Matta 17
17
Yesu a̱ shei ryi nu na
(Markut 9:2-13; Luka 9:28-36)
1Nom a̱kitat bu seyak, Yesu a̱ yei Bitut bu ba̱wumbeyang ba̱hwa ba, Yohana bu Yakubu, ba wrak a̱ nat tazwa ntsok ba̱ nu. 2Ba bu swat-swat a̱ ryi a̱ssi nu na na brak a̱ ya a̱ssi di nom ni, ba̱tro nu ba a̱ sai ba̱kinkyai di ka̱bvwa sai ni. 3Na̱won pfong iya ba̱ mba ba̱tat a̱ ryi Musa bu Iliya ba ryat bu Yesu. 4Bitut a̱ shot ka̱nu a̱ hywa di Yesu, “A̱gwam, zi hok ansham shyi na kyi. Ki a shim, se n yya mbvut kyi ba̱na ntat; a byyi yring, Musa yring, Iliya yring.”
5Nyyai na̱ ri shyi i ba̱ryat ba, a̱ninyyan a̱ nyyai a̱ bu ba̱ kup. Ba hok diwan nyyai a a̱ninyyan na ti hywa, “Ka̱won nzuk a̱nkaa ni, nka a̱mi n nin sak rya nzuk a. Yi ka̱ hok!”
6Na̱won pfong nu na ba bu hok diwan ti, ka̱wun a̱ ba̱ pyyem ba ta̱gbok a̱ tuk a̱ccu mba na ka̱byen. 7Yesu a̱ ba a̱ bu ba̱ ra a̱ hywa, “Yi ta̱za, yi ryok hok ka̱wun ba.” 8Ba bu yrek a̱ssi mba na a̱ ryi Yesu na̱ sseng ba̱diyin.
9Ba bu kyrep a̱ bai ka̱byen nyyai tazwa ntsok ka, Yesu a̱ ba̱ gbang a̱ hywa da̱ mba, “Yi ryok tyyei a̱yin kyang a yi ryi ni ba, se ka̱ram ka nzuk Ka̱won A̱neywu n nin ta̱za nyyai a̱yabyen ka ni.”
10Na̱won pfong a a̱ zzim Yesu a̱ hywa, “A̱nzan a̱n byyi ba̱malam Truwang ba ban hywa di Iliya a̱mi a̱ ni yet ka̱son a̱ ba?”
11Yesu a̱ hywa, “Ee, ka̱ryong a̱mi, Iliya a̱mi a̱ yet ka̱son bai ka a̱ bu jyi kozan kyang. 12Ma kyang a yi bvwo ni ba, Iliya a̱ wa ka̱n ba, ma ba̱nyet ba a̱ bu ku ryi a̱ bvwong ba, a̱ ku yya kyang a ba cat i. A̱mi brak nzuk Ka̱won A̱neywu ka n nin sswa ka̱bvung a mbvak mba na.”
13Na̱won pfong a a̱ si bvwo Yohana A̱yya Baptisma a̱mi na̱ ryat ba̱ mba.
Yesu a̱ creng ka̱bawon ka a̱ byyi a̱ka̱tuk tswa ni
(Markut 9:14-29; Luka 9:37-43a)
14Ba bu brek a̱ ba ka̱yat ka̱tswa ba̱nyet ka, a̱yanyet a̱ nyyai a̱ bu ta̱gbok di Yesu 15a̱ hywa, “Malam, hok dizot ka̱won nzuk ti. A̱ yet a̱ntyok ya rong ncen a̱ sswa ka̱bvung ba̱gingang, ka̱ram ka̱yaan na̱ kpa an dong ko ka̱yat ba̱shekwot. 16To, am ba ba̱ nu di na̱won pfong nwan na ba bu maai a̱ ku creng ba.”
17Yesu a̱ hywa da̱ mba, “A̱nzan taka̱i ba̱nyet sang ntyyi rya yi yet? A̱nzan ka̱ram n nin swat n shyi bu ba̱ nyin? A̱nzan ka̱ram n nin yya hakuri ba̱ nyin?” Wwon a̱ hywa da̱ a̱tyyi ka̱won nu, “Ba da̱ nka kyi!” 18Yesu a̱ kam a̱ka̱tuk tswa nu na̱ wruk; ka̱ram iya ka̱won ka a̱ creng.
19Na̱won pfong a a̱ bang a̱ bu zzim Yesu a̱ hywa, “A̱nzan a̱n byyi tswa iya zi bu n za kaat nyying a?”
