মথি 14

রিপ্পলেতগিবা যোহননি সিয়া

1উয়া সময়ও যীশুনি খাৎথাখো খিন্নাএ গালীল হা·দকখো শাসন দাকগিবা হেরোদ আন·থাংনি নকখলরাংনা আগানজক, 2‘‘বিয়ান রিপ্পলেতগিবা যোহন; সিয়াওনি থাংচাফিলজক। উনি গিম্মিন বিয়া ইন্দাকা বিল্লাকানি কামরাংখো দাক্কিংআ।’’

3হেরোদ আদাথাং ফিলিপনি জিকগিবা হেরোদিয়ানি গিম্মিন যোহনখো খাএমুং ফাতোকো দন্নামিং, 4মুয়ানা যোহন বিখো ইন্দাকে ইন্নুয়ামিং, ‘‘হেরোদিয়াখো খিমনা নাং·নি খ্রাজাজক।’’ 5হেরোদ যোহনখো স·ওতে গালনা হা·ম্মামিং, ইন্দিবা বিয়া মান্দিরাংনা খেন্নুয়ামিং মুয়ানা মান্দিরাং যোহনখো আগানসোগিবা ইন্নে মানিয়ামিং।

6হেরোদনি আৎচিয়ানি সালো হেরোদিয়ানি দেমিচিক মান্দিরাংনি মিকখাংও মেসাএ হেরোদখো খুসি হং·এতজক। 7উনি গিম্মিন হেরোদ মিকচেত্তে আগানজক বিয়া জেখো হাম·নুয়া উখোন বিনা হ·ন্নুয়া। 8মিচিক বি·সা আন·থাংনি মা·গিবানি খু·ফাত্তিয়াখো মা·ন্নে আগানজক, ‘‘রাংথালও দাক্কে রিপ্পলেতগিবা যোহননি স্খুখো আংনা রা·বাএ হন·বো।’’

9উনি গিম্মিন হেরোদ রাজা দুক মান·জক, ইন্দিবা বিমুং চা·না আসংগিবারাংনি মিকখাংও মিকচেৎজক ইন্নে বিয়া উখো হ·ন্না গি·য়েৎজক। 10বিয়া মান্দি ওয়াত্তেতে ফাতোকোন যোহননি স্খুখো দেন·থংএতজক। 11জা·মানো রাংথালও দাক্কে স্খুখো মিচিক বি·সানা রা·বাএ হ·ন্নোন বিয়া উখো মা·গিবানা রা·আংজক। 12উনি জা·মানো যোহননি জা·রিকগিবারাং রি·বাএ বিনি বে·এনখো রা·আংএ গপজক আরো উখো যীশুনা রি·য়াংএ আগানেজক।

হাজাল বংআ মান্দিনা চা·আখো হ·ন্না

13যোহননি সিয়াখো খিন্নাএ যীশু সাকসান উয়োনি রিংও দাক্কে মান্দিগ্রি হা·দামচা রি·য়াংজক। উখো খিন্নাএ মান্দিরাং গিপ্পিন গিপ্পিন সংওনি রামা রি·এ বিখো জা·রিকনা হা·বাচেংজক। 14রিংওনি হং·খাতে বিয়া মান্দি বাং·বিয়াখো নিকনা মান·জক আরো খা·সাচাক্কে বিসংনি গিসেপো সাগিবারাংখো নাম্মেতজক।

15সাল নাপ্পাংও জা·রিকগিবারাং বিচা রি·বাএ আগানজক, ‘‘ইয়া হা·দামদে মান্দিগ্রি মা·সুগ্রি হং·আ, সালবা রি·য়াংজক। মান্দিরাংখো ওয়াত্তেতবো জেদাক্কে বিসং সংরাংচা রি·য়াংএ আন·থাংথাংনা চা·আনিখো ব্রিনা মা·ন্না।’’

16যীশু বিসংনা আগানজক, ‘‘বিসংনি রি·য়াংনা নাংজানুয়া, না·সংআন বিসংনা চা·না হন·বো।’’

17জা·রিকগিবারাং বিনা আগানজক, ‘‘চিংনি ইনো গিলবংআ রুটি আরো মাংগ্মি না·থকনি আগ্রে মামুংবা দংজা।’’

