Naiˍ htangˍ 28
28
Meˍleˍteˍ cunˉ veu Pawˉluˆ ca beu awˍ lawng.
1Gu kangˍ naeˍ chaw naeˉ na caeˉ taw saˍ yao, cunˉ hingˉ ngaˍ Meˍleˍteˍ nae maengˉ naeˉ na ya bae yaeˉ. 2Cunˉ hingˉ hkaoˉ veu ca naeˉ uiˉ changˉ uiˉ gu na saˍ kyaˍ kyaˍ laˍ yao, maenˍ pawngˍ van lang ngaeˉ. Aˉ mae yao nae baoˉ vaˍ, miˍ hawˍ lui yao ang chawˍ nae pa, yawng miˍ htawˍ cuing yao gu na hap yuˉ langˍ ngaeˉ. 3Haeˉ mae beu, Pawˉluˆ maˇ suingˍ kui htiˍ cuingˍ kaw yao miˍ htawˍ chamˍ nga laeˍ beu, miˍ htawˍ ang hawngˉ nae yao u langˉ ang haiˉ htiˍ mangˍ awkˍ taw laˍ yao, Pawˉluˆ na laˍ puˍ veu panˉ na jiˉ. 4Hiˉ keung veu ca naeˉ uiˉ changˉ htiˍ baˍ uiˍ Pawˉluˆ beu laˍ puˍ veu u langˉ ang haiˉ mangˉ panˉ na jiˉ na ya myangˉ beu, yawng ciˍ jiˍ, Changˉ niˉ maˇ, changˉ na saeˍ naeˍ uiˉ maˉ manˉ jaˇ. Chaˍ maeˍ langˍ ba veu, yang ya punˍ yao muiˉ, ang sui pawng uiˉ na, yang aˉ sak piˉ taeˍ yaˍ naeˍ uiˉ a hkvangˍ baˍ piˍ jiˍ nae htiˍ hu nae htiˍ hu hkai lang jiˉ. 5Pawˉluˆ nawˍ, u langˉ hingˉ mangˉ na miˍ htawˍ hkaoˍ veu hpuik kla yao, yang ang to htiˍ ceuˍ baˍ hpeuˍ. 6Yang ang to hingˉ ungˍ laˉ yao, baˍ baoˇ, htiˍ chitˍ nae heung nga aengˉ naˇ nae, yawng kuitˆ yao hu yao ca jiˉ. Caˇ, ang mangˍ hawˍ yao muiˉ, yang htiˍ ceuˍ baˍ hpeuˍ laˉ nae yawng ya myangˉ beu, yawng hkamˍ kuit hingˉ penˉ na laeˍ yao, changˉ niˉ maˇ Hpaˍcaoˍ htiˍ hu jaˇ nae hkai lang jiˉ. 7Ca kyaˉ hingˉ htang veu, cunˉ awn hoˉ Puˍbaˍliˆ nae maengˉ jiˉ htiˍ hu maˇ, nuingˉ chaˍ htiˍ baˍ ca jiˉ. Yang gu na maenˍ nae hap yuˉ laˍ yao, sumˍ nuing veu tiˍ hkeu gu na piˉ yaˍ kamˍ yaˍ laˍ ngaeˉ. 8Haeˉ mae beu, Puˍbaˍliˆ beu ya vangˉ maˇ, daˉ biˍ yao shiˍ ui yao ca jiˉ. Pawˉluˆ yang kawngˉ laeˍ yao, ang buinˉ paˉ peunˉ piˍ naeˍ nawngˍ veu yang htaˍ veu laˍ puˍ boeˉ biˍ nae, yang na taeng pyo biˍ jiˍ. 9Haeˉ mae hpeuˍ laˍ jiˉ pa nae, cunˉ hingˉ veu ca naeˉ changˉ daˉ changˉ kyangˉ uiˉ muiˉ laˉ yao, Pawˉluˆ yawng na muiˉ taeng pyo biˍ jiˍ. 10Yawng muiˉ gu na saˍ nyamˉ laˍ yao, gu heuˍ ta yao awkˍ taw aengˉ laeˍ beu, gu hkaˉ loˉ naeˉ uiˉ ang keungˍ heuˍ htaˍ veu kan laˍ jiˍ.
