ŋɩru ŋun ŋapɩlo duwəjo 20
20
asa 20
bulus gwo makɩḏunia na alas na ṯarawas
1na gwune na ŋɩrəkwəno ete na bulus orniḏa calɩmis nulbɩɽi nanu nimɩɽənyə ki nunwalane makɩḏunia. 2gwune nuwele kalo wei kono, nulbɩɽi nanu ŋuɽun ŋe ŋutu nuwila alas, 3nujiga ŋɩnəwei luwəŋe ṯəɽɩl. na gwune nuar gwele murkab gwe suriya, na liju kaii ŋuɽuna ḏikiḏiḏia ḏe nuarno gwaɽuwa kɩlɩgi ganu makɩḏunia. 4na sabaṯarus ŋaɽe ŋeḏi pairəs gweḏi amɩrɩgen yun yan beria, na ariṯakus na sakundus leḏi amɩrɩgen yun yan ṯasaluniki, na gaius gweḏi amɩrɩgen yun yan ḏarbi na ṯimuṯawus, na ṯikikus na ṯaribimus leḏi asia, naliwele asia. 5naldare kɩɽelo lagəri nuijilḏuḏɩnɩjo ṯarawas. 6gwune na ŋwamon ete ŋweḏi gɩmuri geḏi gia gun gaicɩwa, nanawalane bilibi, nanawele murkab gwe ŋwamon ṯoḏɩne nanalobeḏe ṯarawas, nanajiga ŋinəwei ŋwamon kwoɽoṯəɽɩl.
abɩṯikus
7na gi lamon lun liro lɽa lun laduji loro kwoɽoṯəɽɩl gwune nanaɽuwaḏa ldu gi ḏibɩleṯɩnyeḏa gia ganu, nal bulus uməḏɩjo nyoŋon kəbe na galo ro giligina ganu, gwar gwele ŋɩno giləganu. 8na ŋwambə je ŋwutu kwu dunu gwun gwaɽuwaḏɩne ldu gwun gwaṯɩje lakwia. 9na gamal gete gun gan abɩṯikus gijo elgwogwo gi cubak giḏɩraḏelo nuar gaḏɩre, na gwune na bulus oli ŋuɽuna ganu na ŋwar ḏami bucu, nuubɩliḏa gi lɩdunu elo lɩttən naldiɽio gaiyo. 10na bulus gwulə lugwun nunaicane elo numəṯo nuleicɩno, nyərio gwula no, gore gimiḏo. 11na gwune na bulus abo elogwogwo nubɩleṯɩnya gia ganu nalʼe naluməḏene gworki kəbe na galo uɽe, nuwele. 12nalape gamɩlia gimiḏo nalouwiḏe ga gworki.
ḏiwila miṯilin
13na namɩni dara kɩɽelo murkab gwe nanawele asos, anar napa bulusŋ ŋɩnəwei na ŋu gwuməḏɩjije dino; na ŋu kwulo gwuŋun nuarno gwar gwila ga ŋwara ŋwe. 14na gwune nanalubiḏaṯe asos nanape nanaliwele miṯilin. 15nanawalane kalo kono na ŋɩno giləganu nanwele gɩṯo kiwus; na giləganu gəwei nanaṯɩmi samus, na ŋɩno giləganu gwurəge nanawila miliṯus. 16na bulus gwar gwadare awɩsus gwe murkab gwe gwate gwar gwajiga asia no. na gwucoro gwar gwəṯɩmi urucəlim gi lamon leḏi ḏuɽi ṯoḏɩne na da ŋɩmandro.
