Mark 12
12
Lieciemia Kro Puo pie Kedievikeshü
(Mat 21:33-46; Luk 20:9-19)
1Siro puo dieviko nunu uko ki mha pu di sie, “Mia puo khubelie puo cielie di cakhapie süu houlie, khubedzü theketuo la zutse chülie, mu rükhouba puo chülie; sidi khapie lieciemia kro puo pelewa di rüna kekreira vota. 2Siro reketuo teiu vor tse, khubesi puo ya meseko pfhü kenguketuo la kituomia puo ketsepie lie nyie kebako ki shü. 3Derei uko puo telie di puo vüwa, mu dziethuo puo ketsewa. 4Siro puo kituo kekrei puo ketse lashü, siru uko puo tsü vükerüzashü di puo pie kezhasewa. 5Süsie puo kekrei puo ketse lashü, sitse uko süu dukhriwa. Siro uko sükemhie di theke kekrei kekra rei vüshü mu dukhriwata. 6Puo tsie rei mia puo baluo, süu puo nuo puo khrieu zo. Süla puo sie, ‘Uko a nuou sü rhulietuo,’ idi thela nu puo nuou ketsepie uko ki shü. 7Derei lieu nyiesekebako sie huoniehuo ki, ‘Hauha kayieute; khe, úko puo dukhriwatuo, sitse puo kayieu sü u vie chütatie,’ sita. 8Süla uko puo telie mu dukhriwa di kelhoupie khubelieu nhaphie shüwa. 9Siliro khubelie niepuu kedipuo chütuoü sie ta? Puo vor di lie nyiesekebako pekawa di khubelieu khapie kekreimia tsüwatuo. 10Nieko kethodie hau phrü mo zo me?
‘Ki kechükoe khawaketa tsieu
mia süu pie puo ke nu tsie kemeyietho-u chüte;
11Hauha Niepuu thuo chüshü zo,
mu süu u mhiki we u ngo zo.’ ”
12Siro ukoe puo uko pehe di dievi hau puketa silie tse, uko puo telie nyüsie, derei uko themia krodiu preita. Süla uko puo khawa di tuota.
Khezhanuo Kekhruo Dze Ketsokecü
(Mat 22:15-22; Luk 20:20-26)
13Süsie uko puo die nunu puo tekelie le di Farisiko huo mu Herod kro-u nu huomia ketsepie puo ki shü. 14Siro uko vor di sie puo ki, “Kepethau, no dietho mu mia puo gei rei n nei si kreiya mokecü hie si ba; kekreilamonyü no miapuorei rhu pekreiya mocü la, derei ketho-u se di Ukepenuopfü zho pie pethashüya. Khezhanuo khruopie Kaisar tsü ro thezho-u petsoute me? 15Hie bu süu khashütuo mo lho ga?” Derei uko kethera ketuo ngu di puo sie uko ki, “Kiüdi nieko a kedo nyüya ga? Denari puo se vor di a bu mehoshücie.” 16Sitse uko puo se vorshü. Süla puo uko ki, “Hau supuo tsü mu supuo za tuo ga?” Siru uko sie, “Kaisar zo,” sita. 17Süla Jisu sie uko ki, “Kaisar vieko pie Kaisar tsüwalie mu Ukepenuopfü vieko pie Ukepenuopfü tsüwalie.” Sitse uko puo la uko ngo phita.
Kesiamia Rheilakesie Dze Ketsokecü
(Mat 22:23-33; Luk 20:27-40)
18Süsie Sadukiko, kesiamia rheilasielie lho üdi puyakezhako puo ki vor puo ketso di sie, 19“Kepethau, Mosa hie la thukeshü mhanuü mia puoe puo nuo jü di siata ro puo siezeu bu puo kimiapfü lie di puo dzürieu yie pelhounu di pu. 20Siro thiedzü mia thenie keze siezedzürie chü, uko donu phichütho-u kiyalie, derei puo nuo jü di siata; 21sidi kenieu bu sami süpfü lie ru süu rei puo nuo jü di siata; sükemhie di mia seu rei siata. 22Sidi thenieko pete u nuonuo jü di siata. Süsie thela nu thenupfü rei siata. 23Siro rheilakesie#12:23 Leshü kewe huo nu uko rheilakesie ki icü sa. ki süpfü uko supuo kimia chü ta? kekreilamonyü thenieko puo lie phre ze ru,” ita.
