maṯa 20
20
asa 20
ŋuɽun ŋun ŋɩlɩbo ŋeḏi liji lun lapo ŋɩru gi jɩneina ganu
1na ŋele ŋeḏi kanyin ŋiro gi gwəmɩnyo gweḏi dunu gwun gwiməduḏə mimmi gilio gi ḏigela liji lun laṯape ŋɩru gi jɩneina ganu juŋun jeḏi jaɽe jun jiro gi ḏuɽuṯ, əlgɩrucu ye. 2gwune naluməḏəṯe naləmɩnyi nalape əlgɩrucə ṯodɩne anyine nulwəje gi jɩneina. 3na sa ro ṯoḏɩnekwoɽo gilaganu, nuaɽu nuduḏə nuaŋu liji lijiga jai gi cu lun liro kaja; 4nuleicɩno, wiḏɩl nyaŋa dino gi jɩneina, na ŋajilḏəḏə ŋun ŋɩdeleḏo lagalo. nalwele. 5nuaɽu nuduḏə anyino ganu, na sa ṯəɽɩl, nuarre dino. 6gwune na galo ro gɩṯo sa ṯoḏɩne ca nuduḏə nulbuje lun liro kaja lun lijiga jai dino. nuleicɩno, gwudaro naṯanyajiga ŋine anyine wei jai? 7naleicɩno, gi gwune gwiji gwate gwijəpi ŋɩru no. nuleicɩno, wiḏɩl nyaŋa dino gi jɩneina. 8gwune na galo ro garage na gwiji gweḏi jɩneina eico wəkil gwuŋun no, orniḏalo lun lapo ŋɩru ŋalḏəḏə əlgɩrucə yagin, iḏeijɩl ga leḏi gɩdo kəbe leḏi gwerre. 9nalwila lun lapo ŋɩru sa ṯoḏɩne naṯi gweṯe gweṯe ape əlgɩrucə ṯoḏɩne. 10gwune na liji wila leḏi gwerre, naluməḏɩni nalarno lape yutəno; namɩni naṯi gweṯe gweṯe ape əlŋɩrucə ṯodɩne dino. 11gwune nalape əlŋɩrucə na luməḏəṯo kwiji elo gweḏi dunu. 12naleicɩno, leno leḏi gɩdo lapo ŋɩru sa jeṯɩdo kuwei nijilmɩni ḏəḏɩjo ganu anaŋa lun lapo ŋɩru ganyin gi jaga. 13numɩni wɩrlijo ŋuɽuna nueico gwete laginŋu no, maḏəri, nyi gwate gwiṯaŋa no. ilate iluməḏəṯo gwan əlgɩrucu ṯoḏɩne na? 14apo yuŋa ŋele. nyi gwəmɩnyu gwəḏəḏə gwiji kweno gweḏi gɩdo gi ga. 15ŋate ŋiŋir nyi gwarre ŋun ŋɩbunyɩlo ŋɩdi ŋe ŋinyi na? namɩni ŋa gwɩki ganu gi gwune niarre muma a? 16na dino leḏi gɩdo ladare gwerre, na leḏi gwerre laje gɩdo.
yecu gwuwəɽeico ŋuɽuna ga mɩna ŋan ḏaiya ḏuŋun
mks. 10:32-34, lk. 18:31-34
17na gaja gun gɩwiḏige yecu urucəlim, nugwulo calɩmis di na gwuttən ga kaja gi ṯaṯ kəni nuleicɩno, 18eʼe, ilo labuḏi urucəlim na ŋaɽe ŋeḏi liji ŋəḏəḏini jɩsis jun jɩbuḏo na jalgaṯɩm. naŋalakɩmi ḏiɽinyɩḏa de, 19naŋalḏəḏə liji lun liro ga dino kani alaki jumo na ŋalpi, naŋalɽinye gi luɽi lun lɩmalɩḏo ganu, na gi lamon lun liro ṯəɽɩl ŋədiɽi.
ḏiɽoṯeḏa ga ḏeḏi nəɽio kɩḏilio
mks. 10:35-40
20na nana gweḏi nyaɽe nyeḏi jebəḏi wila nyaɽe nye nyuŋun nyun nyiro ləmɩnyo, nuiḏi gi jei ganu lugwun nuɽoṯəḏɩjo ŋuɽuna ŋete. 21nueicɩno, ŋabunyaŋe? numɩni eicɩno, uməḏi ŋarno, nyaɽe nyeno nyun ŋyɩttən nyinyi alijiga, ŋete gi ḏi ḏuŋa ḏiro ḏiŋir na ŋete gi ḏi ḏun ḏiro ḏouwɩr ŋele ŋuŋa. 22na yecu wɩrlijo ŋuɽuna nueicɩno, nyaŋa late lilɩŋɩḏi ŋun ŋɩɽoṯəḏɩjiŋilŋe no. nyaləṯi ŋɩma nyaleyu kɩɽudo gun ginyu ganu, i nyalababṯaijɩni ḏibabṯaijino ḏe ḏun ḏibabṯaijɩni a? naleicɩno, i anəṯi ŋɩma. 23nuleicɩno, gwerkwe nyaleyu kɩɽudo ginyi na ḏibabṯaijino ḏun ḏibabṯaijɩni ḏe ḏanyaḏibabṯaijɩni, namɩni ḏijaga gi ḏiŋir na gi ḏouwɩr lugwi, ḏinyi ḏədu ḏanyaliḏəḏə no, namɩni ləḏədini luŋa lun ligelijɩlo baba gwi.
