साल्न्हाका चात्या 5
5
हननिया कालाउ सफिरा
1हननिया मिङ हिका एमि द्याङ हिघाहि, वाको बे को मिङ सफिरा हिघाहि, इम्बालाइ ताइको मिलिङको आधे भाग पिइहि। 2कालाउ इङको मिलिङ पिइका ताकासो आधे ताका ताइमि दोफा ताअ्हि। कालाउ इदोइ काथा वाको बे हेङ बुङ थाहा हिघाहि। कालाउ बाकि हिका ताका चुमातेङ छाल्न्हाका चात्यागेलाइहेङ पिहि।
3कालाउ पतरुस दोअ्हि, “हननिया, पबित्तरो आत्माहेङ धाताइलि कालाउ मिलिङ पिइका ताकासो आधे भाग ताइमि दोफा ताअ्लि हेसा साइतान ताइको मनता ह्वापिहि? 4इङको मिलिङ पिइलि लाम्फा हाइ इङको नाङकोङ मान्थुघाखे रो? कालाउ इङको पिइलि दोअ्तेङ बुङ इङको नाङको खाबाराता मान्थुघाखे रो? नाङको मनता इसिका मारेम्का बिचार हेसा लोहि? नाअ् द्याङगेलाइहेङते माको कालाउ परमेस्वरहेङ दोङ धाताइन्हा।”
5इदोइ काथा हिङतेङसाङ हननिया भोनोइता थोबिन्हाहि कालाउ सिहि। या काथा हिङकालाइ झाराङ हेन्जा थिहि। 6कालाउ धाना वाजानगेलाइ लोतेङ वासेहेङ धाबाहोइ लुम्हि कालाउ बाहार चुम्पुतेङ लिपुहि।
7माकुलाउ बुङ सुम घान्टा न्हुसो हनानियाको बे सफिरा लिता लोहि, कालाउ वासेहेङ ताइको के सिका काथा थाहा मान्थुघाहि। 8कालाउ पतरुस वासेहेङ हिअ्हि, “कासेहेङ दोअ्, हाइ निधिमि इङको मिलिङ इङको झोकोता पिइसुन्हा?” सफिरा दोअ्हि, “एइ, इङको झोकोङताङ पिइन्हाहि।”
9कालाउ पतरुस वासेहेङ दोअ्हि, “नेलाइ प्रभुको आत्माहेङ जाचिलि हेसा मिलिसुन्हा? खाङसु, नाङको के हेङ लिकालाइ फिनुताङ हि कालाउ इम्बालाइ नासेहेङ बुङ बाहार चुम्पावा।”
10ओदोङ घुरि सफिरा वाको खोकोइ भारि भोनोइता तुसुपा लोङहि कालाउ सिहि। कालाउ उङको वाजानगेलाइ लिता लोतेङ वासेहेङ सिका निङहि। ओबालाइ वासेहेङ एन्साङ दोङ बाहार चुम्पुहि कालाउ वाको के को भेरपाङ लिहि। 11कालाउ यरुसेलेम सहरको गोताङ खान्धुराइगेलाइ कालाउ इदोइ काथा हिङकालाइ झाराङ हेन्जा थिहि।
छाल्न्हाका चात्यागेलाइ पाहासो हेन्जाङको मासाधेका एल्का
12एला छाल्न्हाका चात्यागेलाइ पाहासो द्याङगेलाइको माझाता हेन्जा चिन्हा कालाउ भारभुसाइका कामगेलाइ जेङलि तोम्हि, कालाउ ख्रिस्टको खान्धुराइगेलाइ एनोङ दोङ मनको जेङतेङ सोलोमोनको बारान्दाता जोम्तेङ भेति घाखे। 13कालाउ जाइ एला थेकापा बुङ येसुता खाङधुरि पाका मान्थुघाहि, इम्बालाइ छाल्न्हाका चात्यागेलाइ दोफा मिलिलि आट मापाहि। कालाउ बुङ द्याङगेलाइ इम्बालाइहेङ आदार पाघाखे। 