maṯa 23
23
asa 23
yecu gwumapi jalgaṯɩm na lɩbarɩsi ḏare
mks. 12:38-40, lk. 11:37-54; 20:45-47
1na yecu uməḏɩjo liji lutu na calɩmis juŋun, 2nuleicɩno, jalgaṯɩm na lɩbarɩsi ləṯijiga kɩḏoɽ geḏi musa, 3na dino wei ŋun ŋajiŋuməḏɩjo ŋanyaldɩme, dɩmiḏɩlo ŋeno na arrɩlo; naṯɩlmɩni arra ŋɩru ŋagin no, gi gwune laṯarno namɩni ŋate ŋatɩlarre no. 4nalgaki dube dɩni na dɩki gi ḏapa nalŋele ŋwuɽan elo ŋweḏi liji, namɩni luŋa gi lulo lagin late ləmɩnyu nalɩndijeije elo lamon le letɩdo lagin no. 5nalmɩni arre ŋɩru wei kani a liji aŋu, naluwəreni jɩḏam jagin jeḏi albeki, nalbuḏi gwəḏɩburə gweḏi jiria jagin; 6naṯɩləmɩnyi gala gun giŋirano kɩmuri na jɩḏoɽ jun jiro ŋwuɽa gi lɩdunu lagin leḏi elo, 7na ḏɩmɩɽəḏo gi cu, naṯiləmɩnyi liji laleico limualɩm. 8namɩni nyaŋa, lo lanyalouwɩrico laɽeico limualɩm gi gwune nyaləṯi mualɩm gwetɩdo gwun gwan kɩrisṯo, na nyaŋa wei nyalro ŋɩmaga. 9aṯanyaneico gwiji gwete baba kɩḏilio no, gi gwune nyaləṯi babaŋ gwetɩdo gwun gwaṯɩje kanyin. 10na dino lo lanyalouwɩrico laɽeico lun laṯɩgwulo liji, gi gwune gwəṯanya gwetɩdo gwun gwajigwulo gwan kɩrisṯo. 11ŋu gwun gwubuṯano lagalo gwaro gaḏam galo. 12na gwun gwaṯɩbuḏi gwula gwuŋun gwadujini gwɩti, na gwun gwaṯɩtiene gwula gwuŋun gwabuḏane elo.
13ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune nyalaŋiṯijo liji ŋele ŋeḏi kanyin, nya late ləḏi nyaŋa no, na late lanyaouwɩrico lun lar ləḏi aləḏi no. 14ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune nyalaṯenya la ŋɩdio ŋagin lun liro linino, nyalaṯuməḏɩjo eloŋu gɩttən kani a liju aŋu; na ŋiro dino nyalakɩminene ḏakɩmino ḏɩbuṯano. 15ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, nyalaṯɩwewele gi ḏɩrawe elo na kwɩnyəm kani nyabuje gwiji gwetɩdo gwun gwagujane ŋuɽuna ŋalo, na ḏa mulgwuje nyaləduji ŋaɽe ŋeḏi jenam ŋwamon ganu ŋwɩttən ŋutəno lagalo. 16ŋɩki lagalo, nyaŋa lun lɩrimə gi jei lun laṯɩgwulo gworo, lun laṯarno, gwun gwərɩmi dunu gwe gweḏi elo gwun gwubuḏo ŋuɽun ŋate ŋəḏi no; namɩni gwun gwərɩmi ḏab ḏe ḏeḏi dunu gweḏi elo gwun gwubuḏo, ŋiro gəmɩju, 17nyaŋa lun liro jɩɽilo na lun lɩrimə gi jei, aŋ gwɩro gwubuṯano, ḏab i ḏunu gweḏi elo gwun gwubuḏo gwun gwaṯɩpiḏi ḏab pɽul ḏi elo. 18nanyaɽu nanyarno dino gwun gwərɩmi lobo le leḏi dunu gweḏi elo ŋuɽun ŋate ŋədi no, namɩni gwun gwərɩmi ŋɩdi ŋe ŋun ŋijɩlɩnelo ŋiro gəmɩju. 