markus 8
8
asa 8
yecu gwiʼi liji lun liro alɩb kwoɽo
mṯ. 15:32-39
1na ŋwamon ŋwono liji lijo lutu late ləṯɩn ŋɩdio ŋe ḏiṯa no, na yecu əmɩḏa calɩmis juŋun nuleicɩno, 2nyi gwino liji lutu leno gi gwune lɩmanalɩje ŋwamon ṯəɽɩl laṯe ləṯi ŋɩdio ŋe ḏiṯa no. 3na ḏa nyi marno lilkuwa jaŋu lagin lele ləḏɩmiḏɩnəne gi ṯaṯ, gi gwune lo kworo lɩwiḏi kalo gwola ganu. 4na calɩmis juŋun wɩrlijo ŋuɽuna naleicɩno, nigwogwe ŋɩne kiḏɩwer gwiji gwanapa gia kaka ŋal liji e leno wei nalpe? 5nulɽoṯəḏɩjo nuleicɩno, nya ləṯi gia umɩnyo? naleicɩno, kwoɽoṯəɽɩl. 6nuuməḏɩjo liji nalijiga kwɩnyəm; nuape gia kwoɽoṯəɽɩl, nueico eloŋu sukran, nubɩleṯɩnya ganu nuḏəḏə calɩmis juŋun alḏəḏə liji; nalḏəḏə. 7naləṯi ŋwumi ŋwɩti dino. nueico elo sukran, nuarno alḏəḏə dino. 8nalʼe nalpe; nalwəɽeice ŋɩdio ldu ŋun ŋiṯɩlɩne ganu nalenyeje jɩḏi kwoɽoṯəɽɩl. 9na lun liṯi liro alɩb kwoɽo, nulkuwa. 10naləḏi kwu murkab ganu calɩmis je juŋun, nalwila gi jɩmɩrɩgen jun jan dalmanuta.
yecu gwudonyo ḏiɽoṯeḏa ḏan ḏayinio
mṯ. 16:1-4, lk. 12:54-56
11na lɩbarɩsi wila lugwun nalarno gwaluməḏɩjo galo, nalɽoṯeḏe lar lalaŋijo ŋuɽuna ŋeḏi kanyin, gwiḏeijɩlo. 12nugele uwə gwubuḏo, nuleicɩno, gwudaro gəko na liji leḏi gwunne ɽoṯeḏe ḏəŋinio ḏeḏi kanyin? gwerkwe ganu nyi gweiceijɩno, ḏate ḏalḏəḏə liji leno leḏi gwunne no. 13nulouwɩrico, nuəḏi kwu murkab ganu mɩna, numuri kɩməmu ŋiro kaja.
yecu gwugireṯɩnyeḏi ḏirimiḏo gi jei ḏeḏi calɩmis
mṯ. 16:5-12
14na calɩmis ḏuḏe ganu gi ḏapa gia, naləṯi gia getɩdo kwu murkab ganu kuwei. 15nuluməḏɩjo ŋuɽuna ŋɩbɩɽe nuleicɩno, jil muma nyadɩminə ga ŋuɽun ŋeḏi lɩbarɩsi na ərudus ŋun ŋiro gi jɩduɽu. 16naluməḏəṯe laginŋu nalarno anate anəṯi gia no. 17na yecu lɩŋe nulelcɩno, gwudaro gəko nanyuməḏəṯe lagaloŋu gi gwune nya late ləṯi gia no? nya lore late lɩmalɩŋe na nyadiŋɩni na? dugwor dalo dore dɩbɩɽe a? 18nya ləṯi jei; namɩni nya late laṯɩdaŋa ga na? nya ləṯi nəni nya late laṯɩdiŋɩni na? namɩni nya late lataḏɩŋane na? 19gwune bɩleṯɩnyəḏi gia ganu ŋun ŋiro ṯoḏɩne gi liji lun liro alɩb ṯoḏɩne, jɩḏi jiro umɩnyo jɩmanyalape jun jimɩnyeḏe ŋɩdio ŋun ŋiṯɩlɩne ganu? nalarno jiro di na gwuttən. 20gwune bɩleṯɩnyəḏi gia ganu ŋun ŋiro kwoɽoṯəɽɩl gi liji lun liro alɩb kwoɽo, jɩḏi jiro umɩnyo jun jɩbuḏo jɩmanyalape jun jimɩnyeḏe ŋɩdio ŋun ŋiṯɩlɩne ganu? nalarno jiro kwoɽoṯəɽɩl. 21nuleicɩno, gwudaro na nyajɩre late lɩmadiŋɩni no?
