚ ’bo ku gbogbo’data ku kotilo mure tro. 4Ku ta laga alubo i kadi naga yaya sakanita yu de‚ lupodrita ku lu kiko de. 5Ku ta aku rugo i piri naga yaya‚ kugbo ta kolokindro nu kezi de‚ trutruŋeta putru naga kasu mukuzini kine a kpiye kasiko yu.” 6Nyena ŋiyoroni ko‚ i utu i ’beŋito yu giri i trukodru na kuu na’buna ku i toruwodru na tatuwa itro mu pirito. 7Nyenaga mata laga Herode ayinga kuliata naga ma Yesu kondri kine giri. Lepe druga poki i bayi igbonaga ku’de kilo ŋutulu akulia adi Yoane aŋiye i dridriŋi na ŋutulu laga atatuwa kilona. 8’Bo ku’de kilo akulia adi Eliya lo puru‚ ku’de kilo adi‚ kakeyo ti ’bero kazu kilo le’de lo lupundro. 9’Bo Herode adi‚ “Laga Yoane‚ na a’duŋu kuwelo kaŋo‚ ’bo ilo de laga ma na yingi kulia ti lepe kinelo de‚ lepe a ŋa ya?” Nyena nyadri lepe medra na Yesu. 10Nyenaga ku lososonyo kilo laga ayite‚ ko druga kekenakindra Yesu kuliata naga ma se kondri kine giri. Lepe druga ’dotodru mugu kaŋo kasi ko‚ druga tu i kezi ne’de na luŋu a Betesaida ina kata yu. 11Kugbo mongoyo ti ŋutulu kilo laga adeni piri ŋanina‚ ko druga kekepodru lepe‚ druga lepe momorani ko ku nyola‚ druga trukokindro ko kulia ti tumata na Ŋun kine‚ druga toruzo ŋutulu laga lo nyadru toruwe kilo. 12Nyenaga ku kolona naga a’doro ŋutulu laga mere gele konye mure kilo druga pondra ku lepeni‚ druga takindra lepe adi‚ “Sonyoro mongoyona‚ ma ko utu i ’beŋito ku i ka naga nyoga nu de kata yu i toto yu de‚ ma ko ku galadru kapa lo nyenyei itro‚ igbonaga yi kilo i piri naga i diŋo kata ina.” 13Yesu druga teyitokindro ko adi‚ “Tikita ko nyosuna ta lepe.” Ko druga teyitokindro lepe adi‚ “Nyosu ’bayi kayani. Yi gbo ku ’diloto mukana ku somo mure ’du. Ku yi uti i gborundro na nyosu ne’de na romoki kilo ŋutulu de giri ya?” 14Ti derengi ŋutulu kilo beti lalia alifu mukana. Yesu druga takindra lotodiniki kanye kilo adi‚ “Tikita ŋutulu kilo ti gbi’dikini a loŋu’du a loŋu’du, meria mukana mukana.” 15Kuwade ko druga kondra de‚ druga tikindra ko i gbi’diki kani. 16Lepe druga ’deba ’diloto naga mukana kine‚ ku somo laga mure kilo‚ druga boŋadru ki i ’diko yu‚ druga ’boriza ko‚ druga ŋoŋowuzu ko‚ druga tikindra ku lotodiniki kilo i kenisini, ma ko tikindra ku mongoyona i koŋoni. 17Ko giri druga nyosu druga yiyimotu yiyimotu. Ko druga pependra limbito ti ’diloto na ŋoŋoyi kine‚ nyakaleta mere gele konye mure zore zore. 18Nyenaga ku Yesu laga lu i magu na Ŋun ka’delo, ku lotodiniki kanye kilo i laga yu‚ lepe druga piza ko adi‚ “Ŋutulu kilo adi na a ŋa ya?” 19Ko druga teyitokindro lepe adi‚ “Ŋutulu ku’de kilo adi do a Yoane lo tikindra baputizi ilo‚ ’bo ku’de kilo adi‚ Eliya‚ ku’de kilo adi le’de ŋutu laga i dridriŋi na kakeyo ti ’bero kilo lo lupundro.” 