24Sitse Jisu uko ki, “Nieko kethodieko mu Ukepenuopfü kekuou si kemo haha la, kekrü tuoya mo üme? 25Uko kesia nunu rheilakesie ki uko thenu lie morei nyhü reiya mo, derei teigeidielieko mhietatuo. 26Mu siro kesiamiako rheilakesie dze la zo we, nieko Mosa leshüdau nunu seinyho-u dze phrü mo zo me? Sünu Ukepenuopfü puo ki, ‘Ae Abraham Kepenuopfü, Isak Kepenuopfü mu Jakob Kepenuopfü,’ isi. 27Puo kesiako monyü kerheiko Kepenuopfü zo; nieko kekrü phite.”
Diekhakeshü Kezhatho-u
(Mat 22:34-40; Luk 10:25-28)
28Süki thezhokepethamia puo vor uko keprüli ketha silie, mu puo ukoe die kela toushüwaketa silie tse, puo sie puo ki, “Diekhakeshü kiu kerietho-u ga?” 29Sitse Jisu rei sie, “Kerietho-u sü, ‘Harie Israel, rünyüliecie. Niepuu úko Kepenuopfü, Niepuue puo rübei zo; 30no n melou pete se, n kerheiro pete se, n nou pete se, mu n kekuo pete se Niepuu n Kepenuopfü khrietuo.’ 31Kenieu ro, ‘No n siezanuomia khriepie n thuo n kekhrie mhietuo.’ Diekhakeshü kekrei puorei hanie ki kezha jü.” 32Sitse thezhokepethau sie puo ki, “No puotou zo, kepethau; ‘Puo rübei sie kekrei jü ükecü no pu toushü zo’; 33mu ‘U melou pete siro u kesikele pete tsiu u kekuo pete se puo khrie morosuo,’ ikecü, siro ‘u siezanuomia khriepie u thuo u kekhrie mhietuo ükecüe,’ kethe ruosuoko mu ruothoruoriko pete ki rei meyiekuo zo,” sishü. 34Siro Jisue puo mhale menuo di pu lakeshü silie tse, puo sie puo ki, “No Ukepenuopfü kedi ze kepecie zotuo mo,” sishü. Puo hau pukeshü sie miapuorei puo ki mhapuorei ketso sa michieta.
Messiah Dze Ketsokecü
(Mat 22:41-46; Luk 20:41-44)
35Siro Jisu rüsuokiu nunu mia petha ketha ki, puo sie, “Kiüdi thezhokepethako Khrista üse David nuou ücü pulietuo ga? 36David thuo rei Kemesa Ruopfü nunu sie,
‘Niepuue a Niepuu ki,
“A n ngumvüko khapie n phi khro shüwa kemochie,
No a zatsa ba zocie,” isi zo.’
37David thuo rei puo üse Niepuu üya ro, kimhie di puoe puo nuo ülietuo ga?” Süki themia krodiu u nei siei di puo die rünyü ba.
Jisue Thezhokepethako Pejokeshü
(Mat 23:1-36; Luk 20:45-47)
38Siro puo uko petha di sie, “Thezhokepethako la nie kireiliecie, uko pfhenei kerütshu se di phere tuoya, lhithochüko nu rei mia bu u rhu di uko kelucü u neiya, 39siro sinagogko nu rei theba kevithoko nu ba nyüya mu thehethehie nu rei therhubako nu ba nyüya! 40Sükoe samipfüko ki peka cü tuoya mu kemelha di cha pecha phishüya, süko we mia ki rei u kepejo rekuotuo!” sishü.
Thenu Samipfü Mha Khakeshü
(Luk 21:1-4)
41Süsie puoe rakabouu kepetsou touki ba di mia krodi rakabouu nu mha khakeshü meho ba. Siro mhakenyimia kekra raka kha phishü ba. 42Süki sami mhakejümiapfü puo rei vor di dapra kenie, puoca priesa puo mese kelhoushü. 43Sitse puo puoe pethakelieko kielie di uko ki, “A nieko ki pu toushütuo, mhakejü sami hapfüe mha khapie rakabou nu shü ketha kekreiko pete ki rei khashü kekrathowe. 44Kekreilamonyü mia we u ketshukelhuo chü keba nunu khashü hu, derei puo we mhakejü donu rei puo kinyi se lhou keba pete khashüwate.”
