Oviungura 12
12
Ondatumisire mai kayenda komurungu
1Momayuva mangara tjingewo nga ombara Herodes wa uta okutatumisa ouṋepo tjiva wombongo. 2Eye wa yandjera kutja Jakobus, erumbi ra Johanes, a ṱe nengaruvyo. 3Nu tja muna kutja otjiṋa hi tja tjata kOvajuda, arire tja ryama komurungu na kambura Petrus wina. Omakamburiro nga ya tjitwa momayuva omanene wOzomboroto nḓe hi nosurise. 4#Eks 12:1-27Petrus tja za nokukamburwa wa yumbwa motjovakamburwa, neye aa tjeverwa i ovira vine, atjihe peke tji tja ri novarwe vane wovita. Herodes we ripura okumueta kombanguriro komurungu wovandu kombunda yOpaska. 5Petrus otja ṱizirwa motjovakamburwa, nungwari ovandu wombongo aave mu kumbire tjinene nokuhinokuisa ku Ndjambi.
Petrus ma kuturwa na pitisiwa motjovakamburwa
6Nu mouṱuku mbwi komeho waindu kutja Herodes e mu ete komurungu wovandu, Petrus wa rarere pokati kovatjevere vevari. Eye wa pandekerwe nouketanga uvari, nu pendje pomuvero wotjovakamburwa pa ri ovatjevere.
7Tjimanga omuengeri wa Muhona wa kuramene mbo, nondjerera ya yera metuwo eye ma ri. Omuengeri arire tja pambara Petrus kotjiṱuve, e mu pendura a tja: “Hakahana! Penduka!” Nu tjimanga ouketanga arire tji wa poka pomaoko we au wire pehi. 8Omuengeri a tja: “Kuta ekwamo roye nu u twe ko ozongaku zoye.” Petrus wa tjita nao, nomuengeri a tja: “Zara ongwava yoye nu u ndji kongorere.” 9Petrus we mu kongorera a piti motjovakamburwa, e hi nokutjiwa kutja ihi omuengeri tji ma tjiti otjo ouatjiri; eye aa tjangovasi ma munu otjirimunikise. 10Owo va kapita pomatjeverero inga omatenga, tjazumba aye rire inga oyetjavari, nu korusenina ave ya pomuvero wotjitenda mbu yenda kotjihuro. Omuvero we ve yezurukira ouini, nowo arire tji va piti pendje. Va kayenda momuvanda, nu tjimanga omuengeri a zu po pu Petrus.
11Nu Petrus we rizemburuka na ihi tji tja tjitwa ku ye na tja: “Nambano ami mba tjiwa kutja, tjiri, ouatjiri! Muhona wa hindi omuengeri we e ndji yame momake wa Herodes na koviṋa avihe Ovajuda mbi va vanga okutjita.”
12Nambano Petrus tja za nokutjiwa nawa imbi mbya tjitwa, otja ya kondjuwo ya Maria, ina ya Johanes wina ngwa ri Markus. Ovandu ovengi va woronganene mbo amave kumbu. 13Nu Petrus wa kongora komuvero wopendje, nomukarere omusuko wena Rode weya okuzira. 14Eye wa zemburuka eraka ra Petrus na yoroka tjinene, narire tja tupuka okuyaruka moukoto nokuhapatururire imbwi omuvero, nu a kahepura kutja Petrus wa kurama pendje. 15Nowo ave ziri ave tja: “Ove wa puruka ozondunge.” Nungwari eye wa panḓera pokutja ouatjiri. Nowo ave ziri nai: “Ma sokurira omuengeri we.”
16Nu Petrus tjandje nai ma kongora. Korusenina owo va paturura omuvero, nu tji ve mu muna arire tji va himwa. 17Eye we ve ṋanga neke kutja ve mwine, narire tje ve serekarerere imbwi omuhingo Muhona mbwe mu pitisa na wo motjovakamburwa na tja: “Katjiviseye otjiṋa hi ku Jakobus na kovakambure ovakwetu.” Tjazumba e ve esa na i kwarwe.
18Nu muhuka tji pa tji pa kara onḓukwahere onene mokati kovatjevere kutja otjikwatjike tji tja tjitwa ku Petrus. 19Herodes wa rakiza kutja Petrus a pahewe, nungwari owo kave mu mwine ko. Notja pangura ovatjevere na raere kutja ve ṱe.
Kombunda yoviṋa mbi Herodes wa za mo mehi ra Judea na kakara omayuva tjiva mOsesarea.
Onḓiro ya Herodes
20Herodes wa pindikire tjinene novature va Tirus na kOsidon, nowo arire tji va hindi okambumba kovandu okukahakaena na ye. Rutenga ve tji zuvasana na Blastus, omutjevere wondjuwo youhona, kutja e ve vatere. Tjazumba ave i ku Herodes okukemuningira ohange, ehi rawo tjinga ari muna ovikurya vyaro ku indi rombara.
21Nu meyuva rimwe nda zikamisirwe Herodes wa zarere ombanda ye youhona, a kara pehi kotjihavero tje tjouhona, nu a hungire omambo kotjiwaṋa. 22Novandu va ravaera ave tja: “Ngu ma hungire ngwi omukuru, kamundu!” 23Tjimanga omuengeri wa Muhona wa tona Herodes, eye tjinga e ha yandjere ondjozikiro ku Ndjambi. Herodes wa riwa i omativa na ṱu omuinyo.
24Nu indi embo ra Ndjambi ra takavarera ko, nu ari handjauka.
25Barnabas na Saulus va yaruka kOantiokie indu tji va zire nokumana otjiungura tjawo mOjerusalem, nowo va twaerera Johanes, wina ngwa ri Markus.