20Yesu druga piza ko adi‚ “Laga ta lepe‚ ta kulia adi na a ŋa ya?” Petero druga teyitokindro lepe adi‚ “Do a Kristo lo Ŋun ilo.” 21Yesu druga takindra ko kukuzu adi ka’bi ko ku trutrukoki le’de ŋutu tro. 22Lepe adi‚ “Ŋiro lo ŋutulo isasanya koru, temezi kilo ku ka’i’ila drumala kilo ku katogolo ti kukuzuna kilo ipapazu lepe‚ ireremi lepe, ’bo lepe itotoŋiye i luŋa lo musala lu.” 23Nyenaga lepe druga takindra ŋutulu kilo giri adi, “Ku le’de ŋutu lo nyadru kepodru bo niona, ku lepe pane mugu‚ ti lepe ’dukundri kedini lonye laga a larelo mu luŋa‚ ku keporo na. 24Kugbo ŋutu lo nyadru ritundro ru nanyenalo‚ lepe iteteliki ru nanyena kaŋo‚ ’bo ŋutu laga lo telikindro ru nanyena ku kulia kuwe kinelo‚ lepe iririo ru nanyena. 25Ŋutu lo tunakindra mugu kapazi ti ina ka de giri‚ ti ilo iteteliki kugbo ilo itutukaraki ru nanyena kaŋo‚ kilo kapazi de igbo’da a rezema ku lepeni adidinyo ya? 26Kugbo le’de ŋutu lo gbo ku yukuwe ku na‚ ku kulia kuwe kine itro‚ Ŋiro lo ŋutulo igbo’da ku yukuwe ku lepe i luŋa laga ma lepe yeŋundri ku mo’yu nanyena ku mo’yu na Monyena ku na malaika lokiye kulu nu. 27Na takindra ta a ’diri‚ ŋutulu ku’de lo lira inide kilo ’baka wangu tuwani ti inga ko aku medra tumata na Ŋun ina.” 28Nyenaga i bo na kunu kulia de luŋa beti budro‚ Yesu azonga Petero seku Yoane ku Yakobo‚ druga kiyadru kasi ko i mere ki i magu na Ŋun. 29Kugbo lepe laga ilo mamagu‚ koŋo na lepena alopugo mugu ka’de‚ ’bo bongola ti lepe kine akpekpeza a nakpe salala. 30Nyenaga ku’de ŋutulu mure ti kulu kukulia kasi lepe‚ ku Mose seku Eliya. 31’Bo ko apuru i mo’yu katani, i tazu na kulia ti ’dute na lepe naga na ikondra mugu Yerusalema yuna. 32Kuwade Petero ku ŋutulu laga kasi ko kilo konye kilo ango’boza ku totona‚ ’bo ku ko laga apure‚ ko druga medra mo’yu na Yesuna‚ ku na ŋutulu lo lira kasi lepe kugele kilo. 33’Bo kugbo ŋutulu kilo laga kulu pipilara ku Yesu i lagani‚ Petero druga takindra lepe adi, “Katogoloni‚ a na’bu ti yi sakani inide. Kuwade ti yi ’duke muruguzi musala‚ gele a nonu‚ gele a na Mose‚ gele ne’dena a na Eliya.” ’Bo lepe akude kulia naga ma nye tazini kine. 34Ku lepe laga inga ilo kukulia, ’diko ne’de druga ’diyundra‚ i muluzu na ko‚ ’bo ko akuze ku lubo naga i ’diko kata yuna. 35Roro le’de druga kuu i ’diko ŋanina kata yu adi‚ “Ilo de a Ŋiro lio lo gelu nalo‚ yiŋeta yiŋ lepe!” 36Ku rorolo akuu de‚ ko druga bonga Yesu ka’delo. Ko druga yiŋakindra ’beri tali i lu luŋa de‚ aku kekenakindra le’de ŋutu kulia naga ma se bongi kine. 37Ku gbo’dini imalu de‚ ku ko laga akiyundra i mere ki yu kani‚ mongoyo na ŋutulu rodri kilo druga momorani Yesu. 38I dridriŋi na mongoyona, ŋutu le’de druga laiza ku teriŋi‚ adi‚ “Katogoloni‚ na ma’yu mugu ku do‚ mete ŋiro lio laga a pilili lo walelo. 