ŋu gwumauɽi gwiji jei ganu beṯsaida
22nalobene beṯsaida. nalgwuluḏɩjo gwiji gwun gwɩrimə gi jei, nalɽoṯəḏɩjo gworki nalarno gwuḏɩmumi. 23numəṯo gwiji gwun gwɩrimə gi jei gi ḏi, nugwulo nugwutu gi lɩrgwom ganu, nukwoinya gi jei, nuḏɩmumi di de nuɽoṯəḏɩjo nueicɩno, jei jɩmadaŋa galo a? 24nuuɽe jei ganu. nueicɩno, nyi gwo gwaŋəḏi liji liro gi gwune jaɽe naṯɩlmɩni wewele. 25nuḏɩmumi gwiji jei di de mɩna, na gwiji uɽe jei ganu naṯuaŋu liji wei muma, 26nukuwa dunu lugwun nueicɩno, aṯaŋuməḏɩjo gwiji gwetɩdo gi lɩrgwom no.
buṯrus gwiteijo ga yecu gwiro kɩrisṯo
mṯ. 16:13-20, lk. 9:18-21
27na yecuŋa calɩmis je juŋun nalduḏo ŋwurgwom ŋweḏi gesaria bilibus, na gwune jilo gi ṯaṯ nuɽoṯəḏɩjo calɩmis juŋun nuleicɩno, liji laṯarno nyi gwan ədi? 28nalwɩrlijo ŋuɽuna naleicɩno, laṯarno ŋa gwan yuwana mamadan, na liro kaja laṯarno ŋa gwan iliya, na liro kaja laṯarno ŋa gwiro gwete gweḏi nebɩŋa. 29nulɽoṯəḏɩjo nuleicɩno, namɩni nyalaṯarno nyi gwan ədi? na buṯrus wɩrlijo ŋuɽuna nueicɩno, ŋa gwiro kɩrisṯo. 30nuluməḏɩjo ŋuɽuna ŋɩbɩɽe nuleicɩno, late lanuməḏɩjo gwiji ŋu gwe no.
yecu gwuməḏi ŋuɽuna ŋan ḏaiya ḏuŋun na ḏidiɽo gi ḏaiya gwerre ganu ŋate ŋɩmila no
mṯ. 16:21-23, lk. 9:22
31nulalɩmi nuleicɩno, arram ŋaɽe ŋeḏi liji ŋiḏe gworki, naŋadonyini gi liji lun luɽun na jɩsis jun jɩbuḏo na jalgaṯɩm naŋaɽinye na ŋaje ŋwamon ṯəɽɩl na ŋədiɽi; 32gwuməḏi ŋuɽuna ŋeno ŋulteiji ga. na buṯrus gwuloḏa kaja nuarno gwulo. 33nuwɩrla ga nuŋalaḏe gi calɩmis juŋun, nulo buṯrusŋ nueicɩno, tuḏi gi ḏuɽo ganu lugwi seiṯan. gi gwune ŋa gwate gwaṯuməḏɩni gwan ŋuɽun ŋeḏi elo no, nalmɩni ro ŋeḏi liji.
yecu gwarno ḏa ma gwiji gwujane nudonye gwula gwuŋun
mṯ. 16:24-28, lk. 9:23-27
34na gwune nuəmɩḏe liji calɩmis je juŋun nuleicɩno, ḏa gwete mar gwigwujane, nudonye gwula gwuŋun, nuape luɽi luŋun lun lɩmalɩḏo ganu nilgwujane. 35gwun gwar gwadɩme ḏɩmiḏa ḏuŋun ḏuḏuji, na gwun gwaḏuji ḏɩmiḏa ḏuŋun gwan nyi na ŋuɽun ŋiŋir ŋeḏi elo ḏudɩme. 36na ḏiḏienə ga ḏaḏa ḏa gwiji madɩme ŋɩdio ŋe gɩḏilio wei numɩni ḏuji gwula gwuŋun? 37na gwiji gwəbi aŋ ganu kalo geḏi gwulo gwuŋun? 38gwiji gwun gwaṯɩḏarape lugwi na ŋuɽun ŋinyi gi liji leḏi gwunne lun lɩki, lun late laṯɩməṯo eloŋu gwagin no, na ŋaɽe ŋeḏi liji ŋaje ŋaḏarape lugwun dino ḏa maje maɽuwa ḏoɽeḏa ḏe ḏeḏi baba gwuŋun na liji le leḏi kanyin lun lɩpiḏo pɽul.
