Dibandu 25
25
Dufu duAbraham. Bategula bandi basusu
1Abraham amamuewela mugetu ususu diina diandi Quetoura. 2Amamuburila Zimran na Yoxan na Madian na Ichebac na Choua. 3Yoxan akabura Saba na Dedan. Baana bababaala baDedan bamaba baAchour na baLetuch na baLeoum. 4Baa-na bababaala baMadian bamaba Efa na Efer na Hanok na Abida na Elda.
Botsu bana la baana bababaala baQuetoura.
5Abraham amavega biandi biotsu ombu Isaac. 6Ombu baana bababaala babagatsi bandi basusu amavega mua bima bimosi; ava mbe akivu monyu amabakakasana vala na muana andi Isaac, amabasindiga o yiari ayi wisi epalili. 7Yitsingu yiotsu yiAbraham yimaba: kama na magumidusambuali na bilima biranu. 8Bununu buAbraham bumabueji, bilima biandi bimaba bipuela na dufu duandi dusamaba na mambu. 9Isaac na Ismael baana bandi bababaala bamamutsiga o dilima diMakpela bebeli na Mamre o nungi jiEfron muana dibaala uSohar muisi Hitt. 10Nungi eni aji Abraham amasumba na baana bababaala baHet, avana mfumbi jiAbraham na jimugatsi andi Sara bamatsigulu. 11Abraham anofu Nsambi amagabila muana andi Isaac miula. Isaac amatsananga bebeli na yiduna yimamba ayinengulungu Lahai-Roi.
12Ababa la bategula baIsmael, muana dibaala uAbraham agu Agar muisi Egypte, agumaba muviga uSara, amaburila Abraham. 13Miina mabaana bababaala baIsmael na kula tsiogu amama: Nebayot, la tsomi andi na Quedar na Adbeel na Mibsam, 14na Michema, na Douma na Massa, 15na Hadad na Tema na Yetour na Nafich na Quedma. 16Abana la baana bababaala baIsmael; amana la miina mogu na miina mamimbu mogu na mamasaku mogu; bamaba yigumi na basefu babeji babatu bogu. 17Yitsingu yiotsu yiIsmael yimaba: kama na magumarieru na yisambuali yibilima, na dufu duandi dusamaba na mambu. 18Baana bandi bababaala bamatsaninanga ubandila o Havila te no Chour agumaba usungasana na Egypte o yiari yiAchour. Jandi asamatsananga va mosi na baana bataji bandi.
JACOB
Esau na Jacob
19Ayiyi la yilombi yilsaac muana dibaala uAbraham. 20Abraham amabura Isaac. Isaac amaba na magumana mabilima ava amawelila Rebecca muana mugetu uBetouel muisi Aram o Mesopotamie, na yibusi yiLaban muisi Aram. 21Tumba Rebecca amaba yinguma kabogu Isaac amasambila Fumu mu diambu diandi. Fumu amagulu dusambu duandi mbana mugatsi andi Rebecca amadila dimi. 22Baana bamakunganga o moji, amakewivula rie: Pa anana divu, dibandu yi nyimadilila dimi diedidi? Kabogu amayewivula Fumu. 23Fumu amamutsingula rie:
Malongu mabeji mavu o moji agu.
Minongu mibeji miupalila o yiburutsu yiagu.
Umosi oviolila ususu mangolu.
Yivunda oba o tsi durumu dungebi.
24Yilumbu yiduburu yimatola; dingensa amabura mavasa. 25Agutega amapala mubengi na jaʼ uotsu amaba mionyi na mionyi nana yijungi yimionyi; bamamuluga Esau. 26Mbana yiduki yiandi amapala, amagaanga yisonginyi yiEsau; bamamuluga Jacob. Isaac amaba na magumasiamunu mabilima ava amabab urila.
27Baana banoba bivunda, Esau amaba tindi murela na amakotanga o musiru; Jacob asamaba murela tumba amaba mubungulitsi ubindombu agumatsananga o ndagu tsanda. 28Isaac amarondanga Esau mu diambu dibanyama bandi tumba Rebecca amarondanga Jacob.
29Yilumbu yimosi Jacob amalamba musulu umisa, avana Esau amaruyila o musiru na yideku yineni. 30Esau amavonda Jacob rie: Kokolu peʼpeyi mua musulu eni ubenga; nyimagaangu na tindi yideku, (la dibandu bamaluyda Esau Edom).
31Jacob amavosa rie: Lensumbisa buvundabuagu.
32Esau amawaka rie: Yika ufu nyifu, buvunda bueni yisalu yi bunsalila?
33Jacob amavosa rie: Ka ndevili pesi. Amamulevila jionyi, anana amasumbisila buvunda buandi ombu Jacob. 34Mbana Jacob amamuvega dipa na musulu umisa, Esau amaguvavabila mbana amayenawenda. Anana Esau amalensila buvunda buandi.
