Hoixgara 2
2
1Egi jaja Pentekost hambra jigi, harnaj warnaira horeishankira hiunankshana nigekira.
2Egi higuana woxe wangregi howajina maintajehira rokana sagrexji hajira hikisgena, egi jhi hominagananka harnaj hoixjina.
3Egi eja janti‐wagigirena resi jakishanke pej‐nisge, egi harnaj hishashana harnashinena.
4Egi harnaj Naxirag Wakanjangra hoixjinena, egi hit’e hijahi hit’e hajiarairena, jagu hit’airekjera Naxiragra e hit’et’e wagigina.
5Egi Jerusalem hajhira Judra Mau wogixetera, maxikhuhanegi wankshig hokirajnagre hajirena.
6Jaja de‐e woxe hiregi, worohaxjianka hija stoirena egi wowewiharej hirena, wankshignanka naxguinena hit’at’arnanka hit’e harninera hishashana wagarnanke esge.
7Egi harnaj waxixirena egi khorairena, wakigairena: horuxujre jasge hit’at’arnagre inke harnaj Galilea hajhi hiranishe?
8Egi jasgegaja hit’e hiwarniwira arnank hiwarnaxguwishe?
9Parthianra egi Medra egi Elamitra egi Mesopotamia hajhira egi Judea egi Kappadokia, Pontus egi Asia.
10Phrigia egi Pamphilia, Egipteja egi Libiaeja nige Kirene hiwusunsh, egi Rome hijahi herera, Judra egi Proselitra.
11Kretra egi Arabianra, hit’e hiwarniwira hit’arnank hiwarnaxguwingaja Maura wore rokana harnira waungaja.
12Egi harnaj khorairena egi jagu hirairekjenisgena, wakigairena: Jagu‐u de‐e wauineshe?
13Hijanera iwawigixja wairena: Nishuj jegra hoixjinankshana.
14Egi Peter nashina, hishankirashanara wakarakishu, hit’at’ajirena egi wawagena: Wang Judea‐regi herera egi jarnaga Jerusalem hajhira de‐e hiperes‐ninawina egi hoit’e harnira harnaigixguwine:
15Inke de‐e jarnig‐ninakshana, jarnignank hirarawi, hashjarajawina hambregi howagix hitanihajena.
16Eshi de‐e erena, Joel prophetra horagnihera:
17“Egi herekjanena, hamb hirowagananka Maura wena: Naxirag harnira rora harnaj wapaxunkjanena, egi hinig‐warawiga egi hinug‐warawiga prophet‐hirekjanena, egi hojinji‐washiniwira washa jairekjanena egi wangnunig washiniwira hante hihanterekjanena.
18Egi wang ware warnira egi hinug ware warnira hambananka‐eja Naxirag harnira wapaxunkjanena, egi prophet‐hirekjanena.
19Egi wangregi wowakanjank janti hakjanena egi mahihageja woijantira jantinkjanena, wa‐i egi pej egi xira hiwapurukjanena.
20Hambwira hokawas‐jinaikjanena, egi hahewira wa‐ijinaikjanena, kheni Hirukanara hamb‐xete egi rukanakanab harnira jini.
21Egi herekjanena higu peshe Hirukanara gikarajgi niaimbkjanena.”
22Israel wangra hoit’e de‐e warnaxguwine: Jesus Nasaretheja herera, wang de‐e Maura wogisoghina horograwiregi woshga rokana una, egi wowakanjank, egi woijanti una Maura E ungigina, nishge hiraperes‐harajawina,
23E Maura rushjarehina wogus‐shjainja egi washa joweja hoiperes‐harnieja, shuruswina, egi nab wowong hiu naramiheja haraisarajwina egi d’erawina.
24E Maura kikawa‐agigina, hot’era hoteg harnira girushgena, inke hot’eja harukos phinige esge.
25E, Dawid hit’et’era wagena: “Hirukanara hoishib hajharna hishja‐joweharegi, sanighoishoro hareginakshana, inke hinujiraranikjege.
26Esge najge harnira wogishawarna, egi resi harnira wogishawarna, hisgexji ro harnira hishge hoxgasigi karakjaimbkjanena.
27Naxirag harnira inke hot’eja rat’usharanikjanege esge, nishge inke Wakanjank hashinira d’eg hajairanikjanena.
28Ne‐hiperes‐hinagaja wankshighoi nagura, hishja hashinira hirak’uanaga wogishawara rokana hinarna.”
29Wangra egi hikhinubwira, winuwankuni hit’et’e hingigiwire Patriarx Dawidga hironikit’ekjawina, e d’egaja egi xairena, egi wanaxi‐hoshu earnira higiakaja hambegipa.
30Esge prophet‐isha heregaja, egi hiperessana Maura mangirajshana wihogigirena, ro earnieja sura axebjanega hisha hung‐waminag harnieja minaigkjanera erena.
31E jornineja de‐e hajarna, Kristus hakiha wankshigin harnira horagshana, naxirag earnira inke hot’eja t’unairanina, egi shige ro earnira inke d’eg hajairanina.
