Yohana 20
20
Yesu a̱ ta̱za i dibyyi
(Matta 28:1-8; Markut 16:1-8; Luka 24:1-12)
1Ba̱ta̱ntson ka̱tuk Ladi iya, Maryamu Magadaliya a̱ nat ka̱bvwa dibyyi ka, ka̱bvwa ka ri bvei ryin. A̱ si ryi ba tun kpang ji ban kup ryak a ni. 2Na̱ brek a̱za̱n cyi a̱ bu tyyei Siman Bitut bu ka̱won pfong ka̱yring ka Yesu na̱ cat i, a̱ bu hywa da̱ mba, “Ba tun A̱gwam Yesu i ryak a, da̱ njit ba bvwo ka̱bvwa ka ban ku myyi ni ba.”
3Bitut bu ka̱won pfong ka̱yring ka a̱ ta̱za a̱ naat ka̱bvwa dibyyi ka. 4Ba tyyi ncyi ba̱ mba ba̱hwa, ma ka̱won pfong ka̱yring ka a̱ tyong a̱ wwon Bitut a̱ si yet ka̱son a̱ tat i dibyyi ti. 5A̱ si ta̱kwut a̱ cyang a̱jijyat a̱tro nu, ma a̱ nwa i ryak a ba. 6Bitut a̱ ku tssup riryim a̱ si seyak a̱ nwa ka̱yat ryak ka. A̱ si ryi a̱jijyat a̱tro nu na̱ myyi 7bu wwang a̱tro na ba yin dop diccu Yesu ti ni. Ku yin shyi i gut ba̱zan ba̱ a̱jijyat a̱tro nu. 8Ka̱won pfong ka̱yring a̱ywu a̱ yet ka̱son a̱ si tat i dibyyi ti ni a̱ ma̱n seyak a̱ nwa ka̱yat ryak ka, a̱ si ryi a̱n wrak ka̱ryong. 9(Har ba̱nyying ba ka̱n bvwo ka̱sak ka ba̱ryat Ka̱za ban hywa di dolet a̱ ni shyek nyyai yabyen ni ba). 10Wwon na̱won pfong a a̱ brek a̱ ba ka̱ryi.
Yesu a̱ tyyei diccu nu di Maryamu Magadaliya
(Matta 28:9-10; Markut 16:9-11)
11Maryamu a̱ brek a̱ sseng ka̱bvwa dibyyi ka a̱ shyi i ka̱nak. Na̱ shyi kun na, a̱ ta̱kwut a̱ cyang ka̱yat dibyyi ka 12a̱ ryi ba̱pfong Ka̱za ba̱ mba ba̱hwa ba swat ka̱bvwa ka kom Yesu na ku yin myyi ni ba kup ba̱jijyat ba̱tro. A̱yring na̱ swat a̱za̱ gbang diccu nu, a̱yring a̱za̱gbang a̱tak u. 13Ba̱pfong Ka̱za ba a̱ hywa di Maryamu, “A̱ra̱mbyring, a̱nzan a̱n byyi an kun?”
Na̱ hywa, “Ba sook A̱gwam nzuk u, da n bvwo ka̱rek ka ba sin ku sak ni ba.”
14Na̱ bu hywa a̱mi, a̱ brak a̱ ryi Yesu na̱ sseng. Ma na̱ bvwo di Yesu a̱mi ba. 15Yesu a̱ bo ku zzim a̱ hywa, “A̱ra̱mbyring, a̱nzan a̱n byyi an kun? A̱nyan a̱mi a cat?”
Maryamu a̱ hwa da̱ a̱ntyok a̱la̱mbu nu a̱mi; a̱ hywa da̱ nu, “A̱ntyok ka̱ryi, ki nwan a̱mi ku sook, a n tyyei ka̱rek ka an ku sak ni n nat si ku sook.”
16Yesu a̱ ku yei a̱ hywa, “Maryamu!”
Na̱ brak ba ahwa a̱ hywa zi diryem ba̱nyet Yahuda ti, “Rabboni!” (Nkpa a̱ yet, “Malam!”)
