Lukas 10
10
Yesus utus Antua pung murid tuju pulu orang
10:1-12
1Abis Tuhan Yesus bicara par orang banya tu, Antua pili murid tuju pulu orang yang laeng la utus dong dua-dua pi kamuka Antua di sagala kota deng tampa yang Antua mau pi. 2Antua bilang kata, “Banya orang su siap par dengar deng parcaya Kabar Bae, mar orang yang mau kasi tau akang par dong tu cuma sadiki sa. Itu sama deng hasil kabong ada banya, mar orang karja par ambe hasil tu cuma sadiki sa. Jadi, orang karja parlu minta dari tuang kabong par kiring orang-orang tamba par ambe hasil tu. Bagitu lai deng kamong. Sombayang minta Tuhan Allah utus orang-orang labe banya lai par kasi tau Kabar Bae par orang-orang yang balong dengar akang.#Matius 9:37-38
3Pi jua! Mar dengar! Beta utus kamong pi ka tenga-tenga orang jahat, macang deng domba ana pi ka tenga-tenga anjing utang.#Matius 10:16 4Jang bawa kepeng, tas, ka sandal lai. La jang carita banya deng orang di jalang biar kamong bisa bajalang tarus.
5Waktu mau maso ka orang pung ruma, kamong musti bilang par dong kata, ‘Katong minta biar Allah kasi dame par kamong samua di ruma ni!’ 6Kalo dong tarima kamong deng bae, berkat tu akang turung par dong. Mar kalo dong seng tarima kamong, dong seng dapa berkat tu. 7Kalo ada orang yang tarima kamong par manumpang di dia pung ruma, tinggal di situ tarus sa, jang pinda ka ruma laeng lai. Makang deng minong apa sa yang dong kasi par kamong, tagal orang yang karja par Tuhan tu pantas tarima dia pung ongkos lala.#1 Korintus 9:14; 1 Timotius 5:18
8Kalo kamong pi ka kota satu la orang-orang di situ tarima kamong, makang apa sa yang dong kasi par kamong. 9Kasi bae orang-orang saki yang ada di situ deng kasi tau par samua orang kata, ‘Seng lama lai Allah pegang parenta jadi Raja!’
10Mar, kalo kamong maso ka kota satu la orang-orang di situ seng mau tarima kamong, pi ka kota tu pung jalang-jalang la tabaos kata, 11‘Mala abu dari kamong pung kota yang malakat di katong pung kaki ni jua, katong kabas akang di muka kamong samua par jadi tanda par kamong kalo Allah nanti seng tarima kamong. Mar inga, seng lama lai Allah pegang parenta jadi Raja!’#Matius 10:7-14; Markus 6:8-11; Lukas 9:3-5; Utusang pung Carita 13:51
12Dengar Beta bilang par kamong! Waktu Allah putus manusia di dunya pung parkara, kota tu pung hukumang labe barát dari kota Sodom pung hukumang.”#Carita Mula-Mula 19:24-28; Matius 10:15, 11:24
Yesus tagor orang-orang yang seng mau parcaya Antua
10:13-16
(Matius 11:20-24)
13Yesus bilang lai kata, “Cilaka kamong yang tinggal di kota Korasim deng Betsaida! Biar kata Beta su biking tanda-tanda herang par kamong, mar kamong seng kasi tinggal kamong pung dosa-dosa. Kalo dolo orang-orang di kota Sidon deng Tirus lia tanda-tanda herang tu, biar kata dong seng kanal Allah lai, dong pasti su salele kaeng busu-busu deng taru abu di kapala par jadi tanda kalo dong su kasi tinggal dong pung dosa-dosa.#Yesaya 23:1-18; Yeheskel 26:1—28:26; Yoel 3:4-8; Amos 1:9-10; Sakaria 9:2-4 14Jadi, waktu Allah putus manusia di dunya ni pung parkara, kamong pung hukumang nanti labe barát dari kota Tirus deng Sidon pung hukumang. 15La kamong yang tinggal di kota Kapernaum! Kamong kira kamong nanti dapa angka tinggi-tinggi sampe ka langit? Seng! Kamong nanti dapa buang sampe ka orang mati pung tampa.”#Yesaya 14:13-15
16Tarus, Yesus bilang par Antua pung murid-murid kata, “Sapa yang dengar kamong, itu dia su dengar Beta. La sapa yang seng dengar kamong, itu dia seng dengar Beta. Deng sapa yang seng tarima Beta, itu dia seng tarima Allah yang utus Beta.”#Matius 10:40; Markus 9:37; Lukas 9:48; Yohanis 13:20
Yesus pung tuju pulu murid bale
10:17-20
17La Yesus pung murid tuju pulu orang yang Antua su utus tu bale deng hati sanang. Dong bilang par Antua kata, “Tuhan e! Waktu katong user setang-setang deng Tuhan pung nama, oras itu jua, setang-setang tu kaluar iko katong pung parenta.”