Roˉmaˆ vengˍ veu Pawˉluˆ hkeu lae jiˉ
11Sumˍ ha hkeu naeˉ nawngˍ veu, Aˍleˍsaˍduˆ vengˍ changˍ beu heuˍ htiˍ mangˍ mangˍ na gu ta yao awkˍ yao aeˉ laeˍ. Heuˍ hiˍ maˇ, chawˍ nyamˍ peunˉ na beu tiˍ hkeu cunˉ hawˆ saoˍ yao ca jiˉ. Heuˍ hiˍ mangˉ beu ang tuˍ veu awˍ hang hingˉ ngaˍ, ta pawˉ lang pawˉ ang bongˉ aiˉ nae ang maengˉ ya jiˉ. 12Suˉraˍkokˆ vengˍ veu hkeu aeˉ yao, hiˉ keung gu sumˍ nuing veu tiˍ hkeu ca yaeˉ. 13Gu hiˉ keung awkˍ taw aengˉ laeˍ yao, Reˍgiˍonˍ vengˍ veu hkeu lae yaeˉ. Kaˉ nawngˍ veu hingˉ htiˍ nuing veu, ang awˍ kaˍ seu ca yao hawˉ manˉ taw laˉ yao, nyiˍ nuing htiˍ nuing hkeu beu, Pawˉtaˍyawˆliˆ vengˍ veu hkeu lae yaeˉ. 14Hiˉ keung veu gu beu yumˉ naeˉ saˉ naeˉ uiˉ changˉ na myangˉ lang yao, yawng kawngˉ cetˍ nuing bawˍ beun voˍ nae gu na paˉ laˍ ngaeˉ. Gu ningˉ mae ha yao Roˉmaˆ vengˍ veu kaˉ ba yawˍ yao lae yaeˉ. 15Hiˉ keung veu ca naeˉ yumˉ naeˉ saˉ naeˉ uiˉ changˉ ngaˍ, gu laˉ jiˉ na ya kyaˍ beu, Aˍpiˆ katˆ nae haoˉ naeˉ htiˍ tawngˍ veu, saˍ laˍ sumˍ yumˍ nae haoˉ naeˉ hingˉ keung veu tiˍ hkeu laˉ yao, gu na hap yuˉ lui langˍ ngaeˉ. Pawˉluˆ yawng na ya myangˉ beu, Hpaˍcaoˍ beu ang buinˉ na chiˍ mawng yao kaˍ ca laˉ jiˉ.
16Yawng Roˉmaˆ vengˍ veu hkeu lae beu, Pawˉluˆ nawˍ yang na hawˍ naeˍ luk suitˆ htiˍ hu mangˉ kawngˉ htuˍ yaˍ laˉ mae ya ca naeˉ uiˉ aˉ hkvangˍ ya jiˉ.
Roˉmaˆ vengˍ hkaoˍ veu Pawˉluˆ ang buinˉ tangˍ maˍ jiˍ
17Sumˍ nuing hkeu laˉ yao, Pawˉluˆ nawˍ hiˉ keung ca naeˉ Yuˉdaˆ changˉ uiˉ hkaoˉ veu awn hoˉ uiˉ na haoˉ va jiˉ. Yawng hpawm lang beu, Pawˉluˆ yawng na ha biˍ jiˍ, Yaˍ changˍ mawngˉ namˉ yawng veuˉ, gu beu changˉ ceuˉ uiˉ na baˍ up, ang hpiˍ ang puˉ uiˉ beu ang liˍ na baˍ up, ga htiˍ ceuˍ na baˍ tiˍ si yao muiˉ, Yeˍruˆsaˍlaemˍ vengˍ hkaoˉ veu Yuˉdaˆ changˉ uiˉ ga na hpui laˍ yao, Roˉmaˆ changˉ uiˉ beu laˍ puˍ hkaoˍ veu ap nga laˍ byaˇ. 18Roˉmaˆ changˉ uiˉ ga na maenˍ nae naˉ peunˉ laˍ beu, ga hkaoˉ veu siˉ yao kuingˉ naeˉ uiˉ naˍ hokˍ baˍ myangˍ nae yao ga na poiˉ laˍ siˍ naeˉ yaˇ. 19Caˇ, Yuˉdaˆ changˉ uiˉ haenˉ yao, Kaeˉsaˍ aˉ muˍ tatˆ lao nae ga ya paˍ yaeˇ. Ga ningˉ mae ya ha yao muiˉ, ga beu changˉ ceuˉ htaˍ veu ga naˍ hokˍ chiˉ naeˉ baˍ aˍ. 20Ningˉ pa nae, nawng na myangˉ lang yao hkaˍ muiˍ ya hkai lang naeˉ uiˉ saˍ laiˍ, ga nawng na haoˉ laˍ yaeˍ yaˇ. Aˉ mae yao nae baoˉ vaˍ, Iˉsaˍreˍlaˆ changˉ ceuˉ Hkrit na kuitˆ yao ca naeˉ hingˉ pa nae, samˉ laˍ tuiˍ hingˍ na nawˍ ga ya hpui laeˍ naeˍ yaˇ nae, Pawˉluˆ yawng na ha biˍ jiˍ. 21Haeˉ mae beu, yawng ha laeˍ biˍ jiˍ. Nang beu awˍ lawng Yuˉdaˆ ang meungˉ veu lui jiˉ ang laiˍ na gu baˍ ya myang. Yaˍ changˍ mawngˉ namˉ yawng nang awˍ lawng baˍ maenˍ nae uiˉ lawng hkai laˍ naeˍ uiˉ htiˍ hu nae muiˉ baˍ ca. 22Caˇ, aˉ keung veu muiˉ ca naeˉ uiˉ changˉ yawng ngaˍ, hao na hpakˍ nga aengˉ jiˉ changˉ ang muˉ hingˉ na naˍ hokˍ chiˉ naeˉ awˍ lawng gu ya bae yao, nang kuitˆ yao chiˉ jiˉ hingˉ nang hkai laˍ naeˍ na gu kyaˍ siˍ naeˉ yaˇ nae hkai laeˍ biˍ jiˍ. 23Haeˉ mae yao, yawng nuing hpat lang ga jiˉ. Hpat lang ga jiˉ nuing hkeu laˉ yao, Pawˉluˆ ca naeˉ hingˉ keung veu changˉ ang byaˍ laˉ chawnˉ hko jiˉ. Haeˉ mae beu, yaˇ saw hta beu tangˍ yao muˍ hkiˍ beu tiˍ hkeu Hpaˍcaoˍ beu ang meungˉ awˍ lawng saˉ hkiˉ hkamˉ yao, yawng Yeˍsuˆ na yumˉ laˉ naeˉ uiˉ saˍ laiˍ Moˉseˍ beu ang liˍ ang kawngˍ hingˍ nae pa rawˉ hpaet uiˉ beu ang laiˍ na cuˉ yao, yawng na maˍ biˍ jiˍ. 24Yang maˍ biˍ jiˍ tangˍ na changˉ htiˍ baˍ baˍ yumˉ laˉ yao, caˇ, htiˍ baˍ uiˍ baˍ yumˍ. 25Yawng htiˍ hu nae htiˍ hu baˍ meunˍ lang nae yao, awkˍ taw aengˉ jiˉ. Caˇ, yawng baˍ awkˍ taw aengˉ beu kaˉ huˍ veu, Pawˉluˆ yawng na ciˍ tangˍ ningˍ tiˍ htaeˍ hkai biˍ jiˍ. Ang hkawˍ laˉ ang seungˍ sangˉ nawˍ, pa rawˉ hpaet Iˉsaˍyaˆ na cuˉ yao nawng beu ang hpiˍ ang puˉ uiˉ na hkai biˍ jiˍ ang tangˍ uiˉ aˍ, ang capˆ maˉ manˉ yaˇ. Ang tangˍ hingˉ ngaˍ,
26Changˉ ceuˉ ningˉ uiˉ kawngˉ aeˉ yao niˉ mae ha bu. Nawng maˉ manˉ nae ya kyaˍ yao muiˉ baˍ naˍ hki. Nawng maˉ manˉ nae ya myangˉ yao muiˉ baˍ bae taw.
