Luuga 12
12
Yasuuⓐ gwaŋidhaniyo calmiz juŋun gi dhuŋun dhina dhiro ganu ram
1Dina abiŋilo minoŋ, a liji auradha liduŋw loinyadho gwuleny, aldotaijiye galo, a Yasuuⓐ abiŋaijo calmiz juŋun kwereny, ŋwulaici, Athanya ethadhe galo ŋijini ŋa Farriisiyiin, ŋina ŋiro dhuŋun dhina dhiro ganu ram. 2Ŋidi ŋate ŋina ŋigirbudhinu galo ŋina ŋaji ŋutudha galo no; a ŋidi ŋate ŋina ŋigilibicinu ŋina ŋaji ŋal liji liŋa no. 3Minoŋ dhuŋun peth dhina dhabiŋanya kalo gina girima ganu dhaji dha liji diŋini kalo gina gure ganu; a dhuŋun dhina dhabiŋanya girimu dhaji dhabai galo gi dhoda alaŋ.
Yasuuⓐ gwuludhi calmiz juŋun dilapai ŋiro momaŋ
4Limadhiguri lai, nyi gwa gwabiŋaijaje, ŋajaici, Athanya dhenyo lijo lina lathirinya aŋina no; ma dhuŋun ibidhe erna, lati luthi ŋoma alapai dhuŋuna dhiter manaŋ no. 5Abi nyi gwajaŋajo kwijo gwa dhidhenya. Athanya dhenya ŋeduŋw gwina gwuthi ŋoma gwajuleje Jahannam majirinya. Ye, nyi gwa gwabiŋaijaje, ŋajaici, Dhenyul ŋeduŋw. 6Liji lati lathelaŋ ŋwijiruiny thudhina tariifa na? Lati lathin Kalo dhudhani ganu letipo no. 7Abi uru ya ŋwura ŋwalo imadhuredhini. A minoŋ athanya dhenyo no. Nyaŋa luthi luro libuthanu ŋwijiruiny ŋwoinyadho. 8Nyi gwa gwabiŋaijaje ko, ŋajaici, Liji peth lina liminyitejo galo, alarnu liro liji liny, a Ŋari ŋa liji ŋaji luŋwultejo galo gi je ganu ja malaayka la Kalo, a ŋarnu liro liji luŋun. 9Abi gwina gwiminyidoinya gi je ganu ja liji gwaji gwaldoinya gi je ganu ja malaayka la Kalo. 10Liji lina lathabiŋi, aldhagirini Ŋare ŋa liji, laji lanidhudhani ganu; abi gwina gwathilo Dhigirima dhina Dhiŋir gwati gwanidhudhani ganu gatur no. 11Maji majilodhadha gi majaamiⓐ i gi juriya i gi liji lina luthi ŋelenya, athathanya ire je galo gi dugor ganu dhuŋuna dhina dhaji dhanyalabiŋaijo no. 12Abi Dhigirim dhina Dhiŋir dhaji dhajaŋajo dhuŋuna dha dhabiŋi gi saaⓐa ibije.
