Luka 4
4
O Pilifet ci Yisan
(Matay 4.1-11; Maroko 1.12-13)
1Itiyasato, mapa'icel no Fangcalay 'Adingo ci Yis. Liyas sato Cingra to Yortan a 'alo. Ta kriden no Fangcalay 'Adingo Cingra a patayra i kohkohan. 2Spat a polo' ko romi'ad ni Yis itira a lifeten no Palafoay. Caay ka komaen Cingra to maan aca toya romi'ad saka, malpon Ningra koya romi'ad i, macahiwento Cingra.
3Sowal sa ko Palafoay i Cingraan, <<Ano o Wawa no Kawas Kiso i, kala^pang kiso, han a somowal konini a fokloh,>> han nira.
4Paca'of sa ci Yis, <<O sowal no Fangcalay Cudad i, <Caay ko kakaenen a ccay ko saka'orip no tamdaw,> >> han Ningra.
5Kriden haca noya Palafoay ci Yis a tayra i takaraway a pala, pamlet a patiri' Cingraan to polong no kitakit no hkal. 6Sowal sa ciira ci Yisan, <<Papikowanen ako Kiso tonini a tadamaanay a kitakit a ma^min. Nawhani o mapatorodayto i takowanan konini a ma^min. Ano cima ko kangalayan ako a pafli i, paflien ako koya tamdaw. 7Orasaka, ano mita'ong Kiso i takowanan i, o malomisoto a ma^min konini,>> han nira.
8Paca'of sa ci Yis, << <Pita'ong to Tapang a Kawas iso. Kai Cingraan a ccay a mitoor kiso,> saan ko sowal a matilid i Fangcalay Cudad,>> han Ningra.
9Nanoya, kriden haca no Palafoay ci Yis a tayra i Yirusalim, patirengen nira Cingra i 'apaponong no Fangcalay Pita'ongan, sowal sa i Cingraan, <<Ano o Wawa no Kawas Kiso i, nanitini pihitfo a pasila^no. 10Nawhani <O papalimo'oten no Kawas ko coyocoyoh Ningra a papisimaw i Tisowanan,> saan ko sowal a matilid i Fangcalay Cudad. 11O romasato, <O cacadaen nangra to kamay Kiso to saka^caaw ka pasta' no wa'ay Iso i fokloh a cidoka',> saan,>> han nira.
12Paca'of sa ci Yis, << <Aka pakapilifet to Tapang a Kawas iso,> saan ko sowal a matilid i Fangcalay Cudad,>> han Ningra.
13Mahrek ko Palafoay a milifet i ci Yisan to masamaamaanay a dmak i, pacna' sa ciira a miliyas ci Yisan.
O Pisatapang ni Yis a Patnak i Kalili
(Matay 4.12-17; Maroko 1.14-15)
14Mapa'icel no Fangcalay 'Adingo ci Yis saka, nokay sato i Kalili. Matnak i polong noya pala ko lihaf to pakayniay i ci Yisan. 15Pasifana' Cingra i kasa'opo'opoan a loma', makahmek no tamdamdaw Cingra.
O Nika 'Osi no Nacali a Tamdaw ci Yisan
(Matay 13.53-58; Maroko 6.1-6)
16Nanoya, tahira sato ci Yis i Nacali o kalahadan Ningra a niyaro'. I Pasla'an a Romi'ad i, matiya o ha:tiniay Cingra a micomod i Yutaya a kasa'opoan a loma'. Tireng sa Cingra to sapiasipaw to Fangcalay Cudad i, 17ira ko pafliay i Cingraan to cudad ni Isaya o pali'ayaway to sowal no Kawas. Clak han Ningra koya cudad i, matama Ningra ko matiniay a nitilidan toya,
18<<Ira i takowanan ko 'Adingo no Tapang,
nawhani mapili'to Ningra kako,
papipatnak i takowanan to nga'ayay ratoh i pakoyoc a tamdaw.
