Hogusra 49
49
1Egi Jakob hinig‐wahira wakaragigorna egi wena: Stokhiwine, e hornigitagi‐kjawina joweregi jasge horawe‐kjawira.
2Sto‐khiwianaga egi harnaxguwine Jakob hinig‐hire raniwira egi hianj‐rawiga Israel harnaxguwine:
3Ruben ne jeg‐jhuine harninina, maishjanegi harnira neninena egi jeg sh’un shuna homashja harnieja, gish’aghirera ne jorni ninena, homashjara neshana hiraninjerana.
4Hixga worniwategshana ni hirakisgena. Inke jowera ninenikjanena, hianjraga homig harnieja rahige esge, homig harnira shishig‐rana hihageja rahige.
5Simeon egi Lewi kikhinub‐hirena, wigijgux warninera washa wowonk hiu wirokhu warninena.
6Naxirag harnira inke woehi harnineja hinikjanena, hosto harnineja hoish’ag harnira inke eja niharnikjanena, wogiteg hirera wang d’ehirena egi jera manira rush’agwahirena.
7Wogiteg harninera washoshishig howarnana, rokanage esge, egi howogiteg harninera wowonk wauinege esge, Jakob eja khiruje wahakjanena egi Israel eja hoerairekjanena.
8Juda neninena warakhinubra ningish’ag hirekjera, nab hashinira jashe‐eja warukoisjanena hokikje‐warajabra, hianjraga ninkjang warnira joweraija wakhurekjanena.
9Juda shung‐shishig ning hisha herena, hinig‐haxji, washa warnarashe‐arnaga ronikana rajijena, khushi minganaga shung‐shishig wakerej‐sh’una egi shung‐shishig hinug hikisgena, peshe wahas ruxuruikjeshe?
10Skeptra inke Juda khirujarni‐kjanena egi shige woehi wogara inke si hojakenainja khirujarni‐kjanena Shiloh jigi ejipa, wankshigra she‐e harnaxguinekjanena.
11Shungxete‐najawaxete ningra habsinsh‐hueja kurusgij‐jikjanena, egi shungxete‐najawaxete hinigra habsinshhu phixjieja kurusgij‐jikjanena. Wonashi warnira nishuj hik’un rushakjanena egi waini warnira habsinsh wa‐i wirushakjanena.
12Hishjasu ewarnira nishuj hishuj‐hirekjanena, egi hi ewarnira jewasni hisgairekjanena.
13Sebulon teja hogiaseja jhikjanena egi wajra e hauninekjanena, egi Sidon eja hipa harnikjanena.
14Issaxar shungxete‐najawaxete mashjaisha herena wak’in hojakenainja hura shib‐harnikjanena.
15Egi hoxgasigi she‐e phira hajarna egi mara phira egi khushi hinejra harnianaga wak’inkjanena egi wanihi ware unkjanena.
16Dan wankshig ewarnira wawirukana‐kjanena Israel howajehi warnira hisha herekjanena.
17Dan wakhaisha herekjanena nagu‐jejejanank egi Adder mowe nagu‐ejanank, she‐e shungxete sikainja haraxjagnana, shung‐haminagra hageja hoshibre hinana.
18Hirukana harnixji wankshig‐hoi hashinira hape hajena.
19Gad, e manape horniheisha hakiraire‐kjanena, eshi hahi hiroageja wawarna‐kjanena.
20Asher eja howahi waruj earnira shinkjanena, egi hung woruj eja howajikjanena.
21Naphtali jhaisha herena shgare un egi hera shja nashina.
22Joseph na‐akarajge wojaisha herena. Na‐akarajge wojaisha ma‐ihijejeja haxebisha herena, akarajge warnira ini‐nawajag sanig‐eja howa‐hiarairena.
23Shesgarnunige waguj‐phira wogiteg hirekjanena egi guj hiranaga, egi hosh’ig‐hirekjanena.
24Shesgarnunige majgu earnira gishjani‐hekjanena, a warnira nab e warnira mashja wahirekjanena Jakob Mau harnira nab homashja harnira waunkjanena. Jhasga hirakaraija howajikjanena E Israel inixete harnira.