ŋuɽun ŋeḏi bulus ŋun ŋiro gɩdo ganu gi lele leḏi kɩniso geḏi awɩsus miṯilin
17na ŋɩnəwei miliṯus nuwəje awɩsus gworniḏa lelɩnya leḏi kɩniso alwila lugwun. 18na gwune nalwila lugwun nuleicɩno, nyalilɩŋiḏi lamon leḏi gwerre lun lɩwiḏi le asia nyi gwaṯɩje gi jei ganu lagalo bubruṯ. 19na nyi gwəpijo eloŋu ŋɩru ḏɩtieno ḏe na ŋwal ŋwe ŋwutu na ḏɩḏeijo ḏe ŋuɽun ŋe ŋun ŋɩwiḏi lugwi ŋuɽun ŋe ŋun ŋɩkaiilo liju ḏikiḏiḏia ḏe. 20na nyalilɩŋiḏi galakwe nyi gwate gwuḏonyo nyi gwajɩnŋiŋɩɽo ŋuɽuna ŋun ŋajibɩɽi nanu no, naŋamajilaŋijo nuajalɩmi gi jei ganu jeḏi liji na gi lɩdunu gi lɩdunu, 21na nyi gwiteijo ga gi liju na gi ligrigi dino ḏuwɩrla ḏe ga ŋuɽun ŋun ŋɩki ḏi elo na ḏɩməṯo ḏi gwele gwage gwun gwan yecu kɩrisṯo. 22na gwunnɩno eʼe, nyi gwar gwele urucəlim na ŋwi gwuɽɩwə gwun gwɩpiḏo pɽul kuwa, nyi gwate gwilɩŋiḏi ŋuɽun ŋele ŋar ŋɩrṯa ŋɩnəwei no, 23namɩni nyi gwilɩŋiḏi gwuɽɩwə gwun gwɩpiḏo pɽul gwaŋiji gi jɩmɩrɩgen wei nuarno ḏɩkana na ḏɩḏia ḏiḏuḏɩniji ŋɩnəwei. 24namɩni nyi gwate gwəḏuɽə ḏɩmiḏa ḏinyi ḏəṯɩn ŋuɽuna ŋədi kwulo gwi no, kani nyi gwəṯɩmi ḏidarana ḏinyi ḏidila ḏe ganu, na ŋɩru ŋun ŋiḏəḏɩnyilo gwele gwun gwan yecu, ḏɩteijo ḏe ga ḏeḏi ŋuɽun ŋiŋir ŋeḏi ḏiŋiriḏa ḏeḏi elo. 25na gwunnɩno nyi gwilɩŋiḏi nyaŋa wei, nyi gwun gwijo kɩlɩgi ganu lagalo nyi gwajuməḏɩjo ŋele ŋe ŋeḏi elo, na nya late linaŋu gi jei ganu minu no. 26na ŋiro dino gwunayine nyi gwajuməḏɩjene nyi miŋir nanu ŋuwən ŋe ŋalo wei. 27gi gwune nyi gwate gwaḏonye nyi gwajɩnŋiŋiɽo ŋuɽuna wei ŋeḏi elo no. 28aṯanyadɩmini ga gi lulo lalo na gi liji wei lun liro joŋol lun lɩmali gwuɽɩwə gweḏi elo duji laɽa, nyaʼi kɩniso geḏi elo gun giḏɩlinu ŋuwəno ŋuŋun. 29nyi gwilɩŋiḏi ḏa nyi mara mele na jamɽainy jun jiṯɩlo jaŋu jəḏi kɩlɩgi ganu lagalo, jate jouwɩrico joŋolia no. 30na dino kɩlɩgi ganu lagalo ləmɩnyo lədiɽo luməḏo lawɩrloḏeice ŋuɽuna kaja gwe kani algwuloleḏa calɩmis gɩdo gwe. 31na ŋiro dino dɩmenɩl ga nyaḏɩŋane nyarno jɩḏilio ṯəɽɩl nyi gwaṯajuməḏɩjo gigili na ganyin ŋwal ŋwe. 32na gwunnɩno nyi majigele gi ḏi ḏeḏi elo na ŋuɽun ŋe ḏiŋiriḏa ḏuŋun ŋun ŋəṯi ŋɩma ŋajibɩɽi nanu, na ŋajiḏəḏə ḏiɽenyeḏa luŋaŋale wei lun lɩpiḏo pɽul 33na ŋɩdi ŋeḏi gwiji ŋate ŋaṯɩndela ganu əlgɩrucə na ḏab na jiria no. 34na nyaŋa gi lulo lalo, nyalɩŋiḏi nanyarno di ḏinyi deno daṯɩnyiəpijo ŋɩdio ŋun ŋaṯɩlbunyi ŋe ḏɩmiḏa, na ŋeḏi liji lun laṯanalijiga. 35na nyi majaŋijo ŋuɽuna wei galakwe ŋɩru ŋe ŋiro dino ŋiŋir lagalo lanyalgelejo uwə lun lɩrebɩna, nanyaḏɩŋane ŋuɽuna ŋeḏi gwele gwun gwan yecu galakwe gwarno, ḏiḏəḏo ḏiŋirano gi ḏapa. 36na gwune nuar dino nuculɩga ŋwurko ŋwe naluməḏɩjo eloŋu wei. 37naləri gwula wei ŋwal ŋwe gworki nalmɩɽənyə bulusŋ nalmaṯane ganu. 38nalronene ŋuɽun ŋun ŋuməḏulo ŋun ŋaruŋe no gwate gwanaŋu gi jei ganu minu no. nalwele kalo gete nalṯɩmi kwu murkab.
