MATAYO 23
23
1Yesu druga takindra mongoyo ti ŋutulu kilo ku lotodiniki kanye kilo adi‚ 2“Katogolo ti kukuzuna kilo ku Farisayo kilo gbi’diki ku Mose i si’de kini. 3Kuwade koneta‚ sopeta so kulia giri naga ma ko takindri ta kine‚ ’bo ku kokonuta beti naga ma ko kondrinina, igbonaga ko bita trugo‚ ’bo ko ani kondra kulia ŋani kine tro ina. 4Ko bita todya kapazi lo tomoni laga ani romoki ’dukuzi kilo‚ ko ’delakindra ko i kidiyo ti ŋutulu ki‚ ’bo ko ku ’beri ani yo’yu ’dokodru na kapazi ŋani kilo i logini na ko. 5Ko bita kondra konesi kase kine giri adi ma se memeta ku ŋutulu. Ko bita riba kulia ti Ŋun naga ma ko pidri kase ’berini a nawalaŋa. Ko kukundra kutu na bongona a nazo itro. 6Ko nyadru gbi’diki i si’deta naga a na’bu i gbadru yu‚ ku si’deta naga a na’bu i kadizi naga a momoreta kine kata yu‚ 7ko nyadru romaniki koru i pirito na togboreni kapazi kine‚ ko nyadru ŋutulu kilo ti luŋe se a ‘Katogolo’. 8’Bo ku luluŋuta ’beri a katogolo, igbonaga katogoloni lasulo ilo gele ’du ina‚ ’bo ta giri a luŋaseri. 9Ku luluŋuta le’de ŋutu a monye lasu i kani‚ igbonaga Monye lasulo ilo gele ’du ina‚ nye laga i ’diko yu ilo. 10Kuwade ku luluŋuta ’beri a mataki‚ igbonaga mata lasulo gele a Kristo ina. 11Ŋutu laga a druma kasu dridriŋini ilo igbo’da a upiye lasu. 12Ŋutulu giri lo ŋiŋizu ’beri kilo‚ kilo itetemize ka‚ ’bo ŋutulu giri lo temizundro ’beri ka kilo‚ kilo iŋiŋiyuzi ki. 13“Dreliana ina a nasu‚ ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta kilo kinikindra ŋutulu tumata na ’dikona ina. ’Dia kodro ku ta ku ’beri aku lubo‚ ta ani nyadru adi ŋutulu lo nyadru lubo kilo ti lubi. 14Dreliana ina a nasu‚ ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta kilo dudumuza awuzio ku kadizi kasiko kine‚ ta kilo magu Ŋun driŋi a lozo adi ma ta metani ’busa. Ta iŋeŋeraki kulia naga a naro arodru.] 15Dreliana ina a nasu‚ ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta laŋadru suburilo ku kana ma ta ku lopukundri ŋutu gele kasuni‚ ’bo kugbo ta laga alopukundro lepe‚ ta atoyeŋundra lepe a ŋutu lo zuki kima naga a noketana luŋa mure alangu ta lepe. 16“Dreliana ina a nasu‚ ta laga a ka’dola ti kuwe laga ku konye a mudumudu kilo, ta kulia adi‚ ‘Kugbo ŋutulo nyosu milio ku kari ti kadi na Ŋun kine‚ kine kulia de a ’busa‚ ’bo kugbo ŋutulo nyosu milio ku kari ti drumo naga i kadi na Ŋun ina katani kine‚ lepe gbo ku mori.’ 17Ta laga lo mamali ku konye a mudumudu kilo‚ inyo laga a druma arodru‚ drumo ŋani kine‚ kugbo kadi naga na toyeŋundra drumo ŋani kine a naruruwa ina ya? 18Ta akulia adi‚ ‘Kugbo ŋutulo nyosu milio ku kari ti piri naga a ’i’iletana, kine kulia de a ’busa‚ ’bo kugbo ŋutulo nyosu milio ku kari ti ’doke laga i piri naga a ’i’iletana kini‚ lepe gbo ku mori.’ 19Ta laga ku konye a mudumudu kilo‚ inyo laga a druma arodru‚ ’doke ŋanilo‚ kugbo piri naga a ’i’ileta na toyeŋundra ’doke ŋanilo a loruruwa ina ya? 20Kuwade kugbo ŋutulo nyosu milio ku kari ti piri naga a ’i’iletana, lepe nyosu milio ku kari ti piri ŋanina kine ku kapa kilo giri laga ku lepe kini kilo itro. 21Kugbo ŋutulo nyosu milio ku kari ti kadi na Ŋun kine‚ lepe nyosu milio ku