18La Yesus bilang, “Batul. Beta su lia Setang pung Raja jatu dari langit macang deng kilat. 19Beta su kasi kuasa par kamong par inja ular bisa deng kalajengking#Lagu-Lagu 91:13 deng par kasi kala Setang pung Raja pung kuasa samua, sampe seng ada yang bisa kasi cilaka kamong. 20Mar biar kata bagitu, jang sanang tagal setang-setang tu iko kamong pung parenta, mar sanang tagal kamong pung nama su dapa tulis dalang Allah pung buku di sorga.”
Yesus pung hati sanang
10:21-24
(Matius 11:25-27, 13:16-17)
21Oras itu jua, Allah pung Roh biking Yesus pung hati paleng sanang, la Antua bilang kata, “Bapa, Tuhan yang pung kuasa par samua yang ada di sorga deng di dunya. Beta minta dangke dari Bapa, tagal Bapa tutu samua tu dari orang-orang yang pintar deng yang pung pikirang tajang, mar Bapa buka akang par orang-orang yang seng pung arti apapa macang deng ana kacil. Barang, itu biking Bapa pung hati sanang.”
22Abis sombayang, Yesus bilang par orang-orang di situ kata, “Beta pung Bapa su kasi samua-samua par Beta. Seng satu orang lai yang batul-batul kanal Beta, Antua pung Ana ni, cuma Beta pung Bapa sa. Deng seng satu orang lai yang batul-batul kanal Beta pung Bapa, cuma Beta deng orang-orang yang Beta pili par kasi kanal Antua.”#Yohanis 3:35, 10:15
23Abis itu, Yesus bale muka par Antua pung murid-murid la bilang par dong sandiri kata, “Kamong tu paleng baruntung, tagal kamong su lia samua yang Beta biking. 24Dengar Beta bilang par kamong! Dolo, Allah pung juru bicara banya deng raja-raja inging paskali lia apa yang kamong lia sakarang ni, mar dong seng bisa dapa lia akang. Dong inging paskali dengar apa yang kamong dengar, mar dong seng dapa dengar akang.”
Katong musti sayang orang laeng macang deng katong sayang katong pung diri sandiri
10:25-37
25Satu kali bagini, ada guru Torat satu badiri par coba Yesus. Dia tanya Antua kata, “Tuang Guru e! Beta musti biking apa biar beta bisa hidop tarus-tarus deng Allah?”
26La Yesus bilang, “Apa yang tatulis dalang Kitab Torat soal itu? Apa yang ale baca di situ?”
27Tarus guru Torat tu bilang kata, “Akang ada bilang, ‘Sayang Tuhan Allah yang kamong somba tu deng kamong pung hati antero-antero, kamong pung jiwa antero-antero, kamong pung kuat antero-antero, deng kamong pung pikirang antero-antero.’#Carita Ulang 6:5 Akang jua ada bilang, ‘Kamong musti sayang orang laeng macang deng kamong sayang kamong pung diri sandiri.’ ”#Imam-Imam pung Atorang 19:18
28Yesus bilang lai kata, “Ale pung jawab tu batul. Biking akang biar nanti ale hidop tarus-tarus deng Allah.”#Imam-Imam pung Atorang 18:5
29Mar, biar orang pikir kalo dia tu batul, dia bale tanya Yesus kata, “Mar, orang laeng yang beta musti sayang tu sapa?”