20Yesu a̱ hywa, “Rot tyyi rya nyin na zzak. Ka̱ryong n ya tyyei: ki yi byyi tyyi rya ku shii di cincong tswa ma̱stad ni, ki yi hywa di dihwan tini ‘Drok nat ka̱yaani,’ a ryi ti nat. Ba kyang a ni ya kaat yya ni ba. [ 21Ma taka̱i ani, kyang yaan n shyi ni kpo tun ba, se ba̱ a̱zumi ba̱ a̱duwa.]”
Yesu a̱ bo tyyei dikwu nu ti
(Markut 9:30-32; Luka 9:43b-45)
22Ka̱ram ka sa̱rei na̱won pfong a ban tung Galili ni, Yesu a̱ hywa da̱ mba, “Ka̱ram a̱ bvat ba̱cincong ba n pyyem, nzuk Ka̱won A̱neywu, a̱ wrak ba̱nyet. 23Mba a̱ ni n hywat, ma ka̱tuk nom ntat n nin ta̱za.”
Na̱won pfong a a̱ hok rya byyan ba̱t.
Trang diga̱ndu bat Ka̱za
24Yesu bu na̱won pfong nu na ba bu nwa Ka̱fa̱rna̱hum, ba̱nyet ssang diga̱ndu bat Ka̱za ba a̱ nyyai a̱ ba di Bitut a̱ bu ku zzim a̱ hywa, “Malam nyin nu a̱ trang diga̱ndu bat Ka̱za ti e?”
25Bitut a̱ hywa, “A̱ trang ma̱na.”
Ka̱ram ka Bitut na̱n brek a̱ nwa ka̱ryi ka ni, Yesu a̱ yet ka̱son a̱ hywa da̱ nu, “Bitut, a ryi ni? Ba̱nzan a̱ trang diga̱ndu ti di ba̱gwam ka̱sa bani? Ba̱nyet ka̱nkrang ba? Ki ba̱necen?”
26Bitut a̱ hywa, “Ba̱necen a̱mi.”
Yesu a̱ hywa, “To, rot a̱mi ba̱nyet ka̱nkrang ba a̱ byyi hywak tan diga̱ndu na ba. 27Ma zi cat ba ryi hywak njit ba. Rot a̱mi se a nat i kei ba̱shekwot ti i si krok a̱riryek u, ka̱tsitsrang hwon ka a pyyem ni a yrang ka̱nu ka n shya krum ji maai tan diga̱ndu nwan ti sa̱rei ba̱ nzuk ni, a ba bun ba̱ tan diga̱ndu njit ti.”
Currently Selected:
Matta 17: kaj
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Matta 17
17
Yesu a̱ shei ryi nu na
(Markut 9:2-13; Luka 9:28-36)
1Nom a̱kitat bu seyak, Yesu a̱ yei Bitut bu ba̱wumbeyang ba̱hwa ba, Yohana bu Yakubu, ba wrak a̱ nat tazwa ntsok ba̱ nu. 2Ba bu swat-swat a̱ ryi a̱ssi nu na na brak a̱ ya a̱ssi di nom ni, ba̱tro nu ba a̱ sai ba̱kinkyai di ka̱bvwa sai ni. 3Na̱won pfong iya ba̱ mba ba̱tat a̱ ryi Musa bu Iliya ba ryat bu Yesu. 4Bitut a̱ shot ka̱nu a̱ hywa di Yesu, “A̱gwam, zi hok ansham shyi na kyi. Ki a shim, se n yya mbvut kyi ba̱na ntat; a byyi yring, Musa yring, Iliya yring.”
5Nyyai na̱ ri shyi i ba̱ryat ba, a̱ninyyan a̱ nyyai a̱ bu ba̱ kup. Ba hok diwan nyyai a a̱ninyyan na ti hywa, “Ka̱won nzuk a̱nkaa ni, nka a̱mi n nin sak rya nzuk a. Yi ka̱ hok!”
6Na̱won pfong nu na ba bu hok diwan ti, ka̱wun a̱ ba̱ pyyem ba ta̱gbok a̱ tuk a̱ccu mba na ka̱byen. 7Yesu a̱ ba a̱ bu ba̱ ra a̱ hywa, “Yi ta̱za, yi ryok hok ka̱wun ba.” 8Ba bu yrek a̱ssi mba na a̱ ryi Yesu na̱ sseng ba̱diyin.
9Ba bu kyrep a̱ bai ka̱byen nyyai tazwa ntsok ka, Yesu a̱ ba̱ gbang a̱ hywa da̱ mba, “Yi ryok tyyei a̱yin kyang a yi ryi ni ba, se ka̱ram ka nzuk Ka̱won A̱neywu n nin ta̱za nyyai a̱yabyen ka ni.”
10Na̱won pfong a a̱ zzim Yesu a̱ hywa, “A̱nzan a̱n byyi ba̱malam Truwang ba ban hywa di Iliya a̱mi a̱ ni yet ka̱son a̱ ba?”
