MATAYO 19
19
1I bo ŋanina‚ kugbo Yesu laga atutuzo kine kulia de‚ lepe druga ŋiyoro Galili yu druga lubo i ka na Yudaya naga Yorodani i lu lozo nu. 2’Bo mongoyo ti ŋutulu rodri kilo akekepodru lepe, lepe druga toruzo ko yu de. 3Farisayo kilo druga yeŋundra ku lepeni‚ i modyu na lepe‚ druga piza adi‚ “Kukuzuna arugo adi ti le’de ŋutu lo rikoro noka nanyena ku kuliata giri ya?” 4Yesu druga teyitokindro ko adi‚ “Ta aku kendra adi Ŋun lo gbekindra ko kazu i suluki yulo‚ lepe agbeza ko lalale ku nonoka ya? 5’Bo Ŋun akulia adi‚ ‘Ku kine kulia de ŋutulo ikolokindro monye lonyelo ku ŋote nanyena‚ ’bo ko imora seku noka nanyena, nyenaga ko mure katru igbo’da a mugu gele.’ 6Kuwade ko ani gbo’da mure ’do uye‚ ko a mugu gele. Kuwade ŋo laga ma Ŋun tomodyi kugelelo le’de ŋutu ka’bi ku totokoru.” 7’Bo ko druga piza Yesu adi‚ “Kugbo gbo de‚ Mose atakindra kukuzu adi ti ŋutu tiki waraga na tokorani driŋina i rikodru na noka gbandra ya?” 8Yesu druga teyitokindro ko adi‚ “Ku teiliko logo kasu kilo nyena rugini Mose rikodru na wate kasu kinena‚ ’bo ŋiyu i suluki yu, ani gbo’da de. 9Na takindra ta, ku le’de ŋutu arikodru noka nanye kugbo ani gbo’da ku konye lopi, druga zondra ne’de, lepe akondra towute.” 10Lotodiniki ti lepe kilo druga piza lepe adi, “Kugbo kulia ti ŋutulo seku noka nanyena gbo de, kedri kodro ŋutulo angu azondra nokani.” 11’Bo lepe druga teyitokindro ko adi, “Ŋutulu giri ani romoki rugo ina kukuzu de‚ gele’du ŋutulu laga ma Ŋun tikindri ko i rugo kilo. 12’Bo ku’de kilo ŋutulu ko a undoa ŋiyu i luŋa laga ma ŋotela kasiko kine yuŋozi ko kulu. Ku’de kilo a’delaki a undoa ku kenisi ti ŋutulu kilo. Ku’de kilo a’delakindra ’beri a undoa ku kulia ti tumata na ’dikona. Ŋutu lo romoki rugo kine kulia delo ti lepe rugi.” 13Ko druga zondra ŋazi lo’di’diki ku Yesuni ma lepe ku tandri kenisi kanye kilo kasiko kini i magu. ’Bo lotodiniki kilo ariringa ŋutulu kilo‚ 14’bo Yesu akulia adi‚ “Ti ŋazi lo’di’diki kilo pondri kuweni‚ ku gogota ko‚ igbonaga tumata na ’dikona gbo a na ŋutulu laga be kilo de kilo ina.” 15Lepe druga tanyakindra kenisi kanye kilo kasiko kini‚ druga tutu. 16’Bo le’de ŋutu apondra ku Yesuni druga piza adi‚ “Katogoloni‚ ma na kondra kone lo’bu laga inyo laga ma na gbo’dini ku ru naga ani lengana ya?” 17Yesu druga piza lepe adi‚ “Do piza na ku kulia naga a na’bu kine de gbandra ya? Ŋun laga a lo’bu gele ’du. Kugbo do nyadru lubo i yeŋo yu‚ sope so kukuzuki kine.” 18Ŋutu ŋanilo druga piza lepe adi‚ “Kukuzu naga anyo ya?” Yesu druga kulia adi‚ “Ku reremi ŋutu‚ Ku kokonu towute‚ Ku koko’ya koko’ya, Ku kokoro kokoro le’de ŋutu ku kulia ti to’bure, 19Sope munyi seku ŋuti, Nyare ŋutulu lo saka konu gurubeni kilo be na nyadrini do muguna.” 20’Bulanilo druga teyitokindro lepe adi, “Kine kulia de giri na akonu ko. Inyo laga na aku konu ya?” 21Yesu druga teyitokindro lepe adi‚ “Kugbo do laga nyadru gbo’da a lo’bu‚ uti ku togbore kapazi kolu kilo giri‚ ku tiki lemerika kilo‚ do irurumbi tokorine i ’diko yu‚ ’bo pondri kuru‚ ku kepodri bo niona.” 