Genesis 46
46
Orutjindo rwa Jakob kOengipte
1Israel wa tjinda noviṋa avihe mbya ri na vyo, a kavaza kOberseba, na punguha ozombunguhiro ku Ndjambi wa ihe Isak. 2Nu Ndjambi we rimunikisa ku Israel mouṱuku na tja ku ye: “Jakob! Jakob!”
Neye wa zira a tja: “Owami ngwi!”
3Neye a tja: “Owami Ndjambi, Ndjambi waiho. O tira okuyenda kOengipte, tjinga ame kekutjita otjiwaṋa otjinene ngo. 4Ami me i puna ove kOengipte, nu me kotora ozondekurona zoye nguno. Neke ra Josef ondi maari kapata omeho woye.”
5Kombunda Jakob otja tjinda okuza mOberseba. Imba ovazandu va Israel va rondisa ihe Jakob nounatje wawo ouṱiṱi novakazendu vawo momatemba Farao nga hinda okuyekuvetoora. 6#Oviu 7:15Owo va toora ovinamuinyo vyawo nouini wawo mbu va isa mOkanaan nave ya kOengipte. Jakob wa toora ozondekurona ze azehe puna ye: 7Ovazandu ve, novazandu vovazandu ve, novasuko ve, novasuko vovasuko ve, inḓa ozondekurona ze azehe, nḓa eterera kOengipte.
8Omana wozondekurona za Jakob nḓe ya kOengipte, owo nga: ORuben, everi ra Jakob. 9Novazandu va Ruben, ooHenok na Palu na Hesron na Karmi. 10Novazandu va Simeon: OoJemuel na Jamin na Ohad na Jakin na Sohar na Saul, omuzandu womukazendu Omukanaan. 11Novazandu va Levi: OoGerson na Kehat na Merari. 12Novazandu va Juda: OoEr na Onan na Sela na Peres na Serak. Nungwari ooEr na Onan va kokera mehi ra Kanaan; novazandu va Peres va ri ooHesron na Hamul. 13Novazandu va Isakar: OoTola na Puwa na Jasub na Simron. 14Novazandu va Sebulon va ri: OoSered na Elon na Jakleel. 15Imba ombe ri ovazandu va Lea, mba pandukira Jakob mOmesopotamie puna omukazona Dina. Ozondekurona za Lea azehe kumwe za ri omirongo vitatu na vetatu.
16Ovazandu va Gad: OoSifjon na Hagi na Suni na Esbon na Eri na Arodi na Areli. 17Novazandu va Aser: OoJimna na Jiswa na Jiswi na Beria na Serak, omuṱena kwawo. Novazandu va Beria va ri ooHeber na Malkiel. 18Imba owo ovazandu va Silpa ngwa yandjerwe i Laban komusuko we Lea; neye wa pandukira Jakob ozondekurona omurongo na hamboumwe.
19Ovazandu va Rahel, omukazendu wa Jakob: OoJosef na Benjamin. 20#Gen 41:50-52Manasse na Efraim va kwatwa i Josef mOengipte mu Asenat, omusuko wa Potifar, omupristeri wa On. 21Novazandu va Benjamin va ri: OoBela na Beker na Asbel na Gera na Naaman na Ehi na Ros na Mupim na Hupim na Ard. 22Imba ombe ri ovanatje va Rahel mba pandukira Jakob, ozondekurona omurongo na ine.
23Omuzandu wa Dan wa ri Husim. 24Ovazandu va Naftali: OoJakseel na Guni na Jeser na Silem. 25Imba hambombari owo ozondekurona za Jakob mu Bilha, ngwa yandjerwe i Laban komusuko we Rahel.
26Otjivaro atjihe tjozondekurona za Jakob, nḓa ire kOengipte tja ri omirongo hamboumwe na hamboumwe, nokuhinovakazendu vovazandu ve. 27#Oviu 7:14Ovazandu vevari va kwatwa i Josef mOengipte, avehe kumwe va ri omirongo hambombari vomuhoko wa Jakob, mba ya ngo.
Jakob puna onganda ye mOengipte
28Israel wa tuma Juda komurungu ku Josef okukemuningira kutja e mu urikire ondjira kOgosen. Nowo va kavaza kehi ra Gosen. 29Josef wa kutira etemba re na i kOgosen, okukahakaena na ihe Israel. Nu tja munu ihe otje rimanga mosengo ye na riri tjinene, ngunda e mu pukata nao. 30Israel wa tja ku Josef: “Nambano me yenene okukoka tji mba zu nokumuna omurungu woye, nu tjinga amba tjiwa kutja ingee u nomuinyo.”
31Josef wa tja komarumbi we na ku imba vonganda ya ihe: “Ami me i nu me karaera Farao kutja omarumbi wandje na imba vonganda ya tate mba turire mOkanaan ve ya ku ami. 32Ovarumendu mba owo ovarise, orondu kohapo owo ovatumbe vovinamuinyo, nowo va eterera ozonyanda nozongombe na avihe vyawo! 33Nu Farao tje mu isana na pura kutja oviungura vyeṋu ovingeungura, 34nu itjeye nai: ‘Eṱe, muhona, tu risa ozongombe okuza kouṱiṱi wetu tjimuna ootate mukururume tjaave tjiti!’ Momuano mbwi eṋe otji mamu tura morukondwa rwehi ra Gosen.” Eye wa hungirira Ovaengipte tjinga ave nyengwa ovarise.
