Matta 22
22
Gan tazwa nyreng
(Luka 14:15-24)
1Yesu a̱ bo nwa ba̱ zzek a̱za̱n misalai, a̱ hywa da̱ mba, 2“Dityok Tazwa ti ryi da̱ a̱gwam u a̱ yin yya dihywa tyei ka̱won nu a̱mbyring ni. 3A̱ tom ba̱kwwa nu ba si yei ba̱nyet ba ba ka̱n ba̱ tyyei nyreng a ni, ma ba rak ba na. 4Na̱ si bo tom ba̱kwwa ba̱yaan di ba si tyyei ba̱nyet ba ba yei ni a̱ hywa, ‘Ba ka̱n wan nkyangya, a̱ hwak nyak ji byyi ndwam ni, a̱ tyak kozan kyang a̱n ya pfong. Se yi ba nyreng a!’ 5Ma ba rak, koyan a̱ pyyem ryen a̱ nat ka̱rek ka na̱ cat i: a̱yanyet a̱ nat keyak, a̱yanyet za, 6kpikpit a i pyyem ba̱kwwa ba a̱ yya da̱ mba a̱ ba̱ hywaai. 7A̱gwam u a̱ yya diryen a̱ tom nsoja nu na na si pyyem ba̱nyet hywaai ba̱kwwa iya a̱ hywaai a̱ hwwi ka̱nkrang mba ka, kap! 8A̱gwam u a̱ si hywa di ba̱kwwa nu ba, ‘To, ba tyak jyi nkyang dihywa nyreng a, ma ba̱nyet ba ba yei ni a̱ myim ba na ba. 9Rot a̱mi se yi sook na̱ta̱ryen ka̱nkrang a i yei sa̱rei ba̱nyet ba yi shya ni ba ba dihywa ji.’ 10Ba̱kwwa ba a̱ si ma̱ nwa ka̱nkrang a̱ tssup na̱ta̱ryen na a̱ yei sa̱rei ba̱nyet ba ba shya ni, di ba̱ka̱tuk di ba̱tsatsak, hat ka̱ryi nyreng ka a̱ rat.
11“A̱gwam u na̱ bu nwa a̱ ni cyang ba̱yecen ba, a̱ si ryi a̱yanyet na̱ swat a̱n byyi a̱tro nyreng u ba ku ryi ni ba. 12Na̱ hywa da̱ nu, ‘A̱rywai nzuk, a cong ni bun nwa, da̱ nwan ba byyi a̱tro nyreng u ba?’ A̱tuba a̱ywu a̱ maai krang kyang ba. 13A̱gwam u a̱ hywa di ba̱kwwa nu ba, ‘Yi ku pyyem rop a̱tak bu mbvak i ku ta a ma ndyin ka̱yaani. Ka̱ yemi na̱ nin kun a̱ rywei mbvak a̱ ta̱sang.’ ”
14Yesu na̱ bu tyak a̱ hywa, “Ba yei ba̱nyet ba̱gingang, ma ba̱nyet ba ba tssa ni a̱ shii ka̱tswa ba.”
Ba̱ryat trang diga̱ndu
(Markut 12:13-17; Luka 20:20-26)
15Ba̱nyet Farisa a̱yaan a̱ drok a̱ si rop ka̱nu a̱ ni tssem Yesu i ba̱ryat nu ba. 16A̱ tom na̱won pfong mba na̱yaan nta̱mak bu ba̱nyet Hirudut ba̱yaan. Ba nyyai a̱ bu hywa di Yesu, “Malam, zi bvwo a kok ka̱ryong. A zzek ka̱ryong nkyang a Ka̱za ka cat di ba̱nyet ba ni, da̱ nwan ba dam a̱huhwa ba̱nyet ba, rot a dam bu kyang a a̱yin na̱ yet i ba. 17Rot a̱mi zi cat a za tyyei kyang a a ryi ni. Ku myim zi trang diga̱ndu di A̱gwam Rom a, ki ku myim ba?”
