Lukga 16
16
1Egi hironag hirera hishge wawagena: Eja wankshig hitajeisha nankshana e jhi‐rakaraisha harnina, jhi, rakarajega washinaraj‐hirena washara shena wagigikjeshe higairena.
2Egi gigorna egi wagena: Jasgeshe washa de‐e nanixguna? Higikarabre jhira hirarakararajane washara jasgakhi epa inke shige jhi‐hirarakaranikjanena.
3Egi jhi‐rakarajega wakigena: Jasge hakjanegaja? Hirukana harnira jhi‐rakarara hingirusgi? Inke mang’ge duxurugnigaja, jhiokinina hiroishig‐shana.
4Jasge hakjera hiaperessana, jaja jhirakarara rushjaingigiregi jhinagra shesgeja hokewe‐ingigirekjanegaja.
5Egi jarnaga hirukana harnira wagiwagaxankhi wagigorna, egi jegejajega wagena: Hirukana harnira jarnaga ragishurushagshe?
6Egi wena: Wikinira wigus hogihisha. Egi wagena: Wawagaxra kurusre egi xapge minagke egi kerepanasaja hija wagaxre.
7Egi hijanejega wagena: Jarnaga shurushagshe? Egi wena: Waisgab higusra hogihisha. Egi wagena: Wawagaxra kurusre egi kerepanaharuank hija wagaxre.
8Egi hirukanara jhi‐rukana wowonkjega karajankshana, wouphi waunge esge. Ninkjang ma‐egi herera hornihe she‐e hijaira wanaiksabhirena, hornihe hohambra ninkjang warnira worujis‐hirena.
9Egi wanigawina, hijakoro wirakhiwina mamon wowongeja, egi jaja horakikurushakhi manegus hojhireja nirus‐hirekjanihawina.
10Hisha washa xunuxjinigeja wogisoghi hishge washa xeteja wogisognana. Egi hisha washa xunuxjinigeja wowonkhi, hishge washa xeteja wowongnana.
11Esge inke mamon wowongeja wogisog hish’uwinigi peshe washa phira hirakara‐nigigikjeshe?
12Egi inke wornigisogwinigi wankshig hijahi washa warnineja, peshe wa’shinigi wornik’unkjeshe?
13Warera hisha inke hirukanara nup wagire ruxurugninana, hisha hosh’iganaga egi hijanejega wogixetenana, egi shige hisha hakishuxji‐uanaga egi hijanejega t’unarnana. Inke Maura egi shige mamonra wawagire shuruxurugwinina.
14Egi Pharisera hishge hitajenainena, washa de‐e harnaj naxguinena, egi igixjairena.
15Egi Jesus wawagena: Neninewine, e wankshignagre jowehireja phi harakikarashiniwina, eshi najge washiniwira Maura wawiperesnankshana. Egi washanisha wankshignagre horogregi gish’agjihirega, Maura hajara mashja hosh’ignakshana.
16Woehira egi prophetra Johnga egi hipa herena, epa Maura hungma harnira wihokhunankshana, egi harnaj hokewe‐naixjinena.
17Egi wowategshana maxihoshuagre egi mara maisinsh wahira, eshi wojexina (Maura) woehi (warnira) wijantira hishankira xawarnihira.
18Higu peshe hijawina karat’unegi, egi hijahina hisha kanakhi, kikhanagra rushe waunana, egi higu peshe hinug t’unairega kanakhi hishge kikhanagra rushe waunana.
19Egi wankshig hitajeisha ejanankshana, waini shujjexi egi linen phi hikikaxanaga egi hambga wogishawanakshana waruj phinashana ruj.
20Egi eja jhiokinikeisha nankshana Lasarus higairena, wankshig hitajenaka jhirob harnieja t’umbhirena ju hoshushu.
21Egi hitajenanka waruj harnieja waruj hoxjug shibrairegi, ruj roguxji waunankshana, eshi shungra hirajiranaga egi ju hoshura wagissirip‐hirena.
22Egi herena jhiokinikanaka d’ena, egi waxopiniwarajire harni harairanaga Abraham ruangigirena. Hitajenaka hishge d’ena egi xairena.
23Egi pej‐shishigeja hahi hawera rokanagi, wangeja horuxujshana, egi Abraham hajarna hiroharixji, egi Lasarus ruanakshana.
24Egi uwana, wena: Jaji Abraham, najungijane, egi Lasarus hugigire, nab hissawara nieja howashunjanaga egi resi harnira siningigikjena, pejregi hawananke.
25Eshi Abraham wena: Hinighaxji wewirehire wankshig‐shineja washa phira harnaj hashinina, egi hishge Lasarus washa shishig harnina, eshi shegunegi rukheghirena, egi harawena.
26Egi de‐e hirassarna hojakena hihiwiregi hoshorosh rogshi xeteishankshana, esge hosh’ushanaka inke hisha eja hi‐ruxurugnina egi nangre, egi shige ejananka inke hisha egi ji‐ruxurugnina.
27Egi hitajenaka wena: Jaji ningikarajshana jajiga hojhieja howare‐ragigigishi,
28Saja hakhinubra wawogiraikjege, hawanagre inke egi hishge hajiranikjege esge.
29Abraham wagena: Mosesga harninakshana egi prophetra, e warnaxguwagigire.
30Egi wena: Inke shesgarnina, jaji Abraham, eshi hisha d’arnagre egi howagigi, washa woishana najgerawakarateg hiranana.
31Egi wagena: Inke Mosesga egi prophetra warnaxgu hiranigi, hisha d’eregi howagishge inke waraxurugninana.
