Lukga 6
6
1Egi herena Sabath hinupahainja, jegejajega hageja, waisgab maxrogeja howena, egi hironaghirera waisgab‐russojiranaga nab‐wowaxairanaga waruj‐hirena.
2Egi Pharisera hota hijarnankhi wawagairena: Jagu‐u de‐e wash’uwishe inke Sabath hambeja deshesge hiphiraniwinigaja?
3Egi Jesus horniharna egi wawagena: Inke nishge wawagaxra hashjawinishe Dawidga dokewehigi jagu ungi, egi jarnaga wakishu‐unjegi.
4Jasge Maura hojhieja hokawarnaga higi, egi waisgabwahara rusanaga egi rujshana, egi wakishu‐unjega hisge wogarna, woehira shesge agshana nabhoruxaj hirukanarashana shesge ruj‐hireshununa?
5Egi wawagena: Wankshig‐hinigra Sabath hambra shige hirassa hirukanana.
6Egi herena Sabath hamb hijaneshe, shige wohokhuhojhieja hokewena egi washa wagigus‐shana. Egi wankshigisha ejanakshana nab‐sanighoishorora takasere.
7Egi wowagax‐hiperesra egi Pharisera hirakarairena, Sabath hambeja rushjahiege hirairege, e washinarajhirekje hirakirairekje higienainankshana.
8Egi wowewina wawigiperes‐shana, egi wankshig nabtakasserejega wagena: Nashine, egi hokissagregi nashine. Egi nashianaga egi hija hahinashina.
9Egi Jesus wawagena: Washaisha hinigipaix‐janihawina: Sabath hambregi jagu hiuwigi phinkjaneshe, washophi u‐anaga nigeshge washoshishig u‐nashe? Hisha niamb‐hianaga nigeshge hisha d’ehinashe?
10Egi hogigix harnaj woruxujshana, wankshigjega wagena: Ara wajigre, egi shesge hina. Egi nabra niambshana hirakissanigra hikarakisgena.
11Egi mashja wogiteghirena, egi hokikit’airena, Jesus jasge gigirekjegi.
12Egi herena hambanaka eja, xexete hihageja howarena gikaraj, egi haiserej inke harushjanina Maura gikarajra.
13Egi jaja hambgi hironagananka wagigorna. Egi eja nuphashana gijana e hererena Apostel wigera.
14Simon e hishge Peter higena, egi khinubra Andreas, Jakob egi John, Philip egi Bartholomeus,
15Mattheus egi Thomas, Alpheus hinigra Jakob, egi Simon Selotes higairena,
16Egi Jakob khinubra Judasga, egi Judas Iskariot higairena e herena himanagra.
17Egi wakishu harnukanagshana, egi hosunsheja hakirirena. Egi hornihe hironagananka, egi worohaxji wankshigra Judea mowagaxeja herera hisgeshana hajirena egi Jerusalem, egi Tirus egi Sidon tejejeja herera hajirena harnaxgu hajirena, egi howasha warninera rushjainekjege.
18Egi jarnaga hawaki naxirag shishig hakishu u‐nankhi, egi rushjainena.
19Egi worohanka harnaj hikio‐nainena, eja homashja harnira hihinabjege esge, egi harnaj rushjainena.
20Egi hironagananka wokuruxujshana egi wena: Wogishawaxjira neninewina wanajojaisgera, Maura hungma harnira neashiniwinge esge.
21Wogishawaxjira neninewina, donikewehi harajena shegunegi wainanaijanihawina. Wogishawaxjira neninewina raxagharajane shegunegi, hirakshakjanihawina.
22Wogishawaxjira neninewina, wankshigra hornishig hirawigi, egi woinjab ninawigi, egi najinisgirawigi, rashwashiniwira wanigit’urairawigi wowong hikisgeninawigi Wankshig‐hinigra hawau warnigi uinawinana.
23Wogishawawiaje hambeja, egi d’adambwiaje wogishawa. Horuxujwire, woirowe hashiniwira wangregi xeteakshana. Hornigitagwira shesge hianjwahirera prophetra wagigirena.
24Eshi harawekjanihawina jarnaga hitajera, de‐eshi washophi horawawige esge.
25Harawekjanihawina jarnaga wainajra, donikewehikjanihawina. Harawekjanihawina jarnaga hiraksharajane shegunegi, najgeranitegwianaga egi raxaigkjanihawina.
26Harawekjanihawina wankshigra harnaj niraphirawigi, hianjwahirera shesge wagigirena prophet retunkera.
27Eshi hinigawina, nanaxgu hashanagre, hokikje‐warajabwira wawogixetewire, phiwagigiwiaje hornishignangwigi.
