Hogusra 19
19
1Egi waxopiniwarajire nup hajega hoxjarnanegi Sodomeja hahirena, egi Lotga Sodom jhirobeja minaganankshana. Egi Lotga wajagi nashianaga hikipahina, egi wakhuna.
2Egi wawagena: Horuxujwire hirukana harnixjiwi, hokawawire ningitawina, ware hashiniwira hojhieja, egi haiserej hinwushawire egi si washiniwira wakurushawire, egi hainixji rakikawa‐awianaga egi sherekjawina. Egi wairena: Inka, eshi haiserej naguregi hauanje‐kjanihawina.
3Egi hawexjiwahina, egi hakishu harairena egi hojhieja hokawairena. Egi waruj wagiuna egi waisgab hinawohi rokani duj‐hina egi waruj‐hirena.
4Eshi kheni ming‐hirani wang jhinag‐eja herera Sodomitra wankshigra jhinaka haikshainena, shagra egi wajegra, jhinaganaka harnaj wankshigra hajirena.
5Egi Lotga gigoirena egi wagairena: Wangra hajinja nankshe hahe de‐e hiranijirera, harni wigihinabwire, e waiaperes‐hikjawina.
6Egi Lotga hihinabshana jhirob‐jangeja hijeanaga egi jhirobra hageja hornakarasse hijena.
7Egi wena: Ningitawina hikhinubwira inke wowongra de‐shesgawinine.
8Horuxujwire, nupiwi hinughara kheni wang hiperesnina, ningitawina hani winigi‐hinaibjawina, egi jasge raiphiwingi waragish unkjawina. Eshi wang‐nagre inke washa wagiu‐winine, shesge‐wagiu wajhiregi hokawairena.
9Egi wairena: Hijahi nashine. Egi shige wairena: De‐e mawakuruxe jinihera egi hoishib wanghirukana naiwi, egi shegunegi ne hiraijera shishig ningigi‐kjanihawina, jasge wagigiwinana. Egi wangjega Lotga hiraijera mashja giuinena, egi jowe jhirobra gixux‐hiranana.
10Eshi wangananka nabra hihinab‐wahiranaga egi Lotga jhirogeja horutirena, egi jhirobra hornassairena.
11Egi jhirobeja wangananka hishjaraning‐wahirena, xununigra egi xetera, hinjge khinena jhirobrahienai.
12Egi wangananka Lotga wagaireua: Washinigi higi hishaniheshe watohojhi washinigi egi hinigwaragi, egi hinugwaragi egi washa jagu jhinag‐egi hashinigi ma‐degi hani‐wihinabre.
13Ma de‐e maisinsh hakjanihawige. Ma‐degi uwara rokana howahiake Jehowa hishja jowehieja esge. Egi Jehowa huingigiwina maisinsh‐hi.
14Egi Lotga hihinabanaga egi watohojhi wajabra wawokit’ena hinugwahira wakishurekjanegi egi wena: Nashiwine ma‐degi hihinabwire Jehowa jhinag de‐e maisinsh‐hikjanege esge. Eshi watohojhi wajabra warashij‐waje hiranainena.
15Egi jaja haini hakirigi waxopiniwarajire‐nanka Lotga hirawashij‐hirena, wairena: Nashine, hijawinaga rusanaga egi hinugwaraga nup higi‐harnagre inke ne hishge manisinshui‐kjawige jhinag‐nagre hawekjanera.
16Egi jaja hiwusha‐shagi, wangnanka nabeja harukoshirena egi hijawira nab harnira egi hinugwahira hinuinke nab warninera, Jehowa najogija‐jeje esge, egi harni hihinab‐hirena egi jhinag‐jangeja kererena.
17Egi herena, jaja hihinab‐harninegi wagena: Giasre niambnaine, inke hakjamb‐nianje, inke shige hosunsh‐eja unjanianje, xeja hogiasre inke ne‐shjarnikjege.
