ŋɩru ŋun ŋapɩlo duwəjo 10
10
asa 10
buṯrus na kurnilis
1na gwiji gwete je gesaria gwun gwan kurnilis gwun gwiro gwele gweḏi ajana yun yiro ḏuɽi di yan iṯalia. 2ŋu gwiro gwiji gwiŋir gwaṯɩḏonye eloŋu luŋa liji le wei leḏi dunu gwuŋun; naṯuḏəḏə liji ŋɩdio ŋutu ga dino, naṯuuməḏɩjo eloŋu bubruṯ. 3nuaŋu ŋuɽuna ŋete ŋun ŋaŋinu gi ŋwume sa jijo gɩṯo ṯəɽɩl ca, na gwiji gweḏi kanyin gweḏi elo wila lugwun, nueicɩno, kurnilis. 4nunŋalaḏe nuḏonye nuarno, gwele, gwudaro? nueicɩno, ḏuməḏɩjo eloŋu ḏuŋa na ḏiḏəḏo liji ḏuŋa ḏaṯi elo aḏɩŋane. 5gwunnɩno wəjo ləmɩnyəŋe yoba alorniḏa gwete gwun gwan simian buṯrus. 6gwo gwijilgwe gwete gwun gwan simian gwun gwaṯidi jurəḏo, na dunu gwuŋun gwo gɩṯo gi ḏɩrawe. 7na gwune na gwiji gweḏi kanyin gwun gwuməḏɩjo kurnilisŋ nuwele, nuorniḏa lɩwainya luŋun lun liro lɩttən, na ajana yete yun yaṯɩḏonye eloŋu yun yəṯəpijo ŋɩru bubruṯ. 8gwune nuluməḏɩjo ŋuɽuna wei nulwəje yoba.
9na giləganu gwune nalwele nalɩje gɩṯo kamɩrɩgen, na buṯrus abo kwu dunu elo nuuməḏɩjo eloŋu na galo ro anyino ganu ca. 10gwune na jaŋu e nuar gweʼe. na gwune naljɩre gi ḏimana. nuḏɩraḏelo, 11nuaŋu kanyinŋ miḏini na ŋɩdi ŋete gwulə lugwun gi giria gun gɩbuḏo. ŋukanu ŋwuɽa ganu kwoɽo nalgwuleḏe ga kwɩnyəm; 12na giria keno gəṯi ŋɩdio ganu ŋwuɽa wei ŋweḏi gwɩnyəm ŋun ŋəṯi ŋwara gwukwoɽo. na lɩḏe, na ŋɩdi ŋun ŋaṯɩwewele ga nare ne na nyiɽuwə nyeḏi kanyin. 13na ŋwal wila lugwun nalarno, diɽu buṯrus, ŋaḏuge ŋaʼe. 14namɩni buṯrus arno, ŋate ŋan dino, gwele gwi no, nyi gwate manʼe ŋɩdio ŋədi gwerre ŋun ŋɩtumuḏu na ŋun ŋiroŋɩrleḏ no. 15na ŋwal aɽu naleicɩno, aṯaŋara no ŋɩdi ŋun ŋiŋirɩlo elo ŋiro ŋɩrleḏ no. 16gwune nalgwulə ŋwamon ganu ṯəɽɩl na ŋɩdi aɽu kanyin mɩna. 17gwune na buṯrus obaga ṯuṯ nuuməḏɩni ŋuɽun ŋe ŋun ŋaŋinu gi ŋwume, liji lun lɩwəjɩlo kurnilis nalɽoṯeḏe duno gweḏi simian, nalḏuḏɩni kouwɩr. 18nalorniḏe nalɽoṯəḏɩjo ḏa simian gwun gwan buṯrus maje. 19gwune na buṯrus uməḏɩni ŋuɽun ŋe ŋun ŋaŋinu gi ŋwume nuarno ŋɩrṯa ŋiro, namɩni gwuɽɩwə gwun gwɩpiḏo pɽul eicɩno, eʼe, liji lo ṯəɽɩl lɩbunyaŋa. 20diɽu, ŋagwulə, nyaliwele ŋanuməḏɩno no, na nyi gwiro wəjɩlo. 21na buṯrus gwuləḏo gi liji nuleicɩno, nyi gwiro nyalbunyiŋi. ŋuɽun ŋɩrṯa gəko nanyila? 22naleicɩno, kurnilis gwun gwiro gwele gweḏi ajana yun yiro ḏuɽi di, gwiro gwiji gwun gwuḏuḏɩnu ga gwaṯɩḏonye eloŋu, na liju wei laṯarno ŋu gwiŋir, na gwiji gweḏi kanyin gwun gwɩpiḏo pɽul gwuməḏɩju gwerre nulwəjo laŋagwuloḏa ŋele dunu lugwun ŋudiŋɩni ŋuɽuna lugwuŋa. 23nal buṯrus orniḏe naləḏio gɩdəno nalijiga. na giləganu na buṯrus diɽi naliwele, na luŋa kworo lun liro lɩmage leḏi yoba naliwele. 24na giləganu ge nalṯɩmi gesaria. nal kurnilis eṯejo nalaɽuwaḏa ldu lɩmegin le na lɩmeḏin lun lijaḏile ga.
