युहान्ना 7
7
येसु कालाउ वाको ओनेगेलाइ
1कालाउ न्हुसो येसु गालिल जिल्लाता बुङ घुराइगिल्हि। कालाउ यहुदिया जिल्लाता हानिलि मन मापाहि हाइपालिपानु यहुदि आगुवागेलाइ वासेहेङ सेअ्लि दाउ भोघाहि। 2इङको बेला यहुदिगेलाइको खोपारा बानाइतेङ मानाइका पार्बा लोलि तोम्का हिघाहि।#7:2 यहुदिगेलाइको इदोइ पार्बा इम्बालाइहेङ फोम पालिको भाअ्सिङ हिघाहि, कि इम्बालाइको पुर्खागेलाइ न्हे कुरि बासार थेकापा खोप्रा बानाइतेङ इङताङ हिघाहि। कालाउ निस्तार पार्बाको तु माइना न्हुसो मानाइघाहि। या चाहि येए दिना थेकापा हिघाहि। 3ओदोङ भाअ्सिङ येसुको ओनेगेलाइ वासेहेङ दोअ्हि, “इदोइ थामे लाअ्तेङ यहुदिया जिल्ला हाने, कालाउ नाअ् दोङ पातेङ हिका कामगेलाइ नाङको चात्यागेलाइ बुङ तिनाको। 4जेसापा हिदोइ बुङ द्याङ नावाइ ताअ्लि खाङखे पानु, वा म्होतेङ काम मापाखे। नाअ् इदोइ कामगेलाइ पालि खाङनु ताइमिहेङ सुमिङता प्रकट पातेङ तिङपा।” 5हाइपालिपानु वाको ओनेगेलाइ बुङ वा ह्रुता खाङधुरि मापाघाहि।
6ओदोङ भाअ्सिङ येसु इम्बालाइहेङ दोअ्हि, काङको सहि सोमोइ एला थेकापा बुङ लोका मान्थु, कालाउ नेलाइको भाअ्सिङ ते गोताङ सोमोइ ठिक हि। 7सुमिङ नेलाइहेङ सिकालि माद्वाङ, कालाउ कासेहेङते सिकातावा हाइपालिपानु सुमिङको बिसोइता वाको कामगेलाइ दुस्ट हि दोअ्तेङ का साक्सि पिखा। 8नेलाइ इदोइ पार्बाता हानिसु। का इदोइ पार्बाता मान्हाङका हाइपालिपानु काङको सोमोइ एला थेकापा बुङ लोका मान्थु। 9इम्बालाइहेङ एसा दोअ्तेङ येसु चाहि गालिल जिल्लाताङ हि।
खोप्राको पार्बा
10कालाउ येसुको ओनेगेलाइ पार्बाता हानिलि दोतेङ न्हुसो, येसु बुङ हासु बुङ थाहा मानिङपासिङ हानिहि। 11पार्बाता यहुदि आगुवागेलाइ येसुहेङ भोतेङ हिघाहि, कालाउ “वा हिसो हि?” दोअ्तेङ द्याङगेलाइहेङ हिअ्हि। 12जेरगेलाइको माझाता वाको बिसोइता काथा चार-चाराइलि तेङहि। आधिमि दोअ्घाहि, “उङको आसल हि।” भेनेङ द्याङ दोअ्घाहि, “माको, या दोङ द्याङगेलाइहेङ आवाइपातेङ ताअ्का हि।” 13कालाउ यहुदि आगुवागेलाइहेङ थितेङ वाको बिसोइता हासु बुङ भाइ-भाइपा काथा दोअ्लि मादोघाहि।
पार्बाता येसुको सिक्स्या
14इदोइ पार्बाको आधा दिना जेङलाउ येसु मुन्दिरता हानितेङ सिक्स्या पिलि तेङहि। 15यहुदि आगुवागेलाइ सक्क परितेङ एसा दोअ्हि, “हेलाउ बुङ धर्मसास्तरको सिक्स्या माह्रुसिङ वा इदोइ बिध्या हेसा गिहि?”