Dhuŋun dhadhijidhai ŋidi amra, a odaije gwa kwiji gwina gwiro girila gwina gwuthi ŋida ŋoinyadho
13A kwiji gweta je gi liji ganu ŋwabiŋaijo Yasuuⓐuŋw, ŋwaici, Muⓐallim gwai, abiŋaijo maguri ŋwugugina ŋida ŋa babo gwuri, nyildhedha ko. 14Ŋwabiŋaijo, ŋwaici, Kwiji gwai, ei gwirujiny gadhi i kwiji gwa dhajiguginijo ŋida ŋalo? 15Ŋwulabiŋaijo, ŋwulaici, Athanya ethadhe dhuŋuna galo nyabirini gi dhuŋun dha dhajidhai ŋidi amra; ŋinena midhe gwa kwiji gwati gwiro ŋidi ŋuŋun ŋoinyadho ŋina ŋuthuŋwulo no. 16Ŋwulabiŋaijo odaije gwai, ŋwulaici, Ŋidi ŋa dhiruiny dha kwiji gweta gwina gwuthi ŋida ŋoinyadho ŋiriro gwuleny. 17Ŋwire je galo, ŋwarnu, Nyi gwapaŋa? Nyi gwati gwuthi kaloŋa ga dhauwa ŋida ŋiny no. 18Ŋwarnu, Nyi gware minoŋ; nyi gwupa nyiluŋu galo nyiny, nyilaice nyina nyibubithanu; nyin geta ŋida peth ŋa dhiruiny dhiny a ŋidi ŋiter ŋiny. 19Nyi gwaji gwabiŋaijo dhigirima dhiny, nyaici, Dhigirim dhai, ŋa gwimauwa ŋida ŋa jidhila joinyadho. Athaŋa jalo tur, ŋeny, ŋeye, ŋiŋir dhugore. 20Abi Kalo abiŋaijo, ŋwaici, Girila gai, ŋinena gile nyi gwibupo dhigirima dhuŋa; abi ŋidi ŋaji ŋaro ŋa dhei ŋina ŋauwadhaŋalo? 21Kwiji gwiro minoŋ gwina gwathauwadhini ŋida, abi gwati gwathauwa ŋida ŋa Kalo no.
Aŋidhaniye gi dhuŋun dhina dhadhildhai irijo ŋida ŋeda je galo
22Ŋwabiŋaijo calmiz juŋun, ŋwulaici, Gi dhuŋun ibidha nyi gwa gwabiŋaijaje, ŋajaici, Athaji dugor mirejo ŋida ŋa dheny no; a ŋidi ŋa dhil aŋinu yalo gena no. 23Ŋinena midhe gwibuthanu ŋidi ŋa dheny, a aŋinu ibuthanu gi ciraŋ ja dhigena. 24Aŋadhul ŋwugiru; ŋwati ŋwathikwoi no, a ŋwati ŋwathuni no; a ŋwati ŋwuthi nyiluŋu no; athilbi Kalo dhedha ŋida ŋa dheny, abi nyaŋa liŋiranu gwuleny gi nyira. 25Ei gwo dagalo gwina gwuthi ŋoma gwolanalaŋ gwitiny gwiren dhuŋun dhai dhina dhuthuŋw? 26Ada nyaŋa lati limuthi ŋoma dapai dhuŋuna ibidha dhina dhitinyunu no, kworaŋ ŋajibi dugor mirejo dhuŋuna dhiter? 27Aŋadhul ŋwaur dibiŋa. Ŋwati ŋwathapai ŋiro no, a ŋwati ŋwathireye no; abi nyi gwa gwabiŋaijaje, ŋajaici, Sulemaan gi majdh gwuŋun peth gwati gwigeno ciraŋa jiro ŋinena laur leta ibila no. 28Ada Kalo gimathigeta karo momaŋ minoŋ gina gathije kedho lamun letipo, athibi liji geta kiga bigunu; gati gwoinyadhanu dajidhedha ciraŋa na? nyaŋa lina lati luthi imaan gwoinyadho no. 29Athathanya bupo ŋida ŋa dheny, i ŋidi ŋa dhiye, i ŋajil dugor mirejo no. 30Ŋinena liumam la gidhila lathibupe ŋida ibiŋa peth; a Babo gwalo gwiliŋidhi darnu ŋibupanyalo. 31Abi gwiŋiranu danya bupe gidhileo ga Kalo; a ŋidi ibiŋe peth ŋajil badhaijo. 32Athanya dhenyo no, liji lai liny, ŋinena Babo gwalo gwiŋir dhugore dajidhedha gidhileo. 33Ilul peth ŋina ŋuthanyalo, nyadhedha lijo gwarush lina lati luthi ŋida no. Getul nyilgu nyalo nyina nyati nyaro nyurun no; auwadhul ŋida gi Sama ŋina ŋati ŋaji ŋerna no, kalo gina gati gan gwuram doga no, a gina gati gan japipir eny no. 34Kalo gina gathin ŋidi ŋalo ŋina ŋauwadhanyalo, a dugor dalo dathinje mine ko.