25na gwune na buṯrus əḏi, nalubiḏaṯe kurnilis gwe nuiḏi ŋwara ganu lugwun. 26na buṯrus diɽio nueicɩno, diɽeḏelo, nyi kwulo gwi nyi gwiro gwiji dino. 27na gwune nalgwumə dino naləḏi, nalɩbuje lutu laɽuwaḏo ldu. 28nuleicɩno, nyalilɩŋiḏi galakwe ŋɩtumuḏu kwiji gwun gwiro gwiju gwalgwuḏiḏe gwiji gwe gwun gwiro kaja, namɩni elo gwaŋijinyi muma nyi gwate gwanarno gwiji gwiro ŋɩrleḏ no. 29na ŋuɽun ŋeno, nyi gwuləḏi lagalo gi gwune orniḏinyilo, na nyi gwate gwəṯi ŋuɽuna no. na dino nyi gwar gwajiɽoṯəḏɩjo ŋuɽun ŋɩrṯa ŋiro ŋun ŋɩbunyanyalo. 30na kurnilis eicɩno, ŋwamon kwoɽo ŋwun ŋwɩmete sa jiro dino nyi gwijo gi ḏɩməṯo əbuṯo, na sa ṯəɽɩl nyi gwijo gi ḏuməḏɩjo eloŋu dunu lugwi. na eʼe, gwəmɩnyəŋe gwete gwuḏuḏɩneji ga gwukanu jiria jiro gamgam. 31nuarno, kurnilis, ḏuməḏɩjo eloŋu ḏuŋa ḏɩmadiŋɩnini na ḏiḏəḏo liji ḏuŋa ḏaḏɩŋano elo gi jei ganu lugwun. 32na dino wəjɩlo yoba, aŋalorniḏɩjo simianŋ gwun gwan buṯrus, gwun gwo gwijiga kwu dunu gweḏi simian gwun gwaṯidi jurəḏo gwo gɩṯo ŋi ḏɩrawe. 33na ŋiro dino naŋalwəḏɩjo cou, na ŋuɽun ŋiŋir ŋamadiŋɩna ŋa mila cou. na dino anaŋa lɩmaje ldu ŋɩne gi jei ganu jeḏi elo, ladiŋɩni ŋuɽuna wei ŋun ŋiḏəḏɩŋalo gwele ŋumə.
ŋuɽun ŋeḏi buṯrus
34na buṯrus umə wɽi nuleicɩno, gwerkwe, nyi gwilɩŋiḏi muma gwate gwəṯi elo əmɩnyene gwete kworo no, 35namɩni gi liji leḏi jɩmɩrɩgen wei lun laṯɩḏonye eloŋu nalarre ŋɩru ŋun ŋiŋir, laṯuləmɩnyi. 36na elo wəjo ŋuɽuna ŋeno gi liji leḏi isreiyil alaŋiḏi ŋuɽuna ŋiŋir ŋe ḏouwɩɽiḏa yecu kɩrisṯo gwe. na ŋu gwiro gwele gweḏi wei. 37nyaŋa gi lulo lalo, nyalɩŋiḏi ŋuɽuna ŋeno ŋun ŋɩmawɩreḏelo yauḏia wei, ŋaŋinu jalil gwerre kaja kono gaṯɩgi yuwana umə ŋuɽuna ŋeḏi babṯaijɩno, 38galakwe na elo wɩrṯi yecuŋ gweḏi nasɩra gwuɽɩwə gwe gwun gwɩpiḏo pɽul na ŋɩma, naṯuwewele naṯuduji ŋuɽuna ŋinir, naṯulmiḏi wei lun lɩkaiilo iblis, gi gwune gwijil elo gwe. 39na andro nalaŋiḏi wei ŋun ŋapulo kamɩrɩgen yeḏi liju na urucəlim. namɩni malɽinye nalabuje kwaɽelo. 40ma elo diɽi gi lamon lun laduji loro ṯəɽɩl nuaŋini; 41gwate gwaŋinu gi liji ga wei no, numɩni aŋini lagəri lun lɩməṯɩlo elo gwerre, andro lun laŋiḏi gwun gwaṯanalʼe na nalyu gwune nudiɽo gi ḏaiya. 42nuŋwijiḏəḏə ŋuɽuna na anuməḏɩjo liji analɩteije ga ŋu gwiro gwun gwuduji elo gaḏi geḏi liji lun lɩmiḏo na lun laiyo. 43na nebɩŋa wei laŋiḏi ŋu gwe, nalaŋijo liji wei lun gwar gwaləmɩnyi na elo əbɩrijo ŋuɽuna ŋun ŋɩki jiri je juŋun.