14भरु प्रभुता खाङधुरि पाका वाबालगेलाइ कालाउ बेबालाइ न्हेमिकोङ बार्का समुह जेङहि। 15छाल्न्हाका चात्यागेलाइ पाहासो पाका कामको कारनहोइ द्याङगेलाइ दामा-दामाता मासाधेकालाइहेङ चुमाहि। कालाउ पतरुस लोलाउ वाको स्याइरे खिनिङ हिलाउ बुङ इम्बालाइ मध्ये हासु बुङ ह्रुता परियाको दोअ्तेङ सिधाउ कालाउ चौउकिता इम्बालाइहेङ जिम्पातेङ ताअ्घाहि। 16कालाउ यरुसेलेम सहरको कोरपाहाङको सहरगेलाइसो बुङ हेन्जा द्याङगेलाइ मासाधेकालाइहेङ कालाउ भुत-आत्मा सान्ताइन्हाकाहेङ चुमातेङ छाल्न्हाका चात्यागेलाइकोता लोघाहि कालाउ इङको झाराङहेङ एल्पापि घाखे।
छाल्न्हाका चात्यागेलाइहेङ साताइका
17प्राधान पुजारि कालाउ वाको गोताङ सानाइतिगेलाइ जाइ सदुकिगेलाइको समुहको हिघाहि, इम्बालाइ छाल्न्हाका चात्यागेलाइ दोफा डाहा पालि तेङहि। ओदोङ भाअ्सिङ इम्बालाइ छाल्न्हाका चात्याको बिरोधता हाइ दोङ मारेम्का पालि योजाना बानाइहि। 18कालाउ इम्बालाइ छाल्न्हाका चात्यागेलाइहेङ रिम्हि कालाउ सार्वजानिङ झ्यालखानाता ह्वाहि। 19कालाउ न्हिसिन्ता प्रभुको एमि स्वर्गदुत झ्यालखानाको फिनुगेलाइ हेअ्पिहि कालाउ इम्बालाइहेङ बाहार चुमातेङ दोअ्हि, 20“हानेसु कालाउ मुन्दिरको सालेङता जाअ्तेङ द्याङगेलाइहेङ इदोइ नावा आनान्त जिबनको बिसोइता हिङपासु।”
21स्वर्गदुत दोअ्का आन्सार छाल्न्हाका चात्यागेलाइ ह्रिमाङ मुन्दिरको सालेङता हानेतेङ सिक्स्या पिलि तेङहि। प्राधान पुजारि कालाउ वाको सानाइतिगेलाइ लोहि, कालाउ इस्राएलगेलाइको गोताङ आगुवागेलाइहेङ माहासभाता काइहि। कालाउ छाल्न्हाका चात्यागेलाइहेङ झ्यालखानासो चुमालि दोअ्तेङ द्याङगेलाइ दिङगिल्हि। 22कालाउ मुन्दिरको पालेगेलाइ छाल्न्हाका चात्यागेलाइहेङ झ्यालखानाता मानिङलाउ घुरितेङ लोहि कालाउ बानाल पिहि, 23“केलाइते झ्यालखानाता रेम्फाङ ताल्चा लागाइका कालाउ पालेगेलाइ फिनुताङ जाअ्तेङ हिका तिङन्हाहि। जेलाउ केलाइ फिनु हेअ्न्हाहि कालाउ लिता हासुहेङ बुङ मातिङन्हाहि।” 24जेलाउ मुन्दिरको पालेको कप्तान कालाउ मुलि पुजारिगेलाइ इङको बानाल हिङहि कालाउ इदोइ गोताङको नतिजा एला हाइ जेनाङ वाला दोअ्तेङ इम्बालाइको बिसोइता आवाइतुहि।