30Yesus bilang kata, “Dengar ande-ande satu ni: Satu kali bagini, ada laki-laki Yahudi satu. Dia turung dari kota Yerusalem ka kota Yeriho. Di tenga jalang, pancuri tahang dia. Dong rampas dia pung barang-barang deng pakiang samua, la pukul dia sampe amper mati. Abis itu, dong pi kasi tinggal dia di pinggir jalang bagitu sa. 31Seng lama bagini, ada katong orang Yahudi pung imam satu bajalang turung iko jalang tu lai. Dia lia laki-laki yang dapa pukul tu su talantang di pinggir jalang, mar dia seng pastiu deng laki-laki tu. Dia pinda ka sabala jalang la bajalang tarus. 32Abis itu, ada satu orang Yahudi dari suku Lewi#10:32 Orang-orang dari suku Lewi pung karja tu bantu orang Yahudi pung imam-imam di Tampa Sombayang Pusat. Lia 1 Orang Israel pung Sejara 23:28-32. bajalang turung lewat jalang tu lai. Waktu dia lia laki-laki tu, dia jua seng pastiu lai. Dia pinda ka sabala jalang la bajalang tarus.
33Seng lama bagini, orang Samaria satu turung deng dia pung keledai iko jalang tu lai. Waktu dia lia laki-laki tu, dia langsung rasa kasiang paskali deng laki-laki tu, biar kata orang Samaria baku musu deng orang Yahudi. 34Jadi, dia pi par laki-laki tu, la sirang dia pung luka-luka deng anggor par kasi barsi akang. Tarus, dia sapu akang deng minya la bungkus akang deng kaeng. Abis itu, dia kasi nai laki-laki tu di dia pung keledai, la bawa dia ka penginapan satu, la urus dia bae-bae di situ.
35Akang pung eso bagini, dia kasi kepeng dua dinar#10:35 Dinar: Waktu itu, tantara ka orang karja dapa bayar satu hari satu dinar (Matius 20:2). par orang yang pung penginapan tu la bilang kata, ‘Bapa e, ambe kepeng ni la tolong urus dia bae-bae jua! Kalo kurang, pake bapa pung kepeng do. Nanti beta bale baru beta ganti akang.’ ”
36Abis carita ande-ande tu, Yesus bale tanya guru Torat tu kata, “Kalo iko ale, dari dong tiga tu, sapa yang sayang orang yang dapa pukul tu macang deng dia sayang dia pung diri sandiri?”
37La guru Torat tu bilang, “Orang yang kasi unju dia pung hati bae par orang yang dapa pukul tu!”
La Yesus bilang, “Kalo bagitu, pi la biking macang bagitu par sapa sa!”
Yesus kasi tau Marta soal apa yang paleng panting
10:38-42
38Waktu Yesus deng Antua pung murid-murid ada bajalang ka kota Yerusalem, dong sampe di kampong satu. Di kampong tu ada parampuang satu nama Marta. Dia undang Yesus pi ka dia pung ruma.#Yohanis 11:1 39Marta ada pung sudara parampuang satu. Dia nama Maria. Waktu Yesus ada di dong pung ruma, Maria dudu dekat Yesus pung kaki la dengar Antua pung ajarang, 40mar Marta sibuk paskali urus tamu-tamu. Jadi, dia pi par Yesus la barsungut kata, “Tuhan e! Masa Tuhan seng pastiu kalo Maria tinggal dudu sa la beta karja sandiri ka? Tolong bilang dia bantu beta sadiki ka!”
41Mar Tuhan Yesus bilang, “Marta e! Ale biking susa diri deng banya hal lawang! 42Mar, yang paleng panting tu cuma satu: Dengar Beta pung ajarang. Itu tu hal yang paleng bae yang Maria su pili, jadi Beta seng mau larang dia par biking akang.”