16कालाउ येसु ओबालाइहेङ उत्तारा पिहि, “काङको सिक्स्या काङको ताइकोङ माको, कालाउ या सिक्स्या कासेहेङ दिङगिल्का परमेस्वरको हि। 17परमेस्वरको इच्छा आन्सार काम पालि भोकालाइ चाहि ग्यावा कि, काङको सिक्स्या परमेस्वर पाहासो हि, या काङको ताइको सिक्स्या दोङ वा थाहा निनावा। 18जाइ ताइकोङ पाहासो धुइखे, वा ताइकोङ साम्मान भोअ्खे, कालाउ जाइ ताइमिहेङ दिङगिल्काको साम्मान भोअ्खे, वा भोरोसा योग्य हिखे कालाउ वाकोता बैमानि माहिखे। 19हाइ मोसा नेलाइहेङ व्यवस्था मापिहि? कालाउ बुङ नेलाइ हासु बुङ इङको व्यवस्था माकिसुखेना। कालाउ नेलाइ हाइ पालि कासेहेङ सेअ्लि खाङसुखेना?”
20द्याङको जेरसो उत्तारा पिहि, “भुत-आत्मा नासेहेङ धेल्का हि। हासु नासेहेङ सेअ्लि भोअ्खे रो?”
21येसु इम्बालाइहेङ उत्तारा पिहि, “का दोङ एनोङ भारभुसाइका काम पालाउ नेलाइ झाराङ सक्क परिसुखेना। 22मोसा नेलाइहेङ खाताना पालि गोयाङ दोअ्का आग्या पिका हि। बास्ताबता इदोइ काम मोसा माको कालाउ पुर्खागेलाइ सुरु पाका हिघाहि। कालाउ बुङ परमेस्वरको पबित्तरो दिनाता नेलाइ ताइको चानगेलाइको खाताना पासुखेना। 23नेलाइ मोसाको पिका व्यवस्था भङग माज्याको दोअ्तेङ जेसापा परमेस्वरको पबित्तरो दिनाता खाताना पासुना पानु। का परमेस्वरको पबित्तरो दिनाता एमि द्याङहेङ पुराङ एल्पालाउ चाहि नेलाइ हाइ पालि चेरताम्पासुखेना? 24नेलाइको न्याय बाहारको रुप खाङतेङ खिनिङ माको, कालाउ सत्येता आधारित हिलि गोइखे।”
हाइ येसु दोङ ख्रिस्ट हि?
25कालाउ यरुसेलेम सहरको आधिमि द्याङगेलाइ दोअ्हि, हाइ या वाआङ माको, जाइहेङ इताको आगुवागेलाइ सेअ्लि खाङखे? 26“खाङ, याते झाराङको आगाता सार्बाजानिक रुपता नुइ धुइदोङखे, कालाउ यहुदि आगुवागेलाइ वासेहेङ हाइ दोङ मादोअ्खे! हाइ या ख्रिस्ट दोङ दोअ्का इम्बालाइ जातिङको थाहा गिहि? 27कालाउ केलाइ गिनाखे, इदोइ द्याङ हिसोसो लोका। जेलाउ ख्रिस्ट ल्वाङ वा हिसोको हि हासु बुङ थाहा मानिनाङ।”
28कालाउ येसु मुन्दिरता धिर्पालाउ, वा बार्का गालाहोइ दोअ्हि, “नेलाइ कासेहेङ नाल्सुखेना, कालाउ का हितासो लोका हिघा, उङको बुङ गिसुखेना। का ताइको इच्छासो लोका माको, कालाउ जाइ कासेहेङ दिङगिल्हि वा खाङधुरि योग्य हि। कालाउ नेलाइ वासेहेङ मानाल्सुखेना। 29कालाउ का वासेहेङ नाल्खा, हाइपालिपानु का वाकोसो लोका हिघा, कालाउ वा कासेहेङ दिङगिल्का हि।”
30ओदोङ भाअ्सिङ यहुदि आगुवागेलाइ वासेहेङ रिम्लि भोहि, कालाउ हासु बुङ वासेहेङ रिम्लि मादोअ्हि, हाइपालिपानु वाको सिका सहि सोमोइ आझाइ लोका मान्थु। 31कालाउ हेन्जा द्याङगेलाइको जेरसो येसुहेङ खाङधुरि पाहि। कालाउ इम्बालाइ दोअ्हि, “जेलाउ ख्रिस्ट ल्वाङ, हाइ वा इदोइ द्याङ खाङतेङ हेन्जा चिन्हागेलाइ पावा रो?”