32Maura Jesus de‐e kikawa‐agigina, washa de‐e wihohira harnaj neninewina.
33Egi shegunegi hankshi‐hirena Maura nab‐hoishoro harnira wauna, egi Hianjra mangirajra russana, Naxirag Wakanjangra, E de‐e waxuna, shegunegi e hajawina egi hinaxguwina.
34Egi Dawid inke wangregi howaranina, eshi exji wena: Hirukanara, Hirukana harnira wagena: Nab‐hoishoro harninegi minagre,
35Hornish’ig hirera si‐warnashi warningi ungi epa.
36Esge Israel jhira harnaj wogisogji hipereswire Maura Jesus de‐e Hirukana egi Kristus una, E naramiheja haraisarajwina.
37Washa de‐e naxguinegi, najge warnineja howa‐hiarairena, egi Peter egi Apostel hijanera wawagairena: Wangra egi hikhinubwira jasge hakjanihawishe?
38Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.
39Egi manaj de‐e neashiniwina, egi ninkjang washiniwira egi jarnaga hiroharinagre, egi jarnaga Hirukana Mau harniwira gigogi.
40Egi hoit’e hijahina roha wogiragshana egi wahokhuna, wena: Injab‐khikerewire gi’giaswire wankshighoi hokixajanke de‐e.
41Egi jarnaga hoit’e harnira gigiphinegi rus‐hirena niwawaxuinena. Egi hamb‐eja naxiragra hogihixete dani hijornashina.
42Egi hoishib Apostel wogus harnineja unakshana egi wakishu uine, egi waisgab rujhaire, egi gikarajire.
43Egi naxiragra harnaj naxirairena. Egi Apostelra wowakanjangra egi woijantira roha uinena.
44Egi jarnaga harnaxguinegi harnaj stoirena, egi washara harnaj hakishjeg warninena.
45Egi mara egi (jhira) egi washinjane warninera wawikuruwinena, egi harnaj khiruje wakhinena, jarnaga washa hirujisankhi.
46Egi hoishib wohokhu‐hojhixeteja unankshana wanaira hishankira hiu, egi waisgab rujhera jhira howewouinena, egi warujra wakuruj‐hirena wogishawa egi wanai‐wogisogji hiu,
47Maura rajank, egi wankshigra harnaj najwojaine. Egi Hirukanara hambga wohokhu‐hojhieja hisge hijornashingigijena, jarnaga niaimbjera.
Currently Selected:
Hoixgara 2: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
Hoixgara 2
2
1Egi jaja Pentekost hambra jigi, harnaj warnaira horeishankira hiunankshana nigekira.
2Egi higuana woxe wangregi howajina maintajehira rokana sagrexji hajira hikisgena, egi jhi hominagananka harnaj hoixjina.
3Egi eja janti‐wagigirena resi jakishanke pej‐nisge, egi harnaj hishashana harnashinena.
4Egi harnaj Naxirag Wakanjangra hoixjinena, egi hit’e hijahi hit’e hajiarairena, jagu hit’airekjera Naxiragra e hit’et’e wagigina.
5Egi Jerusalem hajhira Judra Mau wogixetera, maxikhuhanegi wankshig hokirajnagre hajirena.
6Jaja de‐e woxe hiregi, worohaxjianka hija stoirena egi wowewiharej hirena, wankshignanka naxguinena hit’at’arnanka hit’e harninera hishashana wagarnanke esge.
7Egi harnaj waxixirena egi khorairena, wakigairena: horuxujre jasge hit’at’arnagre inke harnaj Galilea hajhi hiranishe?
8Egi jasgegaja hit’e hiwarniwira arnank hiwarnaxguwishe?
9Parthianra egi Medra egi Elamitra egi Mesopotamia hajhira egi Judea egi Kappadokia, Pontus egi Asia.
10Phrigia egi Pamphilia, Egipteja egi Libiaeja nige Kirene hiwusunsh, egi Rome hijahi herera, Judra egi Proselitra.
11Kretra egi Arabianra, hit’e hiwarniwira hit’arnank hiwarnaxguwingaja Maura wore rokana harnira waungaja.
12Egi harnaj khorairena egi jagu hirairekjenisgena, wakigairena: Jagu‐u de‐e wauineshe?
13Hijanera iwawigixja wairena: Nishuj jegra hoixjinankshana.
14Egi Peter nashina, hishankirashanara wakarakishu, hit’at’ajirena egi wawagena: Wang Judea‐regi herera egi jarnaga Jerusalem hajhira de‐e hiperes‐ninawina egi hoit’e harnira harnaigixguwine:
15Inke de‐e jarnig‐ninakshana, jarnignank hirarawi, hashjarajawina hambregi howagix hitanihajena.
16Eshi de‐e erena, Joel prophetra horagnihera:
17“Egi herekjanena, hamb hirowagananka Maura wena: Naxirag harnira rora harnaj wapaxunkjanena, egi hinig‐warawiga egi hinug‐warawiga prophet‐hirekjanena, egi hojinji‐washiniwira washa jairekjanena egi wangnunig washiniwira hante hihanterekjanena.