28Washoshishig howeni roguankhi washophi howewarogiguanje egi Maura gikaraj wagigiaje, jarnaga washanigishgashganankhi.
29Egi hisha iroija hornijirawigi iro‐sanigra shige hija giwahaje. Egi hisha wonashi hihageja herera nigirushirawigi, inke roxinianje wonashixete hashinira hirassa rusgigiaje.
30Higu peshe washa nisha nigitagi hokuanje, egi hisha washa washinira nigirusgi inke karatanianje.
31Egi wankshigra gagu hingigiregi phina hiraregi, ne shesge wagigiwiaje.
32Wornigixetenangwiga waworagixetewigi, jasge hironigiwekjaneshe? Egi washa woishana ura wogixeterawiga hishge wawogixetenankshana.
33Egi jarnaga phiningiginankhi, phiwaragigigi, jasge hironigiwekjaneshe? Egi washa woishana ura hishge shesge hiunankshana.
34Egi hornajwaragigigi e hornikaraik’u hirekjane hirare wash’ungi, jasge hironigiwekjaneshe? Egi washa woishana ura hishge wornajkhinankshana washa woishana ueja, higu shige shenaga kurusnankshana.
35Eshi hokikje‐warakijabwira wawogixetewiaje, egi phiwagigiwiaje egi wornajwagigiwiaje, inke hakja karakjambwinianje, egi woirowe hashiniwira xetekjanena, egi Eshana Hiraijeranagra E ninkjang harninikjanihawina. Maura phiwagiginakshana inke wainabnira egi wowongra.
36Esge najwojawine, Hianjrawiga unagre shesge, hishge najwojanakshana.
37Inke haehire wauwinianje, egi inke haehire nigiuiranikjawina. Inke hisha washinohire howehinai‐winianje, egi inke washinohire horawanikjawina. Wagit’unawiaje, egi wanigit’unekjanihawina.
38Wogawiaje, egi hornikunkjanihawina, higusra phi, hawasgink egi horuksa egi hawuhinsh, shesge mangeja hornigiwaxuinekjanihawina. Egi wigus jaguisha eja hiraguswigi, wigus e shige hinigiguiskjanihawina.
39Egi hisgeraisha wirokit’ena. Jasge hishjarningra hisha hishjarningra hisha airutinashe? Inke hinuinke mo‐shorosheja hoshibrairaninashe?
40Wawagaxhajara inke wawagaxhajawagigi harninera hirashana ninankshana. Egi jaja harnaj hoijgus hiregi wawagaxhajawagigi harninera jasgajegi hikisgairanana.
41Jasgegaja hashjarajeguni rakhinubra noruxagnig nige hishjasu‐ejakhi, egi hishjasu hashinieja noikunug hishanka inke hashjarni?
42Egi jasgegaja rakhinubra waragarnashe, hinkhinubra noruxagnig hishjasu hashiniejaka dushoroijena, hishjasu hashinieja noikunuganka inke harakjanianaga? Waishjankeranigaja, hishjasu hashinieja noikunuganka jorni kurushoroj phiranigaja, egi hashjashgunina rakhinubra hishjasu harnieja noruxagniganka shurushorojnana.
43Na phinagre inke has shishig haminag hiraninana, inke hishge na shishignagre has phi haminag hiraninana.
44Na nagre harnaj hinpereswina has warninera haminaganankshana. Waxageja inke wankshignagre Fig‐has sto‐hiraninana egi shige inke napahieja habsinsh sto‐hiraninana.
45Wangphira hisha najge harnira washa phi hoshugi, washa phira eja haxebjanana. Egi wangshishigra hisha najge harnira washa shishig hoshugi, washa shishig haxebjanana, najgera jagura hoixjinjegi, ieja xunjanana.
46Egi jagu‐u wairagawishe Hirukanara, Hirukanara egi jagu hinigawira inke sh’u‐winianaga?
47Higu peshe hiraijiarnaga egi jagu hihajane naxguanaga, egi ungi, hornigitaikjanihawina peshe hikisgera:
48Wankshigisha hikisgarnana e jhisha ungi, egi rogshi g’arnaga egi inixete jhiaminagra eja khanaganana, egi jaja nijangi, nira harnaj jhianka eja hirojingishge, egi inke giksunshninana, inixete hihagejanake esge.
49Eshi hisha naxguanaga inke unigi, wankshigisha e hikisgarnana e jhisha ungi jhiaminag rokarni, makax hihageja minagnana, e nijara harnaj hirojingi egi higuana kharnanarna, egi jhinaka maisinshnana rokana wagiunana.