ḏɩbuḏia ḏun ḏiro gwerkwe
mks. 10:41-45
24gwune na calɩmis diŋɩni jun jiro di, nalɽe ganu gwan lɩmegin lun liro lɩttən. 25nalmɩni yecu orniḏa nuleicɩno, nyalilɩŋiḏi lele leḏi liji leḏi jɩmɩrɩgen wei naləṯi ŋelɩnya lagin, na luŋa lun lɩbuḏo naləṯi ŋelɩnya lagin. 26namɩni ŋaṯe ŋiro dino lagalo no, namɩni gwun gwar gwabuṯane lagalo gwaro gaḏam galo, 27na gwun gwar gwaro lɽa lagalo gwaro wainy gwalo; 28ŋiro gi gwune ŋaɽe ŋeḏi liji ŋɩwiḏi ŋate ŋa liji əpijo ŋɩru no, namɩni ŋu ŋəpijo liji ŋɩru, nulmɩni ḏəḏə gwula gwuŋun gi jili jun jeḏi kədəḏɩnə ga gwan liji lutu.
ləmɩnyo lɩttən lun lɩrimə gi jei lɩmuɽe jei ganu
mks. 10:46-52, lk. 18:35-43
29na gi gwune nalwalane kamɩrɩgen yun yan ariya na liji gwujane lutu. 30na liji jiga ṯaṯ kɩḏɩriḏ lɩṯṯən lun lɩrimə gi jei, naldiŋɩni yecu gwar gwadarane, nalərəjo gwula naleicɩno, gwele gwəri, ŋaɽe ŋeḏi ḏauuḏ, inəḏije. 31nal liji lo, nalarno lajiga nyɩkwom, nalmɩni əriene gwula naleicɩno, gwele gwəri, ŋaɽe ŋeḏi ḏauuḏ, inəḏije. 32na yecu ḏuḏɩni nulorniḏe nuleicɩno, nyalarno nyi gwajərrɩjo aŋe? 33naleicɩno, gwele, anarno anuɽe jei ganu. 34nal yecu ino, nuldɩmumi jei jagin na kaja kono naluɽe jei ganu nalgwujane.
Currently Selected:
maṯa 20: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
maṯa 20
20
asa 20
ŋuɽun ŋun ŋɩlɩbo ŋeḏi liji lun lapo ŋɩru gi jɩneina ganu
1na ŋele ŋeḏi kanyin ŋiro gi gwəmɩnyo gweḏi dunu gwun gwiməduḏə mimmi gilio gi ḏigela liji lun laṯape ŋɩru gi jɩneina ganu juŋun jeḏi jaɽe jun jiro gi ḏuɽuṯ, əlgɩrucu ye. 2gwune naluməḏəṯe naləmɩnyi nalape əlgɩrucə ṯodɩne anyine nulwəje gi jɩneina. 3na sa ro ṯoḏɩnekwoɽo gilaganu, nuaɽu nuduḏə nuaŋu liji lijiga jai gi cu lun liro kaja; 4nuleicɩno, wiḏɩl nyaŋa dino gi jɩneina, na ŋajilḏəḏə ŋun ŋɩdeleḏo lagalo. nalwele. 5nuaɽu nuduḏə anyino ganu, na sa ṯəɽɩl, nuarre dino. 6gwune na galo ro gɩṯo sa ṯoḏɩne ca nuduḏə nulbuje lun liro kaja lun lijiga jai dino. nuleicɩno, gwudaro naṯanyajiga ŋine anyine wei jai? 7naleicɩno, gi gwune gwiji gwate gwijəpi ŋɩru no. nuleicɩno, wiḏɩl nyaŋa dino gi jɩneina. 8gwune na galo ro garage na gwiji gweḏi jɩneina eico wəkil gwuŋun no, orniḏalo lun lapo ŋɩru ŋalḏəḏə əlgɩrucə yagin, iḏeijɩl ga leḏi gɩdo kəbe leḏi gwerre. 9nalwila lun lapo ŋɩru sa ṯoḏɩne naṯi gweṯe gweṯe ape əlgɩrucə ṯoḏɩne. 10gwune na liji wila leḏi gwerre, naluməḏɩni nalarno lape yutəno; namɩni naṯi gweṯe gweṯe ape əlŋɩrucə ṯodɩne dino. 11gwune nalape əlŋɩrucə na luməḏəṯo kwiji elo gweḏi dunu. 12naleicɩno, leno leḏi gɩdo lapo ŋɩru sa jeṯɩdo kuwei nijilmɩni ḏəḏɩjo ganu anaŋa lun lapo ŋɩru ganyin gi jaga. 13numɩni wɩrlijo ŋuɽuna nueico gwete laginŋu no, maḏəri, nyi gwate gwiṯaŋa no. ilate iluməḏəṯo gwan əlgɩrucu ṯoḏɩne na? 14apo yuŋa ŋele. nyi gwəmɩnyu gwəḏəḏə gwiji kweno gweḏi gɩdo gi ga. 15ŋate ŋiŋir nyi gwarre ŋun ŋɩbunyɩlo ŋɩdi ŋe ŋinyi na? namɩni ŋa gwɩki ganu gi gwune niarre muma a? 16na dino leḏi gɩdo ladare gwerre, na leḏi gwerre laje gɩdo.