O niocoran Ningra kako a papiparatoh to sakatdalaw no mapalitay,
sakafohataw no mata no mapohaway.
O niocoran Ningra kako a papitdal a pakonira to mapadesay ko 'orip a tamdaw,
19a papiparatoh to pipa'oripan no Tapang a mihcaan,>> sanay.
20Loloden ni Yis koya cudad a patiko i citodongay to tayal a tamdaw, ta aro' sa Cingra. Pamotek sa a minengneng ci Yisan koya i kasa'opoananay a tamdamdaw a ma^min. 21Saka, sowal sa ci Yis i cangraan, <<Onini a nitngilan namo a tosir i, malahciayto anini,>> han Ningra.
22Hmek sato cangra i Cingraan, fahka' a pakatngil to tadasini'adaay a sowal Ningra. Sowal sa cangra, <<Caay ko wawa ni Yosif konini a tamdaw saw?>> saan cangra.
23Sowal sa ci Yis i cangraan, <<Caay ka^ca o sasomowal kamo i Takowanan toya, <Isingaw, adahen ko tireng iso,> yasanay a sowal no mato'asay. <O matngilay niyam a dmak Iso i Kapirnaum i, haenento i tini tona niyaro' Iso a midmak,> >> o sasaan haca kamo i Takowanan. 24Pasowal haca ci Yis, <<So'linen Ako a somowal kamo, o pali'ayaway to sowal no Kawas i, caay ka hamham no niyaro' no tireng cingra. 25Pitngil, yo iraho ci Iliya i, tolo a mihca ira ko ^nem a folad a caay ka 'orad. Tata'ang ko kdal i polong noya kitakit. Talacowa 'aloman ko maponengay i Israil itiya, 26nikawrira, caay ka ocor ci Iliya i cimacimaan noya maponengay. Deng i ccay a maponengay no Carifat no Siton a maocor cingra. 27O romasato, yo iraho ko pali'ayaway to sowal no Kawas ci Ilisa i, talacowa 'aloman ko ciadadaay a Israil to malono'ay, nikawrira, awaay ko ccaccay aca a maadahay. Deng ci Naman no Siriya ko makoracay,>> han ni Yis.
28Yo mitngil tonini koya masa'opoay i kasa'opoan a tamdaw a ma^min i, tata'ang ko kter nangra. 29Lowad sato cangra a milaplap a pasadak ci Yisan nai niyaro'. Patayraen nangra ci Yis i tono' no katomirengan no niyaro' a taporo. Tfadaw ita i tini, nasa cangra. 30'Arawhani, pakasifosifo' sa no finawlan Cingra a milaliw.
O Maaro'ay no Kaackan a Palafoay
(Maroko 1.21-28)
31Nanoya, maloklon ci Yis a tayra i Kapirnaum a niyaro' no Kalili. I pasla'anto a romi'ad i, pasifana' Cingra to tamdamdaw. 32Fahka' ko tamdamdaw a pakatngil to pipasifana' Ningra. Nawhani ci 'icel ko sowal Ningra. 33Itiya i, ira i kasa'opoan a loma' ko maaro'ay no 'adingo no kaackan a palafoay. Lkal saan a somowal, 34<<As! Yisaw no Nacali, nawiro micara Kiso i tamiyanan saw? O sakatayni Iso i tini i, o sapalasawadaw Iso tamiyanan haw? Mafana' kako to nika o cima Kiso, o Fangcalay a niocoran no Kawas Kiso!>> saan.
35Kakteren ni Yis koya kaackan a palafoay a somowal, <<Katomrep, kasadak nanitira tora tamdaw,>> han Ningra. Fahkol han noya kaackan a palafoay koya tamdaw a mipolin i ka'ayaw no tamdamdaw, ta masadak nai cingraan. Nikawrira, awaay ko maan aca a nadoka'an ningra.
36Safahka' sa ko tamdamdaw a ma^min a malalicalicay a somowal, <<O maan a sowalan konini? Palimo'ot han ni Yis to cisakowanay, ci'icelay a sowal ko kaackan a 'adingo i, sadak sato caira,>> saan. 37Saka, matnak i cowacowa noya pala ko ngangan ni Yis.
