Dibandu 29
29
1Jacob amasogama, amawenda o yiari ayi wisi epalili. 2Mbe asakatola o dimbu amalabilila yiduna yimamba. Migamba mirieru mibindombu na binsabi mimasilama yiari na yiari biyionyi, avana bamanuisilanga migamba. Dimanyi dineni dimadibiga yiduna yimamba. 3Nana yifu yiogu yimabila migamba miotsu mimalebengunanga vana mbana babungulitsi babindombu bamagusulanga dimanyi va julu yiduna yimamba unuisanga migamba; mbana bamadigabusanga va yiduna yimamba. 4Jacob amawivula babungulitsi babindombu rie: Bambatsi bami, aguʼ duiruyisini? Bamawagula rie: O Haran. 5Amabawivula rie: Duijabi Laban muana dibaala uNahor? Bamawagula rie: Nyiina, tuimujabi. 6Amabawivula rie: Aji buranga? Bamawagula rie: Nyiina, aji buranga, laba muana andi Rachel uruga eruyi na bindombu bitaji andi. 7Jacob amavosa rie: Tumba wisi yika muangulu, temu jisakatola ugukiga migamba; kabogu binuisianu mbana biwendingi uyenajanganga. 8Bamawagula rie: Tugorungula uvaga nana te na migamba miotsu miugukama; mbana babungulitsi bogusula dimanyi va julu yiduna yimamba na tunuisa migamba miotsu.
9Jacob uvosa mbe akivosa nogu, Rachel amaruga na mugamba ubindombu mu mbari amaba mubungulitsi migamba mitaji andi. 10Jacob amalaba Rachel na migamba miLaban, muana nguji unguji andi, kabogu amakueka nogusula dimanyi va julu yiduna yimamba na amanuisa migamba mimuana nguji unguji andi. 11Jacob amabumba Rachel na amagamuga na nsangu. 12Jacob amatsingula Rachel yiri avu yiburu yitaji andi na yiri avu muana dibaala uRebecca. Rachel amawenda mbangu uyetsingula taji andi misamu mieni. 13Yika Laban egulu bevosi diambu diJacob muana dibaala uyibusi yiandi, amayemubengusana mbangu; amamubumba na amamufifa; amamubega o ndagu andi. Jacob amatsingula Laban misamu miandi miotsu. 14Laban amamutsingula rie: Dingensa ndeʼ guvu tindi muana katsi ami.
Jacob amaletsana tsungi mosi ombu Laban.
Yigama yiJacob
15Yilumbu yimosi Laban amawivula Jacob rie: Gugofutu mu mbari guvu yiburu yiami? Nsinguli adivu diwelimina ugufuta.
16Kabogu Laban amaba na baana babeji babagetu: yivunda diina diandi Lea, ngebi diina diandi Rachel. 17Lea amaba na misu marekama; tumba Rachel amaba muboti, nesi diteli nesi yinsi. 18Jacob amarondanga Rachel kabogu amavosa rie: Nyugusalila yisambuali yibilima uwela Rachel muana agu ungebi.
19Laban amavosa rie: Uviolila ubueji umuwetsa nagu tsiri na dibaala disusu. Tsana nami.
20Jacob amasala yisambuali yibilima uwela Rachel, bilima bieni bimalabana nderi mua bilumbu mu mbari amarondanga Rachel. 21Mbana Jacob amatsingula Laban rie: Peyi mugatsi ami, tuwelana mu mbari temu ami jimadugu.
22Laban amabengusana bisi mbura eni botsu na amalambisa mulambu udiwela. 23Ava tsisiga amabonga muana andi Lea amamuwakisa ombu Jacob; bamafubana yitsiga. 24Laban amavega Zilpa uba muviga uLea. 25Ava kedi Jacob amalaba Lea; mbana amawivula Laban rie: Diambu yi? Tsiri mu diambu diRachel nyimagusalila? Dibandu yi gumandiongila?
26Laban amawagula rie: Anana yifu yietu yivu, yivunda oyireyili uwelu tsiri ngebi. 27Lemana tsona ejiji, guyaboka diwela; tuguvega ngebi wandi pa gumuensalila yisambuali yibilima.
28Adina Jacob amavaga, amalemana tsona na Lea mbana Laban amamuwetsa na muana andi Rachel. 29Laban amavega Bila uba muviga uRachel. 30Jacob amafubana yitsiga na Rachel na amamurondanga uviolila Lea; amamuesalila Laban yisambuali yibilima bisusu.
Baana baJacob
31Fumu amalaba yiri Lea asamarondungu; amamufunisa tumba. Rachel amaba yinguma. 32Lea amadila dimi na amabura muana dibaala agu amaluga Ruben, amavosa rie: Fumu amalaba ukesunsa uami, mbana mulumi ami otondanga.
33Amamuedila dimi na amabura muana dibaala, amavosa rie: Fumu amajaba yiri ngerondu la dibandu amamuepeyila muana dibaala. Amamuluga Simeon.
34Amamuedila dimi na amabura muana dibaala na amavosa rie: Temu ejiji mulumi ami onamana nami; mu mbari nyimamuburila baana barieru bababaala. La dibandu Jacob amamuluyila Levi.
35Amamuedila dimi na amabura muana dibaala, amavosa rie: Temu ejiji nyuyitsanga Fumu. La dibandu amamuluyila Juda.
Na asamamuebura baana.