17Yesu a̱ hywa da̱ nu, “Yen dyok n pyyem ba, rot n ka̱n wrak n nat da̱ A̱tyyi nu ba. Ma brek nat si tyyei ba̱wumbeyang nzuk ba di n ni yen brek nat da̱ A̱tyyi nzuk u ba̱ A̱tyyi nyin nu, Ka̱za nzuk ka bu Ka̱za nyin ka.”
18Maryamu Magadaliya a̱ brek a̱ ba di na̱won pfong A̱gwam Yesu na a̱ bu ba̱ tyyei da̱ a̱ ku ryi, a̱ bo ba̱ tyyei kyang a na̱ ku tyyei ni.
Yesu a̱ tyyei diccu nu di na̱won pfong nu na
(Matta 28:16-20; Markut 16:14-18; Luka 24:36-49)
19A̱jenshring ka̱tuk Ladi iya na̱won pfong na ba tung i bat a̱ ya hweyak a̱ tyyi, rot ba yin pfong ka̱wun ba̱cecet ba̱nyet Yahuda ka. Yesu a̱ nyyai a̱ bu sseng ka̱yat mba ka a̱ hywa, “Sa̱la̱ma nyin!” 20Wwon a̱ ba̱ tyyei mbvak nu na bu a̱rywam nu nu. Na̱won pfong a ba̱sa̱rei ba gwai ban dyi A̱gwam Yesu. 21Yesu a̱ bo hywa da̱ mba, “Sa̱la̱ma nyin! Ka̱sak ka A̱tyyi nu na̱ ni n tom ni, a̱mi n ma̱ n ya tssop.” 22Na̱ bu hywa a̱mi, a̱ ba̱ hywwak a̱ hywa, “Yi nga Tswa Ka̱za ji. 23Ba̱nyet ba yi ba̱ cii a̱ka̱tukyya mba nu ni, ba shya cii; ba̱nyet ba yi ba̱ cii i ni ba, ba ma̱ ni shya cii ba.”
Yesu bu Toma
24Toma, a̱tuba a̱yring u ka̱yat ba̱pfong swak bu ba̱hwa ka ba yin yei Ka̱hywaai ka ni, a̱ yin shyi ba̱ mba ba ka̱ram ka Yesu na̱ yin ba ni. 25Kpikpit na̱won pfong a i bu ku tyyei i hywa, “Zi ryi A̱gwam Yesu!”
Toma a̱ hywa da̱ mba, “Ki n dyi a̱huhuk nkusa na a mbvak nu na da̱ a̱ssi nzuk ba n na̱ bam di ka̱ta̱hrung nzuk n bo n tyyi bvak ka̱bvwa ka ban ku tuk a̱rywam nu ni ba, n ni shim ba.”
26Sati yring ku bu seyak, na̱won pfong a a̱ bo tung a̱ swrang ka̱yat ka̱ryi a̱ ya hweyak, Toma na̱ shyi ba̱ mba, Yesu a̱ si nwa a̱ sseng ka̱yat mba a̱ hywa da̱ mba, “Sa̱la̱ma nyin!” 27A̱wwon a̱ hywa di Toma, “Sak ka̱ta̱hrung nwan ka kyi, i cyang mbvak nzuk a. Da̱ bu neyak bvak nwan na tyyi ka̱yat a̱rywam nzuk ka. Da̱ n tyyi rya nwan na, i ryok rak shim a!”
28Toma a̱ hywa, “A̱gwam nzuk Yesu, bu Ka̱za nzuk!”
29Yesu a̱ hywa da̱ nu, “A n dyi, nwan ba ni wrak rya nwan na, ka̱ni? Ba̱nyet ba a̱ n dyi ni ba a̱ wrak ndya mba na ni, Ka̱za a̱ ba̱ wwon nda.”
Kyang a tyyi jem kpa nani ni
30Yesu a̱ bo yya a̱cecet nkyang nzaan ba̱gingang a a̱ssi na̱won pfong nu na nying na ba jem i kpa nani ni ba. 31Ma ba jem nna ni yi gi shim Yesu a̱mi a̱ yet Kristi, Ka̱won Ka̱za, a̱mi brak yi ku ryi ndya nyin na i gi shya sucet i diyrek nu ti.
