Jean 6
6
Jesus ulisila elisili tosini yiranu tsibabaala
(Matt 14.13-21; Marc 6.30-44; Luc 9.10-17)
1Amana manovioga Jesus amawenda o disimu dimosi diyiliba yiGalilee (vo Tiberiade). 2Yinombu yineni yimaduka Jesus mu mbari bamalabanga bimaga ava amabelusilanga bibedu. 3Jesus amamata o julu mukongu na amayetsana guna na badukitsi bandi. 4Kabogu Paque, feta jibaJuif jimaba bebeli. 5Jesus anobuaga misu amalaba yinombu yineni ayimamurasuna. Mbana amawivula Philippe rie: Agunyi tusumbila biguji yiri batu bebaba boji. 6(Amavosa dionyi umuweliga mu mbari amajaba adi ovaga.)
7Philippe amamugabusila rie: Ne na kama beji tsimbongu tsilora jivema tugodila mapa mawelimina yiri mutu mutu odila mua pesu. 8Ususu va gari badukitsi bandi, Andre muana nguji Simon Pierre amamutsingula rie: 9Avava va mufudu aguvu na mapa maranu na banyama babeji bamamba, tumba ayina yi ombu puela batu bebaba?
10Jesus amaruma rie: Batsanisianu. (Va mbura eni vamaba puela bisinga.)
Jogu bamaba tosini yiranu tsibabaala. 11Jesus amabonga mapa na amagabusa Nsambi diboti mbana amagabila jogu abamaba batsana; munongu mosi amabavega banyama bamamba te na bamagukuru. 12Banogukuru Jesus amatsingula badukitsi bandi rie: Bolanu bibuku abitsisialulu yiri vagotsiemuga ne yibuku.
13Kabogu botsu banomana uji bamabola digumi na ponsi beji tsibibuku abimasialulu mu mapa meni maranu.
14Batu beni banolaba yimaga ayi Jesus amavaga bamavosa rie: Ngensa agugu avu Mubiyitsi agu tumagulu yiri oruga.
15Jesus anojaba yiri bamaba na matasa umubiatsa kaga amarina wandi pinsa o julu mukongu.
Jesus ulinga elingi va julu mamba
(Matt 14.22-33; Marc 6.45-52)
16Ava tsisiga badukitsi baJesus bamawenda o mugula yiliba. 17Bamanangama o bota na bamasabuga o disimu dimosi diCapernaum. Pisama mbe jimakesundila na Jesus mbe asakabaduka. 18Vamagumba mungudi uneni na mibiji mimaviolila. 19Banoduga kilumetera yiranu vo yisiamunu bamalabila Jesus ukueka ekueki ombu gogu, diwendi rie: ulinga elingi va julu mamba. Botsu bamalaba goma. 20Tumba Jesus amavosa rie: Agu menu, duyalaba goma!
21Kabogu bamarond aumunangiga o bota, vana vana bota jimasundila utsiekama va mbura aji bamawendanga.
Batu uromba berombi Jesus
22Ava kedi batu bamasiala o disimu dimosi diyiliba; bamajaba yiri bamaba yika bota mosi. Bamajaba wandi yiri Jesus asamanangama o bota na badukitsi bandi, diwendi rie: bamasogama wogu pinsa. 23Bota tsisusu tsiTiberiade tsimatola bebeli na mbura aji bamalila mapa ama Fumu amabagabila. 24Batu banolaba Jesus na badukitsi bandi basatsi, jogu beni bamanangama o bota tsieni na bamagabuga o Capernaum uyerombaJesus.
Jesus la mapa mamonyu
25Bamarasuna Jesus o disimu dimosi diyiliba, bamamuwivula rie: Mulonsi temu yi gutsiruyila gunu?
26Jesus amabagabusila rie: Dingensa duitombi mu mbari dumaji mapa na dumagukuru tsiri mu mbari dumalaba bimaga biami. 27Duyasala yika udila biguji abiboli tumba salanu wandi udila abiveyi monyu umutubu. Muana Mutu oduvega bionyi mu mbari amadila musuga ombu Tata. 28Bamamuwivula rie: Yi tuvaga udugusu yisalu yiNsambi?
