Hogusra 28
28
1Egi Isaak Jakob gigorna egi najojana egi ushina egi wagena: Inke Kana‐an hinug‐wahirera hisha khanagnianje.
2Nashine, Mesopotamia‐eja howarare, Bethuel hojhieja hiuniraga hianjra, eja hinug‐khanag‐gaje Laban hinugwahira hisha hiuniraga khinubra.
3Egi Mau homashjara harnaj harninagra naj‐hornijankjanena egi woja‐ninkjanena, egi woroha‐ninkjanena, wankshig woroha ranikjege.
4Egi Abraham najojaine harnira hornik’unkjanena, ne‐nineanaga egi su hashinira wakarakishu, managre eja warakuruxarajera hashinikjanena, e Maura Abraham hok’ura.
5Egi Isaak Jakob nige‐howaregigina, egi Mesopotamiaeja howarena, Laban‐eja Bethuel hinigra, Sirian wankshig‐hirena, Rebekah khinubra, Jakob egi Esau hiunihirera.
6Jaja Esau hajagi, Isaak Jakob naj‐hojanaga, egi Mesopotamia‐eja howaregigigi, eja hinug‐khanaikjege egi najhojanaga u’shina wagena, inke Kana‐an hinug‐wahirera hisha khanag‐nianje.
7Egi Esau hajagi Jakob hianjra egi hiunira warnaxguanaga egi Mesopotamia‐eja howarera,
8Egi Esau hajagi Kana‐an hinug‐wahirera hianjra Isaak wajara inke waiphinigi,
9Esge Esau Ishmael‐eja howarena, egi hijawi wahira Mahalath hirassa russana Ishmael hinugra, Abraham hinigra Nabajoth hinug‐jabra khanagshana.
10Egi Jakob Be‐er‐sheba‐eja rena egi Haran eja howarena.
11Egi ma‐eja nige hina egi eja haiserej hiwusharna, wira hirege esge. Egi ini eja rus‐anaga egi wipei kik’una, egi eja ming‐anaga nana.
12Egi washin hantena, egi horuxujre mainja hirotisha kererena, egi hissawara wangeja hirakerena. Egi horuxujre Maura waxopini‐warajire warnira harnukanag‐nankshana egi hogiti‐nankshana.
13Egi horuxujre, Jehowa hihageja nashinjena egi wena: Newinena Jehowa Mau Abraham harnira hianjraga. Egi Mau Isaak harnira ma horaming‐shawangre hornik’unkjanena egi su hashinira.
14Egi su hashinira manegi majushigra wikinakjanena. Egi wioireja hipa hahi hornierekjanena, egi wiaxebhueja egi wioweshguni‐eja, egi wiorojanjeja. Egi ne‐nineanaga egi su hashinieja howahi wojhirera harnaj maneginagre washophi howairekjanena.
15Egi horuxujre, harnikishu hauanjena, egi higu hajinja horawasheregi hirani‐karakjanena, egi ma‐tegi shige harnini‐hakirikjanena. Inke nintutanikjanena egi jagu manigitajre harnaj hak’ungi epa.
16Egi Jakob nanaki hikhina, egi wena: Hisgexjingaja, Jehowa ma‐tegi unjegaja, egi inke hiaperesni.
17Egi naxirena, egi wena: Hisgexji ma‐tegi naxiresgegaja. De‐e inke washinjahini Maura hojhira heregaja, egi de‐e wangregi jhirobra heregaja.
18Egi Jakob hainixji khikawa‐ana egi inira rus‐shana, e hipeinra, egi nashi‐kerena wijanti‐u, egi hihageja wikini hawaxuna.
19Egi ma‐she‐e rashra Beth‐el higena, eshi jhinag she‐e jegeja Lus rashra higairena.
20Egi Jakob washa manaj hisha manajshana, wena: Maura hinkishu unjegi, egi nagu tegi wawatahare hiraikarakjanegi egi waisgabduj ruj hunk’ungi egi waini hingiungi,
21Jajiga hojhiregi rashguni shige hakirigi, hisgexji Jehowa Mau niarnikjanegaja.
22Egi ini de‐e nashi hakerere wijanti, Maura hojhira herekjanena. Egi washara jarnaga hunak’unkjanegi jasgegi hikerepanaishara hornik’unkjanena.