Bupe gwan datiŋa galo momaŋ
35Abricul jurna jalo alje gi liriny, nyabrico ŋwamba ŋwalo dilora galo. 36A nyaŋa laro ŋinena liji lina lathidhunijo kwelenya gwegen muŋw aura kimure ga dhago; di maji muŋwila ŋwupi gibura, anigiejo ganu. 37Jadham jaji jiŋir dugore jina jaji jal kweleny buje dethadhe galo maji muŋwaura. Titiganu nyi gwa gwacaijinu, Gwaji gwagena kiraŋa ga gadham, a juŋwul abiŋaijo jaijo tharabeza galo, a juŋwulupijo ŋida ŋa dheny. 38Ada gwimila gile thirir, i bigunu, ŋwulbuje dinare minoŋ, jiŋir dugore. 39Liŋidhul dhuŋuna ibidha darnu ada kwiji gwina gwuthi duna gwiliŋidhi saaⓐa jina jaj gwuram ila, gwaiethadhe galo, gwati gwaiabrico gwurama gwaiuni kiru dugun no. 40Athanya ethadhe galo momaŋ ko; Ŋari ŋa liji ŋaji ŋeladha gi saaⓐa jina jati jiliŋidhanyalo no. 41A Buṯrus abiŋaijo, ŋwaici, Kweleny gwai, au gwodaijije, i au gwodaijo lijo peth ko?
Odaije gwa wakiil gwina gwapo ŋiro ŋuŋun momaŋ
42A Kweleny arnu, Wakiil gwiro gwirau gwina gwiŋir a gwina gwibebra, gwina gwaji gwa kweleny gwuŋun ruje kweleny gwa dunu gwuŋun, athuŋwgugini ŋida ŋa dheny ŋwamun ŋwegen? 43Gadham gaji giŋir dhugore gina gaji ga kweleny buje dinare minoŋ. 44Nyi gwa gwabiŋaijaje, titiganu, ŋajaici, Gaji guŋwruje kweleny gwa ŋidi peth ŋina ŋuthuŋwulo. 45Abi ada gadham ibige gimabiŋini gi dhugor ganu dhuŋun, ŋwarnu, Kweleny gwiny gwati gwila ŋinena no; athuŋwpi jadham jina jiro loma a jina jiro nyera, athuŋweny, athuŋwiye, ŋwurlele. 46A kweleny gwuŋun gwaji gwaura gi lamun lina lati lethadhuŋwulai no, a gi saaⓐa jina jati jiliŋidhuŋwulo no; gaji guŋwpi gwuleny, a ŋwudhedha lijo ŋida ŋina ŋadhuŋwuldhedha lina lati luminyu no. 47A gadham gina giliŋidhi dhuŋuna dhina dhibupo kweleny gwuŋun, athuŋw jarimanu no, athuŋw bapo ŋiro gwiro ŋinena arna kweleny no, gaji gapini ŋwamun ganu ŋwoinyadho. 48Abi gina gati giliŋidhi no, ŋwubapai dhuŋuna dhina dhike dha dhipini, gaji gapini ŋwamun coŋ. Gwina gwathi liji dhedha ŋida ŋoinyadho laji labupe ŋida dugun ŋoinyadho ko; a gwina gwuthi ŋida ŋoinyadho ŋa liji liter, a laji labupe ŋida ŋoinyadhanu dugun.
