يونس 2

يونس جي دعا

1تڏهن يونس مڇيءَ جي پيٽ ۾ ئي خداوند پنهنجي خدا کان هيءَ دعا گھري تہ

2”اي خداوند! مون مصيبت ۾ تو کان دُعا گھري آهي،

تو منهنجي دعا ٻڌي مون کي ورندي بہ ڏني آهي.

مون دوزخ جي پيٽ منجھان فرياد ڪيو آهي،

تڏهن بہ تو منهنجي اها دانهن ٻڌي آهي.

3تو مون کي اونهي سمنڊ منجھہ اڇلائي ڇڏيو هو،

سمنڊ جا سيلاب مون کي ڪُنَ ۾ گهِلي ويا.

اي خدا! تنهنجيون سڀ ڇوليون ۽ موجون مون مٿان گذريون.

4اهو سڀ ڏسي مون پنهنجيءَ دل ۾ هي خيال ڪيو تہ

’شايد آءٌ تنهنجي اکين کان پري لوڌيو ويو آهيان،‘

پر تڏهن بہ اي خدا!

آءٌ تنهنجي مقدس هيڪل کي هاڻي ڏسي سگھندس.

5پاڻيءَ مون کي دڙڪا ڏيئي غرق ڪيو،

چوڌاري اونهي سمنڊ مون کي گھيري رکيو،

سمنڊ جا ڪک ڪانا منهنجي مٿي کي ويڙهجي ويا.

6آءٌ سمنڊ ۾ جبلن جي ترن تائين غرق ٿي ويس،

ڌرتيءَ جا تالا مون مٿان هميشہ لاءِ بند ٿي ويا.

تڏهن بہ اي خداوند منهنجا خدا! تو منهنجي ٻڌي،

۽ منهنجيءَ جان کي پاتال مان ڪڍي ٻاهر آندو.

7جڏهن منهنجو ساهُہ ماندو ٿيڻ لڳو،

تڏهن مون تو خداوند کي ياد ڪيو،

منهنجي دُعا تنهنجي مقدس هيڪل ۾ تو تائين پهتي.

8جيڪي ماڻهو ڪُوڙن ديوتائن کي ٿا مڃن،

سي تنهنجي فضل کان محروم ٿي وڃن ٿا.

9پر آءٌ تنهنجي اڳيان شڪراني سان قرباني ڪندس،

جيڪا باس مون باسي آهي سا ضرور پوري ڪندس.

اي خداوند! آءٌ مڃان ٿو تہ تون ئي ڇڏائڻ وارو آهين.“

10پوءِ خداوند مڇيءَ کي حڪم ڏنو، جنهن اُلٽي ڪري يونس کي سُڪيءَ زمين تي اڇلائي ڪڍيو.

Currently Selected:

يونس 2: SB

Highlight

Copy

Compare

Want to have your highlights saved across all your devices? Sign up or sign in

Muslim Sindhi Bible © The Pakistan Bible Society, 2022

مقدس ڪلام توريت، زبور ۽ نبين جون ٻيو لکتون ۽ انجيل شريف

Bible text may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from the Holy Bible in Muslim Sindhi,

Learn More About Sindhi Bible FB