Hoixgara 8
8
1Egi Saulga giphinjera Stephan d’era. Egi hounanka eja hostonanka hawera rokana wawagiginankshana Jerusalem‐eja nanka. Egi harnaj Judea egi Samaria mara hoerarena Apostelra eshana hijarnakshana.
2Egi wang phira Stephan xairena, egi gixagra rokana wairena.
3Eshi Saulga hostoaka maisinsh‐hijena jhira harnaj wokawajena egi wang egi hinug rutianaga egi jhiwornassajena.
4Eshi jarnaga hijahi hoeraka harnaj howarairanaga hoit’era wihokhunankshana.
5Egi Philipga Samaria jhinageja hina egi Kristus wawihokhuna.
6Horniheaka Philipga washa jagu wirokit’ajega warnaira horeishankira hiu harnagixgunankshana, harnaxgunankshana egi hajarnankshana wowakanjang unjege.
7Naxirag shishigrashge mashja uwainena warninankhi roha hihinabshana, egi ro t’egra egi manirushagra roha rushjana.
8Egi jhinag‐eja wogishawara rokanainena.
9Egi jorni wangisha jhinag‐eja jegi Simon higairena, e wang‐doshewejena, egi Samaria wankshigra wawikisherejena, rokanaisha hereje khinjena.
10She‐e harnaj harnaxguinena, xununigra egi xetera wairena: Wang de‐e Maura homashja harnira rokanajena.
11Egi harnagixguxjinankshana s’ixji khore‐wahijege wang‐doshewera hik’u.
12Eshi jaja Philipga harnaxguinegi, e washa Maura hungma harnira wihokhungi egi Jesus Kristus rash harnira wihokhungi wangra egi hinugra nihawaxuine khinena.
13Egi Simon hishge exji harnaxguna, egi jaja niawaxuinegi Philipga hoishib hakishu una, egi khorajena washa wowakanjangra egi washa woijantira hajajena e waura.
14Egi jaja Apostel Jerusalem‐ejananka naxguinegi Samariara Mau hoit’era rus‐hiregi, Peter egi John eja howarewagigirena.
15E jaja hahiregi gikaraj wagigirena, Naxirag Wakanjangra rus‐hirekjege.
16Kheni Naxirag Wakanjangra hisha hok’uninankshana, ni‐wawaxuinegishana herenankshana Hirukanara Jesus Rash harnira hiu.
17Egi Apostelra nab warninera wik’uinarnaga nassueja wawassunsh‐hirena egi Naxirag Wakanjangra rus‐hirena.
18Egi jaja Simon hajagi, Apostelra nab warninera wawirawassunsh hiregaja, Naxirag Wakanjangra wawogairegi, shura wawoga‐naina:
19Wawagena: Homashja de‐e nishge hunk’uwine, higu peshe nab harnira hirapassunshgi, Naxirag Wakanjangra rus‐hirekjena.
20Eshi Peter wagena: Shura hashinira hakarani‐sh’jekjanena, Maura woga harnira shura hiruwi phina hirarege esge.
21Ne inke hija wosh’unikjanena egi shige washa hoishjara woshga degi, najge hashinira inkephinige Maura hishja jowehieja esge.
22Esge washa wowong de‐e hashinira najgerategkhe egi Maura gikarajre nigete najge wowewi hashinira ningit’unege.
23Harnijhajena pisda hotegeja rajera washa wowong hiraki‐shurupana rajera.
24Egi Simon horniharna, egi wena: Ne Hirukanara gikaraj hingigire washa de‐e hisharajane inke hisha hiraijinikjena.
25Egi jaja Apostelra horaghiregi egi Hirukanara hoit’e harnira wihokhuinegi Jerusalem‐eja hakja howakarairegi egi woragphira wihokhuinena Samarit jhinagra roha.
26Egi Hirukanara waxopiniwarajire harnira Philip hokit’ena wagena: Nashine egi wiorojonjeregi howarare Jerusalem‐eja nagujega howaranaga Gasa eja hiaje mojainainja herena.
27Egi nashianaga rena, egi horuxujre wang Ethiopia eja hereisha eunux hisha washa hirukana rokanaisha, Ethiopia hiungiwira Kandake higairera e hiungiwijega shurojhi harnira harnaj hiragikarajera egi Jerusalem‐eja jina gikaraj.
