Mark 10
10
Jisue Kekhokevacü Dze Kepu
(Mat 19:1-12; Luk 16:18)
1Puo sünunu tuo Judia kijü merhieko nu mu Jordan khie kekreitsa vota. Sitse mia krodi puo la vor puo houpfülie. Mu puo chü seiyakezha tuoi uko petha lashü.
2Süki Farisiko huo vor puo kedo mu ketso di sie, “Mia puo puo kimia vakewa thezho me?” 3Sitse puo uko ki, “Mosa nieko ki kedipuo pu ga?” 4Uko sie, “Mosae puo bu vakewa leshü puo thulie di puo kimia ketsewanulie.” 5Derei Jisu uko ki, “Nie nou kere la Mosa thezho hau thukeshü zo. 6Derei sietsenu chükeshüue ‘Ukepenuopfü thepfumia mu thenumia chükeshü zo.’ 7‘Süla mia puoe puo puo puo zuo khawa di puo kimia penoutatuo, 8di unie chü puo chütatuo.’ Sidi unie-e kenie monyü chü puota zotuo. 9Süla Ukepenuopfüe chü kesakeshüu themia bu chükhowa hiecie.”
10Süsie pethakeliekoe ki nunu puo ki hau dze ketso la. 11Sitse puo uko ki, “Themia kehoupuorei puo kimia khawa di thenu kekrei lieta ro, puo kimia mhodzünu pieü chüta zo; 12mu thenupfü rei puo nupfu khawa di thepfu kekrei ki nyi lata ro, süpfü rei pieü chüta zo.”
Jisu Japie Nhicunuoko Ketsü
(Mat 19:13-15; Luk 18:15-17)
13Süsie mia Jisu bu nhicuko bieshünu di nhicunuomia kro puo ze puo ki vor; sitse pethakelieko süko kerhieta. 14Derei Jisu süu ngu di puo nei mota, sidi uko ki, “Nhicuko bu a ki vorliecie; uko kha hie, Ukepenuopfü kedi-e hamhiecüko vie zocü la. 15A nieko ki pu toushütuo, kehoupuorei nhicunuomia yopuo tuoi Ukepenuopfü kedi lielie kemosie puo sünu lelie kenjü zo.” 16Süsie puo nhicuko toupielie, tsiu puo dzie yhapie uko gei shü di japie uko tsüshü.
Kenyimia Puo Mha Ketsokecü
(Mat 19:16-30; Luk 18:18-30)
17Siro puo tuo vozhü tse, mia puo ta vor di puo mhodzünu khoutoupfülie, di puo ki, “Kepetha keviu, a kechachie kerhei ngulieketuo la kedipuo chülie morosuo ga?” idi ketso. 18Sitse Jisu puo ki, “No kiüdi a ü keviu üya ga? Ukepenuopfü rübei sie miapuorei vi mo. 19No diekhakeshüko si ba: ‘No mia dukhri lho; no pieü chü lho; no mha rügu lho; no ketijü zhapu chü lho; no mia sekeda lho; n puo n zuo rhulie,’ icüko.” 20Sitse puoe puo ki, “Kepethau, a a nhicu nunu mha hako pete ze tuote.” 21Siru Jisu puo meho terüshü mu puo khriecü la puo ki, “No mhapuo tso mo baluo, no vo n vie kebako zelie di pie mhakejüko tsüwalie, siliro teigei n kinyi nyilietuo; sidi vor a siemedzilie!” 22Puo süu sishü tse puo kedewata sidi puo thesuo siei di tuota, kekreilamonyü puo mhanyi phicü la.
23Süsie Jisu rürei lutsahatsa meho di sie puoe pethakelieko ki, “Kidepuorei mhakenyimia Ukepenuopfü kedi nu le retie shi ha!” 24Sitse pethakelieko die hako la u ngo phita. Derei Jisu uko ki, “Nhicuko, u kinyi pelekezhako Ukepenuopfü kedi nu leketuo kide retie shi! 25Kenyimia puo Ukepenuopfü kedi nu kele ki rei ut puo bu thepremei nu kepra we rüükuotuo.” 26Sitse uko u ngo phi di sie huoniehuo ki, “Di siro supuonie kelalie vituo ga?” 27Süla Jisu uko meho di sie, “Themia zowe süu chülie kenjü, derei Ukepenuopfü la we si mo zo; Ukepenuopfüe mhakehoupuorei chülie vi.”
