Luk 2
2
Jisu Kepenuo
(Mat 1:18-25)
1Siro sükisü Augustu Kaisar-e kijü nu keba pete bu u za thuketuo die puo khashü. 2Nuolhou phrü kerietho hau Kurini-e Siria ahng chü keba ki chü. 3Tsiu mia pete u za thutuoü u thuo u ra vo phre. 4Siro Josef rei Galil kijü Nazaret rünau nunu tuo Judia nu David rüna Bethlehem ükezhau nu vo, puo David-nuo kinumia mu puo yiemia zocü la. 5Puo za thutuo üdi puo ze kerituoüwaketapfü Maria rei ze vo, mu süpfü nuoze tei bata. 6Ru unie vo sünu keba ki süpfü puo nuoze tei vorta. 7Sidi puo nuo nuorieu thepfumia yopuo penuolie, sidi pfhe pie puo kezülie di khapie peri bu mhacüyakezha khou nu zhü, kekreilamonyü rüsoki nu unie la thechü jüketa la.
Tekuokepfheko mu Teigeidielieko
8Siro rüna sünu tekuokepfheko terha zhü di theva u kuoko pfheya ru. 9Süki Niepuu dieliemia puoe vor uko mhodzünu thalie, mu Niepuu kezieu uko vapie lutsahatsa ziekruoita, süla uko michie phita. 10Derei teigeidielieu sie uko ki, “Nieko michie hiecie! Harie, themia pete u nei phiketuo dieliekevi a se nie ki vorzhie: 11Thie David rüna nunu Kelakelieu Niepuu Khrista sü penuoliete ho. 12Hau nie la zasiu chütuo: nieko pfhenyhie pie unuoyo kezüpie peri bu mhacüyakezha khou puo nu zhü di ngulietuo.” 13Sishü tse teigei nu dieliemia krodi#2:13 Gk Rüpfhünuo. puoe puo ze Ukepenuopfü tshekecü hamhie:
14“Tei pesotho gei Ukepenuopfü bu puo za kemeyieu chüliecie;
mu kijü keba themia puoe puo neiyakezhako bu kevi chüwaliecie!”#2:14 Leshü keweko nu themia bu kezevi mu keviu chülie icü sa.
15Süsie teigeidielieko uko khawa di teigei khota tse, kuopfheko huoniehuo ki, “Úko Bethlehem nu vo di Niepuu u ki pukeshü mhie mhachüketako meho khe.” 16Sidi uko kenourhei vo ru Maria mu Josef unie, mu unuoyo bu peri khou nu zhü di ngulie. 17Siro uko süu ngulie tse, nuo hayo dze uko ki pukeshüko pie mia ki pushü. 18Mu tekuokepfheko pukeshüko kesi khe u ngo phita. 19Derei Maria mha hako pete pie puo nou shüse di süko le sei tuota. 20Siro tekuokepfheko teigeidielieu pie uko ki pukeshü kemhie touu ngukelie la, Ukepenuopfü za pu kemeyie siro puo tshe mu rhu di tuo lata.
Jisu Za Thokelie
21Siro puo penuokelie zha thetha tseita di unuoyo zhükere tei tsolie tse, puo za thopie Jisu chülie, theza süu puo nuonipfülie kemonu teigeidielieu thuo thoshü zo.
Jisu Ze Rüsuoki nu Kevo
22Siro Mosa zho-u nu kepu tuoi u chü kemesaketuo teisozhako tsolie tse, Josef mu Maria unie unuoyo pie Niepuu tsüketuo la Jerusalem nu kho; 23(Niepuu zho-u nu thupie kezhü hamhie, “Thepfu nuorie penuokelie khe kelakreipie Niepuu vie chütuo.”) 24Süla Niepuu zho-u nu pupie kezhü “Khruleinuo kenie moro paruonuo kemedzü kenie” ikeshü mhie di sünie sa se kho di ruosuo chü.