29Jesus amabagabusila rie: Yisalu yiNsambi yivu uvayila agu jandi amasindiga yitu.
30Bamamuwivula rie: Kabogu yimaga yisusu yi gutulasa yiri tuguvayila yitu? Yi guvaga? 31Bataji betu bamaji manna o kumu nana dimasonugulu rie: Jandi amabavega mapa majulu.
32Jesus amabatsingula rie: Dingensa tsiri Moise agumaduvega mapa majulu tumba la Taji ami oyiduveyi tindi mapa majulu. 33Mapa amamavegu na Nsambi la jandi oyisunduyili o julu na oyiveyi monyu ombu botsu.
34Bamamuwivula rie: Mulonsi, tuveyi mapa meni.
35Jesus amabatsingula rie: Menu la mapa mamonyu. Jandi oyiruyi ombu gami agogulu nsala, via! Jandi oyipayili yitu agogulu puila, via! 36Tumba adi nyilabi nenu ne dumandaba dugepayili yitu. 37Botsu aba Taji epeyi bokota nami na jandi oyiruyi ombu gami ngomusila va gusu kana. 38Mu mbari nyisamasunduga uyivaga duganu duami tumba duganu dujandi omansindiga. 39Kabogu duganu dujandi omansindiga la dudu rie: Nyiyatsiemusa ne umosi mu botsu aba amapega tumba erondi yiri nyubarambusa botsu mu yilumbu yinsimunina. 40Nyiina, duganu duTaji ami la dudu rie: Uotsu oyilabi Muana nomuvayila yitu adili monyu umutubu yiri ava yilumbu yinsimunina nyumurambusa.
41BaJuif bamatsundanga mu mbari amavosa rie: Menu la mapa amamasunduyila o julu. 42Bamavosanga rie: Jandi tsia Jesus muana Joseph, jandi agu tuijabi nguji na taji andi? Kabogu mu mbari yi evosili rie: Menu nyimasunduyila o julu?
43Jesus amabagabusila rie: Dundanu utsunda. 44Mutu agorungula uruga ombu gami pa Taji omansindiga agemusindiyi na nyumurambusa mu yilumbu yinsimunina. 45Babiyitsi bamasona mambu memama rie: Botsu bolonsu na Nsambi na uotsu omagulu Taji na omagulu malongi mandi eruyi ombu gami. 46Digewendi yiri mutu amalaba Taji, yika jandi agumaruyila ombu Nsambi, aguna amalaba Taji. 47Kabogu jabanu rie: Dingensa jandi oyipayili yitu odila monyu umutubu. 48Menu la mapa mamonyu. 49Bataji benu bamaji manna o kumu tumba bamafu. 50Amama la mapa amesunduyili o julu, oyimaji agofu, via. 51Menu la mapa mamonyu amamasunduyila o julu. Pa mutu eji mapa meni jandi odila monyu umutubu na mapa ama nyumuvega la musonyi ami agu nyuvega ombu botsu yiri bodila monyu.
52Va julu vana baJuif bamatumuna paga na bamawivula rie: Tsie otuveyila musonyi andi uji?
53Jesus amabatsingula rie: Dingensa pa jenu dugoji musonyi uMuana Mutu na pa dugonu malungu mandi dugaa na monyu. 54Jandi oyiji musonyi ami na oyinu malungu mami odila monyu umutubu; nyumurambusa mu yilumbu yinsimunina. 55Mu mbari musonyi ami uvu yiguji yingensa, malungu mami mavu yinuigu yingensa. 56Jandi oyiji musonyi ami na oyinu malungu mami efubini murima nami na menu nyifubini murima nandi. 57Taji aguvu monyu amansindiga la dibandu nyimadilila monyu ombu gandi na jandi oyiji musonyi ami odila monyu ombu gami. 58Amama la mapa amamasunduyila o julu. Magebagunu na ama bataji benu abamafu kala bamaji. Jandi oyiji mapa memama odila monyu umutubu.