28Sitse Pitor sie puo ki, “Harie, hie we mha pete khawa di n siemedzi tuote.” 29Süki Jisu sie, “A nieko ki pu toushütuo, kehoupuorei a la mu dieliekeviu la puo ki morei puo siezedzürie morei puo üpfünuo morei puo zuo morei puo puo morei puo nuonuo morei puo kiülie vakewamia, 30puoe tsie kelhouu nu mia bu u pechüpenyükecü sa di, puo kiko, puo siezedzürie, puo üpfünuo, puo zuonuo, mu puo nuonuo tsiu puo kiülie de thekrie kezie ngulie kelho ba mo, tsiu hasie kelhou nu kechachie kerhei sa ngutuo. 31Derei kerieko kekra nuotatuo mu kenuoko kekra rietatuo,” sita.
Jisu Puo Se Dze Kepu Va Seu
(Mat 20:17-19; Luk 18:31-34)
32Siro uko Jerusalem nu khotuoü cha nu vozhü, mu Jisu uko mhodzü rie tuo, ukoe u ngopfü tuo, mu puo siemedziketuoko rei michie tuo. Sitse puo kerekenieko ze krei lalie di puo gei mhachü vorketuo dzeko pu uko kie, 33sidi sie, “Harie, úko Jerusalem nu khotuoüzhie, mu mia Themia Nuou tepie zievokezhako mu thezhokepethako dzie nu shüwatuo, sidi uko puo pejo di puo dukhriwanutuo; süsie uko puo khapie Judakemoko dzie nu shütuo; 34tsiu uko puo se kethekre, puo mho mhitsie, puo vü mu puo dukhrituo; derei zha se sie puo rhei lasielietuo.”
Jakob mu Johan Unie Kecha
(Mat 20:20-28)
35Süsie Zebedi nuonie Jakob mu Johan unie puo ki vor di sie, “Kepethau, hienie n ki mhakehoupuo cha rei n bu süu pie hienie tsü nyüyalie,” sishü. 36Mu puo unie ki, “A bu nnie la kedipuo chüshü nyüya ga?” 37Sitse unie sie puo ki, “No zayie kechü ki hienie mia puo bu n zatsa mu mia puo bu n vitsa bakelie khashücie,” sita. 38Derei Jisu sie unie ki, “Nnie chaketuou si di cha tha mo. Nnie a krietuoü keba hieu krielie vi me? morei a dzülupfü morokesuo dzüluu pfülie vi me?” 39Süki unie sie, “Hienie chülie vi,” sita. Ru Jisu sie unie ki, “Nnie a krietuoü keba hieu krielie vi mu a dzülupfütuoü keba dzüluu pfülie vi zotuo, 40derei a zatsa morei a vitsa baketuo we a thuo khashülie kenjü; derei khapie tsütuo üdi kesepie ketuomia tsücü zotuo,” sishü.
41Siro mia kerko süu sishü tse, sie Jakob mu Johan unie gei uko nei mota. 42Süla Jisu uko kielie di uko ki, “Judakemoko u mhokezhamia üyakezhako mia mho kekuo seya, mu kezhakoe u zhosuo se di uko kekha tseise bayakezha nieko si ba. 43Derei nieko donu we silie lho; sirei nie kehoupuorei zha kenyüu bu nie theke chütuo; 44mu kehoupuorei rie kenyüu bu nieko peteko theke chütuo. 45Themia Nuou rei mia bu puo theketuoü monyü mia theketuoü mu puo phou khashü di themia kekra rhalietuoü vor zokecü la.”
Jisu Bartima Mhi Chü Pevikeshü
(Mat 20:29-34; Luk 18:35-43)
46Uko Jeriko nu vorlie. Siro puo mu puoe pethakelieko themia krodiu ze Jeriko nunu latazhü tse, Bartima ükecü Tima nuou puo mhicie di khruocüyakezhau cha khieki ba di ngulie. 47Süu Nazaret Jisu süki tuo ücü silie tse, puo shiekhoui di sie, “David Nuou, Jisu, a ngumezhieshücie!” sita. 48Sitse themia kekra puo bu kemekrie batanu di puo kechüta, derei puo shie kechü sa di, “David Nuou, a ngumezhieshücie,” ita. 49Siru Jisu thalie di sie, “Puo kieshücie.” Sitse uko mhicieu kielie di puo ki, “N dzüzielie, sieliecie, puo n kiezhie.” 50Sitse puo puo pfheu rhuo kelhouwa di prou zo Jisu ki vor. 51Siru Jisu puo ki, “A bu n gei kedipuo chüshü nyüya ga?” Mhicieu sie puo ki, “Rabi#10:51 Aramaik Rabbouni., a bu mha ngulieyi.” 52Sitse Jisu puo ki, “Tuo volie, n kepele thuo n chü pevishüwate ho!” Siru puo mhi mha ngu mhailieta, sidi puo cha ze puo siemedzi tuota.