28Karahena, egi hiraruti harnieja minaganaga Esaias prophet (wawagax harnira) arnakshana.
29Egi Naxiragra Philipga wagena: Hiwusunsh howarege egi hiraruti de‐e hakishurare.
30Egi Philipga eja hornuwankshana egi arnakhi naxguna Esaias prophet wawagax harnieja, egi wagena: Nanaxgu‐shanakshe jagu hisha’sha’nagre?
31Egi wena: Jasge harnaga naxgunkjeshe inke hisha hingigusnigi. Egi Philipga hijoti rogiguna hakishu minaikjege.
32Wowagaxeja nige era de‐e herena: “E jhasga ruti giuinena wanoijge hot’ehieja harnihahire, egi jhasganing ining hikisge hinrujgis harnira jowehieja, deshesgena inke ishabnina.
33Jaja worujiskhingi woehi harnira girus‐hirena, peshe harnaj horag‐ruxuruigje wankshighoi harnira, wankshighoi harnira manegi girus‐hirena.”
34Egi eunux horniharna egi Philip wagena: Naixjina hunagi‐sharag sheshi prophet washa de‐e peshe wageshe, ewakhigeshe nigeshge wang hijahisha wageshe?
35Egi Philipga ishabanaga egi wowagax e hiunjirena egi Jesus hihokhuna.
36Egi hakarahairau ni‐sha hiragirena, egi eunux wena: Horuxujre nira, jaguisha joweregi hingirujegaja, inke nishawaxunishe?
37Egi Philipga wena: Najge hashinira harnaj hiranaraxgungi sh’unana. Egi horniharna wena: Harnaxguna, Jesus Kristus Maura Hinigra heregaja.
38Egi hirarutira nashi sh’ina, egi hinuinke ni‐eja howarairena Philipga egi eunux, egi ni‐hawaxuna.
39Egi jaja ni‐eja howakiriregi, Hirukanara Naxirag harnira Philipga nige howarninena, eunux inke hinupahana, hajarnina, egi wogishawa karahena.
40Eshi Philipga Asotus‐eja hierena, egi wahokhu haguna jhinagananka harnaj wouank’u Kesarea eja kirina.
Currently Selected:
Hoixgara 8: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
Hoixgara 8
8
1Egi Saulga giphinjera Stephan d’era. Egi hounanka eja hostonanka hawera rokana wawagiginankshana Jerusalem‐eja nanka. Egi harnaj Judea egi Samaria mara hoerarena Apostelra eshana hijarnakshana.
2Egi wang phira Stephan xairena, egi gixagra rokana wairena.
3Eshi Saulga hostoaka maisinsh‐hijena jhira harnaj wokawajena egi wang egi hinug rutianaga egi jhiwornassajena.
4Eshi jarnaga hijahi hoeraka harnaj howarairanaga hoit’era wihokhunankshana.
5Egi Philipga Samaria jhinageja hina egi Kristus wawihokhuna.
6Horniheaka Philipga washa jagu wirokit’ajega warnaira horeishankira hiu harnagixgunankshana, harnaxgunankshana egi hajarnankshana wowakanjang unjege.
7Naxirag shishigrashge mashja uwainena warninankhi roha hihinabshana, egi ro t’egra egi manirushagra roha rushjana.
8Egi jhinag‐eja wogishawara rokanainena.
9Egi jorni wangisha jhinag‐eja jegi Simon higairena, e wang‐doshewejena, egi Samaria wankshigra wawikisherejena, rokanaisha hereje khinjena.
10She‐e harnaj harnaxguinena, xununigra egi xetera wairena: Wang de‐e Maura homashja harnira rokanajena.
11Egi harnagixguxjinankshana s’ixji khore‐wahijege wang‐doshewera hik’u.
12Eshi jaja Philipga harnaxguinegi, e washa Maura hungma harnira wihokhungi egi Jesus Kristus rash harnira wihokhungi wangra egi hinugra nihawaxuine khinena.
13Egi Simon hishge exji harnaxguna, egi jaja niawaxuinegi Philipga hoishib hakishu una, egi khorajena washa wowakanjangra egi washa woijantira hajajena e waura.
14Egi jaja Apostel Jerusalem‐ejananka naxguinegi Samariara Mau hoit’era rus‐hiregi, Peter egi John eja howarewagigirena.
