Bisalu Bibilumbi 10
10
Pierre na Corneille
1O Cesaree umaba dibaala diina diandi Corneille. Amaba yivunda yikama bagora mu dibuli adimanengulu dibuli diltalie. 2Amaba mutu usunda; jandi na bisi ndagu andi botsu bamayitsanga Nsambi. Amawamusanga bijaga temu tsiotsu na amasaihbilanga Nsambi. 3Yilumbu yimosi ava murekumunu amalaba yiriariamu na muna yionyi yiansa yiNsambi yimalabana nandi nomunengila rie: Corneille!
4Anomugengila yisuisu amagaangu na goma na amawivula rie: Aguna nyi Fumu? Yiansa yieni yimamutsingula rie: Tsambu tsiagu na maboti magu bimasingu na Nsambi na egurangimini. 5Sindiga batu o Joppe na nengila Simon ajinengulungu Pierre. 6Etsani ombu Simon ngela bibanda, ndagu andi jivu bebeli na mubu.
7Yiansa yinowenda, Corneille amanengila basalitsi bandi babeji na gora mosi ajimaba mutu usunda. 8Anomana ubatsingula motsu amabasindiga o Joppe.
9Kabogu muna kedi bamasogama na midi mbe jisakatola bamatola o Joppe. Muna diweru dieni Pierre amamata o julu muansa uyesambila. 10Anogaangu na nsala jineni amaronda uji. Mu temu aji bamamulambilanga biguji amalaba yiriariamu. 11Amalaba julu jimadibuga na amalaba nderi tsanda jine ni, jitungu kodu tsiotsu, jimasunduga va tsi. 12Muna mumaba minongu miotsu mibibulu na bilandila na batsoli. 13Amagulu diufi adimamuruma rie: Pierre relama, biboki, gukaji!
14Tumba Pierre amavosa rie: Nesi Fumu, na kala nyisakaji ayimakandusu vo yimuinsi.
15Amamuegulu diufi adimavosa nandi rie: Ayi Nsambi amaliomisa guyayigengila nderi yivu muinsi.
16Amadigulu kumbu yirieru mbana tsanda eni jimagabuga o julu.
17Ava amayitasilanga babaala abamasindugu na Corneille bamapala. 18Banolonsu ndagu Simon bamatola guna na bamawivula yeri Simon Pierre etsani o ndagu eni.
19Pierre mbe akikelula yiriariamu yieni, Yinyunyi yiNsambi amamutsingularie: Laba batu barieru begurombi. 20Relama, wenda nogu na guyatumuna paga mu mbari bamasindugu nami.
21Kabogu Pierre anosunduga amatsingula batu beni rie: Meʼ janduʼgu, dibandu yi dutsiruyila?
22Bamawagula rie: Tuiruyisini ombu Corneille. Jandi aji yivunda yibagora na aji mutu usunda na elabi Nsambi goma, tsiri yika jetu atuivosi dionyi tumba na baJuif bemusingisili bumbeji. Yiansa yiNsambi yimalabana nandi na yimamutsingula rie: Nengila Simon Pierre yiri gugulu malongi mandi.
23Kabogu Pierre amabalatsa. Ava kedi jogu botsu bamayenawenda, bisi Joppe bamosi bamafubana nsila nogu. 24Ne bakatola o Cesaree, Corneille amanengila bibum biandi na bambatsi bandi bamurima na abamabavivanga. 25Mbe Pierre asakakota o ndagu Corneille amabenguna nandi na amagudama va gusu andi. 26Tumba Pierre amamuretsiga novosa rie: Relama, menu ngaa Nsambi.
27Ava bamavosilanga bamakota na Pierre amarasuna batu bapuela bemuvivi. 28Amabatsingula rie: Jenu duijabi yiri jetu baJuif tugaa na musuga uba na dinonga na abagaa baJuif, tugekoti nesi o mandagu mogu. Tumba Nsambi amandonsa rie: Vagaa mutu aguvu muinsi vo nsoruru. 29La dibandu nsiruyila tsiri utumuna paga, dibandu yi dutsindengilila?
30Corneille amavosa rie: Namunyi tuka bilumbu biriem, nyimasambilanga o ndagu ami mu diweru diedidi na nyimalaba mutu aduara biduaru bisiema. 31Amavosa nami rie: Corneille, tsambu tsiagu tsimagulunu; na Nsambi amarangimina miensili miagu. 32Kabogu sindiga batu o Joppe uyenengila Simon ajinengulu Pierre; jandi esilimi o ndagu Simon ngela bibanda o yiari yimubu. 33La dibandu nsisindiyila batu ombu gagu, diboti yiri gutsiruga. Kabogu jetu tuʼ jogu ba, tuirondi ugulu adi Nsambi otutsingula.