18Yesu a̱ bvwo ka̱sak ka ban ku tssem ni, a̱ hywa da̱ mba, “Nyin ba̱nyet a̱ka̱tuk a̱huhwa, a̱nzan a̱ ya ba yin cat n tssem? 19Yi ba di krum ji ban trang diga̱ndu ti ni zi yen dyi.”
Ba ku ryi 20na̱ hywa da̱ mba, “Ma̱nwwuk a̱nyan bu diyrek a̱nyan ntinini?”
21Ba hywa, “Ma̱nwwuk bu diyrek A̱gwam Rom a̱mi.”
Yesu a̱ hywa da̱ mba, “To, se yi wrak A̱gwam Rom kyang a yet nnu ni, i wrak Ka̱za kyang a yet nka ni.”
22Ba bu hok a̱mi, ka̱hat i ba̱ pyyem, ba kam a̱ ku wwon.
Ba̱ryat ta̱za nyyai a̱yabyen
(Markut 12:18-27; Luka 20:27-40)
23Bu ka̱tuk iya, ba̱nyet Sadusi yaan i ba di Yesu bu zzim. (Mba a̱mi a̱ yin zzek da̱ a̱yin a̱n kwu a̱ bo ta̱za ba.) Ba bu zzim Yesu 24a̱ hywa, “Malam, Musa a̱ yin zzek di ka̱ a̱yin a̱ kwu a̱ wwon a̱mbyring nu di na̱ byyi ka̱won ba, dolet a̱wumba nu nu a̱ sook a̱mbyring a̱ywu a̱ ga n ku shya byik. 25To, ba̱wumbeyang ba̱yaan a̱ yin shyi a̱tiyring. A̱nekwo mba nu a̱ bvwa a̱mbyring, a̱ kwu a̱ wwon ba byyi ka̱won ba. A̱shishyi nu a̱ ku tssup ni a̱ sook a̱mbyring u 26a̱ bo ma̱n kwu. A̱mi a̱tuba nu a̱ ku tssup ni, hat sa̱rei mba a̱tiyring ba kwi a̱ tyak bam bu ka̱won. 27A̱mbyring u a̱ si ma̱n yya a̱ kwu. 28To, ka̱tuk ka ba̱nyet ba ba nin ta̱za nyyai a̱yabyen ka ni, a̱mbyring u a̱ ni yet a̱nying a̱nyan? Rot, sa̱rei mba a̱ yin ku breng.”
29Yesu a̱ hywa da̱ mba, “To, yi brik rot yi bvwo ba̱ryat Ka̱za ba, da̱ nyin ba bvwo cet Ka̱za ba. 30Ka̱ram ka ba̱nyet ban ta̱za nyyai a̱yabyen ni ba ni ryi di ba̱pfong Ka̱za Tazwa ni, di nyreng a̱mbyring ba̱ a̱ntyok a̱ bo ni shyi ba. 31Ki ba̱ryat ta̱za nyyai a̱yabyen ka, yi ka̱n twang kyang a ba̱ryat Ka̱za ba ban hywa ni baa? Ba hywa da̱ nyin, 32‘Nzuk a̱mi n yet Ka̱za ba̱nyet Ibrahim bu Ishaku bu Yakubu.’ Rot a̱mi a̱ yet Ka̱za ba̱nyet ka a̱ yet a̱cet i, ba ka̱nying nkom ba.”
33Ka̱tswa ba̱nyet ka a̱ bu hok ba̱ryat nu ba a̱ yya ka̱hat bu zzek nu na.
A̱kpok truwang
(Markut 12:28-34; Luka 10:25-28)
34To, ba̱nyet Farisa na ba bu hok ka̱sak ka Yesu na̱n tyak bu ba̱nyet Sadusi na ni, ba brek a̱ bu mon ka̱nu. 35A̱yanyet ka̱yat mba, a̱ yin bvwo Truwang ji ba̱t, a̱ cat tssem Yesu a̱ hywa, 36“Malam, a̱nzan a̱ yet a̱kpok truwang nu ka̱yat Truwang ka?”