kari ti kadi ŋanina kine ku kari ti Ŋun laga lo saka katanilo itro. 22Kugbo ŋutulo nyosu milio ku kari ti ’diko kine‚ lepe nyosu milio ku kari ti si’de na Ŋun, ku lepe lo gbi’diki kinilo itro. 23“Dreliana ina a nasu‚ ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta kilo tikindra dridriŋi na mere gele na ingiri na ŋmwa wiriwiri ku na zibi ku na kumini‚ ’bo ta aliaŋa ku kuliata naga a drumala i kukuzuki i dridriŋini, ŋera na kulia naga sosona‚ ku ediyolo, ku rugona. Kedri kodro ku ta akondra kine kulia de a na’bu‚ ku ta aku liaŋa ku’de kine. 24Ta laga a ka’dola ti kuwe laga ku konye a mudumudu kilo‚ laga lo ’dotodru kaduŋati kaŋo‚ ’bo laga lo wi’yo kamelo kilo! 25“Dreliana ina a nasu ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta toke’ya drikerito ku nyakaleta a lo kaŋo ’du‚ ’bo ti derengi katazi kasiko kine azore ku kapa lo riake ku gagandru kilo‚ ku tobudruŋa itro. 26Do laga a Farisayota, laga ku konye a mudumudulo‚ tokele kata na drikerina ku na nyakalena a nze‚ kaŋona bulo tokela. 27“Dreliana ina a nasu ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta gbo be gulomo na ’boriya ku gbu’do‚ ko puru a nakiye kaŋoni‚ ’bo katazi kasiko kine atozore ku kuyu ti opuo kilo ku kapa laga a mundri kilo giri. 28Kuwade ta gbo de‚ i konye ti ŋutulu kiloni ta puru be ŋutulu laga mŋgba‚ ’bo katazi kasu kine azore ku toŋulupa, ku kulia naro itro. 29“Dreliana ina a nasu ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta ’dugo gulomo ti kakeyo kilo‚ ta zubu ziki’dia lo yoloni kulia ti ŋutu laga mŋgba kilo‚ 30ta kulia adi‚ ‘Kazu kodro ku yi kulu gbo i baŋe na merenyezi kaya kilo nu‚ yi aka tomodya kutuzi kaya kine ku ko i ’bugo na rima ti kakeyo kiloni.’ 31Gbode ta lepe akpeza ’beri adi ta a ŋazi ti ŋutulu laga lo reremozu kakeyo kilo. 32Kuwade tutuneta kulia naga ma merenyezi kasu kilo sulukindri kine. 33Ta laga a munuo‚ ta laga a ŋazi ti ’boro’boro, ta iwowoke ku ŋera na kulia na ibiriŋozini ta i kima naga a noketa nu kata yu kine adidinyo ya? 34Kuwade na asunyukindro ta kakeyo‚ ku ŋutulu ti totore‚ ku katogolo ti kukuzuna kilo. Ta ireremi ku’de kilo‚ ta i’be’be ku’de kilo i kedini mugu‚ ku’de kilo ta ikpikpinyi i kadizi kasu naga a momoreta kine kata yu‚ i sasandru na ko mu kezino. 35Kuwade rima giri ti ŋutulu laga mŋgba kilo na ’bukozi i kani kine itroroki ta‚ ŋiyu i rima ti Abeli, ŋutu laga mŋgba lu‚ yeŋundra i rima ti Zakaria‚ ŋiro lo Barakia laga ma ta rembi i dridriŋi na piri naruruwana ku piri naga a ’i’iletana. 36Na takindra ta a ’diri‚ kine kulia de giri iyeyeŋundra i ina yuŋe na tinadena kini. 37“Do Yerusalema, Yerusalema, do na reremozu kakeyo kilo‚ na bibiringo ŋutulu lo sonyo konu yu ku ŋoropona. Luŋa rodri na kodro nyadru tundra ŋazi kolu kilo kugele, beti sukurina tundra torila kanye kine kanye kopuko kata ina‚ ’bo do a’biye. 38Meteta‚ kadi nasuna ikokoloki ta yiŋ a ruba. 39Na takindra ta‚ ta aka medra nani yeŋadru tozo i luŋa laga ma ku yeŋundri ma ta ku kuliani adi‚ ‘Ŋutu lo pondra ku kari ti Mata kine ilo ti purani pura’ lu.”
Currently Selected:
MATAYO 23: KNT77
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.