Currently Selected:
Dibandu 29: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
Dibandu 29
29
1Jacob amasogama, amawenda o yiari ayi wisi epalili. 2Mbe asakatola o dimbu amalabilila yiduna yimamba. Migamba mirieru mibindombu na binsabi mimasilama yiari na yiari biyionyi, avana bamanuisilanga migamba. Dimanyi dineni dimadibiga yiduna yimamba. 3Nana yifu yiogu yimabila migamba miotsu mimalebengunanga vana mbana babungulitsi babindombu bamagusulanga dimanyi va julu yiduna yimamba unuisanga migamba; mbana bamadigabusanga va yiduna yimamba. 4Jacob amawivula babungulitsi babindombu rie: Bambatsi bami, aguʼ duiruyisini? Bamawagula rie: O Haran. 5Amabawivula rie: Duijabi Laban muana dibaala uNahor? Bamawagula rie: Nyiina, tuimujabi. 6Amabawivula rie: Aji buranga? Bamawagula rie: Nyiina, aji buranga, laba muana andi Rachel uruga eruyi na bindombu bitaji andi. 7Jacob amavosa rie: Tumba wisi yika muangulu, temu jisakatola ugukiga migamba; kabogu binuisianu mbana biwendingi uyenajanganga. 8Bamawagula rie: Tugorungula uvaga nana te na migamba miotsu miugukama; mbana babungulitsi bogusula dimanyi va julu yiduna yimamba na tunuisa migamba miotsu.
9Jacob uvosa mbe akivosa nogu, Rachel amaruga na mugamba ubindombu mu mbari amaba mubungulitsi migamba mitaji andi. 10Jacob amalaba Rachel na migamba miLaban, muana nguji unguji andi, kabogu amakueka nogusula dimanyi va julu yiduna yimamba na amanuisa migamba mimuana nguji unguji andi. 11Jacob amabumba Rachel na amagamuga na nsangu. 12Jacob amatsingula Rachel yiri avu yiburu yitaji andi na yiri avu muana dibaala uRebecca. Rachel amawenda mbangu uyetsingula taji andi misamu mieni. 13Yika Laban egulu bevosi diambu diJacob muana dibaala uyibusi yiandi, amayemubengusana mbangu; amamubumba na amamufifa; amamubega o ndagu andi. Jacob amatsingula Laban misamu miandi miotsu. 14Laban amamutsingula rie: Dingensa ndeʼ guvu tindi muana katsi ami.
Jacob amaletsana tsungi mosi ombu Laban.
Yigama yiJacob
15Yilumbu yimosi Laban amawivula Jacob rie: Gugofutu mu mbari guvu yiburu yiami? Nsinguli adivu diwelimina ugufuta.
16Kabogu Laban amaba na baana babeji babagetu: yivunda diina diandi Lea, ngebi diina diandi Rachel. 17Lea amaba na misu marekama; tumba Rachel amaba muboti, nesi diteli nesi yinsi. 18Jacob amarondanga Rachel kabogu amavosa rie: Nyugusalila yisambuali yibilima uwela Rachel muana agu ungebi.
19Laban amavosa rie: Uviolila ubueji umuwetsa nagu tsiri na dibaala disusu. Tsana nami.
20Jacob amasala yisambuali yibilima uwela Rachel, bilima bieni bimalabana nderi mua bilumbu mu mbari amarondanga Rachel. 21Mbana Jacob amatsingula Laban rie: Peyi mugatsi ami, tuwelana mu mbari temu ami jimadugu.
22Laban amabengusana bisi mbura eni botsu na amalambisa mulambu udiwela. 23Ava tsisiga amabonga muana andi Lea amamuwakisa ombu Jacob; bamafubana yitsiga. 24Laban amavega Zilpa uba muviga uLea. 25Ava kedi Jacob amalaba Lea; mbana amawivula Laban rie: Diambu yi? Tsiri mu diambu diRachel nyimagusalila? Dibandu yi gumandiongila?
26Laban amawagula rie: Anana yifu yietu yivu, yivunda oyireyili uwelu tsiri ngebi. 27Lemana tsona ejiji, guyaboka diwela; tuguvega ngebi wandi pa gumuensalila yisambuali yibilima.
28Adina Jacob amavaga, amalemana tsona na Lea mbana Laban amamuwetsa na muana andi Rachel. 29Laban amavega Bila uba muviga uRachel. 30Jacob amafubana yitsiga na Rachel na amamurondanga uviolila Lea; amamuesalila Laban yisambuali yibilima bisusu.
Baana baJacob
31Fumu amalaba yiri Lea asamarondungu; amamufunisa tumba. Rachel amaba yinguma. 32Lea amadila dimi na amabura muana dibaala agu amaluga Ruben, amavosa rie: Fumu amalaba ukesunsa uami, mbana mulumi ami otondanga.
33Amamuedila dimi na amabura muana dibaala, amavosa rie: Fumu amajaba yiri ngerondu la dibandu amamuepeyila muana dibaala. Amamuluga Simeon.
34Amamuedila dimi na amabura muana dibaala na amavosa rie: Temu ejiji mulumi ami onamana nami; mu mbari nyimamuburila baana barieru bababaala. La dibandu Jacob amamuluyila Levi.
35Amamuedila dimi na amabura muana dibaala, amavosa rie: Temu ejiji nyuyitsanga Fumu. La dibandu amamuluyila Juda.
Na asamamuebura baana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.