yecu gwuwəɽeico ŋuɽuna ga mɩna ŋan ḏaiya ḏuŋun
mks. 10:32-34, lk. 18:31-34
17na gaja gun gɩwiḏige yecu urucəlim, nugwulo calɩmis di na gwuttən ga kaja gi ṯaṯ kəni nuleicɩno, 18eʼe, ilo labuḏi urucəlim na ŋaɽe ŋeḏi liji ŋəḏəḏini jɩsis jun jɩbuḏo na jalgaṯɩm. naŋalakɩmi ḏiɽinyɩḏa de, 19naŋalḏəḏə liji lun liro ga dino kani alaki jumo na ŋalpi, naŋalɽinye gi luɽi lun lɩmalɩḏo ganu, na gi lamon lun liro ṯəɽɩl ŋədiɽi.
ḏiɽoṯeḏa ga ḏeḏi nəɽio kɩḏilio
mks. 10:35-40
20na nana gweḏi nyaɽe nyeḏi jebəḏi wila nyaɽe nye nyuŋun nyun nyiro ləmɩnyo, nuiḏi gi jei ganu lugwun nuɽoṯəḏɩjo ŋuɽuna ŋete. 21nueicɩno, ŋabunyaŋe? numɩni eicɩno, uməḏi ŋarno, nyaɽe nyeno nyun ŋyɩttən nyinyi alijiga, ŋete gi ḏi ḏuŋa ḏiro ḏiŋir na ŋete gi ḏi ḏun ḏiro ḏouwɩr ŋele ŋuŋa. 22na yecu wɩrlijo ŋuɽuna nueicɩno, nyaŋa late lilɩŋɩḏi ŋun ŋɩɽoṯəḏɩjiŋilŋe no. nyaləṯi ŋɩma nyaleyu kɩɽudo gun ginyu ganu, i nyalababṯaijɩni ḏibabṯaijino ḏe ḏun ḏibabṯaijɩni a? naleicɩno, i anəṯi ŋɩma. 23nuleicɩno, gwerkwe nyaleyu kɩɽudo ginyi na ḏibabṯaijino ḏun ḏibabṯaijɩni ḏe ḏanyaḏibabṯaijɩni, namɩni ḏijaga gi ḏiŋir na gi ḏouwɩr lugwi, ḏinyi ḏədu ḏanyaliḏəḏə no, namɩni ləḏədini luŋa lun ligelijɩlo baba gwi.
ḏɩbuḏia ḏun ḏiro gwerkwe
mks. 10:41-45
24gwune na calɩmis diŋɩni jun jiro di, nalɽe ganu gwan lɩmegin lun liro lɩttən. 25nalmɩni yecu orniḏa nuleicɩno, nyalilɩŋiḏi lele leḏi liji leḏi jɩmɩrɩgen wei naləṯi ŋelɩnya lagin, na luŋa lun lɩbuḏo naləṯi ŋelɩnya lagin. 26namɩni ŋaṯe ŋiro dino lagalo no, namɩni gwun gwar gwabuṯane lagalo gwaro gaḏam galo, 27na gwun gwar gwaro lɽa lagalo gwaro wainy gwalo; 28ŋiro gi gwune ŋaɽe ŋeḏi liji ŋɩwiḏi ŋate ŋa liji əpijo ŋɩru no, namɩni ŋu ŋəpijo liji ŋɩru, nulmɩni ḏəḏə gwula gwuŋun gi jili jun jeḏi kədəḏɩnə ga gwan liji lutu.
ləmɩnyo lɩttən lun lɩrimə gi jei lɩmuɽe jei ganu
mks. 10:46-52, lk. 18:35-43
29na gi gwune nalwalane kamɩrɩgen yun yan ariya na liji gwujane lutu. 30na liji jiga ṯaṯ kɩḏɩriḏ lɩṯṯən lun lɩrimə gi jei, naldiŋɩni yecu gwar gwadarane, nalərəjo gwula naleicɩno, gwele gwəri, ŋaɽe ŋeḏi ḏauuḏ, inəḏije. 31nal liji lo, nalarno lajiga nyɩkwom, nalmɩni əriene gwula naleicɩno, gwele gwəri, ŋaɽe ŋeḏi ḏauuḏ, inəḏije. 32na yecu ḏuḏɩni nulorniḏe nuleicɩno, nyalarno nyi gwajərrɩjo aŋe? 33naleicɩno, gwele, anarno anuɽe jei ganu. 34nal yecu ino, nuldɩmumi jei jagin na kaja kono naluɽe jei ganu nalgwujane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.