18-19বিয়া আগানজক, ‘‘উরাংখো আংচা রা·বাবো।’’ জা·মানো বিয়া মান্দিরাংখো সামচেং সাক্কাও আসংনা গি·য়েৎজক, আরো উয়া গি·বংআ রুটি আরো মাংগ্মি না·থকখো রা·এ সালগিচানা নিগোদোয়ে ইসলখো মিৎথেলজক। উনি জা·মানো রুটিখো ফি·এ জা·রিকগিবারাংনি জাক্কো হন·জক আরো জা·রিকগিবারাং উখো মান্দিরাংনা হন·জক। বিসং দিমদাকান অক্ষায়ে চা·জক। 20চা·আনি জা·মানো গা·আকে দংগিবা ফি·থংথংআরাংখো জা·রিকগিবারাং খল্লামজক, আরো উনি গিম্মিন খক চি·গ্মি গাপজক। 21চা·গিবারাংনি গিসেপো মিচিক আরো বি·সারাংনি আগ্রে মি·আসারাংআন হাজাল বংআ দংআমিং।

চি সাক্কাও রি·য়া

22উনি জা·মানো যীশু বিনি জা·রিকগিবারাংখো রিংও গাখাতে বিনা স্খাং নালসাচা রি·য়াংসোখানা দাগিলজক, আরো ইচা বিয়া মান্দিরাংখো ওয়াত্তেতজক। 23মান্দিরাংখো ওয়াত্তেতমা·ন্নে বি·না মিংএ বিয়া হা·ব্রিচানা গাদোআংজক। হান·থামওবা বিয়া উয়ো সাকসানান দংজক। 24জা·রিকগিবারাংনি রিং রিক্কামওনি চে·ল্লাচানা রি·য়াংজক আরো বালওয়া ফাংফিলে বালফাকানি গিম্মিন সাগালনি চি নাম্মেন ফকফেকিংআমিং। 25ওয়াল ব·ন্নাংমিত্তিংও সাগালনি সাক্কা গিত্তা রামা রি·এ যীশু জা·রিকগিবারাংচা রি·বাংআমিং। 26জা·রিকগিবারাং সাকসাখো সাগালনি সাক্কাও রামা রি·য়াখো নিক্কে নাম্মেন জাজ্রেংএ আগানজক, ‘‘মি·মাং, মি·মাং,’’ আরো উনি জা·মানোন চ্রিকজক।

27যীশু উনোন বিসংনা আগানজক, ‘‘ইয়াদে আংআসা; দা·আ খেন্নাবো, খা·দংবো।’’ 28পিতর বিনা আগানজক, ‘‘গিত্তেল, না·আন হং·ওদে ইন্দাকোদে চিনি সাক্কা গিত্তা নাং·চা রি·য়াংনা আংখো গি·য়েৎবো।’’

29যীশু আগানজক, ‘‘রি·বাবো।’’

উনো পিতর রিংনি হং·খাতে চি সাক্কা গিত্তা রামা রি·এ যীশুচা রি·য়াংজক। 30ইন্দিবা বালওয়ানি থারাকাখো নিক্কে বিয়া খেন্নে চিও রিপনা নাংজক আরো চ্রিকে আগানজক, ‘‘গিত্তেল, আংখো জক্কেৎবো।’’

31উনোন যীশু জাকখো সিল্লে বিখো রিম·জক আরো আগানজক, ‘‘বিবিরা·ব্রিগিজাগিবা, মুয়ানা খেনচাকজক?’’

32-33যীশু আরো পিতর রিংও গাখাতানি জা·মানো বালওয়া থিপ্পাংজক। রিংও জেরাং দংআমিং বিসং যীশুখো অলাখিয়ে আগানজক, ‘‘বিবিন না·আ ইসলনি দেফান্থি।’’ 34জা·মানো বিসং সাগালখো বাতবায়ে গিনেষরৎ জওলো রি·বাএ হং·খাতজক। 35উনি মান্দিরাং যীশুখো হা·আইনা মা·ন্নে জওল গিম্মিকচান আগানেজক। 36উনি গিম্মিন মান্দিরাং জমগিবারাংখো যীশুচা রা·বাজক আরো বিখো মল·মলজক জেদাক্কে জমগিবারাং বিনি বা·রাখো দাংথাপেতনা মা·ন্না; আরো জেরাং উখো দাংথাপেতজক বিসং গিম্মিকান নামজক।

Currently Selected:

মথি 14: GLNT

Highlight

Copy