19nyaŋa lun liro jɩɽilo na lun lɩrimə gi jei, aŋ gwiro gwubuṯano, ŋɩdi ŋun ŋigelɩnu gi lobo elo i lobo lun laṯɩpiḏi ŋɩdio pɽul ḏi elo? 20na gwun gwərɩmi lobo le, gwərɩmi ŋu gwe na wei ŋun ŋijɩlɩnelo; 21na gwun gwərɩmi dunu gwe gweḏi elo gwun gwubuḏo, gwərɩmi ŋu gwe na gwun jaḏaṯa; 22na gwun gwərɩmi kanyin gwe, ŋu gwərɩmi gɩḏoɽ gi geḏi elo, na gwun jiga. 23ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune ŋaṯanyalḏəḏə eloŋu gəni gete geḏi luco, i gwijido gworo gwun gwiro di na nəni neḏi ŋɽa niro kajakaja, nanyamɩni ouwɩrico ŋuɽuna ŋun ŋɩnəno ŋun ŋigelijɩlo elo musaŋ ŋiro gi ḏakɩmiḏa ḏun ḏiro gwerkwe, na ŋino na ḏɩməṯo. arram ŋanyalduji ŋeno na ŋo ŋanyalouwɩrico ŋəwei. 24nyaŋa lun lɩrimə gi jei lun laṯɩgwulo gworo, lun laṯɩrəje gwawa ŋau elo, nalŋaḏɩni gamɩlaŋe. 25ŋɩki lagalo nyaŋa, jalgaṯɩm na libarisi, lun ləṯi ŋuɽuna ganu ŋɩttən, nyalaṯɩwei ḏoɽena na kɩɽudo gi ḏuɽo, namɩni gidəno gwe nyalenyeḏo ŋwuɽama na ḏɩbunya ḏun ḏiro jai. 26ŋa gwubarɩsi gwun gwɩrimə gi jei, wei ḏoɽena na kiɽudo gwerre ganu gidəno gwe kani ŋwuro gi ḏuɽo ḏuwono dino. 27ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune nyalro gi nil nun niro nɩɽe, naṯaŋiḏi kɩluḏo niŋir, namɩni gidəno gwe nenyeḏo ŋwuya ŋweḏi liji lun laiyo na ŋɩdi wei ŋun ŋiro ŋɩrleḏ. 28na nyaŋa dino gi ḏuɽo gwe nyalaŋinu gi liji liŋir, namɩni gidəno gwe nyalenyeḏo ŋuɽuna ganu ŋɩttən na wei ŋun ŋɩki. 29ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune nyalaṯɩkwuri nil neḏi nebɩŋa, na naṯɩlɩmɩdo nil ga neḏi lun liŋir; 30na nyalarno, ḏa ilɩjo kaja geḏi lɩgwumɩnyo lage, ilate laŋaŋeleḏiḏi uwə gi ḏirəjo ŋuwəno ŋeḏi nebɩŋa no. 31na dino nyaŋa nyalaŋiḏi lula lalo nyalro nyaɽe nyeḏi liji lun lijinyɩḏi nebɩŋaije. 32enyejil nyaŋa dino əlmɩḏ yeḏi ŋuɽun ŋun ŋɩki ŋeḏi lɩgwumɩnyo lalo. 33juŋə je, na nyaɽe nye nyeḏi juŋə, galakwe nyalmobɩḏɩni gi ḏakɩmino ḏeḏi jenam? 34na ŋiro dino, nyi gwuwəjo lagalo nebɩŋa, na lun lilɩŋiḏi ŋuɽuna ŋutu na jalgaṯɩm. na kworo lanyalɽinye, na kworo lanyalɽinye ŋwuɽi ŋwun ŋwɩmaliḏo ganu; na kworo lanyalpi gi lɩdunu lalo leḏi elo lanyanḏagɩɽini kamɩrɩgen kamɩrɩgen; 35kani ŋila lagalo ŋuwən wei ŋun ŋiŋir ŋun ŋirəḏɩnu ga kwɩnyəm, uro ŋuwən ŋeḏi abil ŋun ŋiŋir kəbe ŋuwən ŋeḏi sakaria, gwun gwiro ŋaɽe ŋeḏi baragiya gwun gwuɽinyɩḏanya kɩlɩgi ganu geḏi dunu gweḏi elo gwun gwubuḏo na lobo luŋun. 36gwerkwe ganu nyi gweiceijɩno, ŋɩdi ŋeno wei ŋaje ŋila gi liji leno leḏi gwunne.
yecu gwəri gwula gwan ḏɩkeḏa ḏeḏi urucəlim
lk. 13:34-35
37urucəlim, urucəlim, gwun gwaṯɩɽinye nebɩŋaije na ŋalauce nyɩdol nye lun lɩwəjɩnu lugwuŋa, ŋwamon ganu umɩnyo nyibunyu gwawəɽeice nyaɽe nyuŋa ldu lugwi gi gwune aṯan gaŋiro wəɽeice nyaɽe nyuŋun gi nɩbu ganu, ŋamɩni donye. 38eʼe duno gwalo gwun majɩwelejene gwuḏu ganu. 39na nyi gweijeicɩno, nya late linyiaŋu mɩna no kəbe nyarno,
ḏɩbudia ḏaje lugwun gwun gwila jiri je jeḏi gwele gwun
gwiro elo.