Currently Selected:
Mark 12: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
Mark 12
12
Lieciemia Kro Puo pie Kedievikeshü
(Mat 21:33-46; Luk 20:9-19)
1Siro puo dieviko nunu uko ki mha pu di sie, “Mia puo khubelie puo cielie di cakhapie süu houlie, khubedzü theketuo la zutse chülie, mu rükhouba puo chülie; sidi khapie lieciemia kro puo pelewa di rüna kekreira vota. 2Siro reketuo teiu vor tse, khubesi puo ya meseko pfhü kenguketuo la kituomia puo ketsepie lie nyie kebako ki shü. 3Derei uko puo telie di puo vüwa, mu dziethuo puo ketsewa. 4Siro puo kituo kekrei puo ketse lashü, siru uko puo tsü vükerüzashü di puo pie kezhasewa. 5Süsie puo kekrei puo ketse lashü, sitse uko süu dukhriwa. Siro uko sükemhie di theke kekrei kekra rei vüshü mu dukhriwata. 6Puo tsie rei mia puo baluo, süu puo nuo puo khrieu zo. Süla puo sie, ‘Uko a nuou sü rhulietuo,’ idi thela nu puo nuou ketsepie uko ki shü. 7Derei lieu nyiesekebako sie huoniehuo ki, ‘Hauha kayieute; khe, úko puo dukhriwatuo, sitse puo kayieu sü u vie chütatie,’ sita. 8Süla uko puo telie mu dukhriwa di kelhoupie khubelieu nhaphie shüwa. 9Siliro khubelie niepuu kedipuo chütuoü sie ta? Puo vor di lie nyiesekebako pekawa di khubelieu khapie kekreimia tsüwatuo. 10Nieko kethodie hau phrü mo zo me?
‘Ki kechükoe khawaketa tsieu
mia süu pie puo ke nu tsie kemeyietho-u chüte;
11Hauha Niepuu thuo chüshü zo,
mu süu u mhiki we u ngo zo.’ ”
12Siro ukoe puo uko pehe di dievi hau puketa silie tse, uko puo telie nyüsie, derei uko themia krodiu preita. Süla uko puo khawa di tuota.
Khezhanuo Kekhruo Dze Ketsokecü
(Mat 22:15-22; Luk 20:20-26)
13Süsie uko puo die nunu puo tekelie le di Farisiko huo mu Herod kro-u nu huomia ketsepie puo ki shü. 14Siro uko vor di sie puo ki, “Kepethau, no dietho mu mia puo gei rei n nei si kreiya mokecü hie si ba; kekreilamonyü no miapuorei rhu pekreiya mocü la, derei ketho-u se di Ukepenuopfü zho pie pethashüya. Khezhanuo khruopie Kaisar tsü ro thezho-u petsoute me? 15Hie bu süu khashütuo mo lho ga?” Derei uko kethera ketuo ngu di puo sie uko ki, “Kiüdi nieko a kedo nyüya ga? Denari puo se vor di a bu mehoshücie.” 16Sitse uko puo se vorshü. Süla puo uko ki, “Hau supuo tsü mu supuo za tuo ga?” Siru uko sie, “Kaisar zo,” sita. 17Süla Jisu sie uko ki, “Kaisar vieko pie Kaisar tsüwalie mu Ukepenuopfü vieko pie Ukepenuopfü tsüwalie.” Sitse uko puo la uko ngo phita.
Kesiamia Rheilakesie Dze Ketsokecü
(Mat 22:23-33; Luk 20:27-40)
18Süsie Sadukiko, kesiamia rheilasielie lho üdi puyakezhako puo ki vor puo ketso di sie, 19“Kepethau, Mosa hie la thukeshü mhanuü mia puoe puo nuo jü di siata ro puo siezeu bu puo kimiapfü lie di puo dzürieu yie pelhounu di pu. 20Siro thiedzü mia thenie keze siezedzürie chü, uko donu phichütho-u kiyalie, derei puo nuo jü di siata; 21sidi kenieu bu sami süpfü lie ru süu rei puo nuo jü di siata; sükemhie di mia seu rei siata. 22Sidi thenieko pete u nuonuo jü di siata. Süsie thela nu thenupfü rei siata. 23Siro rheilakesie#12:23 Leshü kewe huo nu uko rheilakesie ki icü sa. ki süpfü uko supuo kimia chü ta? kekreilamonyü thenieko puo lie phre ze ru,” ita.
24Sitse Jisu uko ki, “Nieko kethodieko mu Ukepenuopfü kekuou si kemo haha la, kekrü tuoya mo üme? 25Uko kesia nunu rheilakesie ki uko thenu lie morei nyhü reiya mo, derei teigeidielieko mhietatuo. 26Mu siro kesiamiako rheilakesie dze la zo we, nieko Mosa leshüdau nunu seinyho-u dze phrü mo zo me? Sünu Ukepenuopfü puo ki, ‘Ae Abraham Kepenuopfü, Isak Kepenuopfü mu Jakob Kepenuopfü,’ isi. 27Puo kesiako monyü kerheiko Kepenuopfü zo; nieko kekrü phite.”
Diekhakeshü Kezhatho-u
(Mat 22:34-40; Luk 10:25-28)
28Süki thezhokepethamia puo vor uko keprüli ketha silie, mu puo ukoe die kela toushüwaketa silie tse, puo sie puo ki, “Diekhakeshü kiu kerietho-u ga?” 29Sitse Jisu rei sie, “Kerietho-u sü, ‘Harie Israel, rünyüliecie. Niepuu úko Kepenuopfü, Niepuue puo rübei zo; 30no n melou pete se, n kerheiro pete se, n nou pete se, mu n kekuo pete se Niepuu n Kepenuopfü khrietuo.’ 31Kenieu ro, ‘No n siezanuomia khriepie n thuo n kekhrie mhietuo.’ Diekhakeshü kekrei puorei hanie ki kezha jü.” 32Sitse thezhokepethau sie puo ki, “No puotou zo, kepethau; ‘Puo rübei sie kekrei jü ükecü no pu toushü zo’; 33mu ‘U melou pete siro u kesikele pete tsiu u kekuo pete se puo khrie morosuo,’ ikecü, siro ‘u siezanuomia khriepie u thuo u kekhrie mhietuo ükecüe,’ kethe ruosuoko mu ruothoruoriko pete ki rei meyiekuo zo,” sishü. 34Siro Jisue puo mhale menuo di pu lakeshü silie tse, puo sie puo ki, “No Ukepenuopfü kedi ze kepecie zotuo mo,” sishü. Puo hau pukeshü sie miapuorei puo ki mhapuorei ketso sa michieta.
Messiah Dze Ketsokecü
(Mat 22:41-46; Luk 20:41-44)
35Siro Jisu rüsuokiu nunu mia petha ketha ki, puo sie, “Kiüdi thezhokepethako Khrista üse David nuou ücü pulietuo ga? 36David thuo rei Kemesa Ruopfü nunu sie,
‘Niepuue a Niepuu ki,
“A n ngumvüko khapie n phi khro shüwa kemochie,
No a zatsa ba zocie,” isi zo.’
37David thuo rei puo üse Niepuu üya ro, kimhie di puoe puo nuo ülietuo ga?” Süki themia krodiu u nei siei di puo die rünyü ba.
Jisue Thezhokepethako Pejokeshü
(Mat 23:1-36; Luk 20:45-47)
38Siro puo uko petha di sie, “Thezhokepethako la nie kireiliecie, uko pfhenei kerütshu se di phere tuoya, lhithochüko nu rei mia bu u rhu di uko kelucü u neiya, 39siro sinagogko nu rei theba kevithoko nu ba nyüya mu thehethehie nu rei therhubako nu ba nyüya! 40Sükoe samipfüko ki peka cü tuoya mu kemelha di cha pecha phishüya, süko we mia ki rei u kepejo rekuotuo!” sishü.
Thenu Samipfü Mha Khakeshü
(Luk 21:1-4)
41Süsie puoe rakabouu kepetsou touki ba di mia krodi rakabouu nu mha khakeshü meho ba. Siro mhakenyimia kekra raka kha phishü ba. 42Süki sami mhakejümiapfü puo rei vor di dapra kenie, puoca priesa puo mese kelhoushü. 43Sitse puo puoe pethakelieko kielie di uko ki, “A nieko ki pu toushütuo, mhakejü sami hapfüe mha khapie rakabou nu shü ketha kekreiko pete ki rei khashü kekrathowe. 44Kekreilamonyü mia we u ketshukelhuo chü keba nunu khashü hu, derei puo we mhakejü donu rei puo kinyi se lhou keba pete khashüwate.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More