O Piadah ni Yis to 'Alomanay a Adadaay
(Matay 8.14-17; Maroko 1.29-34)
38Liyas sato ci Yis to kasa'opoan a loma' a tayra i loma' ni Simon. Adada ko ina no fafahi ni Simon. Tata'ang ko nika lalisan ningra. Saka, ngitangiten nangra ci Yis to sapiadahaw cingraan. 39Raoden ni Yis cingra a tomireng i tatihi ningra. Kakteren Ningra koya lalisan saka, fasaw sato. Tangsol sa cingra a lomowad a mihamham i cangraan.
40Yo miclemto ko cidal i, patayraen no malininaay i ci Yisan ko ciadadaay to masamaamaanay a adada, corok han ni Yis koya adadaay a mikapa, maadahto cangra. 41Ira haca a masadak nai tireng no 'alomanay a tamdaw ko palafoay, cli' sa, <<O Wawa no Kawas Kiso,>> saan.
Kakteren ni Yis caira to saka^caaw ka somowal naira, nawhani mafana' caira to nika ci Kristo Cingra.
O Pirakat ni Yis a Patnak
(Maroko 1.35-39)
42Dafak sato i, lowad sa ci Yis a tayra i kato'olan. Sakilikilim sato ko finawlan ci Yisan. Yo matamato nangra Cingra i, sapifo'otan i Cingraan, caay ka sakapapiliyasan i Cingraan. 43Nikawrira, pasowal sa ci Yis i cangraan, <<O papatnatnaken aca Ako i roma a niyaroaro' ko Nga'ayay Ratoh to pakayniay i pikowan no Kawas, nawhani, onini a tatayalen ko sakamapaocor Kako a tayni,>> han Ningra.
44Orasaka, tayra ci Yis i kasa'opo'opoan a loma' no Yutaya a patnak.
Currently Selected:
Luka 4: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
Luka 4
4
O Pilifet ci Yisan
(Matay 4.1-11; Maroko 1.12-13)
1Itiyasato, mapa'icel no Fangcalay 'Adingo ci Yis. Liyas sato Cingra to Yortan a 'alo. Ta kriden no Fangcalay 'Adingo Cingra a patayra i kohkohan. 2Spat a polo' ko romi'ad ni Yis itira a lifeten no Palafoay. Caay ka komaen Cingra to maan aca toya romi'ad saka, malpon Ningra koya romi'ad i, macahiwento Cingra.
3Sowal sa ko Palafoay i Cingraan, <<Ano o Wawa no Kawas Kiso i, kala^pang kiso, han a somowal konini a fokloh,>> han nira.
4Paca'of sa ci Yis, <<O sowal no Fangcalay Cudad i, <Caay ko kakaenen a ccay ko saka'orip no tamdaw,> >> han Ningra.
5Kriden haca noya Palafoay ci Yis a tayra i takaraway a pala, pamlet a patiri' Cingraan to polong no kitakit no hkal. 6Sowal sa ciira ci Yisan, <<Papikowanen ako Kiso tonini a tadamaanay a kitakit a ma^min. Nawhani o mapatorodayto i takowanan konini a ma^min. Ano cima ko kangalayan ako a pafli i, paflien ako koya tamdaw. 7Orasaka, ano mita'ong Kiso i takowanan i, o malomisoto a ma^min konini,>> han nira.
8Paca'of sa ci Yis, << <Pita'ong to Tapang a Kawas iso. Kai Cingraan a ccay a mitoor kiso,> saan ko sowal a matilid i Fangcalay Cudad,>> han Ningra.