येसुहेङ रिम्लि भोका
32जेलाउ द्याङको जेर वाको बिसोइता लिताङ-लिताङ नावाइ चार-चाराइका फारिसिगेलाइ हिङहि। कालाउ मुलि पुजारिगेलाइ कालाउ फारिसिगेलाइ वासेहेङ रिम्लि मुन्दिरको पालेगेलाइ दिङगिल्हि।
33येसु दोअ्हि, “आले सोमोइ थेकापा का नेलाइ दोफा हिघा, कालाउ न्हुसो का कासेहेङ दिङगिल्का दोफा घुरितेङ हानाङका। 34नेलाइ कासेहेङ भोअ्स्वाना, कालाउ मानिङस्वाना, कालाउ जेता का हिखा, नेलाइ इन्ता लोलि मादोस्वाना।”
35कालाउ यहुदि आगुवागेलाइ ता-ताइमिता दोअ्हि, “वा हिसो हानिलि तोम्हि, कालाउ केलाइ वासेहेङ मादुसुताङ? जेङलि दोअ्, वा ग्रिक सहरगेलाइता जोसो-ओसोङ हिका यहुदिगेलाइकोता हानितेङ सिक्स्या पिहि। 36वाको दोअ्का हाइ? ‘नेलाइ कासेहेङ भोअ्स्वाना, कालाउ मानिङस्वाना, कालाउ का जेता हिखा, नेलाइ इन्ता लोलि मादोस्वाना?’”
सिन्हुका चि
37एला पार्बाको आखिरि दिना कालाउ झाराङ खाङतेङ मुलि दिनाता येसु जाअ्तेङ बार्का गालासो एसा दोअ्हि, “जेसापा नेलाइ मध्ये हासु बुङ चि आम्लि किसुना पानु उङको काङकोता लोतेङ आम्माको। 38जाइ का ह्रुता खाङधुरि पाखे, धर्मसास्तर दोअ्का आन्सार वाको ह्रदयसो चिको झोरागेलाइ, जाइ जिबन पिखे झोतेङ ह्यावा।” 39जेलाउ वा जिबन पिका चिको बारेता दोअ्हि, इदोइ काथा येसु पबित्तरो आत्माको बिसोइता दोअ्का हिघाहि, जेदोङ पबित्तरो आत्मा वाको ह्रुता खाङधुरि पाकालाइ निङलि तोम्का हिघाहि। हाइपालिपानु पबित्तरो आत्मा एला थेकापा पिका मान्थुघाहि। हाइपालिपानु परमेस्वर एला थेकापा बुङ येसुहेङ महिमित पाका मान्थुघाहि।
40इदोइ काथा हिङका आधिमि द्याङगेलाइ दोअ्हि, “याते जातिङको परमेस्वरको बक्ता दोङ हि, जाइहेङ केलाइ ह्रुम्तेङ हिनाहि।”
41भेनेङ द्याङगेलाइ दोअ्हि, “या ख्रिस्ट दोङ हि।” कालाउ आधिमि दोअ्हि, “हाइ ख्रिस्ट गालिल जिल्लासो ल्वाङ रो? 42धर्मसास्तरता लेखेका कि, ख्रिस्ट राजा दाउदको हारागुटियासो कालाउ बेथेलेहेम देरासो ल्वाङ, जेता राजा दाउद इन्ता हिघाहि?” 43ओदोङ भाअ्सिङ द्याङगेलाइको माझाता येसुको कारनसो खेङनाहि। 44इम्बालाइ मध्येसो हेथेते द्याङगेलाइ येसुहेङ रिम्लि भोहि, कालाउ बुङ वासेहेङ हासु बुङ मारिम्हि।
यहुदि आगुवागेलाइ खाङधुरि मापाका
45मुन्दिरको पालेगेलाइ मुलि पुजारिगेलाइकोता कालाउ फारिसिगेलाइकोता धुरितेङ लोहि। ओबालाइ पालेगेलाइहेङ हिअ्हि, “नेलाइ येसुहेङ हाइ पालि रिम्तेङ माचुमासुन्हा?”