Aŋini gwa lamun ibile
49Nyi gwiledhi dukeja iga kwiyaŋ; abi nyi gwapaŋa ada imora galo di? 50Abi nyi gwuthi maⓐmuudiiya dinyi ⓐamidhini; a akwai dinyapai dimeaje? 51Nyaŋa larnu nyi gwiledhi diny ukeja audhaijiyuŋw galo kidhila? Nyi gwa gwabiŋaijaje, ŋajaici, Oo, abi gugina ganu. 52Gi lamun ibile liji laje thudhina gi dunu gwetipo, algugini ganu, thiril orlaijiye ganu ram, a ram orlaijiye ganu thiril. 53Babo gworlani ganu ŋari ŋai, a ŋari ŋworlani ganu babo gwai; a nana gworlani ganu ŋera ŋai, a ŋera ŋworlani ganu nana gwai gwuŋun; a gwuna gwina gwiro kwa gworlani ganu gwunen gwai gwina gwiro ŋera, a gwunen gwina gwiro ŋera ŋworlani ganu gwuna gwai gwina gwiro kwa. 54Ŋwabiŋaijo lijo ko, ŋwulaici, Mathanya aŋa gibura didra kalo gina gathin aŋin alidha, nyaŋa latharnu, Kau gaji gani; athuŋwni titiganu. 55A mathanya aŋa karuna dila januub gwai, nyaŋa latharnu kalo gaji gabuye; athi dhuŋun ibidhe uthi je ganu. 56Liji lai lina luthi dhuŋuna ganu ram, nyaŋa liliŋidhi dhuŋuna dha jiburu a dha gidhila; athanyabi liŋidhi dhuŋuna dha ŋwamun ibiŋwa no akwai? 57Kworaŋ athanyabi akimiyo gi lidom lalo aŋ gwiro gwina gwiŋir? 58Mathaŋa ela kwiji gwai gwina gwikiaŋa gwai dina idhaŋa di mamuur, athaŋa idheje gi dhai daŋa iŋiriye; dathuŋwdhedhi di gadhi, a gadhi gaŋadhedha shawiishuŋw, a shawiish geta karkon no. 59Nyi gwa gwabiŋaijaŋa, ŋaici, Ŋa gwati gwanagathani di ma ŋateye gamja peth no.
Currently Selected:
Luuga 12: HBN
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.
Luuga 12
12
Yasuuⓐ gwaŋidhaniyo calmiz juŋun gi dhuŋun dhina dhiro ganu ram
1Dina abiŋilo minoŋ, a liji auradha liduŋw loinyadho gwuleny, aldotaijiye galo, a Yasuuⓐ abiŋaijo calmiz juŋun kwereny, ŋwulaici, Athanya ethadhe galo ŋijini ŋa Farriisiyiin, ŋina ŋiro dhuŋun dhina dhiro ganu ram. 2Ŋidi ŋate ŋina ŋigirbudhinu galo ŋina ŋaji ŋutudha galo no; a ŋidi ŋate ŋina ŋigilibicinu ŋina ŋaji ŋal liji liŋa no. 3Minoŋ dhuŋun peth dhina dhabiŋanya kalo gina girima ganu dhaji dha liji diŋini kalo gina gure ganu; a dhuŋun dhina dhabiŋanya girimu dhaji dhabai galo gi dhoda alaŋ.