Currently Selected:
Mark 10: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
Mark 10
10
Jisue Kekhokevacü Dze Kepu
(Mat 19:1-12; Luk 16:18)
1Puo sünunu tuo Judia kijü merhieko nu mu Jordan khie kekreitsa vota. Sitse mia krodi puo la vor puo houpfülie. Mu puo chü seiyakezha tuoi uko petha lashü.
2Süki Farisiko huo vor puo kedo mu ketso di sie, “Mia puo puo kimia vakewa thezho me?” 3Sitse puo uko ki, “Mosa nieko ki kedipuo pu ga?” 4Uko sie, “Mosae puo bu vakewa leshü puo thulie di puo kimia ketsewanulie.” 5Derei Jisu uko ki, “Nie nou kere la Mosa thezho hau thukeshü zo. 6Derei sietsenu chükeshüue ‘Ukepenuopfü thepfumia mu thenumia chükeshü zo.’ 7‘Süla mia puoe puo puo puo zuo khawa di puo kimia penoutatuo, 8di unie chü puo chütatuo.’ Sidi unie-e kenie monyü chü puota zotuo. 9Süla Ukepenuopfüe chü kesakeshüu themia bu chükhowa hiecie.”
10Süsie pethakeliekoe ki nunu puo ki hau dze ketso la. 11Sitse puo uko ki, “Themia kehoupuorei puo kimia khawa di thenu kekrei lieta ro, puo kimia mhodzünu pieü chüta zo; 12mu thenupfü rei puo nupfu khawa di thepfu kekrei ki nyi lata ro, süpfü rei pieü chüta zo.”
Jisu Japie Nhicunuoko Ketsü
(Mat 19:13-15; Luk 18:15-17)
13Süsie mia Jisu bu nhicuko bieshünu di nhicunuomia kro puo ze puo ki vor; sitse pethakelieko süko kerhieta. 14Derei Jisu süu ngu di puo nei mota, sidi uko ki, “Nhicuko bu a ki vorliecie; uko kha hie, Ukepenuopfü kedi-e hamhiecüko vie zocü la. 15A nieko ki pu toushütuo, kehoupuorei nhicunuomia yopuo tuoi Ukepenuopfü kedi lielie kemosie puo sünu lelie kenjü zo.” 16Süsie puo nhicuko toupielie, tsiu puo dzie yhapie uko gei shü di japie uko tsüshü.
Kenyimia Puo Mha Ketsokecü
(Mat 19:16-30; Luk 18:18-30)
17Siro puo tuo vozhü tse, mia puo ta vor di puo mhodzünu khoutoupfülie, di puo ki, “Kepetha keviu, a kechachie kerhei ngulieketuo la kedipuo chülie morosuo ga?” idi ketso. 18Sitse Jisu puo ki, “No kiüdi a ü keviu üya ga? Ukepenuopfü rübei sie miapuorei vi mo. 19No diekhakeshüko si ba: ‘No mia dukhri lho; no pieü chü lho; no mha rügu lho; no ketijü zhapu chü lho; no mia sekeda lho; n puo n zuo rhulie,’ icüko.” 20Sitse puoe puo ki, “Kepethau, a a nhicu nunu mha hako pete ze tuote.” 21Siru Jisu puo meho terüshü mu puo khriecü la puo ki, “No mhapuo tso mo baluo, no vo n vie kebako zelie di pie mhakejüko tsüwalie, siliro teigei n kinyi nyilietuo; sidi vor a siemedzilie!” 22Puo süu sishü tse puo kedewata sidi puo thesuo siei di tuota, kekreilamonyü puo mhanyi phicü la.
23Süsie Jisu rürei lutsahatsa meho di sie puoe pethakelieko ki, “Kidepuorei mhakenyimia Ukepenuopfü kedi nu le retie shi ha!” 24Sitse pethakelieko die hako la u ngo phita. Derei Jisu uko ki, “Nhicuko, u kinyi pelekezhako Ukepenuopfü kedi nu leketuo kide retie shi! 25Kenyimia puo Ukepenuopfü kedi nu kele ki rei ut puo bu thepremei nu kepra we rüükuotuo.” 26Sitse uko u ngo phi di sie huoniehuo ki, “Di siro supuonie kelalie vituo ga?” 27Süla Jisu uko meho di sie, “Themia zowe süu chülie kenjü, derei Ukepenuopfü la we si mo zo; Ukepenuopfüe mhakehoupuorei chülie vi.”