25कालाउ हासु बुङ एमि द्याङ लोहि कालाउ इम्बालाइहेङ दोअ्हि, “खाङसु! जाइहेङ नेलाइ झ्यालखानाता ह्वासुन्हा इम्बालाइ मुन्दिरको सालेङता जाअ्तेङ द्याङगेलाइहेङ सिक्स्या पिदोङखे।” 26जेलाउ इम्बालाइ या काथा हिङहि, कालाउ मुन्दिरको पालेगेलाइ दोफा कप्तान मुन्दिरता हानिहि इन्ता थुकातेङ छाल्न्हाका चात्यागेलाइहेङ माहासभाको आगाता चुमाहि। कालाउ इम्बालाइ जबरजस्ति मापाहि हाइपालिपानु द्याङगेलाइ इम्बालाइहेङ उन्ठुइहोइ तोअ्तेङ सेअ्ताङ कि दोअ्तेङ थिहि।
27कालाउ प्राधान पुजारि छाल्न्हाका चात्यागेलाइहेङ हिअ्हि, 28“केलाइ नेलाइहेङ इदोइ मिङता हाइ दोङ सिक्स्या मापिसु दोअ्तेङ थाङका आग्या पिका हिघान्हाहि, कालाउ नेलाइको ताइको सिक्स्याहोइ सारा यरुसेलेम भरिलि दोहोइ कालाउ उङको द्याङको हितिको दुसिका केलाइ ह्रुता लागाइलि भोसुखेना।”
29कालाउ पतरुस कालाउ आरु साल्न्हाका चात्यागेलाइ जोबाफ पिहि, “केलाइ द्याङगेलाइको माको कालाउ परमेस्वरको आग्या केम्लि गोइखे। 30केलाइको पुर्खागेलाइको परमेस्वर येसुहेङ सिकासो सिन्हु पाहि, जाइहेङ नेलाइ क्रुस्टा तोइतेङ सेअ्सुन्हा। 31येसुहेङ परमेस्वर प्रभु कालाउ मुक्ति दाता बानाइतेङ, ताइको दाम पाहा खुरहोइ तोल्लेहि। कालाउकि इस्राएलको द्याङगेलाइ ताइको मारेम्का बिचारगेलाइसो परमेस्वर भारि घुरियाको कालाउ वाकोसो ताइको पापसो स्यामा निनाको। 32केलाइ इदोइ गोताङ काथाको साक्सि हिनाहि, कालाउ एन्साङ पातेङ पबित्तरो आत्मा बुङ जाइहेङ परमेस्वर ताइको आग्या केम्कालाइहेङ पिका हि।”
33जेलाउ माहासभाको सदस्यगेलाइ या काथा हिङहि इम्बालाइ ओसारापाङ चेर ताम्पाहि, कालाउ छाल्न्हाका चात्यागेलाइहेङ सेअ्लि खाङघाखे। 34कालाउ व्यवस्था धिरपाका गमलिएल मिङ हिका फारिसि जाइ द्याङगेलाइको मानिनिय हिघाहि, माहासभाता जाअ्तेङ छाल्न्हाका चात्यागेलाइहेङ कोम्हा बाहार हानिका आदेस पिहि। 35कालाउ वा माहासभाको सदस्यगेलाइहेङ दोअ्हि, “ओइ इस्राएलको द्याङगेलाइ, इदोइ द्याङगेलाइहेङ नेलाइ जेदोङ पालि खाङसुखेना इङको बिचार पातेङ पासु। 36हाइपालिपानु नानि खान्तेङ लाम्फा खिनिङ थुदास का ताइमिङ हाइ दोङ हिघा दोअ्तेङ दाबि पाहि कालाउ माकुलाउ बुङ द्यासाइ द्याङगेलाइ वासेहेङ पिताइहि। कालाउ वा सेअ्न्हाहि, कालाउ वासेहेङ पिताइकालाइ झाराङ आउलिगिल्हि कालाउ इम्बालाइको समुह बुङ राम्पाहि। 37कालाउ न्हुसो जनगरनाको दिनागेलाइता गालिल जिल्लाको यहुदा दोअ्न्हाका द्याङ लोहि, कालाउ आधिमि द्याङगेलाइहेङ ताइमि भारि तानिहि। कालाउ उङको बुङ सेअ्न्हाहि कालाउ वासेहेङ मानिकालाइ बुङ झाराङ आउलिगिल्हि। 