9Nanoya, kriden haca no Palafoay ci Yis a tayra i Yirusalim, patirengen nira Cingra i 'apaponong no Fangcalay Pita'ongan, sowal sa i Cingraan, <<Ano o Wawa no Kawas Kiso i, nanitini pihitfo a pasila^no. 10Nawhani <O papalimo'oten no Kawas ko coyocoyoh Ningra a papisimaw i Tisowanan,> saan ko sowal a matilid i Fangcalay Cudad. 11O romasato, <O cacadaen nangra to kamay Kiso to saka^caaw ka pasta' no wa'ay Iso i fokloh a cidoka',> saan,>> han nira.
12Paca'of sa ci Yis, << <Aka pakapilifet to Tapang a Kawas iso,> saan ko sowal a matilid i Fangcalay Cudad,>> han Ningra.
13Mahrek ko Palafoay a milifet i ci Yisan to masamaamaanay a dmak i, pacna' sa ciira a miliyas ci Yisan.
O Pisatapang ni Yis a Patnak i Kalili
(Matay 4.12-17; Maroko 1.14-15)
14Mapa'icel no Fangcalay 'Adingo ci Yis saka, nokay sato i Kalili. Matnak i polong noya pala ko lihaf to pakayniay i ci Yisan. 15Pasifana' Cingra i kasa'opo'opoan a loma', makahmek no tamdamdaw Cingra.
O Nika 'Osi no Nacali a Tamdaw ci Yisan
(Matay 13.53-58; Maroko 6.1-6)
16Nanoya, tahira sato ci Yis i Nacali o kalahadan Ningra a niyaro'. I Pasla'an a Romi'ad i, matiya o ha:tiniay Cingra a micomod i Yutaya a kasa'opoan a loma'. Tireng sa Cingra to sapiasipaw to Fangcalay Cudad i, 17ira ko pafliay i Cingraan to cudad ni Isaya o pali'ayaway to sowal no Kawas. Clak han Ningra koya cudad i, matama Ningra ko matiniay a nitilidan toya,
18<<Ira i takowanan ko 'Adingo no Tapang,
nawhani mapili'to Ningra kako,
papipatnak i takowanan to nga'ayay ratoh i pakoyoc a tamdaw.
O niocoran Ningra kako a papiparatoh to sakatdalaw no mapalitay,
sakafohataw no mata no mapohaway.
O niocoran Ningra kako a papitdal a pakonira to mapadesay ko 'orip a tamdaw,
19a papiparatoh to pipa'oripan no Tapang a mihcaan,>> sanay.
20Loloden ni Yis koya cudad a patiko i citodongay to tayal a tamdaw, ta aro' sa Cingra. Pamotek sa a minengneng ci Yisan koya i kasa'opoananay a tamdamdaw a ma^min. 21Saka, sowal sa ci Yis i cangraan, <<Onini a nitngilan namo a tosir i, malahciayto anini,>> han Ningra.
22Hmek sato cangra i Cingraan, fahka' a pakatngil to tadasini'adaay a sowal Ningra. Sowal sa cangra, <<Caay ko wawa ni Yosif konini a tamdaw saw?>> saan cangra.
23Sowal sa ci Yis i cangraan, <<Caay ka^ca o sasomowal kamo i Takowanan toya, <Isingaw, adahen ko tireng iso,> yasanay a sowal no mato'asay. <O matngilay niyam a dmak Iso i Kapirnaum i, haenento i tini tona niyaro' Iso a midmak,> >> o sasaan haca kamo i Takowanan. 24Pasowal haca ci Yis, <<So'linen Ako a somowal kamo, o pali'ayaway to sowal no Kawas i, caay ka hamham no niyaro' no tireng cingra. 25Pitngil, yo iraho ci Iliya i, tolo a mihca ira ko ^nem a folad a caay ka 'orad. Tata'ang ko kdal i polong noya kitakit. Talacowa 'aloman ko maponengay i Israil itiya, 26nikawrira, caay ka ocor ci Iliya i cimacimaan noya maponengay. Deng i ccay a maponengay no Carifat no Siton a maocor cingra. 27O romasato, yo iraho ko pali'ayaway to sowal no Kawas ci Ilisa i, talacowa 'aloman ko ciadadaay a Israil to malono'ay, nikawrira, awaay ko ccaccay aca a maadahay. Deng ci Naman no Siriya ko makoracay,>> han ni Yis.