Currently Selected:
ŋɩru ŋun ŋapɩlo duwəjo 20: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
ŋɩru ŋun ŋapɩlo duwəjo 20
20
asa 20
bulus gwo makɩḏunia na alas na ṯarawas
1na gwune na ŋɩrəkwəno ete na bulus orniḏa calɩmis nulbɩɽi nanu nimɩɽənyə ki nunwalane makɩḏunia. 2gwune nuwele kalo wei kono, nulbɩɽi nanu ŋuɽun ŋe ŋutu nuwila alas, 3nujiga ŋɩnəwei luwəŋe ṯəɽɩl. na gwune nuar gwele murkab gwe suriya, na liju kaii ŋuɽuna ḏikiḏiḏia ḏe nuarno gwaɽuwa kɩlɩgi ganu makɩḏunia. 4na sabaṯarus ŋaɽe ŋeḏi pairəs gweḏi amɩrɩgen yun yan beria, na ariṯakus na sakundus leḏi amɩrɩgen yun yan ṯasaluniki, na gaius gweḏi amɩrɩgen yun yan ḏarbi na ṯimuṯawus, na ṯikikus na ṯaribimus leḏi asia, naliwele asia. 5naldare kɩɽelo lagəri nuijilḏuḏɩnɩjo ṯarawas. 6gwune na ŋwamon ete ŋweḏi gɩmuri geḏi gia gun gaicɩwa, nanawalane bilibi, nanawele murkab gwe ŋwamon ṯoḏɩne nanalobeḏe ṯarawas, nanajiga ŋinəwei ŋwamon kwoɽoṯəɽɩl.
abɩṯikus
7na gi lamon lun liro lɽa lun laduji loro kwoɽoṯəɽɩl gwune nanaɽuwaḏa ldu gi ḏibɩleṯɩnyeḏa gia ganu, nal bulus uməḏɩjo nyoŋon kəbe na galo ro giligina ganu, gwar gwele ŋɩno giləganu. 8na ŋwambə je ŋwutu kwu dunu gwun gwaɽuwaḏɩne ldu gwun gwaṯɩje lakwia. 9na gamal gete gun gan abɩṯikus gijo elgwogwo gi cubak giḏɩraḏelo nuar gaḏɩre, na gwune na bulus oli ŋuɽuna ganu na ŋwar ḏami bucu, nuubɩliḏa gi lɩdunu elo lɩttən naldiɽio gaiyo. 10na bulus gwulə lugwun nunaicane elo numəṯo nuleicɩno, nyərio gwula no, gore gimiḏo. 11na gwune na bulus abo elogwogwo nubɩleṯɩnya gia ganu nalʼe naluməḏene gworki kəbe na galo uɽe, nuwele. 12nalape gamɩlia gimiḏo nalouwiḏe ga gworki.
ḏiwila miṯilin
13na namɩni dara kɩɽelo murkab gwe nanawele asos, anar napa bulusŋ ŋɩnəwei na ŋu gwuməḏɩjije dino; na ŋu kwulo gwuŋun nuarno gwar gwila ga ŋwara ŋwe. 14na gwune nanalubiḏaṯe asos nanape nanaliwele miṯilin. 15nanawalane kalo kono na ŋɩno giləganu nanwele gɩṯo kiwus; na giləganu gəwei nanaṯɩmi samus, na ŋɩno giləganu gwurəge nanawila miliṯus. 16na bulus gwar gwadare awɩsus gwe murkab gwe gwate gwar gwajiga asia no. na gwucoro gwar gwəṯɩmi urucəlim gi lamon leḏi ḏuɽi ṯoḏɩne na da ŋɩmandro.