38ओदोङ भाअ्सिङ एला का नेलाइहेङ दोअ्दोङखा उङको द्याङगेलाइसो दुरे हिसु, कालाउ इम्बालाइहेङ एक्लाङ लाअ्पिसु। हाइपालिपानु जेसापा इम्बालाइको योजाना माकुनु काम द्याङगेलाइसोनु इङको इन्साङ मोअ्तावा। 39कालाउ जेसापा उङको परमेस्वर पाहासोनु कालाउ नेलाइ इम्बालाइहेङ खोराइलि मादोस्वाना, माकुनुते नेलाइ परमेस्वरको बिरोधता धुम पातेङ हिस्वाना।”
40कालाउ इम्बालाइ वाको साल्लाहा किहि, कालाउ छाल्का चात्यागेलाइहेङ लिता काइतेङ दानाइहि। कालाउ येसुको मिङता मादोअ्सु दोअ्का आग्या पितेङ इम्बालाइहेङ लाअ्पिहि। 41कालाउ छाल्न्हाका चात्यागेलाइ येसुको भाअ्सिङ आपमानित सहिलि योग्यको जेङकाता ओबालाइ आनान्द मानिपाकाताङ इम्बालाइ माहासभासो ओल्लेतेङ हानिहि। 42कालाउ न्हुसो दिनाङ-दिनाङ छाल्न्हाका चात्यागेलाइ मुन्दिरको सालेङता कालाउ साअ्-साअ्ता हानितेङ येसु दोङ ख्रिस्ट हि दोअ्तेङ सिक्स्या पिलि कालाउ सुसमाचार प्राचार पालि मालाअ्हि।
Currently Selected:
साल्न्हाका चात्या 5: DHINT
Highlight
Share
Copy
Want to have your highlights saved across all your devices? Sign up or sign in
Dhimal New Testament, by The Love Fellowship is licensed under Creative Commons Attribution-ShareAlike 4.0 License.
साल्न्हाका चात्या 5
5
हननिया कालाउ सफिरा
1हननिया मिङ हिका एमि द्याङ हिघाहि, वाको बे को मिङ सफिरा हिघाहि, इम्बालाइ ताइको मिलिङको आधे भाग पिइहि। 2कालाउ इङको मिलिङ पिइका ताकासो आधे ताका ताइमि दोफा ताअ्हि। कालाउ इदोइ काथा वाको बे हेङ बुङ थाहा हिघाहि। कालाउ बाकि हिका ताका चुमातेङ छाल्न्हाका चात्यागेलाइहेङ पिहि।
3कालाउ पतरुस दोअ्हि, “हननिया, पबित्तरो आत्माहेङ धाताइलि कालाउ मिलिङ पिइका ताकासो आधे भाग ताइमि दोफा ताअ्लि हेसा साइतान ताइको मनता ह्वापिहि? 4इङको मिलिङ पिइलि लाम्फा हाइ इङको नाङकोङ मान्थुघाखे रो? कालाउ इङको पिइलि दोअ्तेङ बुङ इङको नाङको खाबाराता मान्थुघाखे रो? नाङको मनता इसिका मारेम्का बिचार हेसा लोहि? नाअ् द्याङगेलाइहेङते माको कालाउ परमेस्वरहेङ दोङ धाताइन्हा।”
5इदोइ काथा हिङतेङसाङ हननिया भोनोइता थोबिन्हाहि कालाउ सिहि। या काथा हिङकालाइ झाराङ हेन्जा थिहि। 6कालाउ धाना वाजानगेलाइ लोतेङ वासेहेङ धाबाहोइ लुम्हि कालाउ बाहार चुम्पुतेङ लिपुहि।
