Dibandu 23
23
Abraham usumba esumbi mbura utsiyila mfumbi Sara
1Yitsingu yiSara yimaba kama na magumabeji na yisambuali yibilima. 2Sara amafuila o Quiriat-Arba ajivu Hebron o bulongu buCanaan; Abraham amayelila Sara. 3Abraham amasila mfumbi andi na amayevosa na baana bababaala baHet rie: 4Nyiji muenyi aguitsani nenu; ndonsianu mbura aji nyutimina ngila ami avana nyutsiyila mfumbi ami.
5Baana bababaala baHet bamawagula Abraham rie: 6Aa fumu etu, letuguluati, Nsambi amaguvaga sefu va gari etu; kabogu tsiga mfumbi agu va mbura aji gusola o yiari yibangila betu; vagaa mutu ne umosi va gari etu, agugugandisa usola ngila aji gutsiyila mfumbi agu.
7Abraham amaretsama mbana amagudama va gusu baana bababaala baHet abamatsananga guna. 8Mbana amavosa rie: Pa duisingi yiri nyutsiga mfumbi ami, lekululuatianu, kwivulilianu Efron muana dibaala uSohar, 9yiri onsingisa dilima diMakpela adivu o kodu jinungi andi nonjabisa dufunu wandi yiri diuba ngila ami.
10Efron amaba atsana va mosi na baana bababaala baHet. Efron muisi Het amawagula Abraham va misu mabaana bababaala baHet na va misu mabatu botsu abamaba batsana va dikotulu dimusiengi andi rie: 11Fumu ami tsiri nana, kokolu lekululuati! Ngogusumbisa nungi na dilima adivu muna wandi, va misu mabatu bami nyiguveyi bionyi. Tsiga mfumbi agu.
12Abraham amagudama va gusu bisi bulongu. 13Mbana amavosa na Efron va misu mabatu rie: Nyigulendi rie: Kokolu tsiagu, lekululuati! Nyufuta dufunu adu gukwivula: Nsinguli duonyi mbana nyutsiga mfumbi ami.
14Efron amawagula Abraham rie: 15Fumu ami, lekululuati! Kama jina tsimbongu tsivu diambu va gari jetu nagu? Tsiga mfumbi agu.
16Abraham amasinga posulu tsieni tsiEfron, amamuvega dufunu adumatabulu va misu mabaana bababaala baHet diwendi rie: Kama jina tsimbongu atsivu dedi na mbongu tsibatiyitsi bamuteti. 17Anana nungi jiEfron ajivu o Makpela va nsungisini na Mamre na nungi na dilima adivu muna na miri miotsu amivu yiari na yiari binungi, 18bimasumbusu ombu Abraham va misu mabaana bababaala baHet na mabatu botsu abamaba batsana va dikotulu dimusiengi.
19Motsu mana manovioga Abraham amatsiga mfumbi andi Sara o dilima adivu o nungi jiMakpela ajivu va nsungisini na Mamre, diwendi rie: o Hebron o bulongu buCanaan. 20Baana bababaala baHet bamasumbisa nungi na dilima adivu muna ombu Abraham yiri oba na mbura utsiganga mamfumbi.
Currently Selected:
Dibandu 23: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
Dibandu 23
23
Abraham usumba esumbi mbura utsiyila mfumbi Sara
1Yitsingu yiSara yimaba kama na magumabeji na yisambuali yibilima. 2Sara amafuila o Quiriat-Arba ajivu Hebron o bulongu buCanaan; Abraham amayelila Sara. 3Abraham amasila mfumbi andi na amayevosa na baana bababaala baHet rie: 4Nyiji muenyi aguitsani nenu; ndonsianu mbura aji nyutimina ngila ami avana nyutsiyila mfumbi ami.
5Baana bababaala baHet bamawagula Abraham rie: 6Aa fumu etu, letuguluati, Nsambi amaguvaga sefu va gari etu; kabogu tsiga mfumbi agu va mbura aji gusola o yiari yibangila betu; vagaa mutu ne umosi va gari etu, agugugandisa usola ngila aji gutsiyila mfumbi agu.
7Abraham amaretsama mbana amagudama va gusu baana bababaala baHet abamatsananga guna. 8Mbana amavosa rie: Pa duisingi yiri nyutsiga mfumbi ami, lekululuatianu, kwivulilianu Efron muana dibaala uSohar, 9yiri onsingisa dilima diMakpela adivu o kodu jinungi andi nonjabisa dufunu wandi yiri diuba ngila ami.
10Efron amaba atsana va mosi na baana bababaala baHet. Efron muisi Het amawagula Abraham va misu mabaana bababaala baHet na va misu mabatu botsu abamaba batsana va dikotulu dimusiengi andi rie: 11Fumu ami tsiri nana, kokolu lekululuati! Ngogusumbisa nungi na dilima adivu muna wandi, va misu mabatu bami nyiguveyi bionyi. Tsiga mfumbi agu.
12Abraham amagudama va gusu bisi bulongu. 13Mbana amavosa na Efron va misu mabatu rie: Nyigulendi rie: Kokolu tsiagu, lekululuati! Nyufuta dufunu adu gukwivula: Nsinguli duonyi mbana nyutsiga mfumbi ami.
14Efron amawagula Abraham rie: 15Fumu ami, lekululuati! Kama jina tsimbongu tsivu diambu va gari jetu nagu? Tsiga mfumbi agu.
16Abraham amasinga posulu tsieni tsiEfron, amamuvega dufunu adumatabulu va misu mabaana bababaala baHet diwendi rie: Kama jina tsimbongu atsivu dedi na mbongu tsibatiyitsi bamuteti. 17Anana nungi jiEfron ajivu o Makpela va nsungisini na Mamre na nungi na dilima adivu muna na miri miotsu amivu yiari na yiari binungi, 18bimasumbusu ombu Abraham va misu mabaana bababaala baHet na mabatu botsu abamaba batsana va dikotulu dimusiengi.
19Motsu mana manovioga Abraham amatsiga mfumbi andi Sara o dilima adivu o nungi jiMakpela ajivu va nsungisini na Mamre, diwendi rie: o Hebron o bulongu buCanaan. 20Baana bababaala baHet bamasumbisa nungi na dilima adivu muna ombu Abraham yiri oba na mbura utsiganga mamfumbi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.