15E jaja hahiregi gikaraj wagigirena, Naxirag Wakanjangra rus‐hirekjege.
16Kheni Naxirag Wakanjangra hisha hok’uninankshana, ni‐wawaxuinegishana herenankshana Hirukanara Jesus Rash harnira hiu.
17Egi Apostelra nab warninera wik’uinarnaga nassueja wawassunsh‐hirena egi Naxirag Wakanjangra rus‐hirena.
18Egi jaja Simon hajagi, Apostelra nab warninera wawirawassunsh hiregaja, Naxirag Wakanjangra wawogairegi, shura wawoga‐naina:
19Wawagena: Homashja de‐e nishge hunk’uwine, higu peshe nab harnira hirapassunshgi, Naxirag Wakanjangra rus‐hirekjena.
20Eshi Peter wagena: Shura hashinira hakarani‐sh’jekjanena, Maura woga harnira shura hiruwi phina hirarege esge.
21Ne inke hija wosh’unikjanena egi shige washa hoishjara woshga degi, najge hashinira inkephinige Maura hishja jowehieja esge.
22Esge washa wowong de‐e hashinira najgerategkhe egi Maura gikarajre nigete najge wowewi hashinira ningit’unege.
23Harnijhajena pisda hotegeja rajera washa wowong hiraki‐shurupana rajera.
24Egi Simon horniharna, egi wena: Ne Hirukanara gikaraj hingigire washa de‐e hisharajane inke hisha hiraijinikjena.
25Egi jaja Apostelra horaghiregi egi Hirukanara hoit’e harnira wihokhuinegi Jerusalem‐eja hakja howakarairegi egi woragphira wihokhuinena Samarit jhinagra roha.
26Egi Hirukanara waxopiniwarajire harnira Philip hokit’ena wagena: Nashine egi wiorojonjeregi howarare Jerusalem‐eja nagujega howaranaga Gasa eja hiaje mojainainja herena.
27Egi nashianaga rena, egi horuxujre wang Ethiopia eja hereisha eunux hisha washa hirukana rokanaisha, Ethiopia hiungiwira Kandake higairera e hiungiwijega shurojhi harnira harnaj hiragikarajera egi Jerusalem‐eja jina gikaraj.
28Karahena, egi hiraruti harnieja minaganaga Esaias prophet (wawagax harnira) arnakshana.
29Egi Naxiragra Philipga wagena: Hiwusunsh howarege egi hiraruti de‐e hakishurare.
30Egi Philipga eja hornuwankshana egi arnakhi naxguna Esaias prophet wawagax harnieja, egi wagena: Nanaxgu‐shanakshe jagu hisha’sha’nagre?
31Egi wena: Jasge harnaga naxgunkjeshe inke hisha hingigusnigi. Egi Philipga hijoti rogiguna hakishu minaikjege.
32Wowagaxeja nige era de‐e herena: “E jhasga ruti giuinena wanoijge hot’ehieja harnihahire, egi jhasganing ining hikisge hinrujgis harnira jowehieja, deshesgena inke ishabnina.
33Jaja worujiskhingi woehi harnira girus‐hirena, peshe harnaj horag‐ruxuruigje wankshighoi harnira, wankshighoi harnira manegi girus‐hirena.”
34Egi eunux horniharna egi Philip wagena: Naixjina hunagi‐sharag sheshi prophet washa de‐e peshe wageshe, ewakhigeshe nigeshge wang hijahisha wageshe?
35Egi Philipga ishabanaga egi wowagax e hiunjirena egi Jesus hihokhuna.
36Egi hakarahairau ni‐sha hiragirena, egi eunux wena: Horuxujre nira, jaguisha joweregi hingirujegaja, inke nishawaxunishe?
37Egi Philipga wena: Najge hashinira harnaj hiranaraxgungi sh’unana. Egi horniharna wena: Harnaxguna, Jesus Kristus Maura Hinigra heregaja.
38Egi hirarutira nashi sh’ina, egi hinuinke ni‐eja howarairena Philipga egi eunux, egi ni‐hawaxuna.
39Egi jaja ni‐eja howakiriregi, Hirukanara Naxirag harnira Philipga nige howarninena, eunux inke hinupahana, hajarnina, egi wogishawa karahena.
40Eshi Philipga Asotus‐eja hierena, egi wahokhu haguna jhinagananka harnaj wouank’u Kesarea eja kirina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.