Bisalu Bibilumbi 3
3
Yimbolutu yimabelusu
1Pierre na Jean bamawenda va mosi o Ndagu Nsambi mu diweru didusambu, diwendi rie: ava murekumunu. 2Bilumbu biotsu bamabeganga dibaala adimaburu yimbolutu na bamamusunsanga va dikotulu diNdagu Nsambi adimanengulungu Diguyi Diboti. Amavondanga ombu abamakotanga o Ndagu Nsambi. 3Ava dibaala dieni amalabila Pierre na Jean ukota bakakota amabavonda. 4Pierre amamugengila yisuisu va mosi na Jean na amavosa rie: Tugengili.
5Amabagengila yisuisu, amaviva udila yima ombu gogu. 6Mbana Pierre amamutsingula rie: Ngaa na mbongu vo lora tumba ayivu nami nyiguveyi: mu diina diJesus Christ muisi Nazareth, relama na wendanga. 7Amamugaanga gogu andi agumabaala, amamureliga. Muna diweru dieni makulu mandi na bapansi bandi bimawara. Amakota nogu o Ndagu Nsambi, 8amayewendanga nodumuga na amayenayitsanga Nsambi. 9Batu botsu bamamulaba uwenda ewendi noyitsanga Nsambi. 10Bamajaba yiri la jandi agubetsi atsana va dikotulu diNdagu Nsambi uvondanga na bamakambulu puela na bamasutu mu diambu adimalabana ombu gandi.
Malongi maPierre o Ndagu Nsambi
11Batu banolaba yiri agumaleba yimbolutu agekakini na Pierre na Jean bamakambulu na bamawenda mambangu ombu gogu o piasu ajimanengulungu Piasu Salomon. 12Pierre anolaba dionyi amawivula yinombu rie: Jenu bisi Israel mu mbari yi duikambulu? Mu mbari yi duitugengili yisuisu nana nderi na mangolu metu tutsiwendisila dibaala diedidi? 13Nsambi Abraham na Nsambi Isaac na Nsambi Jacob na Nsambi bataji betu amagabila musalitsi andi Jesus bundumba. Dumamugala na dumamufunda ombu Pilate. Ne Pilate amaronda umudunda. 14Tumba jenu dumagala mutu Nsambi aguvu usungama na dumaronda yiri bolasa yingeba ombu yikongu. 15Dumaboka Fumu monyu agu Nsambi amarambusa o dufu; jetu tuji bambeji. 16Mangolu madiina diJesus dinovagulu yitu dimabelusa dibaala diedidi. Jenu duimulabi na duimujabi. Anovayila diina diJesus yitu, yitu yieni yimamubelusa nana jenu beni duimulabili.
17Baana bataji, nyijabi yiri jenu na bivunda bienu dusamajaba adi dumavayila Jesus. 18Diwendi rie: Nsambi amadugusu adimavosu na bibiyitsi bandi rie: Christ andi olaba maguga. 19Kabogu kalulanu diela na gabuganu ombu Fumu yiri masumu menu motandu. 20Mbana Fumu oduvega duvotsu ava omuesindiyila agumasolu mu diambu dienu la Jesus Christ. 21Dingensa vengu oletsana o julu te na bima biotsu biukaluga nana Nsambi amavosila kala na babiyitsi bandi. 22Moise amavosa rie: Fumu Nsambi opalisa mubiyitsi ususu va gari enu nana menu; dumugululu mu motsu ama jandi odutsingula 23na uotsu agugomugululu agoba mu dutalu dubatu baNsambi. 24Nyiina, babiyitsi botsu ubanda na Samuel bamalebiyila bilumbu biebibi. 25Jenu duji baana bababiyitsi abobialila pangini aji Nsambi amavangana na bataji betu. Pangini eni ajimavangunu na Abraham rie: Mu mutegula agu nyugabila mikuta miotsu miula. 26Nsambi anorambusa musalitsi andi Jesus, amamusindiga uyidugabulila miula novega mutu mutu diela uliyila mabi mandi nsima.