39’Bo yuka ne’dena bita moga lepe‚ i tikindra na lepe i luluzo‚ druga dodonga mugu na lepena ti koputo lo gbo i lupundro ku lepe i kutuni. Yuka ŋanina ŋindra lepe koru‚ ani ko’yu wule tro. 40Kedri na ama’yu mugu ku lotodiniki kolu kiloni kodro i rikodru na lepe kaŋo‚ ’bo karaŋa aku romoki.” 41Yesu druga teyitokindro ko adi‚ “Ta laga a yuŋe naga ’ba rugo‚ laga a ’bureniko kilo de‚ na isasaka kasi ta i sasandru na mugu ku ta ŋoru da ya? Zowu ŋiro lolu ilo weni.” 42Ku lepe laga inga ilo popondra, dreri lorolo druga rizo ŋirolo‚ druga dodonga lepe ku teriŋi. Yesu druga ringa yuka narona druga toruzo ŋirolo‚ druga teyitodru lepe ku monye lo lepelo yu. 43Ŋutulu kilo giri druga rambu ’beri koru ku todruma na Ŋun ina. Ku ŋutulu kilo giri kilo i yo’yu na ’beri ku kulia giri naga ma Yesu kondrini kine‚ lepe druga takindra lotodiniki kanye kilo adi, 44“Tikita kine kulia de ti lubi kasu suwoni. Ŋiro lo ŋutulo ilo ititiki ku ŋutulu kilo i kenisini.” 45Ko inga aku de kine kulia de‚ ’bo bo na kine kulia dena a’dandru mugu kasikoni, ka’bi se ku dendra bo ŋanina, ko druga kukuze piza na lepena. 46Lotodiniki kilo druga poki i rerenya kase dridriŋini adi ŋutu laga ŋa lo igbo’da kase dridriŋini a druma koru. 47Ku Yesu laga adeni rerenya naga kasiko i teiliko yuna, lepe druga ’dukundro ludriŋa kanye nyogani. 48Druga takindra ko adi, “Ku ŋutu laga lo rukundro ludriŋa laga ilo de ku kari kuwe kine, ŋolo rukundro na. Ŋutu lo rukundro na ilo‚ rukundro Ŋun lo sunyundro na ilo, ’bo ŋutu laga iloŋadroo kasu dridriŋinilo, lepeŋalo igbo’da a druma.” 49Yoane druga takindra lepe adi, “Katogoloni‚ yi abonga le’de ŋutu ma lu rikodru dreria ku kari konu kine‚ yi druga gogoki lepe igbonaga lepe ani gbo’da a ŋutu lo kepodru do kasi yi kugele ina.” 50Yesu druga teyitokindro lepe adi‚ “Ku gogokita lepe‚ igbonaga ŋutu laga aku siga ta ilo lepe alubo a lasu ina.” 51Nyenaga ku luŋa lo Yesu lo ’dukuzini i ’dikolo gbo’di nyona‚ lepe lu metadru ŋero i utu Yerusalema yu. 52Druga lepe sonyodru lo’dia kilo kanye koŋo yu. Ŋutulu ŋani kilo druga utu i ’ba le’de lo Samaria i kukunakindra na lepe piri. 53’Bo ŋutulu kilo aku rugo lepeŋa igbonaga koŋo na lepena a na utuniki Yerusalema yu ina. 54Kugbo lotodiniki ti lepe kilo ku Yakobo seku Yoane laga abonga de‚ ko druga piza adi‚ “Mata‚ do nyanyari ku yi luŋe kimana ti pondri i ’diko yu kani i tukarakindra na ko ya?” 55Yesu druga lopukozi bo druga riringa lotodiniki kilo. 56Kuwade ko druga pilara i le’de ’ba. 57Ku ko laga i utu i kikoni‚ le’de ŋutu druga takindra Yesu adi‚ “Na ikekeporo do i pirito naga mo do utini kine giri.” 58Yesu druga teyitokindro lepe adi‚ “Gbagbiya kilo gbo ku drilio kase‚ kpenya kine ku kadizi kase‚ ’bo Ŋiro lo ŋutulo ’ba piri na topirikini kuwe nanye.” 59Yesu druga takindra le’de ŋutu adi, “Keporo na.” ’Bo ŋutu ŋanilo druga teyitokindro lepe adi, “Mata‚ koloro na inga ku na uti i nuga na monye lio a nze.” 60Yesu druga teyitokindro lepe adi‚ “Kolokindri ti opuo kilo nugi opuo kase kilo‚ ’bo laga do utini i trukodru na kulia ti tumata na Ŋun kine ayu.” 61Le’de ŋutu druga takindra lepe ’do adi‚ “Na ikekepodru do Mata‚ ’bo koloro na ti na uti i sara ku ŋutulu laga kuwe ’ba yu kilo.” 62Yesu druga takindra lepe adi‚ “Le’de ŋutu ’bayi laga apoki i kudyu druga boŋadru bo bo‚ laga lo zuki i tumata na Ŋun inalo.”
Currently Selected:
LUKA 9: KNT77
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.
LUKA 9
9
1Yesu druga luŋundra lotodiniki kanye laga mere gele konye mure kilo kugele‚ i tikindra na ko teriŋi na tikani dreria loro ku i toruzo na tatuwa. 2Lepe druga sonyodru ko i trukodru na kulia ti tumata na Ŋun kine‚ kui toruzo na ŋutulu. 3Lepe druga takindra ko adi‚ “Ku zozoŋuta le’de ŋo kasu worozi i kiko yu‚ ’dibani kodro kugbo ture, kugbo zuru kugbo nyosu‚ kugbo riye‚ ’bo ku gbogbo’data ku kotilo mure tro. 4Ku ta laga alubo i kadi naga yaya sakanita yu de‚ lupodrita ku lu kiko de. 5Ku ta aku rugo i piri naga yaya‚ kugbo ta kolokindro nu kezi de‚ trutruŋeta putru naga kasu mukuzini kine a kpiye kasiko yu.” 6Nyena ŋiyoroni ko‚ i utu i ’beŋito yu giri i trukodru na kuu na’buna ku i toruwodru na tatuwa itro mu pirito. 7Nyenaga mata laga Herode ayinga kuliata naga ma Yesu kondri kine giri. Lepe druga poki i bayi igbonaga ku’de kilo ŋutulu akulia adi Yoane aŋiye i dridriŋi na ŋutulu laga atatuwa kilona. 8’Bo ku’de kilo akulia adi Eliya lo puru‚ ku’de kilo adi‚ kakeyo ti ’bero kazu kilo le’de lo lupundro. 9’Bo Herode adi‚ “Laga Yoane‚ na a’duŋu kuwelo kaŋo‚ ’bo ilo de laga ma na yingi kulia ti lepe kinelo de‚ lepe a ŋa ya?” Nyena nyadri lepe medra na Yesu. 10Nyenaga ku lososonyo kilo laga ayite‚ ko druga kekenakindra Yesu kuliata naga ma se kondri kine giri. Lepe druga ’dotodru mugu kaŋo kasi ko‚ druga tu i kezi ne’de na luŋu a Betesaida ina kata yu. 11Kugbo mongoyo ti ŋutulu kilo laga adeni piri ŋanina‚ ko druga kekepodru