Currently Selected:
Lukas 10: ABMA
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku
Lukas 10
10
Yesus utus Antua pung murid tuju pulu orang
10:1-12
1Abis Tuhan Yesus bicara par orang banya tu, Antua pili murid tuju pulu orang yang laeng la utus dong dua-dua pi kamuka Antua di sagala kota deng tampa yang Antua mau pi. 2Antua bilang kata, “Banya orang su siap par dengar deng parcaya Kabar Bae, mar orang yang mau kasi tau akang par dong tu cuma sadiki sa. Itu sama deng hasil kabong ada banya, mar orang karja par ambe hasil tu cuma sadiki sa. Jadi, orang karja parlu minta dari tuang kabong par kiring orang-orang tamba par ambe hasil tu. Bagitu lai deng kamong. Sombayang minta Tuhan Allah utus orang-orang labe banya lai par kasi tau Kabar Bae par orang-orang yang balong dengar akang.#Matius 9:37-38
3Pi jua! Mar dengar! Beta utus kamong pi ka tenga-tenga orang jahat, macang deng domba ana pi ka tenga-tenga anjing utang.#Matius 10:16 4Jang bawa kepeng, tas, ka sandal lai. La jang carita banya deng orang di jalang biar kamong bisa bajalang tarus.
5Waktu mau maso ka orang pung ruma, kamong musti bilang par dong kata, ‘Katong minta biar Allah kasi dame par kamong samua di ruma ni!’ 6Kalo dong tarima kamong deng bae, berkat tu akang turung par dong. Mar kalo dong seng tarima kamong, dong seng dapa berkat tu. 7Kalo ada orang yang tarima kamong par manumpang di dia pung ruma, tinggal di situ tarus sa, jang pinda ka ruma laeng lai. Makang deng minong apa sa yang dong kasi par kamong, tagal orang yang karja par Tuhan tu pantas tarima dia pung ongkos lala.#1 Korintus 9:14; 1 Timotius 5:18
8Kalo kamong pi ka kota satu la orang-orang di situ tarima kamong, makang apa sa yang dong kasi par kamong. 9Kasi bae orang-orang saki yang ada di situ deng kasi tau par samua orang kata, ‘Seng lama lai Allah pegang parenta jadi Raja!’
10Mar, kalo kamong maso ka kota satu la orang-orang di situ seng mau tarima kamong, pi ka kota tu pung jalang-jalang la tabaos kata, 11‘Mala abu dari kamong pung kota yang malakat di katong pung kaki ni jua, katong kabas akang di muka kamong samua par jadi tanda par kamong kalo Allah nanti seng tarima kamong. Mar inga, seng lama lai Allah pegang parenta jadi Raja!’#Matius 10:7-14; Markus 6:8-11; Lukas 9:3-5; Utusang pung Carita 13:51
12Dengar Beta bilang par kamong! Waktu Allah putus manusia di dunya pung parkara, kota tu pung hukumang labe barát dari kota Sodom pung hukumang.”#Carita Mula-Mula 19:24-28; Matius 10:15, 11:24
Yesus tagor orang-orang yang seng mau parcaya Antua
10:13-16
(Matius 11:20-24)
13Yesus bilang lai kata, “Cilaka kamong yang tinggal di kota Korasim deng Betsaida! Biar kata Beta su biking tanda-tanda herang par kamong, mar kamong seng kasi tinggal kamong pung dosa-dosa. Kalo dolo orang-orang di kota Sidon deng Tirus lia tanda-tanda herang tu, biar kata dong seng kanal Allah lai, dong pasti su salele kaeng busu-busu deng taru abu di kapala par jadi tanda kalo dong su kasi tinggal dong pung dosa-dosa.#Yesaya 23:1-18; Yeheskel 26:1—28:26; Yoel 3:4-8; Amos 1:9-10; Sakaria 9:2-4 14Jadi, waktu Allah putus manusia di dunya ni pung parkara, kamong pung hukumang nanti labe barát dari kota Tirus deng Sidon pung hukumang. 15La kamong yang tinggal di kota Kapernaum! Kamong kira kamong nanti dapa angka tinggi-tinggi sampe ka langit? Seng! Kamong nanti dapa buang sampe ka orang mati pung tampa.”#Yesaya 14:13-15
16Tarus, Yesus bilang par Antua pung murid-murid kata, “Sapa yang dengar kamong, itu dia su dengar Beta. La sapa yang seng dengar kamong, itu dia seng dengar Beta. Deng sapa yang seng tarima Beta, itu dia seng tarima Allah yang utus Beta.”#Matius 10:40; Markus 9:37; Lukas 9:48; Yohanis 13:20
Yesus pung tuju pulu murid bale
10:17-20
17La Yesus pung murid tuju pulu orang yang Antua su utus tu bale deng hati sanang. Dong bilang par Antua kata, “Tuhan e! Waktu katong user setang-setang deng Tuhan pung nama, oras itu jua, setang-setang tu kaluar iko katong pung parenta.”