11Yesu a̱ hywa, “Ee, ka̱ryong a̱mi, Iliya a̱mi a̱ yet ka̱son bai ka a̱ bu jyi kozan kyang. 12Ma kyang a yi bvwo ni ba, Iliya a̱ wa ka̱n ba, ma ba̱nyet ba a̱ bu ku ryi a̱ bvwong ba, a̱ ku yya kyang a ba cat i. A̱mi brak nzuk Ka̱won A̱neywu ka n nin sswa ka̱bvung a mbvak mba na.”
13Na̱won pfong a a̱ si bvwo Yohana A̱yya Baptisma a̱mi na̱ ryat ba̱ mba.
Yesu a̱ creng ka̱bawon ka a̱ byyi a̱ka̱tuk tswa ni
(Markut 9:14-29; Luka 9:37-43a)
14Ba bu brek a̱ ba ka̱yat ka̱tswa ba̱nyet ka, a̱yanyet a̱ nyyai a̱ bu ta̱gbok di Yesu 15a̱ hywa, “Malam, hok dizot ka̱won nzuk ti. A̱ yet a̱ntyok ya rong ncen a̱ sswa ka̱bvung ba̱gingang, ka̱ram ka̱yaan na̱ kpa an dong ko ka̱yat ba̱shekwot. 16To, am ba ba̱ nu di na̱won pfong nwan na ba bu maai a̱ ku creng ba.”
17Yesu a̱ hywa da̱ mba, “A̱nzan taka̱i ba̱nyet sang ntyyi rya yi yet? A̱nzan ka̱ram n nin swat n shyi bu ba̱ nyin? A̱nzan ka̱ram n nin yya hakuri ba̱ nyin?” Wwon a̱ hywa da̱ a̱tyyi ka̱won nu, “Ba da̱ nka kyi!” 18Yesu a̱ kam a̱ka̱tuk tswa nu na̱ wruk; ka̱ram iya ka̱won ka a̱ creng.
19Na̱won pfong a a̱ bang a̱ bu zzim Yesu a̱ hywa, “A̱nzan a̱n byyi tswa iya zi bu n za kaat nyying a?”
20Yesu a̱ hywa, “Rot tyyi rya nyin na zzak. Ka̱ryong n ya tyyei: ki yi byyi tyyi rya ku shii di cincong tswa ma̱stad ni, ki yi hywa di dihwan tini ‘Drok nat ka̱yaani,’ a ryi ti nat. Ba kyang a ni ya kaat yya ni ba. [ 21Ma taka̱i ani, kyang yaan n shyi ni kpo tun ba, se ba̱ a̱zumi ba̱ a̱duwa.]”
Yesu a̱ bo tyyei dikwu nu ti
(Markut 9:30-32; Luka 9:43b-45)
22Ka̱ram ka sa̱rei na̱won pfong a ban tung Galili ni, Yesu a̱ hywa da̱ mba, “Ka̱ram a̱ bvat ba̱cincong ba n pyyem, nzuk Ka̱won A̱neywu, a̱ wrak ba̱nyet. 23Mba a̱ ni n hywat, ma ka̱tuk nom ntat n nin ta̱za.”
Na̱won pfong a a̱ hok rya byyan ba̱t.
Trang diga̱ndu bat Ka̱za
24Yesu bu na̱won pfong nu na ba bu nwa Ka̱fa̱rna̱hum, ba̱nyet ssang diga̱ndu bat Ka̱za ba a̱ nyyai a̱ ba di Bitut a̱ bu ku zzim a̱ hywa, “Malam nyin nu a̱ trang diga̱ndu bat Ka̱za ti e?”
25Bitut a̱ hywa, “A̱ trang ma̱na.”
Ka̱ram ka Bitut na̱n brek a̱ nwa ka̱ryi ka ni, Yesu a̱ yet ka̱son a̱ hywa da̱ nu, “Bitut, a ryi ni? Ba̱nzan a̱ trang diga̱ndu ti di ba̱gwam ka̱sa bani? Ba̱nyet ka̱nkrang ba? Ki ba̱necen?”
26Bitut a̱ hywa, “Ba̱necen a̱mi.”
Yesu a̱ hywa, “To, rot a̱mi ba̱nyet ka̱nkrang ba a̱ byyi hywak tan diga̱ndu na ba. 27Ma zi cat ba ryi hywak njit ba. Rot a̱mi se a nat i kei ba̱shekwot ti i si krok a̱riryek u, ka̱tsitsrang hwon ka a pyyem ni a yrang ka̱nu ka n shya krum ji maai tan diga̱ndu nwan ti sa̱rei ba̱ nzuk ni, a ba bun ba̱ tan diga̱ndu njit ti.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.