Yasuuⓐ gwuludhi calmiz juŋun dilapai ŋiro momaŋ
4Limadhiguri lai, nyi gwa gwabiŋaijaje, ŋajaici, Athanya dhenyo lijo lina lathirinya aŋina no; ma dhuŋun ibidhe erna, lati luthi ŋoma alapai dhuŋuna dhiter manaŋ no. 5Abi nyi gwajaŋajo kwijo gwa dhidhenya. Athanya dhenya ŋeduŋw gwina gwuthi ŋoma gwajuleje Jahannam majirinya. Ye, nyi gwa gwabiŋaijaje, ŋajaici, Dhenyul ŋeduŋw. 6Liji lati lathelaŋ ŋwijiruiny thudhina tariifa na? Lati lathin Kalo dhudhani ganu letipo no. 7Abi uru ya ŋwura ŋwalo imadhuredhini. A minoŋ athanya dhenyo no. Nyaŋa luthi luro libuthanu ŋwijiruiny ŋwoinyadho. 8Nyi gwa gwabiŋaijaje ko, ŋajaici, Liji peth lina liminyitejo galo, alarnu liro liji liny, a Ŋari ŋa liji ŋaji luŋwultejo galo gi je ganu ja malaayka la Kalo, a ŋarnu liro liji luŋun. 9Abi gwina gwiminyidoinya gi je ganu ja liji gwaji gwaldoinya gi je ganu ja malaayka la Kalo. 10Liji lina lathabiŋi, aldhagirini Ŋare ŋa liji, laji lanidhudhani ganu; abi gwina gwathilo Dhigirima dhina Dhiŋir gwati gwanidhudhani ganu gatur no. 11Maji majilodhadha gi majaamiⓐ i gi juriya i gi liji lina luthi ŋelenya, athathanya ire je galo gi dugor ganu dhuŋuna dhina dhaji dhanyalabiŋaijo no. 12Abi Dhigirim dhina Dhiŋir dhaji dhajaŋajo dhuŋuna dha dhabiŋi gi saaⓐa ibije.
Dhuŋun dhadhijidhai ŋidi amra, a odaije gwa kwiji gwina gwiro girila gwina gwuthi ŋida ŋoinyadho
13A kwiji gweta je gi liji ganu ŋwabiŋaijo Yasuuⓐuŋw, ŋwaici, Muⓐallim gwai, abiŋaijo maguri ŋwugugina ŋida ŋa babo gwuri, nyildhedha ko. 14Ŋwabiŋaijo, ŋwaici, Kwiji gwai, ei gwirujiny gadhi i kwiji gwa dhajiguginijo ŋida ŋalo? 15Ŋwulabiŋaijo, ŋwulaici, Athanya ethadhe dhuŋuna galo nyabirini gi dhuŋun dha dhajidhai ŋidi amra; ŋinena midhe gwa kwiji gwati gwiro ŋidi ŋuŋun ŋoinyadho ŋina ŋuthuŋwulo no. 16Ŋwulabiŋaijo odaije gwai, ŋwulaici, Ŋidi ŋa dhiruiny dha kwiji gweta gwina gwuthi ŋida ŋoinyadho ŋiriro gwuleny. 17Ŋwire je galo, ŋwarnu, Nyi gwapaŋa? Nyi gwati gwuthi kaloŋa ga dhauwa ŋida ŋiny no. 18Ŋwarnu, Nyi gware minoŋ; nyi gwupa nyiluŋu galo nyiny, nyilaice nyina nyibubithanu; nyin geta ŋida peth ŋa dhiruiny dhiny a ŋidi ŋiter ŋiny. 19Nyi gwaji gwabiŋaijo dhigirima dhiny, nyaici, Dhigirim dhai, ŋa gwimauwa ŋida ŋa jidhila joinyadho. Athaŋa jalo tur, ŋeny, ŋeye, ŋiŋir dhugore. 20Abi Kalo abiŋaijo, ŋwaici, Girila gai, ŋinena gile nyi gwibupo dhigirima dhuŋa; abi ŋidi ŋaji ŋaro ŋa dhei ŋina ŋauwadhaŋalo? 21Kwiji gwiro minoŋ gwina gwathauwadhini ŋida, abi gwati gwathauwa ŋida ŋa Kalo no.