Currently Selected:
maṯa 23: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
maṯa 23
23
asa 23
yecu gwumapi jalgaṯɩm na lɩbarɩsi ḏare
mks. 12:38-40, lk. 11:37-54; 20:45-47
1na yecu uməḏɩjo liji lutu na calɩmis juŋun, 2nuleicɩno, jalgaṯɩm na lɩbarɩsi ləṯijiga kɩḏoɽ geḏi musa, 3na dino wei ŋun ŋajiŋuməḏɩjo ŋanyaldɩme, dɩmiḏɩlo ŋeno na arrɩlo; naṯɩlmɩni arra ŋɩru ŋagin no, gi gwune laṯarno namɩni ŋate ŋatɩlarre no. 4nalgaki dube dɩni na dɩki gi ḏapa nalŋele ŋwuɽan elo ŋweḏi liji, namɩni luŋa gi lulo lagin late ləmɩnyu nalɩndijeije elo lamon le letɩdo lagin no. 5nalmɩni arre ŋɩru wei kani a liji aŋu, naluwəreni jɩḏam jagin jeḏi albeki, nalbuḏi gwəḏɩburə gweḏi jiria jagin; 6naṯɩləmɩnyi gala gun giŋirano kɩmuri na jɩḏoɽ jun jiro ŋwuɽa gi lɩdunu lagin leḏi elo, 7na ḏɩmɩɽəḏo gi cu, naṯiləmɩnyi liji laleico limualɩm. 8namɩni nyaŋa, lo lanyalouwɩrico laɽeico limualɩm gi gwune nyaləṯi mualɩm gwetɩdo gwun gwan kɩrisṯo, na nyaŋa wei nyalro ŋɩmaga. 9aṯanyaneico gwiji gwete baba kɩḏilio no, gi gwune nyaləṯi babaŋ gwetɩdo gwun gwaṯɩje kanyin. 10na dino lo lanyalouwɩrico laɽeico lun laṯɩgwulo liji, gi gwune gwəṯanya gwetɩdo gwun gwajigwulo gwan kɩrisṯo. 11ŋu gwun gwubuṯano lagalo gwaro gaḏam galo. 12na gwun gwaṯɩbuḏi gwula gwuŋun gwadujini gwɩti, na gwun gwaṯɩtiene gwula gwuŋun gwabuḏane elo.
13ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune nyalaŋiṯijo liji ŋele ŋeḏi kanyin, nya late ləḏi nyaŋa no, na late lanyaouwɩrico lun lar ləḏi aləḏi no. 14ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune nyalaṯenya la ŋɩdio ŋagin lun liro linino, nyalaṯuməḏɩjo eloŋu gɩttən kani a liju aŋu; na ŋiro dino nyalakɩminene ḏakɩmino ḏɩbuṯano. 15ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, nyalaṯɩwewele gi ḏɩrawe elo na kwɩnyəm kani nyabuje gwiji gwetɩdo gwun gwagujane ŋuɽuna ŋalo, na ḏa mulgwuje nyaləduji ŋaɽe ŋeḏi jenam ŋwamon ganu ŋwɩttən ŋutəno lagalo. 16ŋɩki lagalo, nyaŋa lun lɩrimə gi jei lun laṯɩgwulo gworo, lun laṯarno, gwun gwərɩmi dunu gwe gweḏi elo gwun gwubuḏo ŋuɽun ŋate ŋəḏi no; namɩni gwun gwərɩmi ḏab ḏe ḏeḏi dunu gweḏi elo gwun gwubuḏo, ŋiro gəmɩju, 17nyaŋa lun liro jɩɽilo na lun lɩrimə gi jei, aŋ gwɩro gwubuṯano, ḏab i ḏunu gweḏi elo gwun gwubuḏo gwun gwaṯɩpiḏi ḏab pɽul ḏi elo. 18nanyaɽu nanyarno dino gwun gwərɩmi lobo le leḏi dunu gweḏi elo ŋuɽun ŋate ŋədi no, namɩni gwun gwərɩmi ŋɩdi ŋe ŋun ŋijɩlɩnelo ŋiro gəmɩju. 