7माकुलाउ बुङ सुम घान्टा न्हुसो हनानियाको बे सफिरा लिता लोहि, कालाउ वासेहेङ ताइको के सिका काथा थाहा मान्थुघाहि। 8कालाउ पतरुस वासेहेङ हिअ्हि, “कासेहेङ दोअ्, हाइ निधिमि इङको मिलिङ इङको झोकोता पिइसुन्हा?” सफिरा दोअ्हि, “एइ, इङको झोकोङताङ पिइन्हाहि।”
9कालाउ पतरुस वासेहेङ दोअ्हि, “नेलाइ प्रभुको आत्माहेङ जाचिलि हेसा मिलिसुन्हा? खाङसु, नाङको के हेङ लिकालाइ फिनुताङ हि कालाउ इम्बालाइ नासेहेङ बुङ बाहार चुम्पावा।”
10ओदोङ घुरि सफिरा वाको खोकोइ भारि भोनोइता तुसुपा लोङहि कालाउ सिहि। कालाउ उङको वाजानगेलाइ लिता लोतेङ वासेहेङ सिका निङहि। ओबालाइ वासेहेङ एन्साङ दोङ बाहार चुम्पुहि कालाउ वाको के को भेरपाङ लिहि। 11कालाउ यरुसेलेम सहरको गोताङ खान्धुराइगेलाइ कालाउ इदोइ काथा हिङकालाइ झाराङ हेन्जा थिहि।
छाल्न्हाका चात्यागेलाइ पाहासो हेन्जाङको मासाधेका एल्का
12एला छाल्न्हाका चात्यागेलाइ पाहासो द्याङगेलाइको माझाता हेन्जा चिन्हा कालाउ भारभुसाइका कामगेलाइ जेङलि तोम्हि, कालाउ ख्रिस्टको खान्धुराइगेलाइ एनोङ दोङ मनको जेङतेङ सोलोमोनको बारान्दाता जोम्तेङ भेति घाखे। 13कालाउ जाइ एला थेकापा बुङ येसुता खाङधुरि पाका मान्थुघाहि, इम्बालाइ छाल्न्हाका चात्यागेलाइ दोफा मिलिलि आट मापाहि। कालाउ बुङ द्याङगेलाइ इम्बालाइहेङ आदार पाघाखे। 14भरु प्रभुता खाङधुरि पाका वाबालगेलाइ कालाउ बेबालाइ न्हेमिकोङ बार्का समुह जेङहि। 15छाल्न्हाका चात्यागेलाइ पाहासो पाका कामको कारनहोइ द्याङगेलाइ दामा-दामाता मासाधेकालाइहेङ चुमाहि। कालाउ पतरुस लोलाउ वाको स्याइरे खिनिङ हिलाउ बुङ इम्बालाइ मध्ये हासु बुङ ह्रुता परियाको दोअ्तेङ सिधाउ कालाउ चौउकिता इम्बालाइहेङ जिम्पातेङ ताअ्घाहि। 16कालाउ यरुसेलेम सहरको कोरपाहाङको सहरगेलाइसो बुङ हेन्जा द्याङगेलाइ मासाधेकालाइहेङ कालाउ भुत-आत्मा सान्ताइन्हाकाहेङ चुमातेङ छाल्न्हाका चात्यागेलाइकोता लोघाहि कालाउ इङको झाराङहेङ एल्पापि घाखे।
छाल्न्हाका चात्यागेलाइहेङ साताइका
17प्राधान पुजारि कालाउ वाको गोताङ सानाइतिगेलाइ जाइ सदुकिगेलाइको समुहको हिघाहि, इम्बालाइ छाल्न्हाका चात्यागेलाइ दोफा डाहा पालि तेङहि। ओदोङ भाअ्सिङ इम्बालाइ छाल्न्हाका चात्याको बिरोधता हाइ दोङ मारेम्का पालि योजाना बानाइहि। 18कालाउ इम्बालाइ छाल्न्हाका चात्यागेलाइहेङ रिम्हि कालाउ सार्वजानिङ झ्यालखानाता ह्वाहि। 19कालाउ न्हिसिन्ता प्रभुको एमि स्वर्गदुत झ्यालखानाको फिनुगेलाइ हेअ्पिहि कालाउ इम्बालाइहेङ बाहार चुमातेङ दोअ्हि, 20“हानेसु कालाउ मुन्दिरको सालेङता जाअ्तेङ द्याङगेलाइहेङ इदोइ नावा आनान्त जिबनको बिसोइता हिङपासु।”