Currently Selected:
Dibandu 25: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
Dibandu 25
25
Dufu duAbraham. Bategula bandi basusu
1Abraham amamuewela mugetu ususu diina diandi Quetoura. 2Amamuburila Zimran na Yoxan na Madian na Ichebac na Choua. 3Yoxan akabura Saba na Dedan. Baana bababaala baDedan bamaba baAchour na baLetuch na baLeoum. 4Baa-na bababaala baMadian bamaba Efa na Efer na Hanok na Abida na Elda.
Botsu bana la baana bababaala baQuetoura.
5Abraham amavega biandi biotsu ombu Isaac. 6Ombu baana bababaala babagatsi bandi basusu amavega mua bima bimosi; ava mbe akivu monyu amabakakasana vala na muana andi Isaac, amabasindiga o yiari ayi wisi epalili. 7Yitsingu yiotsu yiAbraham yimaba: kama na magumidusambuali na bilima biranu. 8Bununu buAbraham bumabueji, bilima biandi bimaba bipuela na dufu duandi dusamaba na mambu. 9Isaac na Ismael baana bandi bababaala bamamutsiga o dilima diMakpela bebeli na Mamre o nungi jiEfron muana dibaala uSohar muisi Hitt. 10Nungi eni aji Abraham amasumba na baana bababaala baHet, avana mfumbi jiAbraham na jimugatsi andi Sara bamatsigulu. 11Abraham anofu Nsambi amagabila muana andi Isaac miula. Isaac amatsananga bebeli na yiduna yimamba ayinengulungu Lahai-Roi.
12Ababa la bategula baIsmael, muana dibaala uAbraham agu Agar muisi Egypte, agumaba muviga uSara, amaburila Abraham. 13Miina mabaana bababaala baIsmael na kula tsiogu amama: Nebayot, la tsomi andi na Quedar na Adbeel na Mibsam, 14na Michema, na Douma na Massa, 15na Hadad na Tema na Yetour na Nafich na Quedma. 16Abana la baana bababaala baIsmael; amana la miina mogu na miina mamimbu mogu na mamasaku mogu; bamaba yigumi na basefu babeji babatu bogu. 17Yitsingu yiotsu yiIsmael yimaba: kama na magumarieru na yisambuali yibilima, na dufu duandi dusamaba na mambu. 18Baana bandi bababaala bamatsaninanga ubandila o Havila te no Chour agumaba usungasana na Egypte o yiari yiAchour. Jandi asamatsananga va mosi na baana bataji bandi.
JACOB
Esau na Jacob
19Ayiyi la yilombi yilsaac muana dibaala uAbraham. 20Abraham amabura Isaac. Isaac amaba na magumana mabilima ava amawelila Rebecca muana mugetu uBetouel muisi Aram o Mesopotamie, na yibusi yiLaban muisi Aram. 21Tumba Rebecca amaba yinguma kabogu Isaac amasambila Fumu mu diambu diandi. Fumu amagulu dusambu duandi mbana mugatsi andi Rebecca amadila dimi. 22Baana bamakunganga o moji, amakewivula rie: Pa anana divu, dibandu yi nyimadilila dimi diedidi? Kabogu amayewivula Fumu. 23Fumu amamutsingula rie:
Malongu mabeji mavu o moji agu.
Minongu mibeji miupalila o yiburutsu yiagu.
Umosi oviolila ususu mangolu.
Yivunda oba o tsi durumu dungebi.
24Yilumbu yiduburu yimatola; dingensa amabura mavasa. 25Agutega amapala mubengi na jaʼ uotsu amaba mionyi na mionyi nana yijungi yimionyi; bamamuluga Esau. 26Mbana yiduki yiandi amapala, amagaanga yisonginyi yiEsau; bamamuluga Jacob. Isaac amaba na magumasiamunu mabilima ava amabab urila.
27Baana banoba bivunda, Esau amaba tindi murela na amakotanga o musiru; Jacob asamaba murela tumba amaba mubungulitsi ubindombu agumatsananga o ndagu tsanda. 28Isaac amarondanga Esau mu diambu dibanyama bandi tumba Rebecca amarondanga Jacob.
29Yilumbu yimosi Jacob amalamba musulu umisa, avana Esau amaruyila o musiru na yideku yineni. 30Esau amavonda Jacob rie: Kokolu peʼpeyi mua musulu eni ubenga; nyimagaangu na tindi yideku, (la dibandu bamaluyda Esau Edom).
31Jacob amavosa rie: Lensumbisa buvundabuagu.
32Esau amawaka rie: Yika ufu nyifu, buvunda bueni yisalu yi bunsalila?
33Jacob amavosa rie: Ka ndevili pesi. Amamulevila jionyi, anana amasumbisila buvunda buandi ombu Jacob. 34Mbana Jacob amamuvega dipa na musulu umisa, Esau amaguvavabila mbana amayenawenda. Anana Esau amalensila buvunda buandi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.