liji lun liro ga dino lapo gwuɽɩwə na ḏibabṯaijɩno
44gwune na buṯrus jɩre gwuməḏi ŋuɽuna ŋeno na gwuɽɩwə gwun gwɩpiḏo pɽul ideḏo gi liji wei lun lɩdiŋɩnu. 45na liji lun ləmɩnyu yecuŋ lun luɽəno lun lɩwiḏi buṯrusŋale nalobaŋa ṯuṯ, gi gwune ḏiḏəḏo ḏeḏi gwuɽɩwə gwun gwɩpiḏo pɽul nudoḏe dino gi liji lun liro ga dino; 46gi gwune naldiŋɩni ḏuməḏo ŋuɽuna ŋiro kajakaja, nalorṯeḏa eloŋu. nal buṯrus uməḏɩjo nuleicɩno, 47gwiji gwo gwete gwəṯi ŋɩma gwadonye ŋau gi albabṯaijɩni liji leno lun lɩmaməṯo gwuɽɩwə gwun gwɩpiḏo pɽul gi liŋə a? 48nulgelɩjo ŋuɽuna albabṯaijɩni gi jiri jeḏi gwele gwun gwan yecu kɩrisṯo. naleicɩno gwalijiga ŋwamon ŋwədi.
Currently Selected:
ŋɩru ŋun ŋapɩlo duwəjo 10: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
ŋɩru ŋun ŋapɩlo duwəjo 10
10
asa 10
buṯrus na kurnilis
1na gwiji gwete je gesaria gwun gwan kurnilis gwun gwiro gwele gweḏi ajana yun yiro ḏuɽi di yan iṯalia. 2ŋu gwiro gwiji gwiŋir gwaṯɩḏonye eloŋu luŋa liji le wei leḏi dunu gwuŋun; naṯuḏəḏə liji ŋɩdio ŋutu ga dino, naṯuuməḏɩjo eloŋu bubruṯ. 3nuaŋu ŋuɽuna ŋete ŋun ŋaŋinu gi ŋwume sa jijo gɩṯo ṯəɽɩl ca, na gwiji gweḏi kanyin gweḏi elo wila lugwun, nueicɩno, kurnilis. 4nunŋalaḏe nuḏonye nuarno, gwele, gwudaro? nueicɩno, ḏuməḏɩjo eloŋu ḏuŋa na ḏiḏəḏo liji ḏuŋa ḏaṯi elo aḏɩŋane. 5gwunnɩno wəjo ləmɩnyəŋe yoba alorniḏa gwete gwun gwan simian buṯrus. 6gwo gwijilgwe gwete gwun gwan simian gwun gwaṯidi jurəḏo, na dunu gwuŋun gwo gɩṯo gi ḏɩrawe. 7na gwune na gwiji gweḏi kanyin gwun gwuməḏɩjo kurnilisŋ nuwele, nuorniḏa lɩwainya luŋun lun liro lɩttən, na ajana yete yun yaṯɩḏonye eloŋu yun yəṯəpijo ŋɩru bubruṯ. 8gwune nuluməḏɩjo ŋuɽuna wei nulwəje yoba.