21स्वर्गदुत दोअ्का आन्सार छाल्न्हाका चात्यागेलाइ ह्रिमाङ मुन्दिरको सालेङता हानेतेङ सिक्स्या पिलि तेङहि। प्राधान पुजारि कालाउ वाको सानाइतिगेलाइ लोहि, कालाउ इस्राएलगेलाइको गोताङ आगुवागेलाइहेङ माहासभाता काइहि। कालाउ छाल्न्हाका चात्यागेलाइहेङ झ्यालखानासो चुमालि दोअ्तेङ द्याङगेलाइ दिङगिल्हि। 22कालाउ मुन्दिरको पालेगेलाइ छाल्न्हाका चात्यागेलाइहेङ झ्यालखानाता मानिङलाउ घुरितेङ लोहि कालाउ बानाल पिहि, 23“केलाइते झ्यालखानाता रेम्फाङ ताल्चा लागाइका कालाउ पालेगेलाइ फिनुताङ जाअ्तेङ हिका तिङन्हाहि। जेलाउ केलाइ फिनु हेअ्न्हाहि कालाउ लिता हासुहेङ बुङ मातिङन्हाहि।” 24जेलाउ मुन्दिरको पालेको कप्तान कालाउ मुलि पुजारिगेलाइ इङको बानाल हिङहि कालाउ इदोइ गोताङको नतिजा एला हाइ जेनाङ वाला दोअ्तेङ इम्बालाइको बिसोइता आवाइतुहि।
25कालाउ हासु बुङ एमि द्याङ लोहि कालाउ इम्बालाइहेङ दोअ्हि, “खाङसु! जाइहेङ नेलाइ झ्यालखानाता ह्वासुन्हा इम्बालाइ मुन्दिरको सालेङता जाअ्तेङ द्याङगेलाइहेङ सिक्स्या पिदोङखे।” 26जेलाउ इम्बालाइ या काथा हिङहि, कालाउ मुन्दिरको पालेगेलाइ दोफा कप्तान मुन्दिरता हानिहि इन्ता थुकातेङ छाल्न्हाका चात्यागेलाइहेङ माहासभाको आगाता चुमाहि। कालाउ इम्बालाइ जबरजस्ति मापाहि हाइपालिपानु द्याङगेलाइ इम्बालाइहेङ उन्ठुइहोइ तोअ्तेङ सेअ्ताङ कि दोअ्तेङ थिहि।
27कालाउ प्राधान पुजारि छाल्न्हाका चात्यागेलाइहेङ हिअ्हि, 28“केलाइ नेलाइहेङ इदोइ मिङता हाइ दोङ सिक्स्या मापिसु दोअ्तेङ थाङका आग्या पिका हिघान्हाहि, कालाउ नेलाइको ताइको सिक्स्याहोइ सारा यरुसेलेम भरिलि दोहोइ कालाउ उङको द्याङको हितिको दुसिका केलाइ ह्रुता लागाइलि भोसुखेना।”
29कालाउ पतरुस कालाउ आरु साल्न्हाका चात्यागेलाइ जोबाफ पिहि, “केलाइ द्याङगेलाइको माको कालाउ परमेस्वरको आग्या केम्लि गोइखे। 30केलाइको पुर्खागेलाइको परमेस्वर येसुहेङ सिकासो सिन्हु पाहि, जाइहेङ नेलाइ क्रुस्टा तोइतेङ सेअ्सुन्हा। 31येसुहेङ परमेस्वर प्रभु कालाउ मुक्ति दाता बानाइतेङ, ताइको दाम पाहा खुरहोइ तोल्लेहि। कालाउकि इस्राएलको द्याङगेलाइ ताइको मारेम्का बिचारगेलाइसो परमेस्वर भारि घुरियाको कालाउ वाकोसो ताइको पापसो स्यामा निनाको। 32केलाइ इदोइ गोताङ काथाको साक्सि हिनाहि, कालाउ एन्साङ पातेङ पबित्तरो आत्मा बुङ जाइहेङ परमेस्वर ताइको आग्या केम्कालाइहेङ पिका हि।”
