markus 16
16
asa 16
ḏidiɽo gi ḏaiya ḏeḏi yecu
mṯ. 28:1-10, lk. 24:1-12, ywn. 20:1-10
1gwune na lamon le sabiṯ ete, na mariam majdaliya na mariam gwun gwiro nana gweḏi yagub, na saluma, liḏɩli ŋila ŋun ŋiro ŋɩḏini nalar ŋalŋuwele alŋuwɩrṯi. 2na giləganu mimmi gilio gi lamon lun liro lɽa lun ləduji loro kwoɽoṯəɽɩl, nalwele kil gwune na anyin abuḏa. 3naluməḏəṯe laginŋu nalarno, əḏi gwiro gwijidiɽijo gɩḏolia kouwɩr? 4na gwune naldadɩŋa ga nalaŋu gɩḏolia ŋɩmaŋiḏɩnene kɩḏɩriḏ gi gwune gijo gibuḏo gworki. 5na gwune naləḏi kil nalaŋu gamɩlia gete gijoga gi ḏi ḏun ḏiro ḏiŋir gikanu luŋa lun liro kɩɽe lun lola, lalobaga ṯuṯ. 6nuleicɩno, nyobeḏaga ṯuṯ no, nya lo lɩbunyu yecuŋ gweḏi nasɩra, gwun gwuɽinyinu gi luɽi lun lɩmalɩḏo ganu. ŋu madiɽi. gwate ŋɩne no. aŋəḏɩl gala gun gigelɩne. 7nyamɩni wele nyuməḏɩjo calɩmis juŋun na buṯrus, nyaleicɩno, gwajidara gwele jalil; gwaje gwanyaŋu ŋɩnəwei gwiro gi gwune uməḏɩjuŋajɩne. 8naltu kɩluḏo, nalabɩre kil nalubəga nalobaga ṯuṯ; late lɩmanuməḏɩjo gwiji gwetɩdo no, lɩḏoiyo.
yecu mayini gi liji lun liro kaja
ywn. 20:11-18, lk. 24:13-35, mṯ. 28:16-20, lk. 24:36-49, ywn. 20:19-23
9na gwune na yecu diɽi mimmi gilio gi lamon lun liro lɽa lun ləduji loro kwoɽoṯəɽɩl, nuaŋini gwerre ḏi mariam majdaliya gwukili gwituŋune ḏiŋeroma kwoɽoṯəɽɩl. 10na mariam wele, nuuməḏɩjo liji lun laṯɩllɩje yecuŋale gwune əril gwula, nalrone. 11gwune naldiŋɩni gwarno məmɩḏe gwaŋəḏu, nate nalɩdəḏɩjo no. 12nuje nuaŋino gi calɩmis jɩttən jun juweləḏi geḏo, gwiro gi jei ganu kaja. 13nalwele naluməḏɩjo calɩmis jun jɩṯanu ŋuɽuna ŋəwei nate nalɩdəḏɩjo dino no. 14na gɩdo ganu nuaŋinijo calɩmis juŋun jun jiro di na gwete gi gwune jijo gi ḏiṯa, nullo gi gwune ḏɩməṯo ḏagin ḏɩməmɩrṯəḏe, na dugwor dagin dɩbɩɽe nanu, na dino gi gwune jate jəmɩnyu ŋuɽuna ŋeḏi liji lun gwaŋəḏɩlo giŋɩno diɽu gi ḏaiya. 15nuluməḏɩjo nuleicɩno, wiḏɩl kɩḏilio wei nyuməḏɩjo liji wei ŋuɽuna ŋiŋir ŋeḏi elo. 16gwun gwəmɩnyu ŋuɽuna ŋinyi ŋubabṯaijɩni gwəkədəḏɩni ga, namɩni gwun gwate gwəmɩnyi no gwakɩmini. 17na ḏəŋinio ṯeno nalgwujane liji lun ləmɩnyu; naṯilti ḏiŋeroma jiri je jinyi; nalaṯumə ŋuɽuna ŋiro kajakaja; 18nalaṯape juŋinyaŋe di de; na ḏa lɩmeyu ŋinya late lal ŋinya eijico ŋuɽuna ŋədi no; nalaṯɩḏɩmumi liji lun lumə nalmiḏe.
ḏidiyo ḏeḏi yecu kanyin
lk. 24:50-53
19na gwune nal gwele uməḏɩjo dino nudiɽi kanyin nujiga gi ḏi ḏun ḏiro ḏiŋir ḏeḏi elo. 20namɩni luŋa naltu nalwele naṯɩlalɩmiḏe kalo wei. naṯɩlape ŋɩru gweleŋale gwun gwiro elo, naṯuməṯeji ŋuɽuna ga gi liji, ḏəŋinio ḏe naligwuje.