Currently Selected:
Genesis 46: HRR-UNI
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
Genesis 46
46
Orutjindo rwa Jakob kOengipte
1Israel wa tjinda noviṋa avihe mbya ri na vyo, a kavaza kOberseba, na punguha ozombunguhiro ku Ndjambi wa ihe Isak. 2Nu Ndjambi we rimunikisa ku Israel mouṱuku na tja ku ye: “Jakob! Jakob!”
Neye wa zira a tja: “Owami ngwi!”
3Neye a tja: “Owami Ndjambi, Ndjambi waiho. O tira okuyenda kOengipte, tjinga ame kekutjita otjiwaṋa otjinene ngo. 4Ami me i puna ove kOengipte, nu me kotora ozondekurona zoye nguno. Neke ra Josef ondi maari kapata omeho woye.”
5Kombunda Jakob otja tjinda okuza mOberseba. Imba ovazandu va Israel va rondisa ihe Jakob nounatje wawo ouṱiṱi novakazendu vawo momatemba Farao nga hinda okuyekuvetoora. 6#Oviu 7:15Owo va toora ovinamuinyo vyawo nouini wawo mbu va isa mOkanaan nave ya kOengipte. Jakob wa toora ozondekurona ze azehe puna ye: 7Ovazandu ve, novazandu vovazandu ve, novasuko ve, novasuko vovasuko ve, inḓa ozondekurona ze azehe, nḓa eterera kOengipte.
8Omana wozondekurona za Jakob nḓe ya kOengipte, owo nga: ORuben, everi ra Jakob. 9Novazandu va Ruben, ooHenok na Palu na Hesron na Karmi. 10Novazandu va Simeon: OoJemuel na Jamin na Ohad na Jakin na Sohar na Saul, omuzandu womukazendu Omukanaan. 11Novazandu va Levi: OoGerson na Kehat na Merari. 12Novazandu va Juda: OoEr na Onan na Sela na Peres na Serak. Nungwari ooEr na Onan va kokera mehi ra Kanaan; novazandu va Peres va ri ooHesron na Hamul. 13Novazandu va Isakar: OoTola na Puwa na Jasub na Simron. 14Novazandu va Sebulon va ri: OoSered na Elon na Jakleel. 15Imba ombe ri ovazandu va Lea, mba pandukira Jakob mOmesopotamie puna omukazona Dina. Ozondekurona za Lea azehe kumwe za ri omirongo vitatu na vetatu.
16Ovazandu va Gad: OoSifjon na Hagi na Suni na Esbon na Eri na Arodi na Areli. 17Novazandu va Aser: OoJimna na Jiswa na Jiswi na Beria na Serak, omuṱena kwawo. Novazandu va Beria va ri ooHeber na Malkiel. 18Imba owo ovazandu va Silpa ngwa yandjerwe i Laban komusuko we Lea; neye wa pandukira Jakob ozondekurona omurongo na hamboumwe.
19Ovazandu va Rahel, omukazendu wa Jakob: OoJosef na Benjamin. 20#Gen 41:50-52Manasse na Efraim va kwatwa i Josef mOengipte mu Asenat, omusuko wa Potifar, omupristeri wa On. 21Novazandu va Benjamin va ri: OoBela na Beker na Asbel na Gera na Naaman na Ehi na Ros na Mupim na Hupim na Ard. 22Imba ombe ri ovanatje va Rahel mba pandukira Jakob, ozondekurona omurongo na ine.
23Omuzandu wa Dan wa ri Husim. 24Ovazandu va Naftali: OoJakseel na Guni na Jeser na Silem. 25Imba hambombari owo ozondekurona za Jakob mu Bilha, ngwa yandjerwe i Laban komusuko we Rahel.
26Otjivaro atjihe tjozondekurona za Jakob, nḓa ire kOengipte tja ri omirongo hamboumwe na hamboumwe, nokuhinovakazendu vovazandu ve. 27#Oviu 7:14Ovazandu vevari va kwatwa i Josef mOengipte, avehe kumwe va ri omirongo hambombari vomuhoko wa Jakob, mba ya ngo.
Jakob puna onganda ye mOengipte
28Israel wa tuma Juda komurungu ku Josef okukemuningira kutja e mu urikire ondjira kOgosen. Nowo va kavaza kehi ra Gosen. 29Josef wa kutira etemba re na i kOgosen, okukahakaena na ihe Israel. Nu tja munu ihe otje rimanga mosengo ye na riri tjinene, ngunda e mu pukata nao. 30Israel wa tja ku Josef: “Nambano me yenene okukoka tji mba zu nokumuna omurungu woye, nu tjinga amba tjiwa kutja ingee u nomuinyo.”
31Josef wa tja komarumbi we na ku imba vonganda ya ihe: “Ami me i nu me karaera Farao kutja omarumbi wandje na imba vonganda ya tate mba turire mOkanaan ve ya ku ami. 32Ovarumendu mba owo ovarise, orondu kohapo owo ovatumbe vovinamuinyo, nowo va eterera ozonyanda nozongombe na avihe vyawo! 33Nu Farao tje mu isana na pura kutja oviungura vyeṋu ovingeungura, 34nu itjeye nai: ‘Eṱe, muhona, tu risa ozongombe okuza kouṱiṱi wetu tjimuna ootate mukururume tjaave tjiti!’ Momuano mbwi eṋe otji mamu tura morukondwa rwehi ra Gosen.” Eye wa hungirira Ovaengipte tjinga ave nyengwa ovarise.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.