Aŋidhaniye gi dhuŋun dhina dhadhildhai irijo ŋida ŋeda je galo
22Ŋwabiŋaijo calmiz juŋun, ŋwulaici, Gi dhuŋun ibidha nyi gwa gwabiŋaijaje, ŋajaici, Athaji dugor mirejo ŋida ŋa dheny no; a ŋidi ŋa dhil aŋinu yalo gena no. 23Ŋinena midhe gwibuthanu ŋidi ŋa dheny, a aŋinu ibuthanu gi ciraŋ ja dhigena. 24Aŋadhul ŋwugiru; ŋwati ŋwathikwoi no, a ŋwati ŋwathuni no; a ŋwati ŋwuthi nyiluŋu no; athilbi Kalo dhedha ŋida ŋa dheny, abi nyaŋa liŋiranu gwuleny gi nyira. 25Ei gwo dagalo gwina gwuthi ŋoma gwolanalaŋ gwitiny gwiren dhuŋun dhai dhina dhuthuŋw? 26Ada nyaŋa lati limuthi ŋoma dapai dhuŋuna ibidha dhina dhitinyunu no, kworaŋ ŋajibi dugor mirejo dhuŋuna dhiter? 27Aŋadhul ŋwaur dibiŋa. Ŋwati ŋwathapai ŋiro no, a ŋwati ŋwathireye no; abi nyi gwa gwabiŋaijaje, ŋajaici, Sulemaan gi majdh gwuŋun peth gwati gwigeno ciraŋa jiro ŋinena laur leta ibila no. 28Ada Kalo gimathigeta karo momaŋ minoŋ gina gathije kedho lamun letipo, athibi liji geta kiga bigunu; gati gwoinyadhanu dajidhedha ciraŋa na? nyaŋa lina lati luthi imaan gwoinyadho no. 29Athathanya bupo ŋida ŋa dheny, i ŋidi ŋa dhiye, i ŋajil dugor mirejo no. 30Ŋinena liumam la gidhila lathibupe ŋida ibiŋa peth; a Babo gwalo gwiliŋidhi darnu ŋibupanyalo. 31Abi gwiŋiranu danya bupe gidhileo ga Kalo; a ŋidi ibiŋe peth ŋajil badhaijo. 32Athanya dhenyo no, liji lai liny, ŋinena Babo gwalo gwiŋir dhugore dajidhedha gidhileo. 33Ilul peth ŋina ŋuthanyalo, nyadhedha lijo gwarush lina lati luthi ŋida no. Getul nyilgu nyalo nyina nyati nyaro nyurun no; auwadhul ŋida gi Sama ŋina ŋati ŋaji ŋerna no, kalo gina gati gan gwuram doga no, a gina gati gan japipir eny no. 34Kalo gina gathin ŋidi ŋalo ŋina ŋauwadhanyalo, a dugor dalo dathinje mine ko.
Bupe gwan datiŋa galo momaŋ
35Abricul jurna jalo alje gi liriny, nyabrico ŋwamba ŋwalo dilora galo. 36A nyaŋa laro ŋinena liji lina lathidhunijo kwelenya gwegen muŋw aura kimure ga dhago; di maji muŋwila ŋwupi gibura, anigiejo ganu. 37Jadham jaji jiŋir dugore jina jaji jal kweleny buje dethadhe galo maji muŋwaura. Titiganu nyi gwa gwacaijinu, Gwaji gwagena kiraŋa ga gadham, a juŋwul abiŋaijo jaijo tharabeza galo, a juŋwulupijo ŋida ŋa dheny. 38Ada gwimila gile thirir, i bigunu, ŋwulbuje dinare minoŋ, jiŋir dugore. 39Liŋidhul dhuŋuna ibidha darnu ada kwiji gwina gwuthi duna gwiliŋidhi saaⓐa jina jaj gwuram ila, gwaiethadhe galo, gwati gwaiabrico gwurama gwaiuni kiru dugun no. 40Athanya ethadhe galo momaŋ ko; Ŋari ŋa liji ŋaji ŋeladha gi saaⓐa jina jati jiliŋidhanyalo no. 41A Buṯrus abiŋaijo, ŋwaici, Kweleny gwai, au gwodaijije, i au gwodaijo lijo peth ko?