46पालेगेलाइ उत्तारा पिहि, “इदोइ द्याङ भाइपाते हिदोइ बुङ द्याङ हेलाउ बुङ माधुइहि!”
47फारिसिगेलाइ इम्बालाइहेङ दोअ्हि, “नेलाइ बुङ केउसुना कि हेसा? 48हाइ यहुदि आगुवागेलाइ कालाउ फारिसिगेलाइ मध्येसो हासु बुङ वा ह्रुता खाङधुरि पाका हि? 49कालाउ इदोइ जेरता हिका द्याङगेलाइ जाइ मोसाको व्यवस्था मागिखे, उङको द्याङ परमेस्वरसो स्रापित हि।” 50इन्ता हिका फारिसिगेलाइ मध्येसो एमि निकोदेमस, जाइ लाम्फा एखे येसुहेङ न्हिसिन्ता भेतिलि हानिका हिघाहि, उङको दोअ्हि, 51“हाइ केलाइको व्यवस्था आन्सार लाङ द्याङको काथा माहिङसिङ कालाउ वा हाइ पाका हि इङको काथा मागिसिङ वासेहेङ दन्ड पिखे रो?”
52इम्बालाइ वासेहेङ उत्तारा पिहि, हाइ नाअ् बुङ गालिल जिल्लाको दोङ? धर्मसास्तर भोतेङ खाङसु, कालाउ नाअ् थाहा ग्याना कि गालिल जिल्लासो हिदोइ बुङ परमेस्वरको बक्ता मालोवाङ। 53कालाउ न्हुसो झाराङ द्याङ ता-ताइको साअ्ता हानिहि।
Currently Selected:
युहान्ना 7: DHINT
Highlight
Share
Copy
Want to have your highlights saved across all your devices? Sign up or sign in
Dhimal New Testament, by The Love Fellowship is licensed under Creative Commons Attribution-ShareAlike 4.0 License.
युहान्ना 7
7
येसु कालाउ वाको ओनेगेलाइ
1कालाउ न्हुसो येसु गालिल जिल्लाता बुङ घुराइगिल्हि। कालाउ यहुदिया जिल्लाता हानिलि मन मापाहि हाइपालिपानु यहुदि आगुवागेलाइ वासेहेङ सेअ्लि दाउ भोघाहि। 2इङको बेला यहुदिगेलाइको खोपारा बानाइतेङ मानाइका पार्बा लोलि तोम्का हिघाहि।#7:2 यहुदिगेलाइको इदोइ पार्बा इम्बालाइहेङ फोम पालिको भाअ्सिङ हिघाहि, कि इम्बालाइको पुर्खागेलाइ न्हे कुरि बासार थेकापा खोप्रा बानाइतेङ इङताङ हिघाहि। कालाउ निस्तार पार्बाको तु माइना न्हुसो मानाइघाहि। या चाहि येए दिना थेकापा हिघाहि। 3ओदोङ भाअ्सिङ येसुको ओनेगेलाइ वासेहेङ दोअ्हि, “इदोइ थामे लाअ्तेङ यहुदिया जिल्ला हाने, कालाउ नाअ् दोङ पातेङ हिका कामगेलाइ नाङको चात्यागेलाइ बुङ तिनाको। 4जेसापा हिदोइ बुङ द्याङ नावाइ ताअ्लि खाङखे पानु, वा म्होतेङ काम मापाखे। नाअ् इदोइ कामगेलाइ पालि खाङनु ताइमिहेङ सुमिङता प्रकट पातेङ तिङपा।” 5हाइपालिपानु वाको ओनेगेलाइ बुङ वा ह्रुता खाङधुरि मापाघाहि।
6ओदोङ भाअ्सिङ येसु इम्बालाइहेङ दोअ्हि, काङको सहि सोमोइ एला थेकापा बुङ लोका मान्थु, कालाउ नेलाइको भाअ्सिङ ते गोताङ सोमोइ ठिक हि। 7सुमिङ नेलाइहेङ सिकालि माद्वाङ, कालाउ कासेहेङते सिकातावा हाइपालिपानु सुमिङको बिसोइता वाको कामगेलाइ दुस्ट हि दोअ्तेङ का साक्सि पिखा। 8नेलाइ इदोइ पार्बाता हानिसु। का इदोइ पार्बाता मान्हाङका हाइपालिपानु काङको सोमोइ एला थेकापा बुङ लोका मान्थु। 9इम्बालाइहेङ एसा दोअ्तेङ येसु चाहि गालिल जिल्लाताङ हि।