9na giləganu gwune nalwele nalɩje gɩṯo kamɩrɩgen, na buṯrus abo kwu dunu elo nuuməḏɩjo eloŋu na galo ro anyino ganu ca. 10gwune na jaŋu e nuar gweʼe. na gwune naljɩre gi ḏimana. nuḏɩraḏelo, 11nuaŋu kanyinŋ miḏini na ŋɩdi ŋete gwulə lugwun gi giria gun gɩbuḏo. ŋukanu ŋwuɽa ganu kwoɽo nalgwuleḏe ga kwɩnyəm; 12na giria keno gəṯi ŋɩdio ganu ŋwuɽa wei ŋweḏi gwɩnyəm ŋun ŋəṯi ŋwara gwukwoɽo. na lɩḏe, na ŋɩdi ŋun ŋaṯɩwewele ga nare ne na nyiɽuwə nyeḏi kanyin. 13na ŋwal wila lugwun nalarno, diɽu buṯrus, ŋaḏuge ŋaʼe. 14namɩni buṯrus arno, ŋate ŋan dino, gwele gwi no, nyi gwate manʼe ŋɩdio ŋədi gwerre ŋun ŋɩtumuḏu na ŋun ŋiroŋɩrleḏ no. 15na ŋwal aɽu naleicɩno, aṯaŋara no ŋɩdi ŋun ŋiŋirɩlo elo ŋiro ŋɩrleḏ no. 16gwune nalgwulə ŋwamon ganu ṯəɽɩl na ŋɩdi aɽu kanyin mɩna. 17gwune na buṯrus obaga ṯuṯ nuuməḏɩni ŋuɽun ŋe ŋun ŋaŋinu gi ŋwume, liji lun lɩwəjɩlo kurnilis nalɽoṯeḏe duno gweḏi simian, nalḏuḏɩni kouwɩr. 18nalorniḏe nalɽoṯəḏɩjo ḏa simian gwun gwan buṯrus maje. 19gwune na buṯrus uməḏɩni ŋuɽun ŋe ŋun ŋaŋinu gi ŋwume nuarno ŋɩrṯa ŋiro, namɩni gwuɽɩwə gwun gwɩpiḏo pɽul eicɩno, eʼe, liji lo ṯəɽɩl lɩbunyaŋa. 20diɽu, ŋagwulə, nyaliwele ŋanuməḏɩno no, na nyi gwiro wəjɩlo. 21na buṯrus gwuləḏo gi liji nuleicɩno, nyi gwiro nyalbunyiŋi. ŋuɽun ŋɩrṯa gəko nanyila? 22naleicɩno, kurnilis gwun gwiro gwele gweḏi ajana yun yiro ḏuɽi di, gwiro gwiji gwun gwuḏuḏɩnu ga gwaṯɩḏonye eloŋu, na liju wei laṯarno ŋu gwiŋir, na gwiji gweḏi kanyin gwun gwɩpiḏo pɽul gwuməḏɩju gwerre nulwəjo laŋagwuloḏa ŋele dunu lugwun ŋudiŋɩni ŋuɽuna lugwuŋa. 23nal buṯrus orniḏe naləḏio gɩdəno nalijiga. na giləganu na buṯrus diɽi naliwele, na luŋa kworo lun liro lɩmage leḏi yoba naliwele. 24na giləganu ge nalṯɩmi gesaria. nal kurnilis eṯejo nalaɽuwaḏa ldu lɩmegin le na lɩmeḏin lun lijaḏile ga.
25na gwune na buṯrus əḏi, nalubiḏaṯe kurnilis gwe nuiḏi ŋwara ganu lugwun. 26na buṯrus diɽio nueicɩno, diɽeḏelo, nyi kwulo gwi nyi gwiro gwiji dino. 27na gwune nalgwumə dino naləḏi, nalɩbuje lutu laɽuwaḏo ldu. 28nuleicɩno, nyalilɩŋiḏi galakwe ŋɩtumuḏu kwiji gwun gwiro gwiju gwalgwuḏiḏe gwiji gwe gwun gwiro kaja, namɩni elo gwaŋijinyi muma nyi gwate gwanarno gwiji gwiro ŋɩrleḏ no. 29na ŋuɽun ŋeno, nyi gwuləḏi lagalo gi gwune orniḏinyilo, na nyi gwate gwəṯi ŋuɽuna no. na dino nyi gwar gwajiɽoṯəḏɩjo ŋuɽun ŋɩrṯa ŋiro ŋun ŋɩbunyanyalo. 30na kurnilis eicɩno, ŋwamon kwoɽo ŋwun ŋwɩmete sa jiro dino nyi gwijo gi ḏɩməṯo əbuṯo, na sa ṯəɽɩl nyi gwijo gi ḏuməḏɩjo eloŋu dunu lugwi. na eʼe, gwəmɩnyəŋe gwete gwuḏuḏɩneji ga gwukanu jiria jiro gamgam. 31nuarno, kurnilis, ḏuməḏɩjo eloŋu ḏuŋa ḏɩmadiŋɩnini na ḏiḏəḏo liji ḏuŋa ḏaḏɩŋano elo gi jei ganu lugwun. 32na dino wəjɩlo yoba, aŋalorniḏɩjo simianŋ gwun gwan buṯrus, gwun gwo gwijiga kwu dunu gweḏi simian gwun gwaṯidi jurəḏo gwo gɩṯo ŋi ḏɩrawe. 33na ŋiro dino naŋalwəḏɩjo cou, na ŋuɽun ŋiŋir ŋamadiŋɩna ŋa mila cou. na dino anaŋa lɩmaje ldu ŋɩne gi jei ganu jeḏi elo, ladiŋɩni ŋuɽuna wei ŋun ŋiḏəḏɩŋalo gwele ŋumə.