Malongi maPierre ombu Corneille
34Mbana Pierre amavosa rie: Kabogu ngensa Nsambi agaa na dupasu dubatu. 35Elabi ubueji na mutu uotsu oyimudumi na oyivayi amavu mawelimina. 36Labanu, amavega Mambu mandi ombu baIsrael na Mambu meni mesamuni Musamu Uboti uduvotsu duJesus Christ aguvu Fumu ombu botsu. 37Jenu duijabi batema aji Jean amasamuna na nana mambu mamabila ubandila o Galilee te no Judee jiotsu. 38Jenu dumagulu mambu maJesus muisi Nazareth na duijabi yiri Nsambi amaba nandi la dibandu amawendilanga mbura tsiotsu uyenavaganga maboti noyenabelusanga botsu abamalasu maguga na diabu. 39Jetu tuji bambeji bamambu motsu ama jandi amavaga o Judee te no Jerusalem. 40Bamamugomina va kurusu avana amabokulu. Tumba Nsambi amamurambusa mu yilumbu ayimurieru na amamuvega musuga ukelasa ombu batu. 41Asamalabana ombu batu botsu yika ombu jetu atumasolu na Nsambi uba bambeji. Nsambi anomurambusa o dufu jetu tumaji na tumanu nandi. 42Amatusindiga ulonsa batu nosingisila bumbeji bujandi agumasolu na Nsambi utabulila abavu monyu na abamafu bunsonsi. 43Babiyitsi botsu bemusingisili bumbeji buebubu rie: Uotsu oyimuvayili yitu otandu na mangolu madiina diandi.
Abagaa baJuif bamadila Yinyunyi yiNsambi
44Mbe Pierre akivosa mambu meni Yinyunyi yiNsambi amasunduga ombu botsu abamaba vana. 45BaJuif botsu abamarugasana o Joppe na Pierre bamakambulu ava bamagululu yiri Nsambi amavega pegulu jiYinyunyi yiandi ombu abagaa baJuif wandi. 46Mu mbari botsu bamavosanga mambembu mangana ava bamayitsilanga Nsambi. Mbana Pierre amavosa rie: 47Labanu jogu bamadila Yinyunyi yiNsambi nana tumamudililanu. Tsie tubagandisa ubatusu na mamba?
48Amaruma yiri babatusu mu diina diJesus Christ. Bamamuwivula utsana nogu mua bilumbu.
Currently Selected:
Bisalu Bibilumbi 10: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
Bisalu Bibilumbi 10
10
Pierre na Corneille
1O Cesaree umaba dibaala diina diandi Corneille. Amaba yivunda yikama bagora mu dibuli adimanengulu dibuli diltalie. 2Amaba mutu usunda; jandi na bisi ndagu andi botsu bamayitsanga Nsambi. Amawamusanga bijaga temu tsiotsu na amasaihbilanga Nsambi. 3Yilumbu yimosi ava murekumunu amalaba yiriariamu na muna yionyi yiansa yiNsambi yimalabana nandi nomunengila rie: Corneille!
4Anomugengila yisuisu amagaangu na goma na amawivula rie: Aguna nyi Fumu? Yiansa yieni yimamutsingula rie: Tsambu tsiagu na maboti magu bimasingu na Nsambi na egurangimini. 5Sindiga batu o Joppe na nengila Simon ajinengulungu Pierre. 6Etsani ombu Simon ngela bibanda, ndagu andi jivu bebeli na mubu.
7Yiansa yinowenda, Corneille amanengila basalitsi bandi babeji na gora mosi ajimaba mutu usunda. 8Anomana ubatsingula motsu amabasindiga o Joppe.
9Kabogu muna kedi bamasogama na midi mbe jisakatola bamatola o Joppe. Muna diweru dieni Pierre amamata o julu muansa uyesambila. 10Anogaangu na nsala jineni amaronda uji. Mu temu aji bamamulambilanga biguji amalaba yiriariamu. 11Amalaba julu jimadibuga na amalaba nderi tsanda jine ni, jitungu kodu tsiotsu, jimasunduga va tsi. 12Muna mumaba minongu miotsu mibibulu na bilandila na batsoli. 13Amagulu diufi adimamuruma rie: Pierre relama, biboki, gukaji!
14Tumba Pierre amavosa rie: Nesi Fumu, na kala nyisakaji ayimakandusu vo yimuinsi.
15Amamuegulu diufi adimavosa nandi rie: Ayi Nsambi amaliomisa guyayigengila nderi yivu muinsi.
16Amadigulu kumbu yirieru mbana tsanda eni jimagabuga o julu.
17Ava amayitasilanga babaala abamasindugu na Corneille bamapala. 18Banolonsu ndagu Simon bamatola guna na bamawivula yeri Simon Pierre etsani o ndagu eni.