25Süki mia puoe puo za Simeon üdi Jerusalem nu baya; siro themia süu miatho tsiu pecü di Israelmia nou thu peluoshüketuou merü tuoya mu Kemesa Ruopfü puo gei tuo. 26Siro Kemesa Ruopfü thuo puo bu Niepuu Khristau ngu kemochie siatalie lho ükecü puo ki pupie tuo. 27Ru Ruopfüu Simeon hü ze rüsuokiu nu vor; mu süki thezho-u nu kepuko chütuo üdi, puo krünie unuoyo Jisu ze rüsuokiu nu vor, 28mu Simeon unuoyo toupielie di Ukepenuopfü tshekeshü hamhie:
29“Niepuu, no n die medzi di,
tsie we noune nunu n kituou#2:29 Gk Dieu. ketseshüwazhie;
30a mhipie n kelakelieu nguwatacü la,
31No themia pete mhodzünu kesekeshüu,
32Judakemoko la kezie pesipengukeshü puo,
mu n themia Israelko la zayieu.”
33Siro puo dze pukeshü süko la puo puo puo zuonie bu u ngota. 34Siro Simeon japie uko tsüshü, sidi unuoyo zuo Maria ki, “Harie nuo hayoha la Israelmia kekra bu krütatuo mu la sie reilietuo; mu mia bu puo petsouketuo zasi puo, 35tsiu themia kekra noudo hiepie ngulie kevi chüshütuo, mu zhiecha pie n melou keze chü zotuo,” sita.
36Süki siedzekesipfü puo ba, puo za Ana, hapfüe Asher yiemia Fanuel nuopfü. Puo cie thenie rübei puo nupfu ze lhou, mu puo phichü phi bata. 37Puo samipfü puo zo mu cie hiethethaediata. Hapfüe mhakipuorei rüsuokiu cietaya chie mo; sidi puo theva rei khinhie rei Ukepenuopfü rüsuo di mevo mu cha baya. 38Sütei touki thenu süpfü vor, di Ukepenuopfü tsheta, mu unuoyo dzepie Jerusalem rhashüketuo pfhe keba pete ki pushü.
Jisu Ze Nazaret nu La Kevor
39Süsie Niepuu zho-u nu chü morokesuo pete chü tseikewa sie, uko keze la Galil nu uko ra Nazaret nu vota. 40Siro nuo süyo phichülie mu meteilie; tsiu mhasi pie puo tshulie mu Kepenuopfü ngukemezhieu rei puo gei balie.
Jisu Rüsuokiu nu Kevo
41Teiciekepra Ciekevonyi nyikecü la puo puo mu puo zuo unie Jerusalem nu kho seiya. 42Sidi puo cie kerekenieketa ki, u zho ki tuoi uko thenyiu nu kho. 43Mu thenyiu tseita di la vorkezhü ki unuoyo Jisu sü Jerusalem nu bata, derei puo puo puo zuo unie hau si tuo mo. 44Siro unie puo üse rüvemia kro-u nu tuo nhiecü le tuo zo, sidi unie zha puo chatuo nu vota, süsie unie seyiemiako mu unie zeko donu puo pfhü sie. 45Sidi unie puo ngulie mota tse, unie la Jerusalem nu puo pfhü vo. 46Sidi zha se sie nu rüsuoki nu ba di puo ngulie; süki puo kepethako donu ba di uko die rünyü mu uko ki mha ketso iba. 47Siro puo die kesi kheko puo kemecie mu uko die kelakeshüko la uko ngo phreta. 48Süki unie puo ngu di unie ngota; sitse puo zuo sie puo ki, “A nuo, no kiüdi hienie gei hita mu? N puo hienie bu hienie nou kemezhie se di n pfhütuoe.” 49Sitse puo sie unie ki, “Kiüdi nnie a pfhü tuo ga? A a puo ki nu ba morosuokecü nnie si mo me?” 50Derei unie puo pukeshü cau silie mota. 51Süsie puo unie ze Nazaret nu vota, tsiu puo unie die ze ba zolie, siro puo zuoe die hako pete pie puo nou shüse tuota.
52Siro Jisu mhasi miemielie mu phichü sierlie, sidi Ukepenuopfü mu themia khrie rei pfülie.