MATAYO 23
23
1Yesu druga takindra mongoyo ti ŋutulu kilo ku lotodiniki kanye kilo adi‚ 2“Katogolo ti kukuzuna kilo ku Farisayo kilo gbi’diki ku Mose i si’de kini. 3Kuwade koneta‚ sopeta so kulia giri naga ma ko takindri ta kine‚ ’bo ku kokonuta beti naga ma ko kondrinina, igbonaga ko bita trugo‚ ’bo ko ani kondra kulia ŋani kine tro ina. 4Ko bita todya kapazi lo tomoni laga ani romoki ’dukuzi kilo‚ ko ’delakindra ko i kidiyo ti ŋutulu ki‚ ’bo ko ku ’beri ani yo’yu ’dokodru na kapazi ŋani kilo i logini na ko. 5Ko bita kondra konesi kase kine giri adi ma se memeta ku ŋutulu. Ko bita riba kulia ti Ŋun naga ma ko pidri kase ’berini a nawalaŋa. Ko kukundra kutu na bongona a nazo itro. 6Ko nyadru gbi’diki i si’deta naga a na’bu i gbadru yu‚ ku si’deta naga a na’bu i kadizi naga a momoreta kine kata yu‚ 7ko nyadru romaniki koru i pirito na togboreni kapazi kine‚ ko nyadru ŋutulu kilo ti luŋe se a ‘Katogolo’. 8’Bo ku luluŋuta ’beri a katogolo, igbonaga katogoloni lasulo ilo gele ’du ina‚ ’bo ta giri a luŋaseri. 9Ku luluŋuta le’de ŋutu a monye lasu i kani‚ igbonaga Monye lasulo ilo gele ’du ina‚ nye laga i ’diko yu ilo. 10Kuwade ku luluŋuta ’beri a mataki‚ igbonaga mata lasulo gele a Kristo ina. 11Ŋutu laga a druma kasu dridriŋini ilo igbo’da a upiye lasu. 12Ŋutulu giri lo ŋiŋizu ’beri kilo‚ kilo itetemize ka‚ ’bo ŋutulu giri lo temizundro ’beri ka kilo‚ kilo iŋiŋiyuzi ki. 13“Dreliana ina a nasu‚ ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta kilo kinikindra ŋutulu tumata na ’dikona ina. ’Dia kodro ku ta ku ’beri aku lubo‚ ta ani nyadru adi ŋutulu lo nyadru lubo kilo ti lubi. 14Dreliana ina a nasu‚ ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta kilo dudumuza awuzio ku kadizi kasiko kine‚ ta kilo magu Ŋun driŋi a lozo adi ma ta metani ’busa. Ta iŋeŋeraki kulia naga a naro arodru.] 15Dreliana ina a nasu‚ ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta laŋadru suburilo ku kana ma ta ku lopukundri ŋutu gele kasuni‚ ’bo kugbo ta laga alopukundro lepe‚ ta atoyeŋundra lepe a ŋutu lo zuki kima naga a noketana luŋa mure alangu ta lepe. 16“Dreliana ina a nasu‚ ta laga a ka’dola ti kuwe laga ku konye a mudumudu kilo, ta kulia adi‚ ‘Kugbo ŋutulo nyosu milio ku kari ti kadi na Ŋun kine‚ kine kulia de a ’busa‚ ’bo kugbo ŋutulo nyosu milio ku kari ti drumo naga i kadi na Ŋun ina katani kine‚ lepe gbo ku mori.’ 17Ta laga lo mamali ku konye a mudumudu kilo‚ inyo laga a druma arodru‚ drumo ŋani kine‚ kugbo kadi naga na toyeŋundra drumo ŋani kine a naruruwa ina ya? 18Ta akulia adi‚ ‘Kugbo ŋutulo nyosu milio ku kari ti piri naga a ’i’iletana, kine kulia de a ’busa‚ ’bo kugbo ŋutulo nyosu milio ku kari ti ’doke laga i piri naga a ’i’iletana kini‚ lepe gbo ku mori.’ 19Ta laga ku konye a mudumudu kilo‚ inyo laga a druma arodru‚ ’doke ŋanilo‚ kugbo piri naga a ’i’ileta na toyeŋundra ’doke ŋanilo a loruruwa ina ya? 20Kuwade kugbo ŋutulo nyosu milio ku kari ti piri naga a ’i’iletana, lepe nyosu milio ku kari ti piri ŋanina kine ku kapa kilo giri laga ku lepe kini kilo itro. 21Kugbo ŋutulo nyosu milio ku kari ti kadi na Ŋun kine‚ lepe nyosu milio ku kari ti kadi ŋanina kine ku kari ti Ŋun laga lo saka katanilo itro. 22Kugbo ŋutulo nyosu milio ku kari ti ’diko kine‚ lepe nyosu milio ku kari ti si’de na Ŋun, ku lepe lo gbi’diki kinilo itro. 23“Dreliana ina a nasu‚ ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta kilo tikindra dridriŋi na mere gele na ingiri na ŋmwa wiriwiri ku na zibi ku na kumini‚ ’bo ta aliaŋa ku kuliata naga a drumala i kukuzuki i dridriŋini, ŋera na kulia naga sosona‚ ku ediyolo, ku rugona. Kedri kodro ku ta akondra kine kulia de a na’bu‚ ku ta aku liaŋa ku’de kine. 24Ta laga a ka’dola ti kuwe laga ku konye a mudumudu kilo‚ laga lo ’dotodru kaduŋati kaŋo‚ ’bo laga lo wi’yo kamelo kilo! 25“Dreliana ina a nasu ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta toke’ya drikerito ku nyakaleta a lo kaŋo ’du‚ ’bo ti derengi katazi kasiko kine azore ku kapa lo riake ku gagandru kilo‚ ku tobudruŋa itro. 26Do laga a Farisayota, laga ku konye a mudumudulo‚ tokele kata na drikerina ku na nyakalena a nze‚ kaŋona bulo tokela. 27“Dreliana ina a nasu ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta gbo be gulomo na ’boriya ku gbu’do‚ ko puru a nakiye kaŋoni‚ ’bo katazi kasiko kine atozore ku kuyu ti opuo kilo ku kapa laga a mundri kilo giri. 28Kuwade ta gbo de‚ i konye ti ŋutulu kiloni ta puru be ŋutulu laga mŋgba‚ ’bo katazi kasu kine azore ku toŋulupa, ku kulia naro itro. 29“Dreliana ina a nasu ta laga a katogolo ti kukuzuna ku Farisayo kilo‚ ta laga a katoŋulupa kilo! Igbonaga ta ’dugo gulomo ti kakeyo kilo‚ ta zubu ziki’dia lo yoloni kulia ti ŋutu laga mŋgba kilo‚ 30ta kulia adi‚ ‘Kazu kodro ku yi kulu gbo i baŋe na merenyezi kaya kilo nu‚ yi aka tomodya kutuzi kaya kine ku ko i ’bugo na rima ti kakeyo kiloni.’ 31Gbode ta lepe akpeza ’beri adi ta a ŋazi ti ŋutulu laga lo reremozu kakeyo kilo. 32Kuwade tutuneta kulia naga ma merenyezi kasu kilo sulukindri kine. 33Ta laga a munuo‚ ta laga a ŋazi ti ’boro’boro, ta iwowoke ku ŋera na kulia na ibiriŋozini ta i kima naga a noketa nu kata yu kine adidinyo ya? 34Kuwade na asunyukindro ta kakeyo‚ ku ŋutulu ti totore‚ ku katogolo ti kukuzuna kilo. Ta ireremi ku’de kilo‚ ta i’be’be ku’de kilo i kedini mugu‚ ku’de kilo ta ikpikpinyi i kadizi kasu naga a momoreta kine kata yu‚ i sasandru na ko mu kezino. 35Kuwade rima giri ti ŋutulu laga mŋgba kilo na ’bukozi i kani kine itroroki ta‚ ŋiyu i rima ti Abeli, ŋutu laga mŋgba lu‚ yeŋundra i rima ti Zakaria‚ ŋiro lo Barakia laga ma ta rembi i dridriŋi na piri naruruwana ku piri naga a ’i’iletana. 36Na takindra ta a ’diri‚ kine kulia de giri iyeyeŋundra i ina yuŋe na tinadena kini. 37“Do Yerusalema, Yerusalema, do na reremozu kakeyo kilo‚ na bibiringo ŋutulu lo sonyo konu yu ku ŋoropona. Luŋa rodri na kodro nyadru tundra ŋazi kolu kilo kugele, beti sukurina tundra torila kanye kine kanye kopuko kata ina‚ ’bo do a’biye. 38Meteta‚ kadi nasuna ikokoloki ta yiŋ a ruba. 39Na takindra ta‚ ta aka medra nani yeŋadru tozo i luŋa laga ma ku yeŋundri ma ta ku kuliani adi‚ ‘Ŋutu lo pondra ku kari ti Mata kine ilo ti purani pura’ lu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kakwa New Testament © Bible Society of Uganda, 1974, 1977.