18Egi Lotga wawagena: Hirukana harnixji inke shesgarnikjena.
19Horuxujre ware hashinira joweraija najhojaine hiejanegi, najoja hashinira hiraijera hingigire, e hinagishawahara, wankshig‐hoi harnira niamb hinagigi. Inke xeja hogias duxurug‐nina, ningete washoshishig hiraijianaga egi jhege.
20Horuxujre, jhinag de‐e ashgenig‐nank hogiasra, egi xununig hisha heregaja, eja hogias‐hingigire jasge inke xununig hisha hereninakshe? Egi naxirag harnira niaimbkjena.
21Egi wagena: Horuxujre gisij himashja jijenina, inke jhinag de‐e maisinsh harnikjanena, e waragarajane.
22Xapge higire eja hogiasre, inke washara hisha haunikjanena hebregi hijarahigi hipa. Esge jhinag‐anaka rashra Soar higairena.
23Wira haxebshana jaja Lotga Soar‐eja higi.
24Egi Jehowa Sodom egi Gomorah Brimstone egi pej hashu wahina, wangregi Jehowa eja howaji.
25Egi jhinag‐ananka maisinsh wahina egi hosunshra harnaj, egi jhinag wawojhirera harnaj egi washara jarnaga mainja haxebankhi.
26Eshi hijawira hageja uankhi hakjambshana egi nisgujijena.
27Egi Abraham haininegi hainixjinig kikawaana hajinja Jehowa jowehieja nashira eja hina.
28Egi Sodom egi Gomorah sanig‐eja horuxujshana egi sanig ma‐hosunshra harnaj, egi hajarna, egi horuxujre mara xi wangra howarena, mas‐hotaxirihi xi‐nisge.
29Egi herena, jaja Maura hosunsh‐eja jhinag‐ananka maisiush wahigi Maura Abraham wewina, egi Lotga maisinsh wahire horogeja hihinab‐keregigina, jaja jhinagra maisinsh wahigi Lotga hojhiniheja.
30Egi Lotga Soar‐eja nigiowarena egi xeja jhina, egi hinugwahira hinuinke wakarakishu Soar‐eja jhira nakewege egi nish‐hopoxeja jhina e hereanaga egi hinugwahira hinuinke.
31Egi jowarejega xunujega wagena: Hianj‐hihira shagkaja, egi manegi inke wangra hisha janina, wanghakishukjera, manegi woshga unagra ura.
32Hure, egi hianj‐hihira nishuj rajga hingigikjena egi hakishu himinkjena e hianj‐hihira su eja horus‐hikjena.
33Egi hahe‐eja hianj‐hirera nishuj rajgan‐gigirena, egi jowarejega hijokewena egi hianjra hakishu mingshana. Egi Lotga inke hiperesnina jaja hakishu mingkhi egi shige iuke jaja kikawa‐angi.
34Egi herena haininegi jowarejega xununa wagena: Horuxujre hahere jajiga hakishu hamingshana, hahe de‐e shige nishuj rajga hingigikjena egi ne hijorakawanaga egi hakishu minggaje, e hianj‐hihira su eja horus‐hikjena.
35Egi hahe‐eja shige hianj‐hirera nishuj rajgan‐gigirena. Egi xunujega nashianaga egi hakishu mingshana, egi Lotga inke hiperesnina jaja hakishu mingkhi egi shige inke jaja kikawa‐angi.
36De‐shesge Lotga hinugwahira hinuwinke hirena hianj‐hirera waugijganag hirena.
37Egi jowarejega hojinjinig hisha harnina egi rashra Moab higena. De‐e Moabit wankshigra hianj‐hirera herena hamb de‐e hipa.
38Egi xunujega hishge hojinjinig hisha harnina egi rashra Ben‐am‐mi higena. De‐e Ammon wankshigra hianj‐hirera herena, hamb de‐e hipa.