Odaije gwa wakiil gwina gwapo ŋiro ŋuŋun momaŋ
42A Kweleny arnu, Wakiil gwiro gwirau gwina gwiŋir a gwina gwibebra, gwina gwaji gwa kweleny gwuŋun ruje kweleny gwa dunu gwuŋun, athuŋwgugini ŋida ŋa dheny ŋwamun ŋwegen? 43Gadham gaji giŋir dhugore gina gaji ga kweleny buje dinare minoŋ. 44Nyi gwa gwabiŋaijaje, titiganu, ŋajaici, Gaji guŋwruje kweleny gwa ŋidi peth ŋina ŋuthuŋwulo. 45Abi ada gadham ibige gimabiŋini gi dhugor ganu dhuŋun, ŋwarnu, Kweleny gwiny gwati gwila ŋinena no; athuŋwpi jadham jina jiro loma a jina jiro nyera, athuŋweny, athuŋwiye, ŋwurlele. 46A kweleny gwuŋun gwaji gwaura gi lamun lina lati lethadhuŋwulai no, a gi saaⓐa jina jati jiliŋidhuŋwulo no; gaji guŋwpi gwuleny, a ŋwudhedha lijo ŋida ŋina ŋadhuŋwuldhedha lina lati luminyu no. 47A gadham gina giliŋidhi dhuŋuna dhina dhibupo kweleny gwuŋun, athuŋw jarimanu no, athuŋw bapo ŋiro gwiro ŋinena arna kweleny no, gaji gapini ŋwamun ganu ŋwoinyadho. 48Abi gina gati giliŋidhi no, ŋwubapai dhuŋuna dhina dhike dha dhipini, gaji gapini ŋwamun coŋ. Gwina gwathi liji dhedha ŋida ŋoinyadho laji labupe ŋida dugun ŋoinyadho ko; a gwina gwuthi ŋida ŋoinyadho ŋa liji liter, a laji labupe ŋida ŋoinyadhanu dugun.
Aŋini gwa lamun ibile
49Nyi gwiledhi dukeja iga kwiyaŋ; abi nyi gwapaŋa ada imora galo di? 50Abi nyi gwuthi maⓐmuudiiya dinyi ⓐamidhini; a akwai dinyapai dimeaje? 51Nyaŋa larnu nyi gwiledhi diny ukeja audhaijiyuŋw galo kidhila? Nyi gwa gwabiŋaijaje, ŋajaici, Oo, abi gugina ganu. 52Gi lamun ibile liji laje thudhina gi dunu gwetipo, algugini ganu, thiril orlaijiye ganu ram, a ram orlaijiye ganu thiril. 53Babo gworlani ganu ŋari ŋai, a ŋari ŋworlani ganu babo gwai; a nana gworlani ganu ŋera ŋai, a ŋera ŋworlani ganu nana gwai gwuŋun; a gwuna gwina gwiro kwa gworlani ganu gwunen gwai gwina gwiro ŋera, a gwunen gwina gwiro ŋera ŋworlani ganu gwuna gwai gwina gwiro kwa. 54Ŋwabiŋaijo lijo ko, ŋwulaici, Mathanya aŋa gibura didra kalo gina gathin aŋin alidha, nyaŋa latharnu, Kau gaji gani; athuŋwni titiganu. 55A mathanya aŋa karuna dila januub gwai, nyaŋa latharnu kalo gaji gabuye; athi dhuŋun ibidhe uthi je ganu. 56Liji lai lina luthi dhuŋuna ganu ram, nyaŋa liliŋidhi dhuŋuna dha jiburu a dha gidhila; athanyabi liŋidhi dhuŋuna dha ŋwamun ibiŋwa no akwai? 57Kworaŋ athanyabi akimiyo gi lidom lalo aŋ gwiro gwina gwiŋir? 58Mathaŋa ela kwiji gwai gwina gwikiaŋa gwai dina idhaŋa di mamuur, athaŋa idheje gi dhai daŋa iŋiriye; dathuŋwdhedhi di gadhi, a gadhi gaŋadhedha shawiishuŋw, a shawiish geta karkon no. 59Nyi gwa gwabiŋaijaŋa, ŋaici, Ŋa gwati gwanagathani di ma ŋateye gamja peth no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.