Currently Selected:
Lukga 6: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
Lukga 6
6
1Egi herena Sabath hinupahainja, jegejajega hageja, waisgab maxrogeja howena, egi hironaghirera waisgab‐russojiranaga nab‐wowaxairanaga waruj‐hirena.
2Egi Pharisera hota hijarnankhi wawagairena: Jagu‐u de‐e wash’uwishe inke Sabath hambeja deshesge hiphiraniwinigaja?
3Egi Jesus horniharna egi wawagena: Inke nishge wawagaxra hashjawinishe Dawidga dokewehigi jagu ungi, egi jarnaga wakishu‐unjegi.
4Jasge Maura hojhieja hokawarnaga higi, egi waisgabwahara rusanaga egi rujshana, egi wakishu‐unjega hisge wogarna, woehira shesge agshana nabhoruxaj hirukanarashana shesge ruj‐hireshununa?
5Egi wawagena: Wankshig‐hinigra Sabath hambra shige hirassa hirukanana.
6Egi herena Sabath hamb hijaneshe, shige wohokhuhojhieja hokewena egi washa wagigus‐shana. Egi wankshigisha ejanakshana nab‐sanighoishorora takasere.
7Egi wowagax‐hiperesra egi Pharisera hirakarairena, Sabath hambeja rushjahiege hirairege, e washinarajhirekje hirakirairekje higienainankshana.
8Egi wowewina wawigiperes‐shana, egi wankshig nabtakasserejega wagena: Nashine, egi hokissagregi nashine. Egi nashianaga egi hija hahinashina.
9Egi Jesus wawagena: Washaisha hinigipaix‐janihawina: Sabath hambregi jagu hiuwigi phinkjaneshe, washophi u‐anaga nigeshge washoshishig u‐nashe? Hisha niamb‐hianaga nigeshge hisha d’ehinashe?
10Egi hogigix harnaj woruxujshana, wankshigjega wagena: Ara wajigre, egi shesge hina. Egi nabra niambshana hirakissanigra hikarakisgena.
11Egi mashja wogiteghirena, egi hokikit’airena, Jesus jasge gigirekjegi.
12Egi herena hambanaka eja, xexete hihageja howarena gikaraj, egi haiserej inke harushjanina Maura gikarajra.
13Egi jaja hambgi hironagananka wagigorna. Egi eja nuphashana gijana e hererena Apostel wigera.
14Simon e hishge Peter higena, egi khinubra Andreas, Jakob egi John, Philip egi Bartholomeus,
15Mattheus egi Thomas, Alpheus hinigra Jakob, egi Simon Selotes higairena,
16Egi Jakob khinubra Judasga, egi Judas Iskariot higairena e herena himanagra.
17Egi wakishu harnukanagshana, egi hosunsheja hakirirena. Egi hornihe hironagananka, egi worohaxji wankshigra Judea mowagaxeja herera hisgeshana hajirena egi Jerusalem, egi Tirus egi Sidon tejejeja herera hajirena harnaxgu hajirena, egi howasha warninera rushjainekjege.
18Egi jarnaga hawaki naxirag shishig hakishu u‐nankhi, egi rushjainena.
19Egi worohanka harnaj hikio‐nainena, eja homashja harnira hihinabjege esge, egi harnaj rushjainena.
20Egi hironagananka wokuruxujshana egi wena: Wogishawaxjira neninewina wanajojaisgera, Maura hungma harnira neashiniwinge esge.
21Wogishawaxjira neninewina, donikewehi harajena shegunegi wainanaijanihawina. Wogishawaxjira neninewina raxagharajane shegunegi, hirakshakjanihawina.
22Wogishawaxjira neninewina, wankshigra hornishig hirawigi, egi woinjab ninawigi, egi najinisgirawigi, rashwashiniwira wanigit’urairawigi wowong hikisgeninawigi Wankshig‐hinigra hawau warnigi uinawinana.
23Wogishawawiaje hambeja, egi d’adambwiaje wogishawa. Horuxujwire, woirowe hashiniwira wangregi xeteakshana. Hornigitagwira shesge hianjwahirera prophetra wagigirena.
24Eshi harawekjanihawina jarnaga hitajera, de‐eshi washophi horawawige esge.
25Harawekjanihawina jarnaga wainajra, donikewehikjanihawina. Harawekjanihawina jarnaga hiraksharajane shegunegi, najgeranitegwianaga egi raxaigkjanihawina.
26Harawekjanihawina wankshigra harnaj niraphirawigi, hianjwahirera shesge wagigirena prophet retunkera.
27Eshi hinigawina, nanaxgu hashanagre, hokikje‐warajabwira wawogixetewire, phiwagigiwiaje hornishignangwigi.