27Aˉ mae yao nae baoˉ vaˍ, changˉ ningˉ uiˉ ceuˉ beu nuing ba hingˉ ang kaenˍ pa nae, yawng mae nuing hingˉ mit yao, laˍ suingˍ baˍ ya kyaˍ.
Yawng ningˉ mae baˍ hpeuˍ uˉ vaˍ, yawng beu mae nuing myangˉ hkiˍ yao, laˍ suingˍ ya kyaˍ hkiˍ naeˍ. Nuing ba hkaoˉ veu ya bae yao, yawng nuing ba penˉ laeˍ baoˉ vaˍ, ga yawng na piˉ ca buiˍ laeˍ naeˍ nae ha biˍ jiˍ.
28Hingˉ pa nae, Hpaˍcaoˍ beu htaiˍ awkˍ naeˍ hingˉ Changˉ ceuˉ htiˍ baˍ uiˍ na yang biˍ yao, yawng ang naˉ yaˇ nae nawng bae bu nae, Pawˉluˆ ha biˍ jiˍ. 29(Ningˉ ang tangˍ na Pawˉluˆ ciˍ yao Iˉsaˍreˍlaˆ changˉ yawng ngaˍ, htiˍ hu nae htiˍ hu kaˍ haenˍ nae hteng lang yao aeˉ laeˍ jiˍ). 30Pawˉluˆ nawˍ, yang duingˉ jiˉ yumˉ veu nyiˍ nuing pi ca yao, yawng kawngˉ hkaˉ laˉ naeˉ changˉ uiˉ na hap yuˉ jiˉ. 31Yang nuing ba hatˆ naeˉ hkaoˉ veu Hpaˍcaoˍ beu ang meungˉ awˍ lawng ang buinˉ maˍ yao, Ang suingˉ Yeˍsuˆ Hkritˆ beu awˍ lawng maˍ biˍ beu, aˍ sangˍ nae muiˉ yang na baˍ haenˍ bi.
Currently Selected:
Naiˍ htangˍ 28: pyy
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Naiˍ htangˍ 28
28
Meˍleˍteˍ cunˉ veu Pawˉluˆ ca beu awˍ lawng.
1Gu kangˍ naeˍ chaw naeˉ na caeˉ taw saˍ yao, cunˉ hingˉ ngaˍ Meˍleˍteˍ nae maengˉ naeˉ na ya bae yaeˉ. 2Cunˉ hingˉ hkaoˉ veu ca naeˉ uiˉ changˉ uiˉ gu na saˍ kyaˍ kyaˍ laˍ yao, maenˍ pawngˍ van lang ngaeˉ. Aˉ mae yao nae baoˉ vaˍ, miˍ hawˍ lui yao ang chawˍ nae pa, yawng miˍ htawˍ cuing yao gu na hap yuˉ langˍ ngaeˉ. 3Haeˉ mae beu, Pawˉluˆ maˇ suingˍ kui htiˍ cuingˍ kaw yao miˍ htawˍ chamˍ nga laeˍ beu, miˍ htawˍ ang hawngˉ nae yao u langˉ ang haiˉ htiˍ mangˍ awkˍ taw laˍ yao, Pawˉluˆ na laˍ puˍ veu panˉ na jiˉ. 4Hiˉ keung veu ca naeˉ uiˉ changˉ htiˍ baˍ uiˍ Pawˉluˆ beu laˍ puˍ veu u langˉ ang haiˉ mangˉ panˉ na jiˉ na ya myangˉ beu, yawng ciˍ jiˍ, Changˉ niˉ maˇ, changˉ na saeˍ naeˍ uiˉ maˉ manˉ jaˇ. Chaˍ maeˍ langˍ ba veu, yang ya punˍ yao muiˉ, ang sui pawng uiˉ na, yang aˉ sak piˉ taeˍ yaˍ naeˍ uiˉ a hkvangˍ baˍ piˍ jiˍ nae htiˍ hu nae htiˍ hu hkai lang jiˉ. 5Pawˉluˆ nawˍ, u langˉ hingˉ mangˉ na miˍ htawˍ hkaoˍ veu hpuik kla yao, yang ang to htiˍ ceuˍ baˍ hpeuˍ. 