Currently Selected:
markus 8: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
markus 8
8
asa 8
yecu gwiʼi liji lun liro alɩb kwoɽo
mṯ. 15:32-39
1na ŋwamon ŋwono liji lijo lutu late ləṯɩn ŋɩdio ŋe ḏiṯa no, na yecu əmɩḏa calɩmis juŋun nuleicɩno, 2nyi gwino liji lutu leno gi gwune lɩmanalɩje ŋwamon ṯəɽɩl laṯe ləṯi ŋɩdio ŋe ḏiṯa no. 3na ḏa nyi marno lilkuwa jaŋu lagin lele ləḏɩmiḏɩnəne gi ṯaṯ, gi gwune lo kworo lɩwiḏi kalo gwola ganu. 4na calɩmis juŋun wɩrlijo ŋuɽuna naleicɩno, nigwogwe ŋɩne kiḏɩwer gwiji gwanapa gia kaka ŋal liji e leno wei nalpe? 5nulɽoṯəḏɩjo nuleicɩno, nya ləṯi gia umɩnyo? naleicɩno, kwoɽoṯəɽɩl. 6nuuməḏɩjo liji nalijiga kwɩnyəm; nuape gia kwoɽoṯəɽɩl, nueico eloŋu sukran, nubɩleṯɩnya ganu nuḏəḏə calɩmis juŋun alḏəḏə liji; nalḏəḏə. 7naləṯi ŋwumi ŋwɩti dino. nueico elo sukran, nuarno alḏəḏə dino. 8nalʼe nalpe; nalwəɽeice ŋɩdio ldu ŋun ŋiṯɩlɩne ganu nalenyeje jɩḏi kwoɽoṯəɽɩl. 9na lun liṯi liro alɩb kwoɽo, nulkuwa. 10naləḏi kwu murkab ganu calɩmis je juŋun, nalwila gi jɩmɩrɩgen jun jan dalmanuta.
yecu gwudonyo ḏiɽoṯeḏa ḏan ḏayinio
mṯ. 16:1-4, lk. 12:54-56
11na lɩbarɩsi wila lugwun nalarno gwaluməḏɩjo galo, nalɽoṯeḏe lar lalaŋijo ŋuɽuna ŋeḏi kanyin, gwiḏeijɩlo. 12nugele uwə gwubuḏo, nuleicɩno, gwudaro gəko na liji leḏi gwunne ɽoṯeḏe ḏəŋinio ḏeḏi kanyin? gwerkwe ganu nyi gweiceijɩno, ḏate ḏalḏəḏə liji leno leḏi gwunne no. 13nulouwɩrico, nuəḏi kwu murkab ganu mɩna, numuri kɩməmu ŋiro kaja.
yecu gwugireṯɩnyeḏi ḏirimiḏo gi jei ḏeḏi calɩmis
mṯ. 16:5-12
14na calɩmis ḏuḏe ganu gi ḏapa gia, naləṯi gia getɩdo kwu murkab ganu kuwei. 15nuluməḏɩjo ŋuɽuna ŋɩbɩɽe nuleicɩno, jil muma nyadɩminə ga ŋuɽun ŋeḏi lɩbarɩsi na ərudus ŋun ŋiro gi jɩduɽu. 16naluməḏəṯe laginŋu nalarno anate anəṯi gia no. 17na yecu lɩŋe nulelcɩno, gwudaro gəko nanyuməḏəṯe lagaloŋu gi gwune nya late ləṯi gia no? nya lore late lɩmalɩŋe na nyadiŋɩni na? dugwor dalo dore dɩbɩɽe a? 18nya ləṯi jei; namɩni nya late laṯɩdaŋa ga na? nya ləṯi nəni nya late laṯɩdiŋɩni na? namɩni nya late lataḏɩŋane na? 19gwune bɩleṯɩnyəḏi gia ganu ŋun ŋiro ṯoḏɩne gi liji lun liro alɩb ṯoḏɩne, jɩḏi jiro umɩnyo jɩmanyalape jun jimɩnyeḏe ŋɩdio ŋun ŋiṯɩlɩne ganu? nalarno jiro di na gwuttən. 20gwune bɩleṯɩnyəḏi gia ganu ŋun ŋiro kwoɽoṯəɽɩl gi liji lun liro alɩb kwoɽo, jɩḏi jiro umɩnyo jun jɩbuḏo jɩmanyalape jun jimɩnyeḏe ŋɩdio ŋun ŋiṯɩlɩne ganu? nalarno jiro kwoɽoṯəɽɩl. 21nuleicɩno, gwudaro na nyajɩre late lɩmadiŋɩni no?