37Yesu a̱ hywa, “ ‘A ni gwai Ka̱za bu rya nwan sa̱rei bu sso nwan ji bu cet nwan na.’ 38Nji a̱mi yet ka̱tsitsrang ba̱ a̱kpok truwang nu. 39A̱mba̱hwa nu a̱ ma̱n dyi ba̱rimi, ‘A ni gwai a̱wumba nwan di diccu nwan ni.’ 40Sa̱rei Truwang Musa ji bu zzek ba̱nyet tyyei ba̱ryat Ka̱za na tssup truwang swa jini.”
Zzim tazwa Kristi
(Markut 12:35-37; Luka 20:41-44)
41Ba̱nyet Farisa na ba bu tung ka̱rek ka̱yring, Yesu a̱ ba̱ zzim a̱ hywa, 42“A̱nzan yi hwa tazwa Kristi ka? A̱ yet ka̱mbvon a̱nyan?”
Ba hywa, “A̱ yet ka̱mbvon Dawuda.”
43Yesu a̱ hywa, “To, a̱nzan a̱ yin byyi ka̱ram ka Tswa Ka̱za zi yin nwa nu Dawuda nu ni na̱ ku yei A̱gwam. Rot nu Dawuda a̱ yin hywa,
44‘A̱gwam Ka̱za a̱ hywa da̱ A̱gwam nzuk u,
Swrang kyi mbvak yak nzuk
se ka̱ram ka n ni nda ba̱ra̱ndwan nwan sa̱rei n tyyi ka̱ntai tak nwan ni.’
45To, ki Dawuda a̱ ku yei A̱gwam nu, to, na̱ bo cong ni a̱n yet ka̱mbvon nu ka?”
46A̱yin a̱ maai a̱ ku brak i ba. Kuma nyyai ka̱tuk iya a̱yin a̱ bo maai sseng a̱ ku zzim kyang ba.
Currently Selected:
Matta 22: kaj
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Matta 22
22
Gan tazwa nyreng
(Luka 14:15-24)
1Yesu a̱ bo nwa ba̱ zzek a̱za̱n misalai, a̱ hywa da̱ mba, 2“Dityok Tazwa ti ryi da̱ a̱gwam u a̱ yin yya dihywa tyei ka̱won nu a̱mbyring ni. 3A̱ tom ba̱kwwa nu ba si yei ba̱nyet ba ba ka̱n ba̱ tyyei nyreng a ni, ma ba rak ba na. 4Na̱ si bo tom ba̱kwwa ba̱yaan di ba si tyyei ba̱nyet ba ba yei ni a̱ hywa, ‘Ba ka̱n wan nkyangya, a̱ hwak nyak ji byyi ndwam ni, a̱ tyak kozan kyang a̱n ya pfong. Se yi ba nyreng a!’ 5Ma ba rak, koyan a̱ pyyem ryen a̱ nat ka̱rek ka na̱ cat i: a̱yanyet a̱ nat keyak, a̱yanyet za, 6kpikpit a i pyyem ba̱kwwa ba a̱ yya da̱ mba a̱ ba̱ hywaai. 7A̱gwam u a̱ yya diryen a̱ tom nsoja nu na na si pyyem ba̱nyet hywaai ba̱kwwa iya a̱ hywaai a̱ hwwi ka̱nkrang mba ka, kap! 8A̱gwam u a̱ si hywa di ba̱kwwa nu ba, ‘To, ba tyak jyi nkyang dihywa nyreng a, ma ba̱nyet ba ba yei ni a̱ myim ba na ba. 9Rot a̱mi se yi sook na̱ta̱ryen ka̱nkrang a i yei sa̱rei ba̱nyet ba yi shya ni ba ba dihywa ji.’ 10Ba̱kwwa ba a̱ si ma̱ nwa ka̱nkrang a̱ tssup na̱ta̱ryen na a̱ yei sa̱rei ba̱nyet ba ba shya ni, di ba̱ka̱tuk di ba̱tsatsak, hat ka̱ryi nyreng ka a̱ rat.