खोप्राको पार्बा
10कालाउ येसुको ओनेगेलाइ पार्बाता हानिलि दोतेङ न्हुसो, येसु बुङ हासु बुङ थाहा मानिङपासिङ हानिहि। 11पार्बाता यहुदि आगुवागेलाइ येसुहेङ भोतेङ हिघाहि, कालाउ “वा हिसो हि?” दोअ्तेङ द्याङगेलाइहेङ हिअ्हि। 12जेरगेलाइको माझाता वाको बिसोइता काथा चार-चाराइलि तेङहि। आधिमि दोअ्घाहि, “उङको आसल हि।” भेनेङ द्याङ दोअ्घाहि, “माको, या दोङ द्याङगेलाइहेङ आवाइपातेङ ताअ्का हि।” 13कालाउ यहुदि आगुवागेलाइहेङ थितेङ वाको बिसोइता हासु बुङ भाइ-भाइपा काथा दोअ्लि मादोघाहि।
पार्बाता येसुको सिक्स्या
14इदोइ पार्बाको आधा दिना जेङलाउ येसु मुन्दिरता हानितेङ सिक्स्या पिलि तेङहि। 15यहुदि आगुवागेलाइ सक्क परितेङ एसा दोअ्हि, “हेलाउ बुङ धर्मसास्तरको सिक्स्या माह्रुसिङ वा इदोइ बिध्या हेसा गिहि?”
16कालाउ येसु ओबालाइहेङ उत्तारा पिहि, “काङको सिक्स्या काङको ताइकोङ माको, कालाउ या सिक्स्या कासेहेङ दिङगिल्का परमेस्वरको हि। 17परमेस्वरको इच्छा आन्सार काम पालि भोकालाइ चाहि ग्यावा कि, काङको सिक्स्या परमेस्वर पाहासो हि, या काङको ताइको सिक्स्या दोङ वा थाहा निनावा। 18जाइ ताइकोङ पाहासो धुइखे, वा ताइकोङ साम्मान भोअ्खे, कालाउ जाइ ताइमिहेङ दिङगिल्काको साम्मान भोअ्खे, वा भोरोसा योग्य हिखे कालाउ वाकोता बैमानि माहिखे। 19हाइ मोसा नेलाइहेङ व्यवस्था मापिहि? कालाउ बुङ नेलाइ हासु बुङ इङको व्यवस्था माकिसुखेना। कालाउ नेलाइ हाइ पालि कासेहेङ सेअ्लि खाङसुखेना?”
20द्याङको जेरसो उत्तारा पिहि, “भुत-आत्मा नासेहेङ धेल्का हि। हासु नासेहेङ सेअ्लि भोअ्खे रो?”
21येसु इम्बालाइहेङ उत्तारा पिहि, “का दोङ एनोङ भारभुसाइका काम पालाउ नेलाइ झाराङ सक्क परिसुखेना। 22मोसा नेलाइहेङ खाताना पालि गोयाङ दोअ्का आग्या पिका हि। बास्ताबता इदोइ काम मोसा माको कालाउ पुर्खागेलाइ सुरु पाका हिघाहि। कालाउ बुङ परमेस्वरको पबित्तरो दिनाता नेलाइ ताइको चानगेलाइको खाताना पासुखेना। 23नेलाइ मोसाको पिका व्यवस्था भङग माज्याको दोअ्तेङ जेसापा परमेस्वरको पबित्तरो दिनाता खाताना पासुना पानु। का परमेस्वरको पबित्तरो दिनाता एमि द्याङहेङ पुराङ एल्पालाउ चाहि नेलाइ हाइ पालि चेरताम्पासुखेना? 24नेलाइको न्याय बाहारको रुप खाङतेङ खिनिङ माको, कालाउ सत्येता आधारित हिलि गोइखे।”
हाइ येसु दोङ ख्रिस्ट हि?