Currently Selected:
Yohana 20: kaj
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Yohana 20
20
Yesu a̱ ta̱za i dibyyi
(Matta 28:1-8; Markut 16:1-8; Luka 24:1-12)
1Ba̱ta̱ntson ka̱tuk Ladi iya, Maryamu Magadaliya a̱ nat ka̱bvwa dibyyi ka, ka̱bvwa ka ri bvei ryin. A̱ si ryi ba tun kpang ji ban kup ryak a ni. 2Na̱ brek a̱za̱n cyi a̱ bu tyyei Siman Bitut bu ka̱won pfong ka̱yring ka Yesu na̱ cat i, a̱ bu hywa da̱ mba, “Ba tun A̱gwam Yesu i ryak a, da̱ njit ba bvwo ka̱bvwa ka ban ku myyi ni ba.”
3Bitut bu ka̱won pfong ka̱yring ka a̱ ta̱za a̱ naat ka̱bvwa dibyyi ka. 4Ba tyyi ncyi ba̱ mba ba̱hwa, ma ka̱won pfong ka̱yring ka a̱ tyong a̱ wwon Bitut a̱ si yet ka̱son a̱ tat i dibyyi ti. 5A̱ si ta̱kwut a̱ cyang a̱jijyat a̱tro nu, ma a̱ nwa i ryak a ba. 6Bitut a̱ ku tssup riryim a̱ si seyak a̱ nwa ka̱yat ryak ka. A̱ si ryi a̱jijyat a̱tro nu na̱ myyi 7bu wwang a̱tro na ba yin dop diccu Yesu ti ni. Ku yin shyi i gut ba̱zan ba̱ a̱jijyat a̱tro nu. 8Ka̱won pfong ka̱yring a̱ywu a̱ yet ka̱son a̱ si tat i dibyyi ti ni a̱ ma̱n seyak a̱ nwa ka̱yat ryak ka, a̱ si ryi a̱n wrak ka̱ryong. 9(Har ba̱nyying ba ka̱n bvwo ka̱sak ka ba̱ryat Ka̱za ban hywa di dolet a̱ ni shyek nyyai yabyen ni ba). 10Wwon na̱won pfong a a̱ brek a̱ ba ka̱ryi.
Yesu a̱ tyyei diccu nu di Maryamu Magadaliya
(Matta 28:9-10; Markut 16:9-11)
11Maryamu a̱ brek a̱ sseng ka̱bvwa dibyyi ka a̱ shyi i ka̱nak. Na̱ shyi kun na, a̱ ta̱kwut a̱ cyang ka̱yat dibyyi ka 12a̱ ryi ba̱pfong Ka̱za ba̱ mba ba̱hwa ba swat ka̱bvwa ka kom Yesu na ku yin myyi ni ba kup ba̱jijyat ba̱tro. A̱yring na̱ swat a̱za̱ gbang diccu nu, a̱yring a̱za̱gbang a̱tak u. 13Ba̱pfong Ka̱za ba a̱ hywa di Maryamu, “A̱ra̱mbyring, a̱nzan a̱n byyi an kun?”
Na̱ hywa, “Ba sook A̱gwam nzuk u, da n bvwo ka̱rek ka ba sin ku sak ni ba.”
14Na̱ bu hywa a̱mi, a̱ brak a̱ ryi Yesu na̱ sseng. Ma na̱ bvwo di Yesu a̱mi ba. 15Yesu a̱ bo ku zzim a̱ hywa, “A̱ra̱mbyring, a̱nzan a̱n byyi an kun? A̱nyan a̱mi a cat?”
Maryamu a̱ hwa da̱ a̱ntyok a̱la̱mbu nu a̱mi; a̱ hywa da̱ nu, “A̱ntyok ka̱ryi, ki nwan a̱mi ku sook, a n tyyei ka̱rek ka an ku sak ni n nat si ku sook.”
16Yesu a̱ ku yei a̱ hywa, “Maryamu!”
Na̱ brak ba ahwa a̱ hywa zi diryem ba̱nyet Yahuda ti, “Rabboni!” (Nkpa a̱ yet, “Malam!”)