lepe‚ druga lepe momorani ko ku nyola‚ druga trukokindro ko kulia ti tumata na Ŋun kine‚ druga toruzo ŋutulu laga lo nyadru toruwe kilo. 12Nyenaga ku kolona naga a’doro ŋutulu laga mere gele konye mure kilo druga pondra ku lepeni‚ druga takindra lepe adi‚ “Sonyoro mongoyona‚ ma ko utu i ’beŋito ku i ka naga nyoga nu de kata yu i toto yu de‚ ma ko ku galadru kapa lo nyenyei itro‚ igbonaga yi kilo i piri naga i diŋo kata ina.” 13Yesu druga teyitokindro ko adi‚ “Tikita ko nyosuna ta lepe.” Ko druga teyitokindro lepe adi‚ “Nyosu ’bayi kayani. Yi gbo ku ’diloto mukana ku somo mure ’du. Ku yi uti i gborundro na nyosu ne’de na romoki kilo ŋutulu de giri ya?” 14Ti derengi ŋutulu kilo beti lalia alifu mukana. Yesu druga takindra lotodiniki kanye kilo adi‚ “Tikita ŋutulu kilo ti gbi’dikini a loŋu’du a loŋu’du, meria mukana mukana.” 15Kuwade ko druga kondra de‚ druga tikindra ko i gbi’diki kani. 16Lepe druga ’deba ’diloto naga mukana kine‚ ku somo laga mure kilo‚ druga boŋadru ki i ’diko yu‚ druga ’boriza ko‚ druga ŋoŋowuzu ko‚ druga tikindra ku lotodiniki kilo i kenisini, ma ko tikindra ku mongoyona i koŋoni. 17Ko giri druga nyosu druga yiyimotu yiyimotu. Ko druga pependra limbito ti ’diloto na ŋoŋoyi kine‚ nyakaleta mere gele konye mure zore zore. 18Nyenaga ku Yesu laga lu i magu na Ŋun ka’delo, ku lotodiniki kanye kilo i laga yu‚ lepe druga piza ko adi‚ “Ŋutulu kilo adi na a ŋa ya?” 19Ko druga teyitokindro lepe adi‚ “Ŋutulu ku’de kilo adi do a Yoane lo tikindra baputizi ilo‚ ’bo ku’de kilo adi‚ Eliya‚ ku’de kilo adi le’de ŋutu laga i dridriŋi na kakeyo ti ’bero kilo lo lupundro.” 20Yesu druga piza ko adi‚ “Laga ta lepe‚ ta kulia adi na a ŋa ya?” Petero druga teyitokindro lepe adi‚ “Do a Kristo lo Ŋun ilo.” 21Yesu druga takindra ko kukuzu adi ka’bi ko ku trutrukoki le’de ŋutu tro. 22Lepe adi‚ “Ŋiro lo ŋutulo isasanya koru, temezi kilo ku ka’i’ila drumala kilo ku katogolo ti kukuzuna kilo ipapazu lepe‚ ireremi lepe, ’bo lepe itotoŋiye i luŋa lo musala lu.” 23Nyenaga lepe druga takindra ŋutulu kilo giri adi, “Ku le’de ŋutu lo nyadru kepodru bo niona, ku lepe pane mugu‚ ti lepe ’dukundri kedini lonye laga a larelo mu luŋa‚ ku keporo na. 24Kugbo ŋutu lo nyadru ritundro ru nanyenalo‚ lepe iteteliki ru nanyena kaŋo‚ ’bo ŋutu laga lo telikindro ru nanyena ku kulia kuwe kinelo‚ lepe iririo ru nanyena. 