Currently Selected:
Hogusra 28: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
Hogusra 28
28
1Egi Isaak Jakob gigorna egi najojana egi ushina egi wagena: Inke Kana‐an hinug‐wahirera hisha khanagnianje.
2Nashine, Mesopotamia‐eja howarare, Bethuel hojhieja hiuniraga hianjra, eja hinug‐khanag‐gaje Laban hinugwahira hisha hiuniraga khinubra.
3Egi Mau homashjara harnaj harninagra naj‐hornijankjanena egi woja‐ninkjanena, egi woroha‐ninkjanena, wankshig woroha ranikjege.
4Egi Abraham najojaine harnira hornik’unkjanena, ne‐nineanaga egi su hashinira wakarakishu, managre eja warakuruxarajera hashinikjanena, e Maura Abraham hok’ura.
5Egi Isaak Jakob nige‐howaregigina, egi Mesopotamiaeja howarena, Laban‐eja Bethuel hinigra, Sirian wankshig‐hirena, Rebekah khinubra, Jakob egi Esau hiunihirera.
6Jaja Esau hajagi, Isaak Jakob naj‐hojanaga, egi Mesopotamia‐eja howaregigigi, eja hinug‐khanaikjege egi najhojanaga u’shina wagena, inke Kana‐an hinug‐wahirera hisha khanag‐nianje.
7Egi Esau hajagi Jakob hianjra egi hiunira warnaxguanaga egi Mesopotamia‐eja howarera,
8Egi Esau hajagi Kana‐an hinug‐wahirera hianjra Isaak wajara inke waiphinigi,
9Esge Esau Ishmael‐eja howarena, egi hijawi wahira Mahalath hirassa russana Ishmael hinugra, Abraham hinigra Nabajoth hinug‐jabra khanagshana.
10Egi Jakob Be‐er‐sheba‐eja rena egi Haran eja howarena.
11Egi ma‐eja nige hina egi eja haiserej hiwusharna, wira hirege esge. Egi ini eja rus‐anaga egi wipei kik’una, egi eja ming‐anaga nana.
12Egi washin hantena, egi horuxujre mainja hirotisha kererena, egi hissawara wangeja hirakerena. Egi horuxujre Maura waxopini‐warajire warnira harnukanag‐nankshana egi hogiti‐nankshana.
13Egi horuxujre, Jehowa hihageja nashinjena egi wena: Newinena Jehowa Mau Abraham harnira hianjraga. Egi Mau Isaak harnira ma horaming‐shawangre hornik’unkjanena egi su hashinira.
14Egi su hashinira manegi majushigra wikinakjanena. Egi wioireja hipa hahi hornierekjanena, egi wiaxebhueja egi wioweshguni‐eja, egi wiorojanjeja. Egi ne‐nineanaga egi su hashinieja howahi wojhirera harnaj maneginagre washophi howairekjanena.
15Egi horuxujre, harnikishu hauanjena, egi higu hajinja horawasheregi hirani‐karakjanena, egi ma‐tegi shige harnini‐hakirikjanena. Inke nintutanikjanena egi jagu manigitajre harnaj hak’ungi epa.
16Egi Jakob nanaki hikhina, egi wena: Hisgexjingaja, Jehowa ma‐tegi unjegaja, egi inke hiaperesni.
17Egi naxirena, egi wena: Hisgexji ma‐tegi naxiresgegaja. De‐e inke washinjahini Maura hojhira heregaja, egi de‐e wangregi jhirobra heregaja.
18Egi Jakob hainixji khikawa‐ana egi inira rus‐shana, e hipeinra, egi nashi‐kerena wijanti‐u, egi hihageja wikini hawaxuna.
19Egi ma‐she‐e rashra Beth‐el higena, eshi jhinag she‐e jegeja Lus rashra higairena.
20Egi Jakob washa manaj hisha manajshana, wena: Maura hinkishu unjegi, egi nagu tegi wawatahare hiraikarakjanegi egi waisgabduj ruj hunk’ungi egi waini hingiungi,
21Jajiga hojhiregi rashguni shige hakirigi, hisgexji Jehowa Mau niarnikjanegaja.
22Egi ini de‐e nashi hakerere wijanti, Maura hojhira herekjanena. Egi washara jarnaga hunak’unkjanegi jasgegi hikerepanaishara hornik’unkjanena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.