25कालाउ यरुसेलेम सहरको आधिमि द्याङगेलाइ दोअ्हि, हाइ या वाआङ माको, जाइहेङ इताको आगुवागेलाइ सेअ्लि खाङखे? 26“खाङ, याते झाराङको आगाता सार्बाजानिक रुपता नुइ धुइदोङखे, कालाउ यहुदि आगुवागेलाइ वासेहेङ हाइ दोङ मादोअ्खे! हाइ या ख्रिस्ट दोङ दोअ्का इम्बालाइ जातिङको थाहा गिहि? 27कालाउ केलाइ गिनाखे, इदोइ द्याङ हिसोसो लोका। जेलाउ ख्रिस्ट ल्वाङ वा हिसोको हि हासु बुङ थाहा मानिनाङ।”
28कालाउ येसु मुन्दिरता धिर्पालाउ, वा बार्का गालाहोइ दोअ्हि, “नेलाइ कासेहेङ नाल्सुखेना, कालाउ का हितासो लोका हिघा, उङको बुङ गिसुखेना। का ताइको इच्छासो लोका माको, कालाउ जाइ कासेहेङ दिङगिल्हि वा खाङधुरि योग्य हि। कालाउ नेलाइ वासेहेङ मानाल्सुखेना। 29कालाउ का वासेहेङ नाल्खा, हाइपालिपानु का वाकोसो लोका हिघा, कालाउ वा कासेहेङ दिङगिल्का हि।”
30ओदोङ भाअ्सिङ यहुदि आगुवागेलाइ वासेहेङ रिम्लि भोहि, कालाउ हासु बुङ वासेहेङ रिम्लि मादोअ्हि, हाइपालिपानु वाको सिका सहि सोमोइ आझाइ लोका मान्थु। 31कालाउ हेन्जा द्याङगेलाइको जेरसो येसुहेङ खाङधुरि पाहि। कालाउ इम्बालाइ दोअ्हि, “जेलाउ ख्रिस्ट ल्वाङ, हाइ वा इदोइ द्याङ खाङतेङ हेन्जा चिन्हागेलाइ पावा रो?”
येसुहेङ रिम्लि भोका
32जेलाउ द्याङको जेर वाको बिसोइता लिताङ-लिताङ नावाइ चार-चाराइका फारिसिगेलाइ हिङहि। कालाउ मुलि पुजारिगेलाइ कालाउ फारिसिगेलाइ वासेहेङ रिम्लि मुन्दिरको पालेगेलाइ दिङगिल्हि।
33येसु दोअ्हि, “आले सोमोइ थेकापा का नेलाइ दोफा हिघा, कालाउ न्हुसो का कासेहेङ दिङगिल्का दोफा घुरितेङ हानाङका। 34नेलाइ कासेहेङ भोअ्स्वाना, कालाउ मानिङस्वाना, कालाउ जेता का हिखा, नेलाइ इन्ता लोलि मादोस्वाना।”
35कालाउ यहुदि आगुवागेलाइ ता-ताइमिता दोअ्हि, “वा हिसो हानिलि तोम्हि, कालाउ केलाइ वासेहेङ मादुसुताङ? जेङलि दोअ्, वा ग्रिक सहरगेलाइता जोसो-ओसोङ हिका यहुदिगेलाइकोता हानितेङ सिक्स्या पिहि। 36वाको दोअ्का हाइ? ‘नेलाइ कासेहेङ भोअ्स्वाना, कालाउ मानिङस्वाना, कालाउ का जेता हिखा, नेलाइ इन्ता लोलि मादोस्वाना?’”