25Ŋutu lo tunakindra mugu kapazi ti ina ka de giri‚ ti ilo iteteliki kugbo ilo itutukaraki ru nanyena kaŋo‚ kilo kapazi de igbo’da a rezema ku lepeni adidinyo ya? 26Kugbo le’de ŋutu lo gbo ku yukuwe ku na‚ ku kulia kuwe kine itro‚ Ŋiro lo ŋutulo igbo’da ku yukuwe ku lepe i luŋa laga ma lepe yeŋundri ku mo’yu nanyena ku mo’yu na Monyena ku na malaika lokiye kulu nu. 27Na takindra ta a ’diri‚ ŋutulu ku’de lo lira inide kilo ’baka wangu tuwani ti inga ko aku medra tumata na Ŋun ina.” 28Nyenaga i bo na kunu kulia de luŋa beti budro‚ Yesu azonga Petero seku Yoane ku Yakobo‚ druga kiyadru kasi ko i mere ki i magu na Ŋun. 29Kugbo lepe laga ilo mamagu‚ koŋo na lepena alopugo mugu ka’de‚ ’bo bongola ti lepe kine akpekpeza a nakpe salala. 30Nyenaga ku’de ŋutulu mure ti kulu kukulia kasi lepe‚ ku Mose seku Eliya. 31’Bo ko apuru i mo’yu katani, i tazu na kulia ti ’dute na lepe naga na ikondra mugu Yerusalema yuna. 32Kuwade Petero ku ŋutulu laga kasi ko kilo konye kilo ango’boza ku totona‚ ’bo ku ko laga apure‚ ko druga medra mo’yu na Yesuna‚ ku na ŋutulu lo lira kasi lepe kugele kilo. 33’Bo kugbo ŋutulu kilo laga kulu pipilara ku Yesu i lagani‚ Petero druga takindra lepe adi, “Katogoloni‚ a na’bu ti yi sakani inide. Kuwade ti yi ’duke muruguzi musala‚ gele a nonu‚ gele a na Mose‚ gele ne’dena a na Eliya.” ’Bo lepe akude kulia naga ma nye tazini kine. 34Ku lepe laga inga ilo kukulia, ’diko ne’de druga ’diyundra‚ i muluzu na ko‚ ’bo ko akuze ku lubo naga i ’diko kata yuna. 35Roro le’de druga kuu i ’diko ŋanina kata yu adi‚ “Ilo de a Ŋiro lio lo gelu nalo‚ yiŋeta yiŋ lepe!” 36Ku rorolo akuu de‚ ko druga bonga Yesu ka’delo. Ko druga yiŋakindra ’beri tali i lu luŋa de‚ aku kekenakindra le’de ŋutu kulia naga ma se bongi kine. 37Ku gbo’dini imalu de‚ ku ko laga akiyundra i mere ki yu kani‚ mongoyo na ŋutulu rodri kilo druga momorani Yesu. 38I dridriŋi na mongoyona, ŋutu le’de druga laiza ku teriŋi‚ adi‚ “Katogoloni‚ na ma’yu mugu ku do‚ mete ŋiro lio laga a pilili lo walelo. 39’Bo yuka ne’dena bita moga lepe‚ i tikindra na lepe i luluzo‚ druga dodonga mugu na lepena ti koputo lo gbo i lupundro ku lepe i kutuni. Yuka ŋanina ŋindra lepe koru‚ ani ko’yu wule tro. 40Kedri na ama’yu mugu ku lotodiniki kolu kiloni kodro i rikodru na lepe kaŋo‚ ’bo karaŋa aku romoki.” 41Yesu druga teyitokindro ko adi‚ “Ta laga a yuŋe naga ’ba rugo‚ laga a ’bureniko kilo de‚ na isasaka kasi ta i sasandru na mugu ku ta ŋoru da ya? Zowu ŋiro lolu ilo weni.” 42Ku lepe laga inga ilo popondra, dreri lorolo druga rizo ŋirolo‚ druga dodonga lepe ku teriŋi. Yesu druga ringa yuka narona druga toruzo ŋirolo‚ druga teyitodru lepe ku monye lo lepelo yu. 43Ŋutulu kilo giri druga rambu ’beri koru ku todruma na Ŋun ina. Ku ŋutulu kilo giri kilo i yo’yu na ’beri ku kulia giri naga ma Yesu kondrini kine‚ lepe druga takindra lotodiniki kanye kilo adi, 44“Tikita kine kulia de ti lubi kasu suwoni. Ŋiro lo ŋutulo ilo ititiki ku ŋutulu kilo i kenisini.” 