28Yo mitngil tonini koya masa'opoay i kasa'opoan a tamdaw a ma^min i, tata'ang ko kter nangra. 29Lowad sato cangra a milaplap a pasadak ci Yisan nai niyaro'. Patayraen nangra ci Yis i tono' no katomirengan no niyaro' a taporo. Tfadaw ita i tini, nasa cangra. 30'Arawhani, pakasifosifo' sa no finawlan Cingra a milaliw.
O Maaro'ay no Kaackan a Palafoay
(Maroko 1.21-28)
31Nanoya, maloklon ci Yis a tayra i Kapirnaum a niyaro' no Kalili. I pasla'anto a romi'ad i, pasifana' Cingra to tamdamdaw. 32Fahka' ko tamdamdaw a pakatngil to pipasifana' Ningra. Nawhani ci 'icel ko sowal Ningra. 33Itiya i, ira i kasa'opoan a loma' ko maaro'ay no 'adingo no kaackan a palafoay. Lkal saan a somowal, 34<<As! Yisaw no Nacali, nawiro micara Kiso i tamiyanan saw? O sakatayni Iso i tini i, o sapalasawadaw Iso tamiyanan haw? Mafana' kako to nika o cima Kiso, o Fangcalay a niocoran no Kawas Kiso!>> saan.
35Kakteren ni Yis koya kaackan a palafoay a somowal, <<Katomrep, kasadak nanitira tora tamdaw,>> han Ningra. Fahkol han noya kaackan a palafoay koya tamdaw a mipolin i ka'ayaw no tamdamdaw, ta masadak nai cingraan. Nikawrira, awaay ko maan aca a nadoka'an ningra.
36Safahka' sa ko tamdamdaw a ma^min a malalicalicay a somowal, <<O maan a sowalan konini? Palimo'ot han ni Yis to cisakowanay, ci'icelay a sowal ko kaackan a 'adingo i, sadak sato caira,>> saan. 37Saka, matnak i cowacowa noya pala ko ngangan ni Yis.
O Piadah ni Yis to 'Alomanay a Adadaay
(Matay 8.14-17; Maroko 1.29-34)
38Liyas sato ci Yis to kasa'opoan a loma' a tayra i loma' ni Simon. Adada ko ina no fafahi ni Simon. Tata'ang ko nika lalisan ningra. Saka, ngitangiten nangra ci Yis to sapiadahaw cingraan. 39Raoden ni Yis cingra a tomireng i tatihi ningra. Kakteren Ningra koya lalisan saka, fasaw sato. Tangsol sa cingra a lomowad a mihamham i cangraan.
40Yo miclemto ko cidal i, patayraen no malininaay i ci Yisan ko ciadadaay to masamaamaanay a adada, corok han ni Yis koya adadaay a mikapa, maadahto cangra. 41Ira haca a masadak nai tireng no 'alomanay a tamdaw ko palafoay, cli' sa, <<O Wawa no Kawas Kiso,>> saan.
Kakteren ni Yis caira to saka^caaw ka somowal naira, nawhani mafana' caira to nika ci Kristo Cingra.
O Pirakat ni Yis a Patnak
(Maroko 1.35-39)
42Dafak sato i, lowad sa ci Yis a tayra i kato'olan. Sakilikilim sato ko finawlan ci Yisan. Yo matamato nangra Cingra i, sapifo'otan i Cingraan, caay ka sakapapiliyasan i Cingraan. 43Nikawrira, pasowal sa ci Yis i cangraan, <<O papatnatnaken aca Ako i roma a niyaroaro' ko Nga'ayay Ratoh to pakayniay i pikowan no Kawas, nawhani, onini a tatayalen ko sakamapaocor Kako a tayni,>> han Ningra.
44Orasaka, tayra ci Yis i kasa'opo'opoan a loma' no Yutaya a patnak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019