25Mau hianjraga harnira, E ningijire‐kjanena, egi Homashjara harnaj harninagra eja howaji E naj‐hornijankjanena wangregi howaji naj‐hironi‐jankjanena, egi washa phi khuhanegi nankhi naj‐wironi‐jankjanena, egi was‐eja washophi howajikjanena, egi waujganag‐eja washophi howajikjanena.
26Hianjraga naj‐woja warnira hijairana hianj‐wahara harninera e worujis‐shana, manegus xe‐hoshejainja najwiroja she‐e Joseph nassu harnieja jekjanena, egi jaborniha harnira e wakanjank‐hirekjanena wakhinubra horogeja.
27Benjamin shungjang hisha herena, wanoijge d’ehisha herekjanena, hainixjinig wanoijge d’ehira ruj‐janena, egi hoxjarnagi wanoijge d’ehira wawikiwe‐ninekjanena.
28De‐e harnajra Israel wankshig howajehi nup‐hashanara hererena. Egi de‐e hererena hianj‐hirera wawirokit’era egi naj‐wawirojana. Jarnaga hajawinga jasgeshana naj‐hiroja phi hirawigi, naj‐wawirojana.
29Egi un‐washina egi wawagena: Wankshig warnieja sto‐winena, hianj‐wahara wakarakishu hinxawire, nishhopoxeja Ephron max harniejajera Hittit wankshig hisha.
30Nish‐hopoxra Maxpelah mainja‐jera, e Mamre joweja jena Kana‐an mainja, e Abraham Ephron Hittit wankshig‐hisha max harnira giruwina, hokixaire ma harnikjege.
31Eja Abraham xairena, egi hijawira Sarah, egi eja Isaak xairena egi hijawira Rebekah, egi eja Lea haxena.
32Max ruwinga egi nish‐hopox hijajega Heth ninkjangeja horussana.
33Egi jaja Jakob hinig‐wahira un‐washira rashjangi, si warnira homing‐eja wawokshurna, egi d’ena, egi stoirena wankshig warnieja.
Currently Selected:
Hogusra 49: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
Hogusra 49
49
1Egi Jakob hinig‐wahira wakaragigorna egi wena: Stokhiwine, e hornigitagi‐kjawina joweregi jasge horawe‐kjawira.
2Sto‐khiwianaga egi harnaxguwine Jakob hinig‐hire raniwira egi hianj‐rawiga Israel harnaxguwine:
3Ruben ne jeg‐jhuine harninina, maishjanegi harnira neninena egi jeg sh’un shuna homashja harnieja, gish’aghirera ne jorni ninena, homashjara neshana hiraninjerana.
4Hixga worniwategshana ni hirakisgena. Inke jowera ninenikjanena, hianjraga homig harnieja rahige esge, homig harnira shishig‐rana hihageja rahige.
5Simeon egi Lewi kikhinub‐hirena, wigijgux warninera washa wowonk hiu wirokhu warninena.
6Naxirag harnira inke woehi harnineja hinikjanena, hosto harnineja hoish’ag harnira inke eja niharnikjanena, wogiteg hirera wang d’ehirena egi jera manira rush’agwahirena.
7Wogiteg harninera washoshishig howarnana, rokanage esge, egi howogiteg harninera wowonk wauinege esge, Jakob eja khiruje wahakjanena egi Israel eja hoerairekjanena.
8Juda neninena warakhinubra ningish’ag hirekjera, nab hashinira jashe‐eja warukoisjanena hokikje‐warajabra, hianjraga ninkjang warnira joweraija wakhurekjanena.
9Juda shung‐shishig ning hisha herena, hinig‐haxji, washa warnarashe‐arnaga ronikana rajijena, khushi minganaga shung‐shishig wakerej‐sh’una egi shung‐shishig hinug hikisgena, peshe wahas ruxuruikjeshe?
10Skeptra inke Juda khirujarni‐kjanena egi shige woehi wogara inke si hojakenainja khirujarni‐kjanena Shiloh jigi ejipa, wankshigra she‐e harnaxguinekjanena.