22Kugbo ’bulani ŋanilo laga ayinga kine kulia de, lepe druga utu ku luŋuli, igbonaga kapazi ti lepe kilo rodrina. 23Yesu druga takindra lotodiniki kanye kilo adi, “Na takindra ta a ’diri, lubo naga i tumata na ’dikona igbogbo’da a nago ku korineko kiloni. 24Na takindra ta ’do, lubo na kamelo i drili na sindani katanina pa’de’de alangu lubo na korineko kilona i tumata na Ŋun ina kata yu.” 25Kugbo lotodiniki kilo laga ayinga kine kulia de, ko druga rambu ’beri koru‚ ko druga piza adi‚ “Kuwade ŋa lo romoki irite ya?” 26’Bo Yesu agbuluzu ko‚ druga teyitokindro ko adi‚ “Ku ŋutu kilonina kine kulia de ani romoki, ’bo ku Ŋun nina kulia kine giri roromoki.” 27Petero druga teyitokindro lepe‚ akulia adi‚ “Mete‚ yi akolokindro kulia kine giri, yi kilo kepodru do, kuwade yi iririondru inyo ya?” 28Yesu druga teyitokindro ko adi, “Na takindra ta a ’diri, i ka naluduna kata yu, i luŋa laga ma Ŋiro lo ŋutulo gbi’dikini i si’de nanye na todrumana ki yu lu, ta laga lo kebu na kilo ta igbigbi’diki i si’deta mere gele ku konye mure ki yu i ŋedya na kulia ti ketimito ti Isiraeli naga mere gele konye mure kine. 29Ŋutulu giri gele gele laga akolokindro kadizi, kuwa luŋaseri‚ kuwa saseri, kuwa monye‚ kuwa ŋote‚ kuwa ŋazi, kuwa melesiŋo, ku kulia kuwe kine kilo, ko iririondru luŋa kama gele, ’bo ko ititiki ru naga ani lengana itro. 30’Bo ŋutulu rodri laga a ti ŋero kilo se lo igbo’da a ti bo, ’bo ti bo kilo se lo igbo’da a ti ŋero.
Currently Selected:
MATAYO 19: KNT77
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.
MATAYO 19
19
1I bo ŋanina‚ kugbo Yesu laga atutuzo kine kulia de‚ lepe druga ŋiyoro Galili yu druga lubo i ka na Yudaya naga Yorodani i lu lozo nu. 2’Bo mongoyo ti ŋutulu rodri kilo akekepodru lepe, lepe druga toruzo ko yu de. 3Farisayo kilo druga yeŋundra ku lepeni‚ i modyu na lepe‚ druga piza adi‚ “Kukuzuna arugo adi ti le’de ŋutu lo rikoro noka nanyena ku kuliata giri ya?” 4Yesu druga teyitokindro ko adi‚ “Ta aku kendra adi Ŋun lo gbekindra ko kazu i suluki yulo‚ lepe agbeza ko lalale ku nonoka ya? 5’Bo Ŋun akulia adi‚ ‘Ku kine kulia de ŋutulo ikolokindro monye lonyelo ku ŋote nanyena‚ ’bo ko imora seku noka nanyena, nyenaga ko mure katru igbo’da a mugu gele.’ 6Kuwade ko ani gbo’da mure ’do uye‚ ko a mugu gele. Kuwade ŋo laga ma Ŋun tomodyi kugelelo le’de ŋutu ka’bi ku totokoru.” 7’Bo ko druga piza Yesu adi‚ “Kugbo gbo de‚ Mose atakindra kukuzu adi ti ŋutu tiki waraga na tokorani driŋina i rikodru na noka gbandra ya?” 8Yesu druga teyitokindro ko adi‚ “Ku teiliko logo kasu kilo nyena rugini Mose rikodru na wate kasu kinena‚ ’bo ŋiyu i suluki yu, ani gbo’da de. 9Na takindra ta, ku le’de ŋutu arikodru noka nanye kugbo ani gbo’da ku konye lopi, druga zondra ne’de, lepe akondra towute.” 10Lotodiniki ti lepe kilo druga piza lepe adi, “Kugbo kulia ti ŋutulo seku noka nanyena gbo de, kedri kodro ŋutulo angu azondra nokani.” 