Currently Selected:
Bisalu Bibilumbi 3: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
Bisalu Bibilumbi 3
3
Yimbolutu yimabelusu
1Pierre na Jean bamawenda va mosi o Ndagu Nsambi mu diweru didusambu, diwendi rie: ava murekumunu. 2Bilumbu biotsu bamabeganga dibaala adimaburu yimbolutu na bamamusunsanga va dikotulu diNdagu Nsambi adimanengulungu Diguyi Diboti. Amavondanga ombu abamakotanga o Ndagu Nsambi. 3Ava dibaala dieni amalabila Pierre na Jean ukota bakakota amabavonda. 4Pierre amamugengila yisuisu va mosi na Jean na amavosa rie: Tugengili.
5Amabagengila yisuisu, amaviva udila yima ombu gogu. 6Mbana Pierre amamutsingula rie: Ngaa na mbongu vo lora tumba ayivu nami nyiguveyi: mu diina diJesus Christ muisi Nazareth, relama na wendanga. 7Amamugaanga gogu andi agumabaala, amamureliga. Muna diweru dieni makulu mandi na bapansi bandi bimawara. Amakota nogu o Ndagu Nsambi, 8amayewendanga nodumuga na amayenayitsanga Nsambi. 9Batu botsu bamamulaba uwenda ewendi noyitsanga Nsambi. 10Bamajaba yiri la jandi agubetsi atsana va dikotulu diNdagu Nsambi uvondanga na bamakambulu puela na bamasutu mu diambu adimalabana ombu gandi.
Malongi maPierre o Ndagu Nsambi
11Batu banolaba yiri agumaleba yimbolutu agekakini na Pierre na Jean bamakambulu na bamawenda mambangu ombu gogu o piasu ajimanengulungu Piasu Salomon. 12Pierre anolaba dionyi amawivula yinombu rie: Jenu bisi Israel mu mbari yi duikambulu? Mu mbari yi duitugengili yisuisu nana nderi na mangolu metu tutsiwendisila dibaala diedidi? 13Nsambi Abraham na Nsambi Isaac na Nsambi Jacob na Nsambi bataji betu amagabila musalitsi andi Jesus bundumba. Dumamugala na dumamufunda ombu Pilate. Ne Pilate amaronda umudunda. 14Tumba jenu dumagala mutu Nsambi aguvu usungama na dumaronda yiri bolasa yingeba ombu yikongu. 15Dumaboka Fumu monyu agu Nsambi amarambusa o dufu; jetu tuji bambeji. 16Mangolu madiina diJesus dinovagulu yitu dimabelusa dibaala diedidi. Jenu duimulabi na duimujabi. Anovayila diina diJesus yitu, yitu yieni yimamubelusa nana jenu beni duimulabili.
17Baana bataji, nyijabi yiri jenu na bivunda bienu dusamajaba adi dumavayila Jesus. 18Diwendi rie: Nsambi amadugusu adimavosu na bibiyitsi bandi rie: Christ andi olaba maguga. 19Kabogu kalulanu diela na gabuganu ombu Fumu yiri masumu menu motandu. 20Mbana Fumu oduvega duvotsu ava omuesindiyila agumasolu mu diambu dienu la Jesus Christ. 21Dingensa vengu oletsana o julu te na bima biotsu biukaluga nana Nsambi amavosila kala na babiyitsi bandi. 22Moise amavosa rie: Fumu Nsambi opalisa mubiyitsi ususu va gari enu nana menu; dumugululu mu motsu ama jandi odutsingula 23na uotsu agugomugululu agoba mu dutalu dubatu baNsambi. 24Nyiina, babiyitsi botsu ubanda na Samuel bamalebiyila bilumbu biebibi. 25Jenu duji baana bababiyitsi abobialila pangini aji Nsambi amavangana na bataji betu. Pangini eni ajimavangunu na Abraham rie: Mu mutegula agu nyugabila mikuta miotsu miula. 26Nsambi anorambusa musalitsi andi Jesus, amamusindiga uyidugabulila miula novega mutu mutu diela uliyila mabi mandi nsima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.