Currently Selected:
Oviungura 12: HRR-UNI
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
Oviungura 12
12
Ondatumisire mai kayenda komurungu
1Momayuva mangara tjingewo nga ombara Herodes wa uta okutatumisa ouṋepo tjiva wombongo. 2Eye wa yandjera kutja Jakobus, erumbi ra Johanes, a ṱe nengaruvyo. 3Nu tja muna kutja otjiṋa hi tja tjata kOvajuda, arire tja ryama komurungu na kambura Petrus wina. Omakamburiro nga ya tjitwa momayuva omanene wOzomboroto nḓe hi nosurise. 4#Eks 12:1-27Petrus tja za nokukamburwa wa yumbwa motjovakamburwa, neye aa tjeverwa i ovira vine, atjihe peke tji tja ri novarwe vane wovita. Herodes we ripura okumueta kombanguriro komurungu wovandu kombunda yOpaska. 5Petrus otja ṱizirwa motjovakamburwa, nungwari ovandu wombongo aave mu kumbire tjinene nokuhinokuisa ku Ndjambi.
Petrus ma kuturwa na pitisiwa motjovakamburwa
6Nu mouṱuku mbwi komeho waindu kutja Herodes e mu ete komurungu wovandu, Petrus wa rarere pokati kovatjevere vevari. Eye wa pandekerwe nouketanga uvari, nu pendje pomuvero wotjovakamburwa pa ri ovatjevere.
7Tjimanga omuengeri wa Muhona wa kuramene mbo, nondjerera ya yera metuwo eye ma ri. Omuengeri arire tja pambara Petrus kotjiṱuve, e mu pendura a tja: “Hakahana! Penduka!” Nu tjimanga ouketanga arire tji wa poka pomaoko we au wire pehi. 8Omuengeri a tja: “Kuta ekwamo roye nu u twe ko ozongaku zoye.” Petrus wa tjita nao, nomuengeri a tja: “Zara ongwava yoye nu u ndji kongorere.” 9Petrus we mu kongorera a piti motjovakamburwa, e hi nokutjiwa kutja ihi omuengeri tji ma tjiti otjo ouatjiri; eye aa tjangovasi ma munu otjirimunikise. 10Owo va kapita pomatjeverero inga omatenga, tjazumba aye rire inga oyetjavari, nu korusenina ave ya pomuvero wotjitenda mbu yenda kotjihuro. Omuvero we ve yezurukira ouini, nowo arire tji va piti pendje. Va kayenda momuvanda, nu tjimanga omuengeri a zu po pu Petrus.
11Nu Petrus we rizemburuka na ihi tji tja tjitwa ku ye na tja: “Nambano ami mba tjiwa kutja, tjiri, ouatjiri! Muhona wa hindi omuengeri we e ndji yame momake wa Herodes na koviṋa avihe Ovajuda mbi va vanga okutjita.”
12Nambano Petrus tja za nokutjiwa nawa imbi mbya tjitwa, otja ya kondjuwo ya Maria, ina ya Johanes wina ngwa ri Markus. Ovandu ovengi va woronganene mbo amave kumbu. 13Nu Petrus wa kongora komuvero wopendje, nomukarere omusuko wena Rode weya okuzira. 14Eye wa zemburuka eraka ra Petrus na yoroka tjinene, narire tja tupuka okuyaruka moukoto nokuhapatururire imbwi omuvero, nu a kahepura kutja Petrus wa kurama pendje. 15Nowo ave ziri ave tja: “Ove wa puruka ozondunge.” Nungwari eye wa panḓera pokutja ouatjiri. Nowo ave ziri nai: “Ma sokurira omuengeri we.”
16Nu Petrus tjandje nai ma kongora. Korusenina owo va paturura omuvero, nu tji ve mu muna arire tji va himwa. 17Eye we ve ṋanga neke kutja ve mwine, narire tje ve serekarerere imbwi omuhingo Muhona mbwe mu pitisa na wo motjovakamburwa na tja: “Katjiviseye otjiṋa hi ku Jakobus na kovakambure ovakwetu.” Tjazumba e ve esa na i kwarwe.
18Nu muhuka tji pa tji pa kara onḓukwahere onene mokati kovatjevere kutja otjikwatjike tji tja tjitwa ku Petrus. 19Herodes wa rakiza kutja Petrus a pahewe, nungwari owo kave mu mwine ko. Notja pangura ovatjevere na raere kutja ve ṱe.
Kombunda yoviṋa mbi Herodes wa za mo mehi ra Judea na kakara omayuva tjiva mOsesarea.
Onḓiro ya Herodes
20Herodes wa pindikire tjinene novature va Tirus na kOsidon, nowo arire tji va hindi okambumba kovandu okukahakaena na ye. Rutenga ve tji zuvasana na Blastus, omutjevere wondjuwo youhona, kutja e ve vatere. Tjazumba ave i ku Herodes okukemuningira ohange, ehi rawo tjinga ari muna ovikurya vyaro ku indi rombara.
21Nu meyuva rimwe nda zikamisirwe Herodes wa zarere ombanda ye youhona, a kara pehi kotjihavero tje tjouhona, nu a hungire omambo kotjiwaṋa. 22Novandu va ravaera ave tja: “Ngu ma hungire ngwi omukuru, kamundu!” 23Tjimanga omuengeri wa Muhona wa tona Herodes, eye tjinga e ha yandjere ondjozikiro ku Ndjambi. Herodes wa riwa i omativa na ṱu omuinyo.
24Nu indi embo ra Ndjambi ra takavarera ko, nu ari handjauka.
25Barnabas na Saulus va yaruka kOantiokie indu tji va zire nokumana otjiungura tjawo mOjerusalem, nowo va twaerera Johanes, wina ngwa ri Markus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.