6Yang ang to hingˉ ungˍ laˉ yao, baˍ baoˇ, htiˍ chitˍ nae heung nga aengˉ naˇ nae, yawng kuitˆ yao hu yao ca jiˉ. Caˇ, ang mangˍ hawˍ yao muiˉ, yang htiˍ ceuˍ baˍ hpeuˍ laˉ nae yawng ya myangˉ beu, yawng hkamˍ kuit hingˉ penˉ na laeˍ yao, changˉ niˉ maˇ Hpaˍcaoˍ htiˍ hu jaˇ nae hkai lang jiˉ. 7Ca kyaˉ hingˉ htang veu, cunˉ awn hoˉ Puˍbaˍliˆ nae maengˉ jiˉ htiˍ hu maˇ, nuingˉ chaˍ htiˍ baˍ ca jiˉ. Yang gu na maenˍ nae hap yuˉ laˍ yao, sumˍ nuing veu tiˍ hkeu gu na piˉ yaˍ kamˍ yaˍ laˍ ngaeˉ. 8Haeˉ mae beu, Puˍbaˍliˆ beu ya vangˉ maˇ, daˉ biˍ yao shiˍ ui yao ca jiˉ. Pawˉluˆ yang kawngˉ laeˍ yao, ang buinˉ paˉ peunˉ piˍ naeˍ nawngˍ veu yang htaˍ veu laˍ puˍ boeˉ biˍ nae, yang na taeng pyo biˍ jiˍ. 9Haeˉ mae hpeuˍ laˍ jiˉ pa nae, cunˉ hingˉ veu ca naeˉ changˉ daˉ changˉ kyangˉ uiˉ muiˉ laˉ yao, Pawˉluˆ yawng na muiˉ taeng pyo biˍ jiˍ. 10Yawng muiˉ gu na saˍ nyamˉ laˍ yao, gu heuˍ ta yao awkˍ taw aengˉ laeˍ beu, gu hkaˉ loˉ naeˉ uiˉ ang keungˍ heuˍ htaˍ veu kan laˍ jiˍ.
Roˉmaˆ vengˍ veu Pawˉluˆ hkeu lae jiˉ
11Sumˍ ha hkeu naeˉ nawngˍ veu, Aˍleˍsaˍduˆ vengˍ changˍ beu heuˍ htiˍ mangˍ mangˍ na gu ta yao awkˍ yao aeˉ laeˍ. Heuˍ hiˍ maˇ, chawˍ nyamˍ peunˉ na beu tiˍ hkeu cunˉ hawˆ saoˍ yao ca jiˉ. Heuˍ hiˍ mangˉ beu ang tuˍ veu awˍ hang hingˉ ngaˍ, ta pawˉ lang pawˉ ang bongˉ aiˉ nae ang maengˉ ya jiˉ. 12Suˉraˍkokˆ vengˍ veu hkeu aeˉ yao, hiˉ keung gu sumˍ nuing veu tiˍ hkeu ca yaeˉ. 13Gu hiˉ keung awkˍ taw aengˉ laeˍ yao, Reˍgiˍonˍ vengˍ veu hkeu lae yaeˉ. Kaˉ nawngˍ veu hingˉ htiˍ nuing veu, ang awˍ kaˍ seu ca yao hawˉ manˉ taw laˉ yao, nyiˍ nuing htiˍ nuing hkeu beu, Pawˉtaˍyawˆliˆ vengˍ veu hkeu lae yaeˉ. 14Hiˉ keung veu gu beu yumˉ naeˉ saˉ naeˉ uiˉ changˉ na myangˉ lang yao, yawng kawngˉ cetˍ nuing bawˍ beun voˍ nae gu na paˉ laˍ ngaeˉ. Gu ningˉ mae ha yao Roˉmaˆ vengˍ veu kaˉ ba yawˍ yao lae yaeˉ. 15Hiˉ keung veu ca naeˉ yumˉ naeˉ saˉ naeˉ uiˉ changˉ ngaˍ, gu laˉ jiˉ na ya kyaˍ beu, Aˍpiˆ katˆ nae haoˉ naeˉ htiˍ tawngˍ veu, saˍ laˍ sumˍ yumˍ nae haoˉ naeˉ hingˉ keung veu tiˍ hkeu laˉ yao, gu na hap yuˉ lui langˍ ngaeˉ. Pawˉluˆ yawng na ya myangˉ beu, Hpaˍcaoˍ beu ang buinˉ na chiˍ mawng yao kaˍ ca laˉ jiˉ.