Currently Selected:
Luk 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
Luk 2
2
Jisu Kepenuo
(Mat 1:18-25)
1Siro sükisü Augustu Kaisar-e kijü nu keba pete bu u za thuketuo die puo khashü. 2Nuolhou phrü kerietho hau Kurini-e Siria ahng chü keba ki chü. 3Tsiu mia pete u za thutuoü u thuo u ra vo phre. 4Siro Josef rei Galil kijü Nazaret rünau nunu tuo Judia nu David rüna Bethlehem ükezhau nu vo, puo David-nuo kinumia mu puo yiemia zocü la. 5Puo za thutuo üdi puo ze kerituoüwaketapfü Maria rei ze vo, mu süpfü nuoze tei bata. 6Ru unie vo sünu keba ki süpfü puo nuoze tei vorta. 7Sidi puo nuo nuorieu thepfumia yopuo penuolie, sidi pfhe pie puo kezülie di khapie peri bu mhacüyakezha khou nu zhü, kekreilamonyü rüsoki nu unie la thechü jüketa la.
Tekuokepfheko mu Teigeidielieko
8Siro rüna sünu tekuokepfheko terha zhü di theva u kuoko pfheya ru. 9Süki Niepuu dieliemia puoe vor uko mhodzünu thalie, mu Niepuu kezieu uko vapie lutsahatsa ziekruoita, süla uko michie phita. 10Derei teigeidielieu sie uko ki, “Nieko michie hiecie! Harie, themia pete u nei phiketuo dieliekevi a se nie ki vorzhie: 11Thie David rüna nunu Kelakelieu Niepuu Khrista sü penuoliete ho. 12Hau nie la zasiu chütuo: nieko pfhenyhie pie unuoyo kezüpie peri bu mhacüyakezha khou puo nu zhü di ngulietuo.” 13Sishü tse teigei nu dieliemia krodi#2:13 Gk Rüpfhünuo. puoe puo ze Ukepenuopfü tshekecü hamhie:
14“Tei pesotho gei Ukepenuopfü bu puo za kemeyieu chüliecie;
mu kijü keba themia puoe puo neiyakezhako bu kevi chüwaliecie!”#2:14 Leshü keweko nu themia bu kezevi mu keviu chülie icü sa.
15Süsie teigeidielieko uko khawa di teigei khota tse, kuopfheko huoniehuo ki, “Úko Bethlehem nu vo di Niepuu u ki pukeshü mhie mhachüketako meho khe.” 16Sidi uko kenourhei vo ru Maria mu Josef unie, mu unuoyo bu peri khou nu zhü di ngulie. 17Siro uko süu ngulie tse, nuo hayo dze uko ki pukeshüko pie mia ki pushü. 18Mu tekuokepfheko pukeshüko kesi khe u ngo phita. 19Derei Maria mha hako pete pie puo nou shüse di süko le sei tuota. 20Siro tekuokepfheko teigeidielieu pie uko ki pukeshü kemhie touu ngukelie la, Ukepenuopfü za pu kemeyie siro puo tshe mu rhu di tuo lata.
Jisu Za Thokelie
21Siro puo penuokelie zha thetha tseita di unuoyo zhükere tei tsolie tse, puo za thopie Jisu chülie, theza süu puo nuonipfülie kemonu teigeidielieu thuo thoshü zo.
Jisu Ze Rüsuoki nu Kevo
22Siro Mosa zho-u nu kepu tuoi u chü kemesaketuo teisozhako tsolie tse, Josef mu Maria unie unuoyo pie Niepuu tsüketuo la Jerusalem nu kho; 23(Niepuu zho-u nu thupie kezhü hamhie, “Thepfu nuorie penuokelie khe kelakreipie Niepuu vie chütuo.”) 24Süla Niepuu zho-u nu pupie kezhü “Khruleinuo kenie moro paruonuo kemedzü kenie” ikeshü mhie di sünie sa se kho di ruosuo chü.