59Jesus amavosa mambu memama o Ndagu Yibenguna ava amalonsila o Capernaum.
Mambu mamonyu umutubu
60Badukitsi bandi bapuela banogulu mambu meni bamawivula rie: Anyi orungula ukelisa mambu meni mavura?
61Jesus anojaba matasa mabadukitsi bandi ava bamatsundilanga monyi amabawivula rie: Monyi medupindisi mirima? 62Pa dulaba Muana Mutu umata emati o ijiburaaji amaleba yika tsie duvosila? 63La Yinyunyi yiNsambi oyiveyi monyu; musonyi ugaa na tsongu. Mambu ama nyimadutsingula mavu maYinyunyi na mamonyu. 64Tumba va gari enu vavu bamosi abagaa na yitu. (Vana kala Jesus amajabanga abagomuvayila yitu na amajabanga jandi agumuwakisa.) 65La dibandu nyimadutsingulila rie: Mutu agorungula uruga ombu gami pa Nsambi agemusingisi.
66Ubanda mu temu eni badukitsi bandi bapuela bamakegusula na basamamuelinganga nandi. 67Kabogu Jesus amawivula digumi na babeji rie: Jenu wenu duirondi ugusuga?
68Simon Pierre amamuwivula rie: Ombu nyi tuwenda? Ndeʼ guna mambu mamonyu umutubu. 69Tumavaga yitu na tumajaba yiri ndeju la Christ agumaruyila ombu Nsambi.
70Jesus amabawivula rie: Nyisamasola digumi na babeji? Ne nana umosi va gari enu ana yinyunyi yibi!
71Amavosa mu diambu diJudas muana dibaala uSimon Iscariote. Mu mbari diuleba amaba umosi va gari digumi na babeji Judas amamuwakisa ombu batu abamamuvina.
Currently Selected:
Jean 6: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
Jean 6
6
Jesus ulisila elisili tosini yiranu tsibabaala
(Matt 14.13-21; Marc 6.30-44; Luc 9.10-17)
1Amana manovioga Jesus amawenda o disimu dimosi diyiliba yiGalilee (vo Tiberiade). 2Yinombu yineni yimaduka Jesus mu mbari bamalabanga bimaga ava amabelusilanga bibedu. 3Jesus amamata o julu mukongu na amayetsana guna na badukitsi bandi. 4Kabogu Paque, feta jibaJuif jimaba bebeli. 5Jesus anobuaga misu amalaba yinombu yineni ayimamurasuna. Mbana amawivula Philippe rie: Agunyi tusumbila biguji yiri batu bebaba boji. 6(Amavosa dionyi umuweliga mu mbari amajaba adi ovaga.)
7Philippe amamugabusila rie: Ne na kama beji tsimbongu tsilora jivema tugodila mapa mawelimina yiri mutu mutu odila mua pesu. 8Ususu va gari badukitsi bandi, Andre muana nguji Simon Pierre amamutsingula rie: 9Avava va mufudu aguvu na mapa maranu na banyama babeji bamamba, tumba ayina yi ombu puela batu bebaba?
10Jesus amaruma rie: Batsanisianu. (Va mbura eni vamaba puela bisinga.)
Jogu bamaba tosini yiranu tsibabaala. 11Jesus amabonga mapa na amagabusa Nsambi diboti mbana amagabila jogu abamaba batsana; munongu mosi amabavega banyama bamamba te na bamagukuru. 12Banogukuru Jesus amatsingula badukitsi bandi rie: Bolanu bibuku abitsisialulu yiri vagotsiemuga ne yibuku.
13Kabogu botsu banomana uji bamabola digumi na ponsi beji tsibibuku abimasialulu mu mapa meni maranu.
14Batu beni banolaba yimaga ayi Jesus amavaga bamavosa rie: Ngensa agugu avu Mubiyitsi agu tumagulu yiri oruga.