16Yawng Roˉmaˆ vengˍ veu hkeu lae beu, Pawˉluˆ nawˍ yang na hawˍ naeˍ luk suitˆ htiˍ hu mangˉ kawngˉ htuˍ yaˍ laˉ mae ya ca naeˉ uiˉ aˉ hkvangˍ ya jiˉ.
Roˉmaˆ vengˍ hkaoˍ veu Pawˉluˆ ang buinˉ tangˍ maˍ jiˍ
17Sumˍ nuing hkeu laˉ yao, Pawˉluˆ nawˍ hiˉ keung ca naeˉ Yuˉdaˆ changˉ uiˉ hkaoˉ veu awn hoˉ uiˉ na haoˉ va jiˉ. Yawng hpawm lang beu, Pawˉluˆ yawng na ha biˍ jiˍ, Yaˍ changˍ mawngˉ namˉ yawng veuˉ, gu beu changˉ ceuˉ uiˉ na baˍ up, ang hpiˍ ang puˉ uiˉ beu ang liˍ na baˍ up, ga htiˍ ceuˍ na baˍ tiˍ si yao muiˉ, Yeˍruˆsaˍlaemˍ vengˍ hkaoˉ veu Yuˉdaˆ changˉ uiˉ ga na hpui laˍ yao, Roˉmaˆ changˉ uiˉ beu laˍ puˍ hkaoˍ veu ap nga laˍ byaˇ. 18Roˉmaˆ changˉ uiˉ ga na maenˍ nae naˉ peunˉ laˍ beu, ga hkaoˉ veu siˉ yao kuingˉ naeˉ uiˉ naˍ hokˍ baˍ myangˍ nae yao ga na poiˉ laˍ siˍ naeˉ yaˇ. 19Caˇ, Yuˉdaˆ changˉ uiˉ haenˉ yao, Kaeˉsaˍ aˉ muˍ tatˆ lao nae ga ya paˍ yaeˇ. Ga ningˉ mae ya ha yao muiˉ, ga beu changˉ ceuˉ htaˍ veu ga naˍ hokˍ chiˉ naeˉ baˍ aˍ. 20Ningˉ pa nae, nawng na myangˉ lang yao hkaˍ muiˍ ya hkai lang naeˉ uiˉ saˍ laiˍ, ga nawng na haoˉ laˍ yaeˍ yaˇ. Aˉ mae yao nae baoˉ vaˍ, Iˉsaˍreˍlaˆ changˉ ceuˉ Hkrit na kuitˆ yao ca naeˉ hingˉ pa nae, samˉ laˍ tuiˍ hingˍ na nawˍ ga ya hpui laeˍ naeˍ yaˇ nae, Pawˉluˆ yawng na ha biˍ jiˍ. 21Haeˉ mae beu, yawng ha laeˍ biˍ jiˍ. Nang beu awˍ lawng Yuˉdaˆ ang meungˉ veu lui jiˉ ang laiˍ na gu baˍ ya myang. Yaˍ changˍ mawngˉ namˉ yawng nang awˍ lawng baˍ maenˍ nae uiˉ lawng hkai laˍ naeˍ uiˉ htiˍ hu nae muiˉ baˍ ca. 22Caˇ, aˉ keung veu muiˉ ca naeˉ uiˉ changˉ yawng ngaˍ, hao na hpakˍ nga aengˉ jiˉ changˉ ang muˉ hingˉ na naˍ hokˍ chiˉ naeˉ awˍ lawng gu ya bae yao, nang kuitˆ yao chiˉ jiˉ hingˉ nang hkai laˍ naeˍ na gu kyaˍ siˍ naeˉ yaˇ nae hkai laeˍ biˍ jiˍ. 23Haeˉ mae yao, yawng nuing hpat lang ga jiˉ. Hpat lang ga jiˉ nuing hkeu laˉ yao, Pawˉluˆ ca naeˉ hingˉ keung veu changˉ ang byaˍ laˉ chawnˉ hko jiˉ. Haeˉ mae beu, yaˇ saw hta beu tangˍ yao muˍ hkiˍ beu tiˍ hkeu Hpaˍcaoˍ beu ang meungˉ awˍ lawng saˉ hkiˉ hkamˉ yao, yawng Yeˍsuˆ na yumˉ laˉ naeˉ uiˉ saˍ laiˍ Moˉseˍ beu ang liˍ ang kawngˍ hingˍ nae pa rawˉ hpaet uiˉ beu ang laiˍ na cuˉ yao, yawng na maˍ biˍ jiˍ. 24Yang maˍ biˍ jiˍ tangˍ na changˉ htiˍ baˍ baˍ yumˉ laˉ yao, caˇ, htiˍ baˍ uiˍ baˍ yumˍ. 25Yawng htiˍ hu nae htiˍ hu baˍ meunˍ lang nae yao, awkˍ taw aengˉ jiˉ. Caˇ, yawng baˍ awkˍ taw aengˉ beu kaˉ huˍ veu, Pawˉluˆ yawng na ciˍ tangˍ ningˍ tiˍ htaeˍ hkai biˍ jiˍ. Ang hkawˍ laˉ ang seungˍ sangˉ nawˍ, pa rawˉ hpaet Iˉsaˍyaˆ na cuˉ yao nawng beu ang hpiˍ ang puˉ uiˉ na hkai biˍ jiˍ ang tangˍ uiˉ aˍ, ang capˆ maˉ manˉ yaˇ. Ang tangˍ hingˉ ngaˍ,
26Changˉ ceuˉ ningˉ uiˉ kawngˉ aeˉ yao niˉ mae ha bu. Nawng maˉ manˉ nae ya kyaˍ yao muiˉ baˍ naˍ hki. Nawng maˉ manˉ nae ya myangˉ yao muiˉ baˍ bae taw.
27Aˉ mae yao nae baoˉ vaˍ, changˉ ningˉ uiˉ ceuˉ beu nuing ba hingˉ ang kaenˍ pa nae, yawng mae nuing hingˉ mit yao, laˍ suingˍ baˍ ya kyaˍ.
Yawng ningˉ mae baˍ hpeuˍ uˉ vaˍ, yawng beu mae nuing myangˉ hkiˍ yao, laˍ suingˍ ya kyaˍ hkiˍ naeˍ. Nuing ba hkaoˉ veu ya bae yao, yawng nuing ba penˉ laeˍ baoˉ vaˍ, ga yawng na piˉ ca buiˍ laeˍ naeˍ nae ha biˍ jiˍ.
28Hingˉ pa nae, Hpaˍcaoˍ beu htaiˍ awkˍ naeˍ hingˉ Changˉ ceuˉ htiˍ baˍ uiˍ na yang biˍ yao, yawng ang naˉ yaˇ nae nawng bae bu nae, Pawˉluˆ ha biˍ jiˍ. 29(Ningˉ ang tangˍ na Pawˉluˆ ciˍ yao Iˉsaˍreˍlaˆ changˉ yawng ngaˍ, htiˍ hu nae htiˍ hu kaˍ haenˍ nae hteng lang yao aeˉ laeˍ jiˍ). 30Pawˉluˆ nawˍ, yang duingˉ jiˉ yumˉ veu nyiˍ nuing pi ca yao, yawng kawngˉ hkaˉ laˉ naeˉ changˉ uiˉ na hap yuˉ jiˉ. 31Yang nuing ba hatˆ naeˉ hkaoˉ veu Hpaˍcaoˍ beu ang meungˉ awˍ lawng ang buinˉ maˍ yao, Ang suingˉ Yeˍsuˆ Hkritˆ beu awˍ lawng maˍ biˍ beu, aˍ sangˍ nae muiˉ yang na baˍ haenˍ bi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.