Currently Selected:
Hogusra 19: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
Hogusra 19
19
1Egi waxopiniwarajire nup hajega hoxjarnanegi Sodomeja hahirena, egi Lotga Sodom jhirobeja minaganankshana. Egi Lotga wajagi nashianaga hikipahina, egi wakhuna.
2Egi wawagena: Horuxujwire hirukana harnixjiwi, hokawawire ningitawina, ware hashiniwira hojhieja, egi haiserej hinwushawire egi si washiniwira wakurushawire, egi hainixji rakikawa‐awianaga egi sherekjawina. Egi wairena: Inka, eshi haiserej naguregi hauanje‐kjanihawina.
3Egi hawexjiwahina, egi hakishu harairena egi hojhieja hokawairena. Egi waruj wagiuna egi waisgab hinawohi rokani duj‐hina egi waruj‐hirena.
4Eshi kheni ming‐hirani wang jhinag‐eja herera Sodomitra wankshigra jhinaka haikshainena, shagra egi wajegra, jhinaganaka harnaj wankshigra hajirena.
5Egi Lotga gigoirena egi wagairena: Wangra hajinja nankshe hahe de‐e hiranijirera, harni wigihinabwire, e waiaperes‐hikjawina.
6Egi Lotga hihinabshana jhirob‐jangeja hijeanaga egi jhirobra hageja hornakarasse hijena.
7Egi wena: Ningitawina hikhinubwira inke wowongra de‐shesgawinine.
8Horuxujwire, nupiwi hinughara kheni wang hiperesnina, ningitawina hani winigi‐hinaibjawina, egi jasge raiphiwingi waragish unkjawina. Eshi wang‐nagre inke washa wagiu‐winine, shesge‐wagiu wajhiregi hokawairena.
9Egi wairena: Hijahi nashine. Egi shige wairena: De‐e mawakuruxe jinihera egi hoishib wanghirukana naiwi, egi shegunegi ne hiraijera shishig ningigi‐kjanihawina, jasge wagigiwinana. Egi wangjega Lotga hiraijera mashja giuinena, egi jowe jhirobra gixux‐hiranana.
10Eshi wangananka nabra hihinab‐wahiranaga egi Lotga jhirogeja horutirena, egi jhirobra hornassairena.
11Egi jhirobeja wangananka hishjaraning‐wahirena, xununigra egi xetera, hinjge khinena jhirobrahienai.
12Egi wangananka Lotga wagaireua: Washinigi higi hishaniheshe watohojhi washinigi egi hinigwaragi, egi hinugwaragi egi washa jagu jhinag‐egi hashinigi ma‐degi hani‐wihinabre.
13Ma de‐e maisinsh hakjanihawige. Ma‐degi uwara rokana howahiake Jehowa hishja jowehieja esge. Egi Jehowa huingigiwina maisinsh‐hi.
14Egi Lotga hihinabanaga egi watohojhi wajabra wawokit’ena hinugwahira wakishurekjanegi egi wena: Nashiwine ma‐degi hihinabwire Jehowa jhinag de‐e maisinsh‐hikjanege esge. Eshi watohojhi wajabra warashij‐waje hiranainena.
15Egi jaja haini hakirigi waxopiniwarajire‐nanka Lotga hirawashij‐hirena, wairena: Nashine, hijawinaga rusanaga egi hinugwaraga nup higi‐harnagre inke ne hishge manisinshui‐kjawige jhinag‐nagre hawekjanera.
16Egi jaja hiwusha‐shagi, wangnanka nabeja harukoshirena egi hijawira nab harnira egi hinugwahira hinuinke nab warninera, Jehowa najogija‐jeje esge, egi harni hihinab‐hirena egi jhinag‐jangeja kererena.
17Egi herena, jaja hihinab‐harninegi wagena: Giasre niambnaine, inke hakjamb‐nianje, inke shige hosunsh‐eja unjanianje, xeja hogiasre inke ne‐shjarnikjege.