15Jesus anojaba yiri bamaba na matasa umubiatsa kaga amarina wandi pinsa o julu mukongu.
Jesus ulinga elingi va julu mamba
(Matt 14.22-33; Marc 6.45-52)
16Ava tsisiga badukitsi baJesus bamawenda o mugula yiliba. 17Bamanangama o bota na bamasabuga o disimu dimosi diCapernaum. Pisama mbe jimakesundila na Jesus mbe asakabaduka. 18Vamagumba mungudi uneni na mibiji mimaviolila. 19Banoduga kilumetera yiranu vo yisiamunu bamalabila Jesus ukueka ekueki ombu gogu, diwendi rie: ulinga elingi va julu mamba. Botsu bamalaba goma. 20Tumba Jesus amavosa rie: Agu menu, duyalaba goma!
21Kabogu bamarond aumunangiga o bota, vana vana bota jimasundila utsiekama va mbura aji bamawendanga.
Batu uromba berombi Jesus
22Ava kedi batu bamasiala o disimu dimosi diyiliba; bamajaba yiri bamaba yika bota mosi. Bamajaba wandi yiri Jesus asamanangama o bota na badukitsi bandi, diwendi rie: bamasogama wogu pinsa. 23Bota tsisusu tsiTiberiade tsimatola bebeli na mbura aji bamalila mapa ama Fumu amabagabila. 24Batu banolaba Jesus na badukitsi bandi basatsi, jogu beni bamanangama o bota tsieni na bamagabuga o Capernaum uyerombaJesus.
Jesus la mapa mamonyu
25Bamarasuna Jesus o disimu dimosi diyiliba, bamamuwivula rie: Mulonsi temu yi gutsiruyila gunu?
26Jesus amabagabusila rie: Dingensa duitombi mu mbari dumaji mapa na dumagukuru tsiri mu mbari dumalaba bimaga biami. 27Duyasala yika udila biguji abiboli tumba salanu wandi udila abiveyi monyu umutubu. Muana Mutu oduvega bionyi mu mbari amadila musuga ombu Tata. 28Bamamuwivula rie: Yi tuvaga udugusu yisalu yiNsambi?
29Jesus amabagabusila rie: Yisalu yiNsambi yivu uvayila agu jandi amasindiga yitu.
30Bamamuwivula rie: Kabogu yimaga yisusu yi gutulasa yiri tuguvayila yitu? Yi guvaga? 31Bataji betu bamaji manna o kumu nana dimasonugulu rie: Jandi amabavega mapa majulu.
32Jesus amabatsingula rie: Dingensa tsiri Moise agumaduvega mapa majulu tumba la Taji ami oyiduveyi tindi mapa majulu. 33Mapa amamavegu na Nsambi la jandi oyisunduyili o julu na oyiveyi monyu ombu botsu.
34Bamamuwivula rie: Mulonsi, tuveyi mapa meni.
35Jesus amabatsingula rie: Menu la mapa mamonyu. Jandi oyiruyi ombu gami agogulu nsala, via! Jandi oyipayili yitu agogulu puila, via! 36Tumba adi nyilabi nenu ne dumandaba dugepayili yitu. 37Botsu aba Taji epeyi bokota nami na jandi oyiruyi ombu gami ngomusila va gusu kana. 38Mu mbari nyisamasunduga uyivaga duganu duami tumba duganu dujandi omansindiga. 39Kabogu duganu dujandi omansindiga la dudu rie: Nyiyatsiemusa ne umosi mu botsu aba amapega tumba erondi yiri nyubarambusa botsu mu yilumbu yinsimunina. 40Nyiina, duganu duTaji ami la dudu rie: Uotsu oyilabi Muana nomuvayila yitu adili monyu umutubu yiri ava yilumbu yinsimunina nyumurambusa.