Currently Selected:
markus 16: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
markus 16
16
asa 16
ḏidiɽo gi ḏaiya ḏeḏi yecu
mṯ. 28:1-10, lk. 24:1-12, ywn. 20:1-10
1gwune na lamon le sabiṯ ete, na mariam majdaliya na mariam gwun gwiro nana gweḏi yagub, na saluma, liḏɩli ŋila ŋun ŋiro ŋɩḏini nalar ŋalŋuwele alŋuwɩrṯi. 2na giləganu mimmi gilio gi lamon lun liro lɽa lun ləduji loro kwoɽoṯəɽɩl, nalwele kil gwune na anyin abuḏa. 3naluməḏəṯe laginŋu nalarno, əḏi gwiro gwijidiɽijo gɩḏolia kouwɩr? 4na gwune naldadɩŋa ga nalaŋu gɩḏolia ŋɩmaŋiḏɩnene kɩḏɩriḏ gi gwune gijo gibuḏo gworki. 5na gwune naləḏi kil nalaŋu gamɩlia gete gijoga gi ḏi ḏun ḏiro ḏiŋir gikanu luŋa lun liro kɩɽe lun lola, lalobaga ṯuṯ. 6nuleicɩno, nyobeḏaga ṯuṯ no, nya lo lɩbunyu yecuŋ gweḏi nasɩra, gwun gwuɽinyinu gi luɽi lun lɩmalɩḏo ganu. ŋu madiɽi. gwate ŋɩne no. aŋəḏɩl gala gun gigelɩne. 7nyamɩni wele nyuməḏɩjo calɩmis juŋun na buṯrus, nyaleicɩno, gwajidara gwele jalil; gwaje gwanyaŋu ŋɩnəwei gwiro gi gwune uməḏɩjuŋajɩne. 8naltu kɩluḏo, nalabɩre kil nalubəga nalobaga ṯuṯ; late lɩmanuməḏɩjo gwiji gwetɩdo no, lɩḏoiyo.
yecu mayini gi liji lun liro kaja
ywn. 20:11-18, lk. 24:13-35, mṯ. 28:16-20, lk. 24:36-49, ywn. 20:19-23
9na gwune na yecu diɽi mimmi gilio gi lamon lun liro lɽa lun ləduji loro kwoɽoṯəɽɩl, nuaŋini gwerre ḏi mariam majdaliya gwukili gwituŋune ḏiŋeroma kwoɽoṯəɽɩl. 10na mariam wele, nuuməḏɩjo liji lun laṯɩllɩje yecuŋale gwune əril gwula, nalrone. 11gwune naldiŋɩni gwarno məmɩḏe gwaŋəḏu, nate nalɩdəḏɩjo no. 12nuje nuaŋino gi calɩmis jɩttən jun juweləḏi geḏo, gwiro gi jei ganu kaja. 13nalwele naluməḏɩjo calɩmis jun jɩṯanu ŋuɽuna ŋəwei nate nalɩdəḏɩjo dino no. 14na gɩdo ganu nuaŋinijo calɩmis juŋun jun jiro di na gwete gi gwune jijo gi ḏiṯa, nullo gi gwune ḏɩməṯo ḏagin ḏɩməmɩrṯəḏe, na dugwor dagin dɩbɩɽe nanu, na dino gi gwune jate jəmɩnyu ŋuɽuna ŋeḏi liji lun gwaŋəḏɩlo giŋɩno diɽu gi ḏaiya. 15nuluməḏɩjo nuleicɩno, wiḏɩl kɩḏilio wei nyuməḏɩjo liji wei ŋuɽuna ŋiŋir ŋeḏi elo. 16gwun gwəmɩnyu ŋuɽuna ŋinyi ŋubabṯaijɩni gwəkədəḏɩni ga, namɩni gwun gwate gwəmɩnyi no gwakɩmini. 17na ḏəŋinio ṯeno nalgwujane liji lun ləmɩnyu; naṯilti ḏiŋeroma jiri je jinyi; nalaṯumə ŋuɽuna ŋiro kajakaja; 18nalaṯape juŋinyaŋe di de; na ḏa lɩmeyu ŋinya late lal ŋinya eijico ŋuɽuna ŋədi no; nalaṯɩḏɩmumi liji lun lumə nalmiḏe.
ḏidiyo ḏeḏi yecu kanyin
lk. 24:50-53
19na gwune nal gwele uməḏɩjo dino nudiɽi kanyin nujiga gi ḏi ḏun ḏiro ḏiŋir ḏeḏi elo. 20namɩni luŋa naltu nalwele naṯɩlalɩmiḏe kalo wei. naṯɩlape ŋɩru gweleŋale gwun gwiro elo, naṯuməṯeji ŋuɽuna ga gi liji, ḏəŋinio ḏe naligwuje.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.