ŋuɽun ŋeḏi bulus ŋun ŋiro gɩdo ganu gi lele leḏi kɩniso geḏi awɩsus miṯilin
17na ŋɩnəwei miliṯus nuwəje awɩsus gworniḏa lelɩnya leḏi kɩniso alwila lugwun. 18na gwune nalwila lugwun nuleicɩno, nyalilɩŋiḏi lamon leḏi gwerre lun lɩwiḏi le asia nyi gwaṯɩje gi jei ganu lagalo bubruṯ. 19na nyi gwəpijo eloŋu ŋɩru ḏɩtieno ḏe na ŋwal ŋwe ŋwutu na ḏɩḏeijo ḏe ŋuɽun ŋe ŋun ŋɩwiḏi lugwi ŋuɽun ŋe ŋun ŋɩkaiilo liju ḏikiḏiḏia ḏe. 20na nyalilɩŋiḏi galakwe nyi gwate gwuḏonyo nyi gwajɩnŋiŋɩɽo ŋuɽuna ŋun ŋajibɩɽi nanu no, naŋamajilaŋijo nuajalɩmi gi jei ganu jeḏi liji na gi lɩdunu gi lɩdunu, 21na nyi gwiteijo ga gi liju na gi ligrigi dino ḏuwɩrla ḏe ga ŋuɽun ŋun ŋɩki ḏi elo na ḏɩməṯo ḏi gwele gwage gwun gwan yecu kɩrisṯo. 22na gwunnɩno eʼe, nyi gwar gwele urucəlim na ŋwi gwuɽɩwə gwun gwɩpiḏo pɽul kuwa, nyi gwate gwilɩŋiḏi ŋuɽun ŋele ŋar ŋɩrṯa ŋɩnəwei no, 23namɩni nyi gwilɩŋiḏi gwuɽɩwə gwun gwɩpiḏo pɽul gwaŋiji gi jɩmɩrɩgen wei nuarno ḏɩkana na ḏɩḏia ḏiḏuḏɩniji ŋɩnəwei. 24namɩni nyi gwate gwəḏuɽə ḏɩmiḏa ḏinyi ḏəṯɩn ŋuɽuna ŋədi kwulo gwi no, kani nyi gwəṯɩmi ḏidarana ḏinyi ḏidila ḏe ganu, na ŋɩru ŋun ŋiḏəḏɩnyilo gwele gwun gwan yecu, ḏɩteijo ḏe ga ḏeḏi ŋuɽun ŋiŋir ŋeḏi ḏiŋiriḏa ḏeḏi elo. 25na gwunnɩno nyi gwilɩŋiḏi nyaŋa wei, nyi gwun gwijo kɩlɩgi ganu lagalo nyi gwajuməḏɩjo ŋele ŋe ŋeḏi elo, na nya late linaŋu gi jei ganu minu no. 26na ŋiro dino gwunayine nyi gwajuməḏɩjene nyi miŋir nanu ŋuwən ŋe ŋalo wei. 27gi gwune nyi gwate gwaḏonye nyi gwajɩnŋiŋiɽo ŋuɽuna wei ŋeḏi elo no. 28aṯanyadɩmini ga gi lulo lalo na gi liji wei lun liro joŋol lun lɩmali gwuɽɩwə gweḏi elo duji laɽa, nyaʼi kɩniso geḏi elo gun giḏɩlinu ŋuwəno ŋuŋun. 29nyi gwilɩŋiḏi ḏa nyi mara mele na jamɽainy jun jiṯɩlo jaŋu jəḏi kɩlɩgi ganu lagalo, jate jouwɩrico joŋolia no. 30na dino kɩlɩgi ganu lagalo ləmɩnyo lədiɽo luməḏo lawɩrloḏeice ŋuɽuna kaja gwe kani algwuloleḏa calɩmis gɩdo gwe. 31na ŋiro dino dɩmenɩl ga nyaḏɩŋane nyarno jɩḏilio ṯəɽɩl nyi gwaṯajuməḏɩjo gigili na ganyin ŋwal ŋwe. 32na gwunnɩno nyi majigele gi ḏi ḏeḏi elo na ŋuɽun ŋe ḏiŋiriḏa ḏuŋun ŋun ŋəṯi ŋɩma ŋajibɩɽi nanu, na ŋajiḏəḏə ḏiɽenyeḏa luŋaŋale wei lun lɩpiḏo pɽul 33na ŋɩdi ŋeḏi gwiji ŋate ŋaṯɩndela ganu əlgɩrucə na ḏab na jiria no. 34na nyaŋa gi lulo lalo, nyalɩŋiḏi nanyarno di ḏinyi deno daṯɩnyiəpijo ŋɩdio ŋun ŋaṯɩlbunyi ŋe ḏɩmiḏa, na ŋeḏi liji lun laṯanalijiga. 35na nyi majaŋijo ŋuɽuna wei galakwe ŋɩru ŋe ŋiro dino ŋiŋir lagalo lanyalgelejo uwə lun lɩrebɩna, nanyaḏɩŋane ŋuɽuna ŋeḏi gwele gwun gwan yecu galakwe gwarno, ḏiḏəḏo ḏiŋirano gi ḏapa. 36na gwune nuar dino nuculɩga ŋwurko ŋwe naluməḏɩjo eloŋu wei. 37naləri gwula wei ŋwal ŋwe gworki nalmɩɽənyə bulusŋ nalmaṯane ganu. 38nalronene ŋuɽun ŋun ŋuməḏulo ŋun ŋaruŋe no gwate gwanaŋu gi jei ganu minu no. nalwele kalo gete nalṯɩmi kwu murkab.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.