18La Yesus bilang, “Batul. Beta su lia Setang pung Raja jatu dari langit macang deng kilat. 19Beta su kasi kuasa par kamong par inja ular bisa deng kalajengking#Lagu-Lagu 91:13 deng par kasi kala Setang pung Raja pung kuasa samua, sampe seng ada yang bisa kasi cilaka kamong. 20Mar biar kata bagitu, jang sanang tagal setang-setang tu iko kamong pung parenta, mar sanang tagal kamong pung nama su dapa tulis dalang Allah pung buku di sorga.”
Yesus pung hati sanang
10:21-24
(Matius 11:25-27, 13:16-17)
21Oras itu jua, Allah pung Roh biking Yesus pung hati paleng sanang, la Antua bilang kata, “Bapa, Tuhan yang pung kuasa par samua yang ada di sorga deng di dunya. Beta minta dangke dari Bapa, tagal Bapa tutu samua tu dari orang-orang yang pintar deng yang pung pikirang tajang, mar Bapa buka akang par orang-orang yang seng pung arti apapa macang deng ana kacil. Barang, itu biking Bapa pung hati sanang.”
22Abis sombayang, Yesus bilang par orang-orang di situ kata, “Beta pung Bapa su kasi samua-samua par Beta. Seng satu orang lai yang batul-batul kanal Beta, Antua pung Ana ni, cuma Beta pung Bapa sa. Deng seng satu orang lai yang batul-batul kanal Beta pung Bapa, cuma Beta deng orang-orang yang Beta pili par kasi kanal Antua.”#Yohanis 3:35, 10:15
23Abis itu, Yesus bale muka par Antua pung murid-murid la bilang par dong sandiri kata, “Kamong tu paleng baruntung, tagal kamong su lia samua yang Beta biking. 24Dengar Beta bilang par kamong! Dolo, Allah pung juru bicara banya deng raja-raja inging paskali lia apa yang kamong lia sakarang ni, mar dong seng bisa dapa lia akang. Dong inging paskali dengar apa yang kamong dengar, mar dong seng dapa dengar akang.”
Katong musti sayang orang laeng macang deng katong sayang katong pung diri sandiri
10:25-37
25Satu kali bagini, ada guru Torat satu badiri par coba Yesus. Dia tanya Antua kata, “Tuang Guru e! Beta musti biking apa biar beta bisa hidop tarus-tarus deng Allah?”
26La Yesus bilang, “Apa yang tatulis dalang Kitab Torat soal itu? Apa yang ale baca di situ?”
27Tarus guru Torat tu bilang kata, “Akang ada bilang, ‘Sayang Tuhan Allah yang kamong somba tu deng kamong pung hati antero-antero, kamong pung jiwa antero-antero, kamong pung kuat antero-antero, deng kamong pung pikirang antero-antero.’#Carita Ulang 6:5 Akang jua ada bilang, ‘Kamong musti sayang orang laeng macang deng kamong sayang kamong pung diri sandiri.’ ”#Imam-Imam pung Atorang 19:18
28Yesus bilang lai kata, “Ale pung jawab tu batul. Biking akang biar nanti ale hidop tarus-tarus deng Allah.”#Imam-Imam pung Atorang 18:5
29Mar, biar orang pikir kalo dia tu batul, dia bale tanya Yesus kata, “Mar, orang laeng yang beta musti sayang tu sapa?”