11“A̱gwam u na̱ bu nwa a̱ ni cyang ba̱yecen ba, a̱ si ryi a̱yanyet na̱ swat a̱n byyi a̱tro nyreng u ba ku ryi ni ba. 12Na̱ hywa da̱ nu, ‘A̱rywai nzuk, a cong ni bun nwa, da̱ nwan ba byyi a̱tro nyreng u ba?’ A̱tuba a̱ywu a̱ maai krang kyang ba. 13A̱gwam u a̱ hywa di ba̱kwwa nu ba, ‘Yi ku pyyem rop a̱tak bu mbvak i ku ta a ma ndyin ka̱yaani. Ka̱ yemi na̱ nin kun a̱ rywei mbvak a̱ ta̱sang.’ ”
14Yesu na̱ bu tyak a̱ hywa, “Ba yei ba̱nyet ba̱gingang, ma ba̱nyet ba ba tssa ni a̱ shii ka̱tswa ba.”
Ba̱ryat trang diga̱ndu
(Markut 12:13-17; Luka 20:20-26)
15Ba̱nyet Farisa a̱yaan a̱ drok a̱ si rop ka̱nu a̱ ni tssem Yesu i ba̱ryat nu ba. 16A̱ tom na̱won pfong mba na̱yaan nta̱mak bu ba̱nyet Hirudut ba̱yaan. Ba nyyai a̱ bu hywa di Yesu, “Malam, zi bvwo a kok ka̱ryong. A zzek ka̱ryong nkyang a Ka̱za ka cat di ba̱nyet ba ni, da̱ nwan ba dam a̱huhwa ba̱nyet ba, rot a dam bu kyang a a̱yin na̱ yet i ba. 17Rot a̱mi zi cat a za tyyei kyang a a ryi ni. Ku myim zi trang diga̱ndu di A̱gwam Rom a, ki ku myim ba?”
18Yesu a̱ bvwo ka̱sak ka ban ku tssem ni, a̱ hywa da̱ mba, “Nyin ba̱nyet a̱ka̱tuk a̱huhwa, a̱nzan a̱ ya ba yin cat n tssem? 19Yi ba di krum ji ban trang diga̱ndu ti ni zi yen dyi.”
Ba ku ryi 20na̱ hywa da̱ mba, “Ma̱nwwuk a̱nyan bu diyrek a̱nyan ntinini?”
21Ba hywa, “Ma̱nwwuk bu diyrek A̱gwam Rom a̱mi.”
Yesu a̱ hywa da̱ mba, “To, se yi wrak A̱gwam Rom kyang a yet nnu ni, i wrak Ka̱za kyang a yet nka ni.”
22Ba bu hok a̱mi, ka̱hat i ba̱ pyyem, ba kam a̱ ku wwon.
Ba̱ryat ta̱za nyyai a̱yabyen
(Markut 12:18-27; Luka 20:27-40)
23Bu ka̱tuk iya, ba̱nyet Sadusi yaan i ba di Yesu bu zzim. (Mba a̱mi a̱ yin zzek da̱ a̱yin a̱n kwu a̱ bo ta̱za ba.) Ba bu zzim Yesu 24a̱ hywa, “Malam, Musa a̱ yin zzek di ka̱ a̱yin a̱ kwu a̱ wwon a̱mbyring nu di na̱ byyi ka̱won ba, dolet a̱wumba nu nu a̱ sook a̱mbyring a̱ywu a̱ ga n ku shya byik. 25To, ba̱wumbeyang ba̱yaan a̱ yin shyi a̱tiyring. A̱nekwo mba nu a̱ bvwa a̱mbyring, a̱ kwu a̱ wwon ba byyi ka̱won ba. A̱shishyi nu a̱ ku tssup ni a̱ sook a̱mbyring u 26a̱ bo ma̱n kwu. A̱mi a̱tuba nu a̱ ku tssup ni, hat sa̱rei mba a̱tiyring ba kwi a̱ tyak bam bu ka̱won. 27A̱mbyring u a̱ si ma̱n yya a̱ kwu. 28To, ka̱tuk ka ba̱nyet ba ba nin ta̱za nyyai a̱yabyen ka ni, a̱mbyring u a̱ ni yet a̱nying a̱nyan? Rot, sa̱rei mba a̱ yin ku breng.”