Currently Selected:
Lukga 16: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
Lukga 16
16
1Egi hironag hirera hishge wawagena: Eja wankshig hitajeisha nankshana e jhi‐rakaraisha harnina, jhi, rakarajega washinaraj‐hirena washara shena wagigikjeshe higairena.
2Egi gigorna egi wagena: Jasgeshe washa de‐e nanixguna? Higikarabre jhira hirarakararajane washara jasgakhi epa inke shige jhi‐hirarakaranikjanena.
3Egi jhi‐rakarajega wakigena: Jasge hakjanegaja? Hirukana harnira jhi‐rakarara hingirusgi? Inke mang’ge duxurugnigaja, jhiokinina hiroishig‐shana.
4Jasge hakjera hiaperessana, jaja jhirakarara rushjaingigiregi jhinagra shesgeja hokewe‐ingigirekjanegaja.
5Egi jarnaga hirukana harnira wagiwagaxankhi wagigorna, egi jegejajega wagena: Hirukana harnira jarnaga ragishurushagshe?
6Egi wena: Wikinira wigus hogihisha. Egi wagena: Wawagaxra kurusre egi xapge minagke egi kerepanasaja hija wagaxre.
7Egi hijanejega wagena: Jarnaga shurushagshe? Egi wena: Waisgab higusra hogihisha. Egi wagena: Wawagaxra kurusre egi kerepanaharuank hija wagaxre.
8Egi hirukanara jhi‐rukana wowonkjega karajankshana, wouphi waunge esge. Ninkjang ma‐egi herera hornihe she‐e hijaira wanaiksabhirena, hornihe hohambra ninkjang warnira worujis‐hirena.
9Egi wanigawina, hijakoro wirakhiwina mamon wowongeja, egi jaja horakikurushakhi manegus hojhireja nirus‐hirekjanihawina.
10Hisha washa xunuxjinigeja wogisoghi hishge washa xeteja wogisognana. Egi hisha washa xunuxjinigeja wowonkhi, hishge washa xeteja wowongnana.
11Esge inke mamon wowongeja wogisog hish’uwinigi peshe washa phira hirakara‐nigigikjeshe?
12Egi inke wornigisogwinigi wankshig hijahi washa warnineja, peshe wa’shinigi wornik’unkjeshe?
13Warera hisha inke hirukanara nup wagire ruxurugninana, hisha hosh’iganaga egi hijanejega wogixetenana, egi shige hisha hakishuxji‐uanaga egi hijanejega t’unarnana. Inke Maura egi shige mamonra wawagire shuruxurugwinina.
14Egi Pharisera hishge hitajenainena, washa de‐e harnaj naxguinena, egi igixjairena.
15Egi Jesus wawagena: Neninewine, e wankshignagre jowehireja phi harakikarashiniwina, eshi najge washiniwira Maura wawiperesnankshana. Egi washanisha wankshignagre horogregi gish’agjihirega, Maura hajara mashja hosh’ignakshana.
16Woehira egi prophetra Johnga egi hipa herena, epa Maura hungma harnira wihokhunankshana, egi harnaj hokewe‐naixjinena.
17Egi wowategshana maxihoshuagre egi mara maisinsh wahira, eshi wojexina (Maura) woehi (warnira) wijantira hishankira xawarnihira.
18Higu peshe hijawina karat’unegi, egi hijahina hisha kanakhi, kikhanagra rushe waunana, egi higu peshe hinug t’unairega kanakhi hishge kikhanagra rushe waunana.
19Egi wankshig hitajeisha ejanankshana, waini shujjexi egi linen phi hikikaxanaga egi hambga wogishawanakshana waruj phinashana ruj.
20Egi eja jhiokinikeisha nankshana Lasarus higairena, wankshig hitajenaka jhirob harnieja t’umbhirena ju hoshushu.
21Egi hitajenanka waruj harnieja waruj hoxjug shibrairegi, ruj roguxji waunankshana, eshi shungra hirajiranaga egi ju hoshura wagissirip‐hirena.
22Egi herena jhiokinikanaka d’ena, egi waxopiniwarajire harni harairanaga Abraham ruangigirena. Hitajenaka hishge d’ena egi xairena.
23Egi pej‐shishigeja hahi hawera rokanagi, wangeja horuxujshana, egi Abraham hajarna hiroharixji, egi Lasarus ruanakshana.
24Egi uwana, wena: Jaji Abraham, najungijane, egi Lasarus hugigire, nab hissawara nieja howashunjanaga egi resi harnira siningigikjena, pejregi hawananke.
25Eshi Abraham wena: Hinighaxji wewirehire wankshig‐shineja washa phira harnaj hashinina, egi hishge Lasarus washa shishig harnina, eshi shegunegi rukheghirena, egi harawena.
26Egi de‐e hirassarna hojakena hihiwiregi hoshorosh rogshi xeteishankshana, esge hosh’ushanaka inke hisha eja hi‐ruxurugnina egi nangre, egi shige ejananka inke hisha egi ji‐ruxurugnina.
27Egi hitajenaka wena: Jaji ningikarajshana jajiga hojhieja howare‐ragigigishi,
28Saja hakhinubra wawogiraikjege, hawanagre inke egi hishge hajiranikjege esge.
29Abraham wagena: Mosesga harninakshana egi prophetra, e warnaxguwagigire.
30Egi wena: Inke shesgarnina, jaji Abraham, eshi hisha d’arnagre egi howagigi, washa woishana najgerawakarateg hiranana.
31Egi wagena: Inke Mosesga egi prophetra warnaxgu hiranigi, hisha d’eregi howagishge inke waraxurugninana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.