11Shungxete‐najawaxete ningra habsinsh‐hueja kurusgij‐jikjanena, egi shungxete‐najawaxete hinigra habsinshhu phixjieja kurusgij‐jikjanena. Wonashi warnira nishuj hik’un rushakjanena egi waini warnira habsinsh wa‐i wirushakjanena.
12Hishjasu ewarnira nishuj hishuj‐hirekjanena, egi hi ewarnira jewasni hisgairekjanena.
13Sebulon teja hogiaseja jhikjanena egi wajra e hauninekjanena, egi Sidon eja hipa harnikjanena.
14Issaxar shungxete‐najawaxete mashjaisha herena wak’in hojakenainja hura shib‐harnikjanena.
15Egi hoxgasigi she‐e phira hajarna egi mara phira egi khushi hinejra harnianaga wak’inkjanena egi wanihi ware unkjanena.
16Dan wankshig ewarnira wawirukana‐kjanena Israel howajehi warnira hisha herekjanena.
17Dan wakhaisha herekjanena nagu‐jejejanank egi Adder mowe nagu‐ejanank, she‐e shungxete sikainja haraxjagnana, shung‐haminagra hageja hoshibre hinana.
18Hirukana harnixji wankshig‐hoi hashinira hape hajena.
19Gad, e manape horniheisha hakiraire‐kjanena, eshi hahi hiroageja wawarna‐kjanena.
20Asher eja howahi waruj earnira shinkjanena, egi hung woruj eja howajikjanena.
21Naphtali jhaisha herena shgare un egi hera shja nashina.
22Joseph na‐akarajge wojaisha herena. Na‐akarajge wojaisha ma‐ihijejeja haxebisha herena, akarajge warnira ini‐nawajag sanig‐eja howa‐hiarairena.
23Shesgarnunige waguj‐phira wogiteg hirekjanena egi guj hiranaga, egi hosh’ig‐hirekjanena.
24Shesgarnunige majgu earnira gishjani‐hekjanena, a warnira nab e warnira mashja wahirekjanena Jakob Mau harnira nab homashja harnira waunkjanena. Jhasga hirakaraija howajikjanena E Israel inixete harnira.
25Mau hianjraga harnira, E ningijire‐kjanena, egi Homashjara harnaj harninagra eja howaji E naj‐hornijankjanena wangregi howaji naj‐hironi‐jankjanena, egi washa phi khuhanegi nankhi naj‐wironi‐jankjanena, egi was‐eja washophi howajikjanena, egi waujganag‐eja washophi howajikjanena.
26Hianjraga naj‐woja warnira hijairana hianj‐wahara harninera e worujis‐shana, manegus xe‐hoshejainja najwiroja she‐e Joseph nassu harnieja jekjanena, egi jaborniha harnira e wakanjank‐hirekjanena wakhinubra horogeja.
27Benjamin shungjang hisha herena, wanoijge d’ehisha herekjanena, hainixjinig wanoijge d’ehira ruj‐janena, egi hoxjarnagi wanoijge d’ehira wawikiwe‐ninekjanena.
28De‐e harnajra Israel wankshig howajehi nup‐hashanara hererena. Egi de‐e hererena hianj‐hirera wawirokit’era egi naj‐wawirojana. Jarnaga hajawinga jasgeshana naj‐hiroja phi hirawigi, naj‐wawirojana.
29Egi un‐washina egi wawagena: Wankshig warnieja sto‐winena, hianj‐wahara wakarakishu hinxawire, nishhopoxeja Ephron max harniejajera Hittit wankshig hisha.
30Nish‐hopoxra Maxpelah mainja‐jera, e Mamre joweja jena Kana‐an mainja, e Abraham Ephron Hittit wankshig‐hisha max harnira giruwina, hokixaire ma harnikjege.
31Eja Abraham xairena, egi hijawira Sarah, egi eja Isaak xairena egi hijawira Rebekah, egi eja Lea haxena.
32Max ruwinga egi nish‐hopox hijajega Heth ninkjangeja horussana.
33Egi jaja Jakob hinig‐wahira un‐washira rashjangi, si warnira homing‐eja wawokshurna, egi d’ena, egi stoirena wankshig warnieja.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.