29Yesu a̱ hywa da̱ mba, “To, yi brik rot yi bvwo ba̱ryat Ka̱za ba, da̱ nyin ba bvwo cet Ka̱za ba. 30Ka̱ram ka ba̱nyet ban ta̱za nyyai a̱yabyen ni ba ni ryi di ba̱pfong Ka̱za Tazwa ni, di nyreng a̱mbyring ba̱ a̱ntyok a̱ bo ni shyi ba. 31Ki ba̱ryat ta̱za nyyai a̱yabyen ka, yi ka̱n twang kyang a ba̱ryat Ka̱za ba ban hywa ni baa? Ba hywa da̱ nyin, 32‘Nzuk a̱mi n yet Ka̱za ba̱nyet Ibrahim bu Ishaku bu Yakubu.’ Rot a̱mi a̱ yet Ka̱za ba̱nyet ka a̱ yet a̱cet i, ba ka̱nying nkom ba.”
33Ka̱tswa ba̱nyet ka a̱ bu hok ba̱ryat nu ba a̱ yya ka̱hat bu zzek nu na.
A̱kpok truwang
(Markut 12:28-34; Luka 10:25-28)
34To, ba̱nyet Farisa na ba bu hok ka̱sak ka Yesu na̱n tyak bu ba̱nyet Sadusi na ni, ba brek a̱ bu mon ka̱nu. 35A̱yanyet ka̱yat mba, a̱ yin bvwo Truwang ji ba̱t, a̱ cat tssem Yesu a̱ hywa, 36“Malam, a̱nzan a̱ yet a̱kpok truwang nu ka̱yat Truwang ka?”
37Yesu a̱ hywa, “ ‘A ni gwai Ka̱za bu rya nwan sa̱rei bu sso nwan ji bu cet nwan na.’ 38Nji a̱mi yet ka̱tsitsrang ba̱ a̱kpok truwang nu. 39A̱mba̱hwa nu a̱ ma̱n dyi ba̱rimi, ‘A ni gwai a̱wumba nwan di diccu nwan ni.’ 40Sa̱rei Truwang Musa ji bu zzek ba̱nyet tyyei ba̱ryat Ka̱za na tssup truwang swa jini.”
Zzim tazwa Kristi
(Markut 12:35-37; Luka 20:41-44)
41Ba̱nyet Farisa na ba bu tung ka̱rek ka̱yring, Yesu a̱ ba̱ zzim a̱ hywa, 42“A̱nzan yi hwa tazwa Kristi ka? A̱ yet ka̱mbvon a̱nyan?”
Ba hywa, “A̱ yet ka̱mbvon Dawuda.”
43Yesu a̱ hywa, “To, a̱nzan a̱ yin byyi ka̱ram ka Tswa Ka̱za zi yin nwa nu Dawuda nu ni na̱ ku yei A̱gwam. Rot nu Dawuda a̱ yin hywa,
44‘A̱gwam Ka̱za a̱ hywa da̱ A̱gwam nzuk u,
Swrang kyi mbvak yak nzuk
se ka̱ram ka n ni nda ba̱ra̱ndwan nwan sa̱rei n tyyi ka̱ntai tak nwan ni.’
45To, ki Dawuda a̱ ku yei A̱gwam nu, to, na̱ bo cong ni a̱n yet ka̱mbvon nu ka?”
46A̱yin a̱ maai a̱ ku brak i ba. Kuma nyyai ka̱tuk iya a̱yin a̱ bo maai sseng a̱ ku zzim kyang ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.