18Egi Lotga wawagena: Hirukana harnixji inke shesgarnikjena.
19Horuxujre ware hashinira joweraija najhojaine hiejanegi, najoja hashinira hiraijera hingigire, e hinagishawahara, wankshig‐hoi harnira niamb hinagigi. Inke xeja hogias duxurug‐nina, ningete washoshishig hiraijianaga egi jhege.
20Horuxujre, jhinag de‐e ashgenig‐nank hogiasra, egi xununig hisha heregaja, eja hogias‐hingigire jasge inke xununig hisha hereninakshe? Egi naxirag harnira niaimbkjena.
21Egi wagena: Horuxujre gisij himashja jijenina, inke jhinag de‐e maisinsh harnikjanena, e waragarajane.
22Xapge higire eja hogiasre, inke washara hisha haunikjanena hebregi hijarahigi hipa. Esge jhinag‐anaka rashra Soar higairena.
23Wira haxebshana jaja Lotga Soar‐eja higi.
24Egi Jehowa Sodom egi Gomorah Brimstone egi pej hashu wahina, wangregi Jehowa eja howaji.
25Egi jhinag‐ananka maisinsh wahina egi hosunshra harnaj, egi jhinag wawojhirera harnaj egi washara jarnaga mainja haxebankhi.
26Eshi hijawira hageja uankhi hakjambshana egi nisgujijena.
27Egi Abraham haininegi hainixjinig kikawaana hajinja Jehowa jowehieja nashira eja hina.
28Egi Sodom egi Gomorah sanig‐eja horuxujshana egi sanig ma‐hosunshra harnaj, egi hajarna, egi horuxujre mara xi wangra howarena, mas‐hotaxirihi xi‐nisge.
29Egi herena, jaja Maura hosunsh‐eja jhinag‐ananka maisiush wahigi Maura Abraham wewina, egi Lotga maisinsh wahire horogeja hihinab‐keregigina, jaja jhinagra maisinsh wahigi Lotga hojhiniheja.
30Egi Lotga Soar‐eja nigiowarena egi xeja jhina, egi hinugwahira hinuinke wakarakishu Soar‐eja jhira nakewege egi nish‐hopoxeja jhina e hereanaga egi hinugwahira hinuinke.
31Egi jowarejega xunujega wagena: Hianj‐hihira shagkaja, egi manegi inke wangra hisha janina, wanghakishukjera, manegi woshga unagra ura.
32Hure, egi hianj‐hihira nishuj rajga hingigikjena egi hakishu himinkjena e hianj‐hihira su eja horus‐hikjena.
33Egi hahe‐eja hianj‐hirera nishuj rajgan‐gigirena, egi jowarejega hijokewena egi hianjra hakishu mingshana. Egi Lotga inke hiperesnina jaja hakishu mingkhi egi shige iuke jaja kikawa‐angi.
34Egi herena haininegi jowarejega xununa wagena: Horuxujre hahere jajiga hakishu hamingshana, hahe de‐e shige nishuj rajga hingigikjena egi ne hijorakawanaga egi hakishu minggaje, e hianj‐hihira su eja horus‐hikjena.
35Egi hahe‐eja shige hianj‐hirera nishuj rajgan‐gigirena. Egi xunujega nashianaga egi hakishu mingshana, egi Lotga inke hiperesnina jaja hakishu mingkhi egi shige inke jaja kikawa‐angi.
36De‐shesge Lotga hinugwahira hinuwinke hirena hianj‐hirera waugijganag hirena.
37Egi jowarejega hojinjinig hisha harnina egi rashra Moab higena. De‐e Moabit wankshigra hianj‐hirera herena hamb de‐e hipa.
38Egi xunujega hishge hojinjinig hisha harnina egi rashra Ben‐am‐mi higena. De‐e Ammon wankshigra hianj‐hirera herena, hamb de‐e hipa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.