30Yesus bilang kata, “Dengar ande-ande satu ni: Satu kali bagini, ada laki-laki Yahudi satu. Dia turung dari kota Yerusalem ka kota Yeriho. Di tenga jalang, pancuri tahang dia. Dong rampas dia pung barang-barang deng pakiang samua, la pukul dia sampe amper mati. Abis itu, dong pi kasi tinggal dia di pinggir jalang bagitu sa. 31Seng lama bagini, ada katong orang Yahudi pung imam satu bajalang turung iko jalang tu lai. Dia lia laki-laki yang dapa pukul tu su talantang di pinggir jalang, mar dia seng pastiu deng laki-laki tu. Dia pinda ka sabala jalang la bajalang tarus. 32Abis itu, ada satu orang Yahudi dari suku Lewi#10:32 Orang-orang dari suku Lewi pung karja tu bantu orang Yahudi pung imam-imam di Tampa Sombayang Pusat. Lia 1 Orang Israel pung Sejara 23:28-32. bajalang turung lewat jalang tu lai. Waktu dia lia laki-laki tu, dia jua seng pastiu lai. Dia pinda ka sabala jalang la bajalang tarus.
33Seng lama bagini, orang Samaria satu turung deng dia pung keledai iko jalang tu lai. Waktu dia lia laki-laki tu, dia langsung rasa kasiang paskali deng laki-laki tu, biar kata orang Samaria baku musu deng orang Yahudi. 34Jadi, dia pi par laki-laki tu, la sirang dia pung luka-luka deng anggor par kasi barsi akang. Tarus, dia sapu akang deng minya la bungkus akang deng kaeng. Abis itu, dia kasi nai laki-laki tu di dia pung keledai, la bawa dia ka penginapan satu, la urus dia bae-bae di situ.
35Akang pung eso bagini, dia kasi kepeng dua dinar#10:35 Dinar: Waktu itu, tantara ka orang karja dapa bayar satu hari satu dinar (Matius 20:2). par orang yang pung penginapan tu la bilang kata, ‘Bapa e, ambe kepeng ni la tolong urus dia bae-bae jua! Kalo kurang, pake bapa pung kepeng do. Nanti beta bale baru beta ganti akang.’ ”
36Abis carita ande-ande tu, Yesus bale tanya guru Torat tu kata, “Kalo iko ale, dari dong tiga tu, sapa yang sayang orang yang dapa pukul tu macang deng dia sayang dia pung diri sandiri?”
37La guru Torat tu bilang, “Orang yang kasi unju dia pung hati bae par orang yang dapa pukul tu!”
La Yesus bilang, “Kalo bagitu, pi la biking macang bagitu par sapa sa!”
Yesus kasi tau Marta soal apa yang paleng panting
10:38-42
38Waktu Yesus deng Antua pung murid-murid ada bajalang ka kota Yerusalem, dong sampe di kampong satu. Di kampong tu ada parampuang satu nama Marta. Dia undang Yesus pi ka dia pung ruma.#Yohanis 11:1 39Marta ada pung sudara parampuang satu. Dia nama Maria. Waktu Yesus ada di dong pung ruma, Maria dudu dekat Yesus pung kaki la dengar Antua pung ajarang, 40mar Marta sibuk paskali urus tamu-tamu. Jadi, dia pi par Yesus la barsungut kata, “Tuhan e! Masa Tuhan seng pastiu kalo Maria tinggal dudu sa la beta karja sandiri ka? Tolong bilang dia bantu beta sadiki ka!”
41Mar Tuhan Yesus bilang, “Marta e! Ale biking susa diri deng banya hal lawang! 42Mar, yang paleng panting tu cuma satu: Dengar Beta pung ajarang. Itu tu hal yang paleng bae yang Maria su pili, jadi Beta seng mau larang dia par biking akang.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku