luka 3
3
asa 3
ŋuwəna mamadan na ŋuyun ŋuŋun
mṯ. 3:1-12, mks. 1:1-8
1na gi jɩḏilio jun jiro di na ṯoḏɩne ŋele ŋeḏi tibarius gesar, gi gwune duḏi bilaṯus bunti mudir gweḏi yauḏia, namɩni ərudus nuro gwele gweḏi jalil, namɩni bilibus gwun gwiro megin nuro gwele gweḏi ituriya na kalo geḏi tarakunitis, na lisanius nuro gwele gweḏi abiliya, 2na annan na kaiyaba liro lele leḏi jɩsis, ŋuɽun ŋeḏi elo ŋɩmila ḏi yuwana gwun gwiro ŋaɽe ŋeḏi sakaria kiḏɩwer. 3nuwele gi liji ŋwurgwom ŋwun ŋwuɽeico ḏɩrawe galo ḏun ḏan urdun naṯuuməḏɩjo liji ḏibabṯaijɩno ḏe alwɩrla ga nal elo əbɩri ŋuɽun ganu ŋagin ŋun ŋɩki. 4gi gwune ŋulinu kɩḏam geḏi elo ŋun ŋarɩŋe isaia gwun gwiro nebi:
ŋwal ŋweḏi gwiji gwete gwun gwaṯəmɩḏe galo uro kiḏɩwer,
nuarno,
ṯuḏɩnil ṯaṯ galo ḏeḏi gwele gwun gwiro elo, nyaṯuḏɩni daṯ duŋun muma;
5na deiju wei denyeḏe
na ŋwurgwom wei ŋwideḏe ga na ŋwar deiju,
na ŋun ŋate ŋuḏuḏɩnu ga no ŋeḏuḏɩni ga,
na daṯ dun dɩki douwɩri ganu;
6na liji wei laŋu ḏɩkədəḏɩnə ga ḏeḏi elo.
7naṯueico liji wei lun lɩduḏi nalar lababṯaijɩni lugwun, nyaɽe nye nyeḏi juŋə, əḏi gwiro gwaŋijaje nuarno nyalabɩre gi ḏɩɽeḏa ganu ḏun ḏila? 8ɽil nyaɽe nyun nyajilnyilɩŋe nyalmouwɩrla ga muma, na nya lo lanar lagaloŋu no, anəṯi babaŋ gwun gwan ibraim, gi gwune nyi gweiceijɩno, elo gwəṯi ŋɩma gwədiɽijo ibraimŋ nyaɽe gi nyɩdol nyeno. 9na gwunnɩno ŋuɽi ŋo gɩṯo kalo ge dro de jaɽe, na jaɽe wei jun jate jaṯɩɽe nyaɽe nyiŋir no jouɽene ga na jagelini kigo. 10nal liji ɽoṯədɩjo wei naleicɩno, anar narra? 11nulwɩrlijo ŋuɽuna nuleicɩno, gwun gwəṯi ŋwugə gwuttən nuḏəḏə lete gwun late ləṯu no, na gwun gwəṯi ŋɩḏio ŋe ḏiṯa nulduji dino. 12nalwila dino lun laṯɩmeje ṯulba lar ləbabṯaijɩni naleicɩno, mualɩm gwəri, anar narra? 13nuleicɩno, ŋo ŋanyalape ŋutəno gi ŋun ŋeicijilɩŋe. 14na ajana ɽoṯəḏɩjo dino naleicɩno, anar narra? nuleicɩno, nya lo lərri gwiji gwetɩdo ŋɩdiginə, i nya lo lanenya gworo əlŋɩrucə; na iŋiriḏil ganu gi ŋun ŋajilḏəḏə.
15na gi gwune liji lɩḏuḏɩnu na luŋa wei naliri jei ga gi dugwor ganu dagin gwan yuwana ḏa ŋu maro kɩrisṯo i awe, 16na yuwana wɩrlijo liji wei ŋuɽuna nuleicɩno nyi gwaṯɩbabṯaije ŋau ŋe, namɩni gwo gwete gwila gwun gwutəno ŋɩma lugwi; nyi gwate gwɩdeleḏo gwikədə ŋɩma ga geḏi giwɩḏc guŋun no. ŋu gwajibabṯaije gwuɽɩwə gwe gwun gwɩpiḏo pɽul na igo. 17na jɩrda jo gi ḏi ḏuŋun jujimuje gaɽa muma, kani alwəɽeico ŋwona ldu ŋuɽulo ŋuŋun; namɩni dɩrda dalnuni igo ye yun ŋate yaṯal no.
18na ŋuɽun ŋun ŋiro kaja ŋun ŋutu ŋun ŋɩbɩɽilije nanu nəṯuuməḏɩjo liji. 19namɩni ərudus gwun gwiro gwele gwune na yuwana lo kalo geḏi ərudiya gwun gwiro gwa gweḏi bilibus gwun gwiro megin, na kalo geḏi ŋuɽun ŋun ŋɩki ŋun ŋərrɩlo ərudus, 20nuenyeḏeice ŋuɽuna ŋeno wei ŋuɽun ŋe ŋeno dino nalarno gwumaŋele yuwanaŋ kɩrkon.
ḏibabṯaijɩno ḏeḏi yecu
mṯ. 3:13-17, mks. 1:9-11
21gwune na liji babṯaijɩni wei, na yecu babṯaijɩni dino na gi gwune ju gi ḏuməḏɩjo eloŋu, na kanyin iḏini, 22na gwuɽɩwə ewuləḏo lugwun gwun gwɩpiḏo pɽul gwiro ga gi aŋɩnu nuro ga gi gɩɽidir. na ŋwal gwulo kanyin nalarno, ŋa gwiro ŋaɽe ŋinyi ŋun ŋaṯiəmɩnyi na ŋaṯɩnyiŋiri ḏugwore.
lɩgwumən leḏi yecu
mṯ. 1:1-17
23na yecu gwəṯi jɩḏilio ḏuɽi ṯəɽɩl ca gwune nudiɽi ŋɩru ŋuŋun. naṯi liji arno gwiro ŋaɽe ŋeḏi yusib gwun gwiro ŋaɽe ŋeḏi ali, 24na ŋaɽe ŋeḏi mutaḏaḏ, na ŋeḏi lawi, na ŋeḏi maliki, na ŋeḏi yana, na ŋeḏi yusib, 25na ŋeḏi mutaḏaya, na ŋeḏi amus, na ŋeḏi nawun, na ŋeḏi asali, na ŋeḏi najai, 26na ŋeḏi maḏa, na ŋeḏi mutaḏaya, na ŋeḏi simi, na ŋeḏi yusek, na ŋeḏi yoḏa, 27na ŋeḏi yuwana, na ŋeḏi reisa, na ŋeḏi sarababil, na ŋeḏi salatail, na ŋeḏi niri, 28na ŋeḏi maliki, na ŋeḏi adi, na ŋeḏi gwusum, na ŋeḏi almuḏam na ŋeḏi iyir, 29na ŋeḏi yasua, na ŋeḏi aliyasɩr, na ŋeḏi yurim, na ŋeḏi mutaḏaḏ na ŋeḏi lawi, 30na ŋeḏi simaun, na ŋeḏi yauḏa, na ŋeḏi yusib, na ŋeḏi yuana, na ŋeḏi aliyakim, 31na ŋeḏi malaya, na ŋeḏi menan, na ŋeḏi maṯaḏa, na ŋeḏi naḏan na ŋeḏi ḏauuḏ, 32na ŋeḏi yesa, na ŋeḏi ubiḏ, na ŋeḏi buas, na ŋeḏi salɩmun, na ŋeḏi nasun, 33na ŋeḏi əmɩnadab, na ŋeḏi adɩmin, na ŋeḏi əmɩ, na ŋeḏi asarun, na ŋeḏi paris, na ŋeḏi yauḏa, 34na ŋeḏi yagub, na ŋeḏi isak, na ŋeḏi ibraim, na ŋeḏi tara, na ŋeḏi nawur, 35na ŋeḏi saruḏ, na ŋeḏi rawu, na ŋeḏi paliḏ, na ŋeḏi abir, na ŋeḏi sala, 36na ŋeḏi keinan, na ŋeḏi arpakasaḏ, na ŋeḏi sam, na ŋeḏi nouwa, na ŋeḏi lamak, 37na ŋeḏi maṯusala, na ŋeḏi akwunuk, na ŋeḏi yaraḏ, na ŋeḏi malilil, na ŋeḏi keinan, 38na ŋeḏi inus, na ŋeḏi siyaṯ na ŋeḏi adam na ŋeḏi elo.