18Egi wang ware warnira egi hinug ware warnira hambananka‐eja Naxirag harnira wapaxunkjanena, egi prophet‐hirekjanena.
19Egi wangregi wowakanjank janti hakjanena egi mahihageja woijantira jantinkjanena, wa‐i egi pej egi xira hiwapurukjanena.
20Hambwira hokawas‐jinaikjanena, egi hahewira wa‐ijinaikjanena, kheni Hirukanara hamb‐xete egi rukanakanab harnira jini.
21Egi herekjanena higu peshe Hirukanara gikarajgi niaimbkjanena.”
22Israel wangra hoit’e de‐e warnaxguwine: Jesus Nasaretheja herera, wang de‐e Maura wogisoghina horograwiregi woshga rokana una, egi wowakanjank, egi woijanti una Maura E ungigina, nishge hiraperes‐harajawina,
23E Maura rushjarehina wogus‐shjainja egi washa joweja hoiperes‐harnieja, shuruswina, egi nab wowong hiu naramiheja haraisarajwina egi d’erawina.
24E Maura kikawa‐agigina, hot’era hoteg harnira girushgena, inke hot’eja harukos phinige esge.
25E, Dawid hit’et’era wagena: “Hirukanara hoishib hajharna hishja‐joweharegi, sanighoishoro hareginakshana, inke hinujiraranikjege.
26Esge najge harnira wogishawarna, egi resi harnira wogishawarna, hisgexji ro harnira hishge hoxgasigi karakjaimbkjanena.
27Naxirag harnira inke hot’eja rat’usharanikjanege esge, nishge inke Wakanjank hashinira d’eg hajairanikjanena.
28Ne‐hiperes‐hinagaja wankshighoi nagura, hishja hashinira hirak’uanaga wogishawara rokana hinarna.”
29Wangra egi hikhinubwira, winuwankuni hit’et’e hingigiwire Patriarx Dawidga hironikit’ekjawina, e d’egaja egi xairena, egi wanaxi‐hoshu earnira higiakaja hambegipa.
30Esge prophet‐isha heregaja, egi hiperessana Maura mangirajshana wihogigirena, ro earnieja sura axebjanega hisha hung‐waminag harnieja minaigkjanera erena.
31E jornineja de‐e hajarna, Kristus hakiha wankshigin harnira horagshana, naxirag earnira inke hot’eja t’unairanina, egi shige ro earnira inke d’eg hajairanina.
32Maura Jesus de‐e kikawa‐agigina, washa de‐e wihohira harnaj neninewina.
33Egi shegunegi hankshi‐hirena Maura nab‐hoishoro harnira wauna, egi Hianjra mangirajra russana, Naxirag Wakanjangra, E de‐e waxuna, shegunegi e hajawina egi hinaxguwina.
34Egi Dawid inke wangregi howaranina, eshi exji wena: Hirukanara, Hirukana harnira wagena: Nab‐hoishoro harninegi minagre,
35Hornish’ig hirera si‐warnashi warningi ungi epa.
36Esge Israel jhira harnaj wogisogji hipereswire Maura Jesus de‐e Hirukana egi Kristus una, E naramiheja haraisarajwina.
37Washa de‐e naxguinegi, najge warnineja howa‐hiarairena, egi Peter egi Apostel hijanera wawagairena: Wangra egi hikhinubwira jasge hakjanihawishe?
38Egi Peter wawagena: Najgera‐karategwire egi harnaj ni‐awaxuine‐khiwine Jesus Kristus rash harnira hiu, washa woishanara warnigit’unairekjanihawina, egi Naxirag Wakanjangra hornik’uinekjanihawina.
39Egi manaj de‐e neashiniwina, egi ninkjang washiniwira egi jarnaga hiroharinagre, egi jarnaga Hirukana Mau harniwira gigogi.
40Egi hoit’e hijahina roha wogiragshana egi wahokhuna, wena: Injab‐khikerewire gi’giaswire wankshighoi hokixajanke de‐e.
41Egi jarnaga hoit’e harnira gigiphinegi rus‐hirena niwawaxuinena. Egi hamb‐eja naxiragra hogihixete dani hijornashina.
42Egi hoishib Apostel wogus harnineja unakshana egi wakishu uine, egi waisgab rujhaire, egi gikarajire.
43Egi naxiragra harnaj naxirairena. Egi Apostelra wowakanjangra egi woijantira roha uinena.
44Egi jarnaga harnaxguinegi harnaj stoirena, egi washara harnaj hakishjeg warninena.
45Egi mara egi (jhira) egi washinjane warninera wawikuruwinena, egi harnaj khiruje wakhinena, jarnaga washa hirujisankhi.
46Egi hoishib wohokhu‐hojhixeteja unankshana wanaira hishankira hiu, egi waisgab rujhera jhira howewouinena, egi warujra wakuruj‐hirena wogishawa egi wanai‐wogisogji hiu,
47Maura rajank, egi wankshigra harnaj najwojaine. Egi Hirukanara hambga wohokhu‐hojhieja hisge hijornashingigijena, jarnaga niaimbjera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.