11’Bo lepe druga teyitokindro ko adi, “Ŋutulu giri ani romoki rugo ina kukuzu de‚ gele’du ŋutulu laga ma Ŋun tikindri ko i rugo kilo. 12’Bo ku’de kilo ŋutulu ko a undoa ŋiyu i luŋa laga ma ŋotela kasiko kine yuŋozi ko kulu. Ku’de kilo a’delaki a undoa ku kenisi ti ŋutulu kilo. Ku’de kilo a’delakindra ’beri a undoa ku kulia ti tumata na ’dikona. Ŋutu lo romoki rugo kine kulia delo ti lepe rugi.” 13Ko druga zondra ŋazi lo’di’diki ku Yesuni ma lepe ku tandri kenisi kanye kilo kasiko kini i magu. ’Bo lotodiniki kilo ariringa ŋutulu kilo‚ 14’bo Yesu akulia adi‚ “Ti ŋazi lo’di’diki kilo pondri kuweni‚ ku gogota ko‚ igbonaga tumata na ’dikona gbo a na ŋutulu laga be kilo de kilo ina.” 15Lepe druga tanyakindra kenisi kanye kilo kasiko kini‚ druga tutu. 16’Bo le’de ŋutu apondra ku Yesuni druga piza adi‚ “Katogoloni‚ ma na kondra kone lo’bu laga inyo laga ma na gbo’dini ku ru naga ani lengana ya?” 17Yesu druga piza lepe adi‚ “Do piza na ku kulia naga a na’bu kine de gbandra ya? Ŋun laga a lo’bu gele ’du. Kugbo do nyadru lubo i yeŋo yu‚ sope so kukuzuki kine.” 18Ŋutu ŋanilo druga piza lepe adi‚ “Kukuzu naga anyo ya?” Yesu druga kulia adi‚ “Ku reremi ŋutu‚ Ku kokonu towute‚ Ku koko’ya koko’ya, Ku kokoro kokoro le’de ŋutu ku kulia ti to’bure, 19Sope munyi seku ŋuti, Nyare ŋutulu lo saka konu gurubeni kilo be na nyadrini do muguna.” 20’Bulanilo druga teyitokindro lepe adi, “Kine kulia de giri na akonu ko. Inyo laga na aku konu ya?” 21Yesu druga teyitokindro lepe adi‚ “Kugbo do laga nyadru gbo’da a lo’bu‚ uti ku togbore kapazi kolu kilo giri‚ ku tiki lemerika kilo‚ do irurumbi tokorine i ’diko yu‚ ’bo pondri kuru‚ ku kepodri bo niona.” 22Kugbo ’bulani ŋanilo laga ayinga kine kulia de, lepe druga utu ku luŋuli, igbonaga kapazi ti lepe kilo rodrina. 23Yesu druga takindra lotodiniki kanye kilo adi, “Na takindra ta a ’diri, lubo naga i tumata na ’dikona igbogbo’da a nago ku korineko kiloni. 24Na takindra ta ’do, lubo na kamelo i drili na sindani katanina pa’de’de alangu lubo na korineko kilona i tumata na Ŋun ina kata yu.” 25Kugbo lotodiniki kilo laga ayinga kine kulia de, ko druga rambu ’beri koru‚ ko druga piza adi‚ “Kuwade ŋa lo romoki irite ya?” 26’Bo Yesu agbuluzu ko‚ druga teyitokindro ko adi‚ “Ku ŋutu kilonina kine kulia de ani romoki, ’bo ku Ŋun nina kulia kine giri roromoki.” 27Petero druga teyitokindro lepe‚ akulia adi‚ “Mete‚ yi akolokindro kulia kine giri, yi kilo kepodru do, kuwade yi iririondru inyo ya?” 28Yesu druga teyitokindro ko adi, “Na takindra ta a ’diri, i ka naluduna kata yu, i luŋa laga ma Ŋiro lo ŋutulo gbi’dikini i si’de nanye na todrumana ki yu lu, ta laga lo kebu na kilo ta igbigbi’diki i si’deta mere gele ku konye mure ki yu i ŋedya na kulia ti ketimito ti Isiraeli naga mere gele konye mure kine. 29Ŋutulu giri gele gele laga akolokindro kadizi, kuwa luŋaseri‚ kuwa saseri, kuwa monye‚ kuwa ŋote‚ kuwa ŋazi, kuwa melesiŋo, ku kulia kuwe kine kilo, ko iririondru luŋa kama gele, ’bo ko ititiki ru naga ani lengana itro. 30’Bo ŋutulu rodri laga a ti ŋero kilo se lo igbo’da a ti bo, ’bo ti bo kilo se lo igbo’da a ti ŋero.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.