28Sitse Pitor sie puo ki, “Harie, hie we mha pete khawa di n siemedzi tuote.” 29Süki Jisu sie, “A nieko ki pu toushütuo, kehoupuorei a la mu dieliekeviu la puo ki morei puo siezedzürie morei puo üpfünuo morei puo zuo morei puo puo morei puo nuonuo morei puo kiülie vakewamia, 30puoe tsie kelhouu nu mia bu u pechüpenyükecü sa di, puo kiko, puo siezedzürie, puo üpfünuo, puo zuonuo, mu puo nuonuo tsiu puo kiülie de thekrie kezie ngulie kelho ba mo, tsiu hasie kelhou nu kechachie kerhei sa ngutuo. 31Derei kerieko kekra nuotatuo mu kenuoko kekra rietatuo,” sita.
Jisu Puo Se Dze Kepu Va Seu
(Mat 20:17-19; Luk 18:31-34)
32Siro uko Jerusalem nu khotuoü cha nu vozhü, mu Jisu uko mhodzü rie tuo, ukoe u ngopfü tuo, mu puo siemedziketuoko rei michie tuo. Sitse puo kerekenieko ze krei lalie di puo gei mhachü vorketuo dzeko pu uko kie, 33sidi sie, “Harie, úko Jerusalem nu khotuoüzhie, mu mia Themia Nuou tepie zievokezhako mu thezhokepethako dzie nu shüwatuo, sidi uko puo pejo di puo dukhriwanutuo; süsie uko puo khapie Judakemoko dzie nu shütuo; 34tsiu uko puo se kethekre, puo mho mhitsie, puo vü mu puo dukhrituo; derei zha se sie puo rhei lasielietuo.”
Jakob mu Johan Unie Kecha
(Mat 20:20-28)
35Süsie Zebedi nuonie Jakob mu Johan unie puo ki vor di sie, “Kepethau, hienie n ki mhakehoupuo cha rei n bu süu pie hienie tsü nyüyalie,” sishü. 36Mu puo unie ki, “A bu nnie la kedipuo chüshü nyüya ga?” 37Sitse unie sie puo ki, “No zayie kechü ki hienie mia puo bu n zatsa mu mia puo bu n vitsa bakelie khashücie,” sita. 38Derei Jisu sie unie ki, “Nnie chaketuou si di cha tha mo. Nnie a krietuoü keba hieu krielie vi me? morei a dzülupfü morokesuo dzüluu pfülie vi me?” 39Süki unie sie, “Hienie chülie vi,” sita. Ru Jisu sie unie ki, “Nnie a krietuoü keba hieu krielie vi mu a dzülupfütuoü keba dzüluu pfülie vi zotuo, 40derei a zatsa morei a vitsa baketuo we a thuo khashülie kenjü; derei khapie tsütuo üdi kesepie ketuomia tsücü zotuo,” sishü.
41Siro mia kerko süu sishü tse, sie Jakob mu Johan unie gei uko nei mota. 42Süla Jisu uko kielie di uko ki, “Judakemoko u mhokezhamia üyakezhako mia mho kekuo seya, mu kezhakoe u zhosuo se di uko kekha tseise bayakezha nieko si ba. 43Derei nieko donu we silie lho; sirei nie kehoupuorei zha kenyüu bu nie theke chütuo; 44mu kehoupuorei rie kenyüu bu nieko peteko theke chütuo. 45Themia Nuou rei mia bu puo theketuoü monyü mia theketuoü mu puo phou khashü di themia kekra rhalietuoü vor zokecü la.”
Jisu Bartima Mhi Chü Pevikeshü
(Mat 20:29-34; Luk 18:35-43)
46Uko Jeriko nu vorlie. Siro puo mu puoe pethakelieko themia krodiu ze Jeriko nunu latazhü tse, Bartima ükecü Tima nuou puo mhicie di khruocüyakezhau cha khieki ba di ngulie. 47Süu Nazaret Jisu süki tuo ücü silie tse, puo shiekhoui di sie, “David Nuou, Jisu, a ngumezhieshücie!” sita. 48Sitse themia kekra puo bu kemekrie batanu di puo kechüta, derei puo shie kechü sa di, “David Nuou, a ngumezhieshücie,” ita. 49Siru Jisu thalie di sie, “Puo kieshücie.” Sitse uko mhicieu kielie di puo ki, “N dzüzielie, sieliecie, puo n kiezhie.” 50Sitse puo puo pfheu rhuo kelhouwa di prou zo Jisu ki vor. 51Siru Jisu puo ki, “A bu n gei kedipuo chüshü nyüya ga?” Mhicieu sie puo ki, “Rabi#10:51 Aramaik Rabbouni., a bu mha ngulieyi.” 52Sitse Jisu puo ki, “Tuo volie, n kepele thuo n chü pevishüwate ho!” Siru puo mhi mha ngu mhailieta, sidi puo cha ze puo siemedzi tuota.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More