33जेलाउ माहासभाको सदस्यगेलाइ या काथा हिङहि इम्बालाइ ओसारापाङ चेर ताम्पाहि, कालाउ छाल्न्हाका चात्यागेलाइहेङ सेअ्लि खाङघाखे। 34कालाउ व्यवस्था धिरपाका गमलिएल मिङ हिका फारिसि जाइ द्याङगेलाइको मानिनिय हिघाहि, माहासभाता जाअ्तेङ छाल्न्हाका चात्यागेलाइहेङ कोम्हा बाहार हानिका आदेस पिहि। 35कालाउ वा माहासभाको सदस्यगेलाइहेङ दोअ्हि, “ओइ इस्राएलको द्याङगेलाइ, इदोइ द्याङगेलाइहेङ नेलाइ जेदोङ पालि खाङसुखेना इङको बिचार पातेङ पासु। 36हाइपालिपानु नानि खान्तेङ लाम्फा खिनिङ थुदास का ताइमिङ हाइ दोङ हिघा दोअ्तेङ दाबि पाहि कालाउ माकुलाउ बुङ द्यासाइ द्याङगेलाइ वासेहेङ पिताइहि। कालाउ वा सेअ्न्हाहि, कालाउ वासेहेङ पिताइकालाइ झाराङ आउलिगिल्हि कालाउ इम्बालाइको समुह बुङ राम्पाहि। 37कालाउ न्हुसो जनगरनाको दिनागेलाइता गालिल जिल्लाको यहुदा दोअ्न्हाका द्याङ लोहि, कालाउ आधिमि द्याङगेलाइहेङ ताइमि भारि तानिहि। कालाउ उङको बुङ सेअ्न्हाहि कालाउ वासेहेङ मानिकालाइ बुङ झाराङ आउलिगिल्हि। 38ओदोङ भाअ्सिङ एला का नेलाइहेङ दोअ्दोङखा उङको द्याङगेलाइसो दुरे हिसु, कालाउ इम्बालाइहेङ एक्लाङ लाअ्पिसु। हाइपालिपानु जेसापा इम्बालाइको योजाना माकुनु काम द्याङगेलाइसोनु इङको इन्साङ मोअ्तावा। 39कालाउ जेसापा उङको परमेस्वर पाहासोनु कालाउ नेलाइ इम्बालाइहेङ खोराइलि मादोस्वाना, माकुनुते नेलाइ परमेस्वरको बिरोधता धुम पातेङ हिस्वाना।”
40कालाउ इम्बालाइ वाको साल्लाहा किहि, कालाउ छाल्का चात्यागेलाइहेङ लिता काइतेङ दानाइहि। कालाउ येसुको मिङता मादोअ्सु दोअ्का आग्या पितेङ इम्बालाइहेङ लाअ्पिहि। 41कालाउ छाल्न्हाका चात्यागेलाइ येसुको भाअ्सिङ आपमानित सहिलि योग्यको जेङकाता ओबालाइ आनान्द मानिपाकाताङ इम्बालाइ माहासभासो ओल्लेतेङ हानिहि। 42कालाउ न्हुसो दिनाङ-दिनाङ छाल्न्हाका चात्यागेलाइ मुन्दिरको सालेङता कालाउ साअ्-साअ्ता हानितेङ येसु दोङ ख्रिस्ट हि दोअ्तेङ सिक्स्या पिलि कालाउ सुसमाचार प्राचार पालि मालाअ्हि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhimal New Testament, by The Love Fellowship is licensed under Creative Commons Attribution-ShareAlike 4.0 License.