Currently Selected:
luka 3: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
luka 3
3
asa 3
ŋuwəna mamadan na ŋuyun ŋuŋun
mṯ. 3:1-12, mks. 1:1-8
1na gi jɩḏilio jun jiro di na ṯoḏɩne ŋele ŋeḏi tibarius gesar, gi gwune duḏi bilaṯus bunti mudir gweḏi yauḏia, namɩni ərudus nuro gwele gweḏi jalil, namɩni bilibus gwun gwiro megin nuro gwele gweḏi ituriya na kalo geḏi tarakunitis, na lisanius nuro gwele gweḏi abiliya, 2na annan na kaiyaba liro lele leḏi jɩsis, ŋuɽun ŋeḏi elo ŋɩmila ḏi yuwana gwun gwiro ŋaɽe ŋeḏi sakaria kiḏɩwer. 3nuwele gi liji ŋwurgwom ŋwun ŋwuɽeico ḏɩrawe galo ḏun ḏan urdun naṯuuməḏɩjo liji ḏibabṯaijɩno ḏe alwɩrla ga nal elo əbɩri ŋuɽun ganu ŋagin ŋun ŋɩki. 4gi gwune ŋulinu kɩḏam geḏi elo ŋun ŋarɩŋe isaia gwun gwiro nebi:
ŋwal ŋweḏi gwiji gwete gwun gwaṯəmɩḏe galo uro kiḏɩwer,
nuarno,
ṯuḏɩnil ṯaṯ galo ḏeḏi gwele gwun gwiro elo, nyaṯuḏɩni daṯ duŋun muma;
5na deiju wei denyeḏe
na ŋwurgwom wei ŋwideḏe ga na ŋwar deiju,
na ŋun ŋate ŋuḏuḏɩnu ga no ŋeḏuḏɩni ga,
na daṯ dun dɩki douwɩri ganu;
6na liji wei laŋu ḏɩkədəḏɩnə ga ḏeḏi elo.
7naṯueico liji wei lun lɩduḏi nalar lababṯaijɩni lugwun, nyaɽe nye nyeḏi juŋə, əḏi gwiro gwaŋijaje nuarno nyalabɩre gi ḏɩɽeḏa ganu ḏun ḏila? 8ɽil nyaɽe nyun nyajilnyilɩŋe nyalmouwɩrla ga muma, na nya lo lanar lagaloŋu no, anəṯi babaŋ gwun gwan ibraim, gi gwune nyi gweiceijɩno, elo gwəṯi ŋɩma gwədiɽijo ibraimŋ nyaɽe gi nyɩdol nyeno. 9na gwunnɩno ŋuɽi ŋo gɩṯo kalo ge dro de jaɽe, na jaɽe wei jun jate jaṯɩɽe nyaɽe nyiŋir no jouɽene ga na jagelini kigo. 10nal liji ɽoṯədɩjo wei naleicɩno, anar narra? 11nulwɩrlijo ŋuɽuna nuleicɩno, gwun gwəṯi ŋwugə gwuttən nuḏəḏə lete gwun late ləṯu no, na gwun gwəṯi ŋɩḏio ŋe ḏiṯa nulduji dino. 12nalwila dino lun laṯɩmeje ṯulba lar ləbabṯaijɩni naleicɩno, mualɩm gwəri, anar narra? 13nuleicɩno, ŋo ŋanyalape ŋutəno gi ŋun ŋeicijilɩŋe. 14na ajana ɽoṯəḏɩjo dino naleicɩno, anar narra? nuleicɩno, nya lo lərri gwiji gwetɩdo ŋɩdiginə, i nya lo lanenya gworo əlŋɩrucə; na iŋiriḏil ganu gi ŋun ŋajilḏəḏə.
15na gi gwune liji lɩḏuḏɩnu na luŋa wei naliri jei ga gi dugwor ganu dagin gwan yuwana ḏa ŋu maro kɩrisṯo i awe, 16na yuwana wɩrlijo liji wei ŋuɽuna nuleicɩno nyi gwaṯɩbabṯaije ŋau ŋe, namɩni gwo gwete gwila gwun gwutəno ŋɩma lugwi; nyi gwate gwɩdeleḏo gwikədə ŋɩma ga geḏi giwɩḏc guŋun no. ŋu gwajibabṯaije gwuɽɩwə gwe gwun gwɩpiḏo pɽul na igo. 17na jɩrda jo gi ḏi ḏuŋun jujimuje gaɽa muma, kani alwəɽeico ŋwona ldu ŋuɽulo ŋuŋun; namɩni dɩrda dalnuni igo ye yun ŋate yaṯal no.