19Pierre mbe akikelula yiriariamu yieni, Yinyunyi yiNsambi amamutsingularie: Laba batu barieru begurombi. 20Relama, wenda nogu na guyatumuna paga mu mbari bamasindugu nami.
21Kabogu Pierre anosunduga amatsingula batu beni rie: Meʼ janduʼgu, dibandu yi dutsiruyila?
22Bamawagula rie: Tuiruyisini ombu Corneille. Jandi aji yivunda yibagora na aji mutu usunda na elabi Nsambi goma, tsiri yika jetu atuivosi dionyi tumba na baJuif bemusingisili bumbeji. Yiansa yiNsambi yimalabana nandi na yimamutsingula rie: Nengila Simon Pierre yiri gugulu malongi mandi.
23Kabogu Pierre amabalatsa. Ava kedi jogu botsu bamayenawenda, bisi Joppe bamosi bamafubana nsila nogu. 24Ne bakatola o Cesaree, Corneille amanengila bibum biandi na bambatsi bandi bamurima na abamabavivanga. 25Mbe Pierre asakakota o ndagu Corneille amabenguna nandi na amagudama va gusu andi. 26Tumba Pierre amamuretsiga novosa rie: Relama, menu ngaa Nsambi.
27Ava bamavosilanga bamakota na Pierre amarasuna batu bapuela bemuvivi. 28Amabatsingula rie: Jenu duijabi yiri jetu baJuif tugaa na musuga uba na dinonga na abagaa baJuif, tugekoti nesi o mandagu mogu. Tumba Nsambi amandonsa rie: Vagaa mutu aguvu muinsi vo nsoruru. 29La dibandu nsiruyila tsiri utumuna paga, dibandu yi dutsindengilila?
30Corneille amavosa rie: Namunyi tuka bilumbu biriem, nyimasambilanga o ndagu ami mu diweru diedidi na nyimalaba mutu aduara biduaru bisiema. 31Amavosa nami rie: Corneille, tsambu tsiagu tsimagulunu; na Nsambi amarangimina miensili miagu. 32Kabogu sindiga batu o Joppe uyenengila Simon ajinengulu Pierre; jandi esilimi o ndagu Simon ngela bibanda o yiari yimubu. 33La dibandu nsisindiyila batu ombu gagu, diboti yiri gutsiruga. Kabogu jetu tuʼ jogu ba, tuirondi ugulu adi Nsambi otutsingula.
Malongi maPierre ombu Corneille
34Mbana Pierre amavosa rie: Kabogu ngensa Nsambi agaa na dupasu dubatu. 35Elabi ubueji na mutu uotsu oyimudumi na oyivayi amavu mawelimina. 36Labanu, amavega Mambu mandi ombu baIsrael na Mambu meni mesamuni Musamu Uboti uduvotsu duJesus Christ aguvu Fumu ombu botsu. 37Jenu duijabi batema aji Jean amasamuna na nana mambu mamabila ubandila o Galilee te no Judee jiotsu. 38Jenu dumagulu mambu maJesus muisi Nazareth na duijabi yiri Nsambi amaba nandi la dibandu amawendilanga mbura tsiotsu uyenavaganga maboti noyenabelusanga botsu abamalasu maguga na diabu. 39Jetu tuji bambeji bamambu motsu ama jandi amavaga o Judee te no Jerusalem. 40Bamamugomina va kurusu avana amabokulu. Tumba Nsambi amamurambusa mu yilumbu ayimurieru na amamuvega musuga ukelasa ombu batu. 41Asamalabana ombu batu botsu yika ombu jetu atumasolu na Nsambi uba bambeji. Nsambi anomurambusa o dufu jetu tumaji na tumanu nandi. 42Amatusindiga ulonsa batu nosingisila bumbeji bujandi agumasolu na Nsambi utabulila abavu monyu na abamafu bunsonsi. 43Babiyitsi botsu bemusingisili bumbeji buebubu rie: Uotsu oyimuvayili yitu otandu na mangolu madiina diandi.
Abagaa baJuif bamadila Yinyunyi yiNsambi
44Mbe Pierre akivosa mambu meni Yinyunyi yiNsambi amasunduga ombu botsu abamaba vana. 45BaJuif botsu abamarugasana o Joppe na Pierre bamakambulu ava bamagululu yiri Nsambi amavega pegulu jiYinyunyi yiandi ombu abagaa baJuif wandi. 46Mu mbari botsu bamavosanga mambembu mangana ava bamayitsilanga Nsambi. Mbana Pierre amavosa rie: 47Labanu jogu bamadila Yinyunyi yiNsambi nana tumamudililanu. Tsie tubagandisa ubatusu na mamba?
48Amaruma yiri babatusu mu diina diJesus Christ. Bamamuwivula utsana nogu mua bilumbu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.