45Ko inga aku de kine kulia de‚ ’bo bo na kine kulia dena a’dandru mugu kasikoni, ka’bi se ku dendra bo ŋanina, ko druga kukuze piza na lepena. 46Lotodiniki kilo druga poki i rerenya kase dridriŋini adi ŋutu laga ŋa lo igbo’da kase dridriŋini a druma koru. 47Ku Yesu laga adeni rerenya naga kasiko i teiliko yuna, lepe druga ’dukundro ludriŋa kanye nyogani. 48Druga takindra ko adi, “Ku ŋutu laga lo rukundro ludriŋa laga ilo de ku kari kuwe kine, ŋolo rukundro na. Ŋutu lo rukundro na ilo‚ rukundro Ŋun lo sunyundro na ilo, ’bo ŋutu laga iloŋadroo kasu dridriŋinilo, lepeŋalo igbo’da a druma.” 49Yoane druga takindra lepe adi, “Katogoloni‚ yi abonga le’de ŋutu ma lu rikodru dreria ku kari konu kine‚ yi druga gogoki lepe igbonaga lepe ani gbo’da a ŋutu lo kepodru do kasi yi kugele ina.” 50Yesu druga teyitokindro lepe adi‚ “Ku gogokita lepe‚ igbonaga ŋutu laga aku siga ta ilo lepe alubo a lasu ina.” 51Nyenaga ku luŋa lo Yesu lo ’dukuzini i ’dikolo gbo’di nyona‚ lepe lu metadru ŋero i utu Yerusalema yu. 52Druga lepe sonyodru lo’dia kilo kanye koŋo yu. Ŋutulu ŋani kilo druga utu i ’ba le’de lo Samaria i kukunakindra na lepe piri. 53’Bo ŋutulu kilo aku rugo lepeŋa igbonaga koŋo na lepena a na utuniki Yerusalema yu ina. 54Kugbo lotodiniki ti lepe kilo ku Yakobo seku Yoane laga abonga de‚ ko druga piza adi‚ “Mata‚ do nyanyari ku yi luŋe kimana ti pondri i ’diko yu kani i tukarakindra na ko ya?” 55Yesu druga lopukozi bo druga riringa lotodiniki kilo. 56Kuwade ko druga pilara i le’de ’ba. 57Ku ko laga i utu i kikoni‚ le’de ŋutu druga takindra Yesu adi‚ “Na ikekeporo do i pirito naga mo do utini kine giri.” 58Yesu druga teyitokindro lepe adi‚ “Gbagbiya kilo gbo ku drilio kase‚ kpenya kine ku kadizi kase‚ ’bo Ŋiro lo ŋutulo ’ba piri na topirikini kuwe nanye.” 59Yesu druga takindra le’de ŋutu adi, “Keporo na.” ’Bo ŋutu ŋanilo druga teyitokindro lepe adi, “Mata‚ koloro na inga ku na uti i nuga na monye lio a nze.” 60Yesu druga teyitokindro lepe adi‚ “Kolokindri ti opuo kilo nugi opuo kase kilo‚ ’bo laga do utini i trukodru na kulia ti tumata na Ŋun kine ayu.” 61Le’de ŋutu druga takindra lepe ’do adi‚ “Na ikekepodru do Mata‚ ’bo koloro na ti na uti i sara ku ŋutulu laga kuwe ’ba yu kilo.” 62Yesu druga takindra lepe adi‚ “Le’de ŋutu ’bayi laga apoki i kudyu druga boŋadru bo bo‚ laga lo zuki i tumata na Ŋun inalo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.