18na ŋuɽun ŋun ŋiro kaja ŋun ŋutu ŋun ŋɩbɩɽilije nanu nəṯuuməḏɩjo liji. 19namɩni ərudus gwun gwiro gwele gwune na yuwana lo kalo geḏi ərudiya gwun gwiro gwa gweḏi bilibus gwun gwiro megin, na kalo geḏi ŋuɽun ŋun ŋɩki ŋun ŋərrɩlo ərudus, 20nuenyeḏeice ŋuɽuna ŋeno wei ŋuɽun ŋe ŋeno dino nalarno gwumaŋele yuwanaŋ kɩrkon.
ḏibabṯaijɩno ḏeḏi yecu
mṯ. 3:13-17, mks. 1:9-11
21gwune na liji babṯaijɩni wei, na yecu babṯaijɩni dino na gi gwune ju gi ḏuməḏɩjo eloŋu, na kanyin iḏini, 22na gwuɽɩwə ewuləḏo lugwun gwun gwɩpiḏo pɽul gwiro ga gi aŋɩnu nuro ga gi gɩɽidir. na ŋwal gwulo kanyin nalarno, ŋa gwiro ŋaɽe ŋinyi ŋun ŋaṯiəmɩnyi na ŋaṯɩnyiŋiri ḏugwore.
lɩgwumən leḏi yecu
mṯ. 1:1-17
23na yecu gwəṯi jɩḏilio ḏuɽi ṯəɽɩl ca gwune nudiɽi ŋɩru ŋuŋun. naṯi liji arno gwiro ŋaɽe ŋeḏi yusib gwun gwiro ŋaɽe ŋeḏi ali, 24na ŋaɽe ŋeḏi mutaḏaḏ, na ŋeḏi lawi, na ŋeḏi maliki, na ŋeḏi yana, na ŋeḏi yusib, 25na ŋeḏi mutaḏaya, na ŋeḏi amus, na ŋeḏi nawun, na ŋeḏi asali, na ŋeḏi najai, 26na ŋeḏi maḏa, na ŋeḏi mutaḏaya, na ŋeḏi simi, na ŋeḏi yusek, na ŋeḏi yoḏa, 27na ŋeḏi yuwana, na ŋeḏi reisa, na ŋeḏi sarababil, na ŋeḏi salatail, na ŋeḏi niri, 28na ŋeḏi maliki, na ŋeḏi adi, na ŋeḏi gwusum, na ŋeḏi almuḏam na ŋeḏi iyir, 29na ŋeḏi yasua, na ŋeḏi aliyasɩr, na ŋeḏi yurim, na ŋeḏi mutaḏaḏ na ŋeḏi lawi, 30na ŋeḏi simaun, na ŋeḏi yauḏa, na ŋeḏi yusib, na ŋeḏi yuana, na ŋeḏi aliyakim, 31na ŋeḏi malaya, na ŋeḏi menan, na ŋeḏi maṯaḏa, na ŋeḏi naḏan na ŋeḏi ḏauuḏ, 32na ŋeḏi yesa, na ŋeḏi ubiḏ, na ŋeḏi buas, na ŋeḏi salɩmun, na ŋeḏi nasun, 33na ŋeḏi əmɩnadab, na ŋeḏi adɩmin, na ŋeḏi əmɩ, na ŋeḏi asarun, na ŋeḏi paris, na ŋeḏi yauḏa, 34na ŋeḏi yagub, na ŋeḏi isak, na ŋeḏi ibraim, na ŋeḏi tara, na ŋeḏi nawur, 35na ŋeḏi saruḏ, na ŋeḏi rawu, na ŋeḏi paliḏ, na ŋeḏi abir, na ŋeḏi sala, 36na ŋeḏi keinan, na ŋeḏi arpakasaḏ, na ŋeḏi sam, na ŋeḏi nouwa, na ŋeḏi lamak, 37na ŋeḏi maṯusala, na ŋeḏi akwunuk, na ŋeḏi yaraḏ, na ŋeḏi malilil, na ŋeḏi keinan, 38na ŋeḏi inus, na ŋeḏi siyaṯ na ŋeḏi adam na ŋeḏi elo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.