25Süki mia puoe puo za Simeon üdi Jerusalem nu baya; siro themia süu miatho tsiu pecü di Israelmia nou thu peluoshüketuou merü tuoya mu Kemesa Ruopfü puo gei tuo. 26Siro Kemesa Ruopfü thuo puo bu Niepuu Khristau ngu kemochie siatalie lho ükecü puo ki pupie tuo. 27Ru Ruopfüu Simeon hü ze rüsuokiu nu vor; mu süki thezho-u nu kepuko chütuo üdi, puo krünie unuoyo Jisu ze rüsuokiu nu vor, 28mu Simeon unuoyo toupielie di Ukepenuopfü tshekeshü hamhie:
29“Niepuu, no n die medzi di,
tsie we noune nunu n kituou#2:29 Gk Dieu. ketseshüwazhie;
30a mhipie n kelakelieu nguwatacü la,
31No themia pete mhodzünu kesekeshüu,
32Judakemoko la kezie pesipengukeshü puo,
mu n themia Israelko la zayieu.”
33Siro puo dze pukeshü süko la puo puo puo zuonie bu u ngota. 34Siro Simeon japie uko tsüshü, sidi unuoyo zuo Maria ki, “Harie nuo hayoha la Israelmia kekra bu krütatuo mu la sie reilietuo; mu mia bu puo petsouketuo zasi puo, 35tsiu themia kekra noudo hiepie ngulie kevi chüshütuo, mu zhiecha pie n melou keze chü zotuo,” sita.
36Süki siedzekesipfü puo ba, puo za Ana, hapfüe Asher yiemia Fanuel nuopfü. Puo cie thenie rübei puo nupfu ze lhou, mu puo phichü phi bata. 37Puo samipfü puo zo mu cie hiethethaediata. Hapfüe mhakipuorei rüsuokiu cietaya chie mo; sidi puo theva rei khinhie rei Ukepenuopfü rüsuo di mevo mu cha baya. 38Sütei touki thenu süpfü vor, di Ukepenuopfü tsheta, mu unuoyo dzepie Jerusalem rhashüketuo pfhe keba pete ki pushü.
Jisu Ze Nazaret nu La Kevor
39Süsie Niepuu zho-u nu chü morokesuo pete chü tseikewa sie, uko keze la Galil nu uko ra Nazaret nu vota. 40Siro nuo süyo phichülie mu meteilie; tsiu mhasi pie puo tshulie mu Kepenuopfü ngukemezhieu rei puo gei balie.
Jisu Rüsuokiu nu Kevo
41Teiciekepra Ciekevonyi nyikecü la puo puo mu puo zuo unie Jerusalem nu kho seiya. 42Sidi puo cie kerekenieketa ki, u zho ki tuoi uko thenyiu nu kho. 43Mu thenyiu tseita di la vorkezhü ki unuoyo Jisu sü Jerusalem nu bata, derei puo puo puo zuo unie hau si tuo mo. 44Siro unie puo üse rüvemia kro-u nu tuo nhiecü le tuo zo, sidi unie zha puo chatuo nu vota, süsie unie seyiemiako mu unie zeko donu puo pfhü sie. 45Sidi unie puo ngulie mota tse, unie la Jerusalem nu puo pfhü vo. 46Sidi zha se sie nu rüsuoki nu ba di puo ngulie; süki puo kepethako donu ba di uko die rünyü mu uko ki mha ketso iba. 47Siro puo die kesi kheko puo kemecie mu uko die kelakeshüko la uko ngo phreta. 48Süki unie puo ngu di unie ngota; sitse puo zuo sie puo ki, “A nuo, no kiüdi hienie gei hita mu? N puo hienie bu hienie nou kemezhie se di n pfhütuoe.” 49Sitse puo sie unie ki, “Kiüdi nnie a pfhü tuo ga? A a puo ki nu ba morosuokecü nnie si mo me?” 50Derei unie puo pukeshü cau silie mota. 51Süsie puo unie ze Nazaret nu vota, tsiu puo unie die ze ba zolie, siro puo zuoe die hako pete pie puo nou shüse tuota.
52Siro Jisu mhasi miemielie mu phichü sierlie, sidi Ukepenuopfü mu themia khrie rei pfülie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More