28Washoshishig howeni roguankhi washophi howewarogiguanje egi Maura gikaraj wagigiaje, jarnaga washanigishgashganankhi.
29Egi hisha iroija hornijirawigi iro‐sanigra shige hija giwahaje. Egi hisha wonashi hihageja herera nigirushirawigi, inke roxinianje wonashixete hashinira hirassa rusgigiaje.
30Higu peshe washa nisha nigitagi hokuanje, egi hisha washa washinira nigirusgi inke karatanianje.
31Egi wankshigra gagu hingigiregi phina hiraregi, ne shesge wagigiwiaje.
32Wornigixetenangwiga waworagixetewigi, jasge hironigiwekjaneshe? Egi washa woishana ura wogixeterawiga hishge wawogixetenankshana.
33Egi jarnaga phiningiginankhi, phiwaragigigi, jasge hironigiwekjaneshe? Egi washa woishana ura hishge shesge hiunankshana.
34Egi hornajwaragigigi e hornikaraik’u hirekjane hirare wash’ungi, jasge hironigiwekjaneshe? Egi washa woishana ura hishge wornajkhinankshana washa woishana ueja, higu shige shenaga kurusnankshana.
35Eshi hokikje‐warakijabwira wawogixetewiaje, egi phiwagigiwiaje egi wornajwagigiwiaje, inke hakja karakjambwinianje, egi woirowe hashiniwira xetekjanena, egi Eshana Hiraijeranagra E ninkjang harninikjanihawina. Maura phiwagiginakshana inke wainabnira egi wowongra.
36Esge najwojawine, Hianjrawiga unagre shesge, hishge najwojanakshana.
37Inke haehire wauwinianje, egi inke haehire nigiuiranikjawina. Inke hisha washinohire howehinai‐winianje, egi inke washinohire horawanikjawina. Wagit’unawiaje, egi wanigit’unekjanihawina.
38Wogawiaje, egi hornikunkjanihawina, higusra phi, hawasgink egi horuksa egi hawuhinsh, shesge mangeja hornigiwaxuinekjanihawina. Egi wigus jaguisha eja hiraguswigi, wigus e shige hinigiguiskjanihawina.
39Egi hisgeraisha wirokit’ena. Jasge hishjarningra hisha hishjarningra hisha airutinashe? Inke hinuinke mo‐shorosheja hoshibrairaninashe?
40Wawagaxhajara inke wawagaxhajawagigi harninera hirashana ninankshana. Egi jaja harnaj hoijgus hiregi wawagaxhajawagigi harninera jasgajegi hikisgairanana.
41Jasgegaja hashjarajeguni rakhinubra noruxagnig nige hishjasu‐ejakhi, egi hishjasu hashinieja noikunug hishanka inke hashjarni?
42Egi jasgegaja rakhinubra waragarnashe, hinkhinubra noruxagnig hishjasu hashiniejaka dushoroijena, hishjasu hashinieja noikunuganka inke harakjanianaga? Waishjankeranigaja, hishjasu hashinieja noikunuganka jorni kurushoroj phiranigaja, egi hashjashgunina rakhinubra hishjasu harnieja noruxagniganka shurushorojnana.
43Na phinagre inke has shishig haminag hiraninana, inke hishge na shishignagre has phi haminag hiraninana.
44Na nagre harnaj hinpereswina has warninera haminaganankshana. Waxageja inke wankshignagre Fig‐has sto‐hiraninana egi shige inke napahieja habsinsh sto‐hiraninana.
45Wangphira hisha najge harnira washa phi hoshugi, washa phira eja haxebjanana. Egi wangshishigra hisha najge harnira washa shishig hoshugi, washa shishig haxebjanana, najgera jagura hoixjinjegi, ieja xunjanana.
46Egi jagu‐u wairagawishe Hirukanara, Hirukanara egi jagu hinigawira inke sh’u‐winianaga?
47Higu peshe hiraijiarnaga egi jagu hihajane naxguanaga, egi ungi, hornigitaikjanihawina peshe hikisgera:
48Wankshigisha hikisgarnana e jhisha ungi, egi rogshi g’arnaga egi inixete jhiaminagra eja khanaganana, egi jaja nijangi, nira harnaj jhianka eja hirojingishge, egi inke giksunshninana, inixete hihagejanake esge.
49Eshi hisha naxguanaga inke unigi, wankshigisha e hikisgarnana e jhisha ungi jhiaminag rokarni, makax hihageja minagnana, e nijara harnaj hirojingi egi higuana kharnanarna, egi jhinaka maisinshnana rokana wagiunana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.