17Yesu a̱ hywa da̱ nu, “Yen dyok n pyyem ba, rot n ka̱n wrak n nat da̱ A̱tyyi nu ba. Ma brek nat si tyyei ba̱wumbeyang nzuk ba di n ni yen brek nat da̱ A̱tyyi nzuk u ba̱ A̱tyyi nyin nu, Ka̱za nzuk ka bu Ka̱za nyin ka.”
18Maryamu Magadaliya a̱ brek a̱ ba di na̱won pfong A̱gwam Yesu na a̱ bu ba̱ tyyei da̱ a̱ ku ryi, a̱ bo ba̱ tyyei kyang a na̱ ku tyyei ni.
Yesu a̱ tyyei diccu nu di na̱won pfong nu na
(Matta 28:16-20; Markut 16:14-18; Luka 24:36-49)
19A̱jenshring ka̱tuk Ladi iya na̱won pfong na ba tung i bat a̱ ya hweyak a̱ tyyi, rot ba yin pfong ka̱wun ba̱cecet ba̱nyet Yahuda ka. Yesu a̱ nyyai a̱ bu sseng ka̱yat mba ka a̱ hywa, “Sa̱la̱ma nyin!” 20Wwon a̱ ba̱ tyyei mbvak nu na bu a̱rywam nu nu. Na̱won pfong a ba̱sa̱rei ba gwai ban dyi A̱gwam Yesu. 21Yesu a̱ bo hywa da̱ mba, “Sa̱la̱ma nyin! Ka̱sak ka A̱tyyi nu na̱ ni n tom ni, a̱mi n ma̱ n ya tssop.” 22Na̱ bu hywa a̱mi, a̱ ba̱ hywwak a̱ hywa, “Yi nga Tswa Ka̱za ji. 23Ba̱nyet ba yi ba̱ cii a̱ka̱tukyya mba nu ni, ba shya cii; ba̱nyet ba yi ba̱ cii i ni ba, ba ma̱ ni shya cii ba.”
Yesu bu Toma
24Toma, a̱tuba a̱yring u ka̱yat ba̱pfong swak bu ba̱hwa ka ba yin yei Ka̱hywaai ka ni, a̱ yin shyi ba̱ mba ba ka̱ram ka Yesu na̱ yin ba ni. 25Kpikpit na̱won pfong a i bu ku tyyei i hywa, “Zi ryi A̱gwam Yesu!”
Toma a̱ hywa da̱ mba, “Ki n dyi a̱huhuk nkusa na a mbvak nu na da̱ a̱ssi nzuk ba n na̱ bam di ka̱ta̱hrung nzuk n bo n tyyi bvak ka̱bvwa ka ban ku tuk a̱rywam nu ni ba, n ni shim ba.”
26Sati yring ku bu seyak, na̱won pfong a a̱ bo tung a̱ swrang ka̱yat ka̱ryi a̱ ya hweyak, Toma na̱ shyi ba̱ mba, Yesu a̱ si nwa a̱ sseng ka̱yat mba a̱ hywa da̱ mba, “Sa̱la̱ma nyin!” 27A̱wwon a̱ hywa di Toma, “Sak ka̱ta̱hrung nwan ka kyi, i cyang mbvak nzuk a. Da̱ bu neyak bvak nwan na tyyi ka̱yat a̱rywam nzuk ka. Da̱ n tyyi rya nwan na, i ryok rak shim a!”
28Toma a̱ hywa, “A̱gwam nzuk Yesu, bu Ka̱za nzuk!”
29Yesu a̱ hywa da̱ nu, “A n dyi, nwan ba ni wrak rya nwan na, ka̱ni? Ba̱nyet ba a̱ n dyi ni ba a̱ wrak ndya mba na ni, Ka̱za a̱ ba̱ wwon nda.”
Kyang a tyyi jem kpa nani ni
30Yesu a̱ bo yya a̱cecet nkyang nzaan ba̱gingang a a̱ssi na̱won pfong nu na nying na ba jem i kpa nani ni ba. 31Ma ba jem nna ni yi gi shim Yesu a̱mi a̱ yet Kristi, Ka̱won Ka̱za, a̱mi brak yi ku ryi ndya nyin na i gi shya sucet i diyrek nu ti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.