19nyaŋa lun liro jɩɽilo na lun lɩrimə gi jei, aŋ gwiro gwubuṯano, ŋɩdi ŋun ŋigelɩnu gi lobo elo i lobo lun laṯɩpiḏi ŋɩdio pɽul ḏi elo? 20na gwun gwərɩmi lobo le, gwərɩmi ŋu gwe na wei ŋun ŋijɩlɩnelo; 21na gwun gwərɩmi dunu gwe gweḏi elo gwun gwubuḏo, gwərɩmi ŋu gwe na gwun jaḏaṯa; 22na gwun gwərɩmi kanyin gwe, ŋu gwərɩmi gɩḏoɽ gi geḏi elo, na gwun jiga. 23ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune ŋaṯanyalḏəḏə eloŋu gəni gete geḏi luco, i gwijido gworo gwun gwiro di na nəni neḏi ŋɽa niro kajakaja, nanyamɩni ouwɩrico ŋuɽuna ŋun ŋɩnəno ŋun ŋigelijɩlo elo musaŋ ŋiro gi ḏakɩmiḏa ḏun ḏiro gwerkwe, na ŋino na ḏɩməṯo. arram ŋanyalduji ŋeno na ŋo ŋanyalouwɩrico ŋəwei. 24nyaŋa lun lɩrimə gi jei lun laṯɩgwulo gworo, lun laṯɩrəje gwawa ŋau elo, nalŋaḏɩni gamɩlaŋe. 25ŋɩki lagalo nyaŋa, jalgaṯɩm na libarisi, lun ləṯi ŋuɽuna ganu ŋɩttən, nyalaṯɩwei ḏoɽena na kɩɽudo gi ḏuɽo, namɩni gidəno gwe nyalenyeḏo ŋwuɽama na ḏɩbunya ḏun ḏiro jai. 26ŋa gwubarɩsi gwun gwɩrimə gi jei, wei ḏoɽena na kiɽudo gwerre ganu gidəno gwe kani ŋwuro gi ḏuɽo ḏuwono dino. 27ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune nyalro gi nil nun niro nɩɽe, naṯaŋiḏi kɩluḏo niŋir, namɩni gidəno gwe nenyeḏo ŋwuya ŋweḏi liji lun laiyo na ŋɩdi wei ŋun ŋiro ŋɩrleḏ. 28na nyaŋa dino gi ḏuɽo gwe nyalaŋinu gi liji liŋir, namɩni gidəno gwe nyalenyeḏo ŋuɽuna ganu ŋɩttən na wei ŋun ŋɩki. 29ŋɩki lagalo nyaŋa, jalgaṯɩm na lɩbarɩsi, lun ləṯi ŋuɽuna ganu ŋɩttən, gi gwune nyalaṯɩkwuri nil neḏi nebɩŋa, na naṯɩlɩmɩdo nil ga neḏi lun liŋir; 30na nyalarno, ḏa ilɩjo kaja geḏi lɩgwumɩnyo lage, ilate laŋaŋeleḏiḏi uwə gi ḏirəjo ŋuwəno ŋeḏi nebɩŋa no. 31na dino nyaŋa nyalaŋiḏi lula lalo nyalro nyaɽe nyeḏi liji lun lijinyɩḏi nebɩŋaije. 32enyejil nyaŋa dino əlmɩḏ yeḏi ŋuɽun ŋun ŋɩki ŋeḏi lɩgwumɩnyo lalo. 33juŋə je, na nyaɽe nye nyeḏi juŋə, galakwe nyalmobɩḏɩni gi ḏakɩmino ḏeḏi jenam? 34na ŋiro dino, nyi gwuwəjo lagalo nebɩŋa, na lun lilɩŋiḏi ŋuɽuna ŋutu na jalgaṯɩm. na kworo lanyalɽinye, na kworo lanyalɽinye ŋwuɽi ŋwun ŋwɩmaliḏo ganu; na kworo lanyalpi gi lɩdunu lalo leḏi elo lanyanḏagɩɽini kamɩrɩgen kamɩrɩgen; 35kani ŋila lagalo ŋuwən wei ŋun ŋiŋir ŋun ŋirəḏɩnu ga kwɩnyəm, uro ŋuwən ŋeḏi abil ŋun ŋiŋir kəbe ŋuwən ŋeḏi sakaria, gwun gwiro ŋaɽe ŋeḏi baragiya gwun gwuɽinyɩḏanya kɩlɩgi ganu geḏi dunu gweḏi elo gwun gwubuḏo na lobo luŋun. 36gwerkwe ganu nyi gweiceijɩno, ŋɩdi ŋeno wei ŋaje ŋila gi liji leno leḏi gwunne.
yecu gwəri gwula gwan ḏɩkeḏa ḏeḏi urucəlim
lk. 13:34-35
37urucəlim, urucəlim, gwun gwaṯɩɽinye nebɩŋaije na ŋalauce nyɩdol nye lun lɩwəjɩnu lugwuŋa, ŋwamon ganu umɩnyo nyibunyu gwawəɽeice nyaɽe nyuŋa ldu lugwi gi gwune aṯan gaŋiro wəɽeice nyaɽe nyuŋun gi nɩbu ganu, ŋamɩni donye. 38eʼe duno gwalo gwun majɩwelejene gwuḏu ganu. 39na nyi gweijeicɩno, nya late linyiaŋu mɩna no kəbe nyarno,
ḏɩbudia ḏaje lugwun gwun gwila jiri je jeḏi gwele gwun
gwiro elo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.