41BaJuif bamatsundanga mu mbari amavosa rie: Menu la mapa amamasunduyila o julu. 42Bamavosanga rie: Jandi tsia Jesus muana Joseph, jandi agu tuijabi nguji na taji andi? Kabogu mu mbari yi evosili rie: Menu nyimasunduyila o julu?
43Jesus amabagabusila rie: Dundanu utsunda. 44Mutu agorungula uruga ombu gami pa Taji omansindiga agemusindiyi na nyumurambusa mu yilumbu yinsimunina. 45Babiyitsi bamasona mambu memama rie: Botsu bolonsu na Nsambi na uotsu omagulu Taji na omagulu malongi mandi eruyi ombu gami. 46Digewendi yiri mutu amalaba Taji, yika jandi agumaruyila ombu Nsambi, aguna amalaba Taji. 47Kabogu jabanu rie: Dingensa jandi oyipayili yitu odila monyu umutubu. 48Menu la mapa mamonyu. 49Bataji benu bamaji manna o kumu tumba bamafu. 50Amama la mapa amesunduyili o julu, oyimaji agofu, via. 51Menu la mapa mamonyu amamasunduyila o julu. Pa mutu eji mapa meni jandi odila monyu umutubu na mapa ama nyumuvega la musonyi ami agu nyuvega ombu botsu yiri bodila monyu.
52Va julu vana baJuif bamatumuna paga na bamawivula rie: Tsie otuveyila musonyi andi uji?
53Jesus amabatsingula rie: Dingensa pa jenu dugoji musonyi uMuana Mutu na pa dugonu malungu mandi dugaa na monyu. 54Jandi oyiji musonyi ami na oyinu malungu mami odila monyu umutubu; nyumurambusa mu yilumbu yinsimunina. 55Mu mbari musonyi ami uvu yiguji yingensa, malungu mami mavu yinuigu yingensa. 56Jandi oyiji musonyi ami na oyinu malungu mami efubini murima nami na menu nyifubini murima nandi. 57Taji aguvu monyu amansindiga la dibandu nyimadilila monyu ombu gandi na jandi oyiji musonyi ami odila monyu ombu gami. 58Amama la mapa amamasunduyila o julu. Magebagunu na ama bataji benu abamafu kala bamaji. Jandi oyiji mapa memama odila monyu umutubu.
59Jesus amavosa mambu memama o Ndagu Yibenguna ava amalonsila o Capernaum.
Mambu mamonyu umutubu
60Badukitsi bandi bapuela banogulu mambu meni bamawivula rie: Anyi orungula ukelisa mambu meni mavura?
61Jesus anojaba matasa mabadukitsi bandi ava bamatsundilanga monyi amabawivula rie: Monyi medupindisi mirima? 62Pa dulaba Muana Mutu umata emati o ijiburaaji amaleba yika tsie duvosila? 63La Yinyunyi yiNsambi oyiveyi monyu; musonyi ugaa na tsongu. Mambu ama nyimadutsingula mavu maYinyunyi na mamonyu. 64Tumba va gari enu vavu bamosi abagaa na yitu. (Vana kala Jesus amajabanga abagomuvayila yitu na amajabanga jandi agumuwakisa.) 65La dibandu nyimadutsingulila rie: Mutu agorungula uruga ombu gami pa Nsambi agemusingisi.
66Ubanda mu temu eni badukitsi bandi bapuela bamakegusula na basamamuelinganga nandi. 67Kabogu Jesus amawivula digumi na babeji rie: Jenu wenu duirondi ugusuga?
68Simon Pierre amamuwivula rie: Ombu nyi tuwenda? Ndeʼ guna mambu mamonyu umutubu. 69Tumavaga yitu na tumajaba yiri ndeju la Christ agumaruyila ombu Nsambi.
70Jesus amabawivula rie: Nyisamasola digumi na babeji? Ne nana umosi va gari enu ana yinyunyi yibi!
71Amavosa mu diambu diJudas muana dibaala uSimon Iscariote. Mu mbari diuleba amaba umosi va gari digumi na babeji Judas amamuwakisa ombu batu abamamuvina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.