ŋu gwumauɽi gwiji jei ganu beṯsaida
22nalobene beṯsaida. nalgwuluḏɩjo gwiji gwun gwɩrimə gi jei, nalɽoṯəḏɩjo gworki nalarno gwuḏɩmumi. 23numəṯo gwiji gwun gwɩrimə gi jei gi ḏi, nugwulo nugwutu gi lɩrgwom ganu, nukwoinya gi jei, nuḏɩmumi di de nuɽoṯəḏɩjo nueicɩno, jei jɩmadaŋa galo a? 24nuuɽe jei ganu. nueicɩno, nyi gwo gwaŋəḏi liji liro gi gwune jaɽe naṯɩlmɩni wewele. 25nuḏɩmumi gwiji jei di de mɩna, na gwiji uɽe jei ganu naṯuaŋu liji wei muma, 26nukuwa dunu lugwun nueicɩno, aṯaŋuməḏɩjo gwiji gwetɩdo gi lɩrgwom no.
buṯrus gwiteijo ga yecu gwiro kɩrisṯo
mṯ. 16:13-20, lk. 9:18-21
27na yecuŋa calɩmis je juŋun nalduḏo ŋwurgwom ŋweḏi gesaria bilibus, na gwune jilo gi ṯaṯ nuɽoṯəḏɩjo calɩmis juŋun nuleicɩno, liji laṯarno nyi gwan ədi? 28nalwɩrlijo ŋuɽuna naleicɩno, laṯarno ŋa gwan yuwana mamadan, na liro kaja laṯarno ŋa gwan iliya, na liro kaja laṯarno ŋa gwiro gwete gweḏi nebɩŋa. 29nulɽoṯəḏɩjo nuleicɩno, namɩni nyalaṯarno nyi gwan ədi? na buṯrus wɩrlijo ŋuɽuna nueicɩno, ŋa gwiro kɩrisṯo. 30nuluməḏɩjo ŋuɽuna ŋɩbɩɽe nuleicɩno, late lanuməḏɩjo gwiji ŋu gwe no.
yecu gwuməḏi ŋuɽuna ŋan ḏaiya ḏuŋun na ḏidiɽo gi ḏaiya gwerre ganu ŋate ŋɩmila no
mṯ. 16:21-23, lk. 9:22
31nulalɩmi nuleicɩno, arram ŋaɽe ŋeḏi liji ŋiḏe gworki, naŋadonyini gi liji lun luɽun na jɩsis jun jɩbuḏo na jalgaṯɩm naŋaɽinye na ŋaje ŋwamon ṯəɽɩl na ŋədiɽi; 32gwuməḏi ŋuɽuna ŋeno ŋulteiji ga. na buṯrus gwuloḏa kaja nuarno gwulo. 33nuwɩrla ga nuŋalaḏe gi calɩmis juŋun, nulo buṯrusŋ nueicɩno, tuḏi gi ḏuɽo ganu lugwi seiṯan. gi gwune ŋa gwate gwaṯuməḏɩni gwan ŋuɽun ŋeḏi elo no, nalmɩni ro ŋeḏi liji.
yecu gwarno ḏa ma gwiji gwujane nudonye gwula gwuŋun
mṯ. 16:24-28, lk. 9:23-27
34na gwune nuəmɩḏe liji calɩmis je juŋun nuleicɩno, ḏa gwete mar gwigwujane, nudonye gwula gwuŋun, nuape luɽi luŋun lun lɩmalɩḏo ganu nilgwujane. 35gwun gwar gwadɩme ḏɩmiḏa ḏuŋun ḏuḏuji, na gwun gwaḏuji ḏɩmiḏa ḏuŋun gwan nyi na ŋuɽun ŋiŋir ŋeḏi elo ḏudɩme. 36na ḏiḏienə ga ḏaḏa ḏa gwiji madɩme ŋɩdio ŋe gɩḏilio wei numɩni ḏuji gwula gwuŋun? 37na gwiji gwəbi aŋ ganu kalo geḏi gwulo gwuŋun? 38gwiji gwun gwaṯɩḏarape lugwi na ŋuɽun ŋinyi gi liji leḏi gwunne lun lɩki, lun late laṯɩməṯo eloŋu gwagin no, na ŋaɽe ŋeḏi liji ŋaje ŋaḏarape lugwun dino ḏa maje maɽuwa ḏoɽeḏa ḏe ḏeḏi baba gwuŋun na liji le leḏi kanyin lun lɩpiḏo pɽul.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.