सिन्हुका चि
37एला पार्बाको आखिरि दिना कालाउ झाराङ खाङतेङ मुलि दिनाता येसु जाअ्तेङ बार्का गालासो एसा दोअ्हि, “जेसापा नेलाइ मध्ये हासु बुङ चि आम्लि किसुना पानु उङको काङकोता लोतेङ आम्माको। 38जाइ का ह्रुता खाङधुरि पाखे, धर्मसास्तर दोअ्का आन्सार वाको ह्रदयसो चिको झोरागेलाइ, जाइ जिबन पिखे झोतेङ ह्यावा।” 39जेलाउ वा जिबन पिका चिको बारेता दोअ्हि, इदोइ काथा येसु पबित्तरो आत्माको बिसोइता दोअ्का हिघाहि, जेदोङ पबित्तरो आत्मा वाको ह्रुता खाङधुरि पाकालाइ निङलि तोम्का हिघाहि। हाइपालिपानु पबित्तरो आत्मा एला थेकापा पिका मान्थुघाहि। हाइपालिपानु परमेस्वर एला थेकापा बुङ येसुहेङ महिमित पाका मान्थुघाहि।
40इदोइ काथा हिङका आधिमि द्याङगेलाइ दोअ्हि, “याते जातिङको परमेस्वरको बक्ता दोङ हि, जाइहेङ केलाइ ह्रुम्तेङ हिनाहि।”
41भेनेङ द्याङगेलाइ दोअ्हि, “या ख्रिस्ट दोङ हि।” कालाउ आधिमि दोअ्हि, “हाइ ख्रिस्ट गालिल जिल्लासो ल्वाङ रो? 42धर्मसास्तरता लेखेका कि, ख्रिस्ट राजा दाउदको हारागुटियासो कालाउ बेथेलेहेम देरासो ल्वाङ, जेता राजा दाउद इन्ता हिघाहि?” 43ओदोङ भाअ्सिङ द्याङगेलाइको माझाता येसुको कारनसो खेङनाहि। 44इम्बालाइ मध्येसो हेथेते द्याङगेलाइ येसुहेङ रिम्लि भोहि, कालाउ बुङ वासेहेङ हासु बुङ मारिम्हि।
यहुदि आगुवागेलाइ खाङधुरि मापाका
45मुन्दिरको पालेगेलाइ मुलि पुजारिगेलाइकोता कालाउ फारिसिगेलाइकोता धुरितेङ लोहि। ओबालाइ पालेगेलाइहेङ हिअ्हि, “नेलाइ येसुहेङ हाइ पालि रिम्तेङ माचुमासुन्हा?”
46पालेगेलाइ उत्तारा पिहि, “इदोइ द्याङ भाइपाते हिदोइ बुङ द्याङ हेलाउ बुङ माधुइहि!”
47फारिसिगेलाइ इम्बालाइहेङ दोअ्हि, “नेलाइ बुङ केउसुना कि हेसा? 48हाइ यहुदि आगुवागेलाइ कालाउ फारिसिगेलाइ मध्येसो हासु बुङ वा ह्रुता खाङधुरि पाका हि? 49कालाउ इदोइ जेरता हिका द्याङगेलाइ जाइ मोसाको व्यवस्था मागिखे, उङको द्याङ परमेस्वरसो स्रापित हि।” 50इन्ता हिका फारिसिगेलाइ मध्येसो एमि निकोदेमस, जाइ लाम्फा एखे येसुहेङ न्हिसिन्ता भेतिलि हानिका हिघाहि, उङको दोअ्हि, 51“हाइ केलाइको व्यवस्था आन्सार लाङ द्याङको काथा माहिङसिङ कालाउ वा हाइ पाका हि इङको काथा मागिसिङ वासेहेङ दन्ड पिखे रो?”
52इम्बालाइ वासेहेङ उत्तारा पिहि, हाइ नाअ् बुङ गालिल जिल्लाको दोङ? धर्मसास्तर भोतेङ खाङसु, कालाउ नाअ् थाहा ग्याना कि गालिल जिल्लासो हिदोइ बुङ परमेस्वरको बक्ता मालोवाङ। 53कालाउ न्हुसो झाराङ द्याङ ता-ताइको साअ्ता हानिहि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhimal New Testament, by The Love Fellowship is licensed under Creative Commons Attribution-ShareAlike 4.0 License.