ŋuɽun ŋeḏi buṯrus
34na buṯrus umə wɽi nuleicɩno, gwerkwe, nyi gwilɩŋiḏi muma gwate gwəṯi elo əmɩnyene gwete kworo no, 35namɩni gi liji leḏi jɩmɩrɩgen wei lun laṯɩḏonye eloŋu nalarre ŋɩru ŋun ŋiŋir, laṯuləmɩnyi. 36na elo wəjo ŋuɽuna ŋeno gi liji leḏi isreiyil alaŋiḏi ŋuɽuna ŋiŋir ŋe ḏouwɩɽiḏa yecu kɩrisṯo gwe. na ŋu gwiro gwele gweḏi wei. 37nyaŋa gi lulo lalo, nyalɩŋiḏi ŋuɽuna ŋeno ŋun ŋɩmawɩreḏelo yauḏia wei, ŋaŋinu jalil gwerre kaja kono gaṯɩgi yuwana umə ŋuɽuna ŋeḏi babṯaijɩno, 38galakwe na elo wɩrṯi yecuŋ gweḏi nasɩra gwuɽɩwə gwe gwun gwɩpiḏo pɽul na ŋɩma, naṯuwewele naṯuduji ŋuɽuna ŋinir, naṯulmiḏi wei lun lɩkaiilo iblis, gi gwune gwijil elo gwe. 39na andro nalaŋiḏi wei ŋun ŋapulo kamɩrɩgen yeḏi liju na urucəlim. namɩni malɽinye nalabuje kwaɽelo. 40ma elo diɽi gi lamon lun laduji loro ṯəɽɩl nuaŋini; 41gwate gwaŋinu gi liji ga wei no, numɩni aŋini lagəri lun lɩməṯɩlo elo gwerre, andro lun laŋiḏi gwun gwaṯanalʼe na nalyu gwune nudiɽo gi ḏaiya. 42nuŋwijiḏəḏə ŋuɽuna na anuməḏɩjo liji analɩteije ga ŋu gwiro gwun gwuduji elo gaḏi geḏi liji lun lɩmiḏo na lun laiyo. 43na nebɩŋa wei laŋiḏi ŋu gwe, nalaŋijo liji wei lun gwar gwaləmɩnyi na elo əbɩrijo ŋuɽuna ŋun ŋɩki jiri je juŋun.
liji lun liro ga dino lapo gwuɽɩwə na ḏibabṯaijɩno
44gwune na buṯrus jɩre gwuməḏi ŋuɽuna ŋeno na gwuɽɩwə gwun gwɩpiḏo pɽul ideḏo gi liji wei lun lɩdiŋɩnu. 45na liji lun ləmɩnyu yecuŋ lun luɽəno lun lɩwiḏi buṯrusŋale nalobaŋa ṯuṯ, gi gwune ḏiḏəḏo ḏeḏi gwuɽɩwə gwun gwɩpiḏo pɽul nudoḏe dino gi liji lun liro ga dino; 46gi gwune naldiŋɩni ḏuməḏo ŋuɽuna ŋiro kajakaja, nalorṯeḏa eloŋu. nal buṯrus uməḏɩjo nuleicɩno, 47gwiji gwo gwete gwəṯi ŋɩma gwadonye ŋau gi albabṯaijɩni liji leno lun lɩmaməṯo gwuɽɩwə gwun gwɩpiḏo pɽul gi liŋə a? 48nulgelɩjo ŋuɽuna albabṯaijɩni gi jiri jeḏi gwele gwun gwan yecu kɩrisṯo. naleicɩno gwalijiga ŋwamon ŋwədi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.